大食積神的个人专页

今日要同大家介紹好野食，呢間位於北角既小辣椒好多菜式都好好食，食左好多年水準依然!星期五既晚上坐無虛席，好彩我等左10分鐘就有細枱!水煮牛肉非常惹味，淨係見到上面哥層好厚既辣油時唔好嚇親，味道其實麻多過辣, 一定唔會辣到食到! 牛肉好入味又夠軟腍，辣得夠過癮!小辣椒炒飯都好正!飯粒粒爽口，粒粒分明。入面雖然只有火腿同旦，但都好香又夠辣味!佢只係小辣唔會令你食到喊，但真係好香口，依家打完已經好想再去食!…查看更多

今日屋企人生日，諗緊買咩旦糕既時候，女朋友話不如食千層旦糕，仲提議話Lady M 好出名一定要試，所以我就豪一豪買左成個番黎。今日我揀左伯爵茶蛋糕，蛋糕用伯爵茶既cream一層一層整出黎，需要好多耐性同時間，賣咁貴果然係唔同D! 蛋糕口感特別柔軟而香滑，而旦隱約透出伯爵茶甜味，但甜而不膩。…查看更多

今日女朋友話掛住荃灣既刀削麵，所以我地特登由九龍搭成個鐘車過黎。星期日既夜晚7點，門外有一條短短既人龍，不過我地等左10分鐘就入得，但要同人搭枱。一坐低我地就點左牛腩同豬大腸刀削麵，刀削麵依舊咁彈牙煙軔，最正係佢既湯底，唔知係咪加左味精既關係，真係會令人上癮。豬大腸辣辣地唔會太肥，女朋友都無嫌棄，而牛腩反而太瘦，有D乾爭爭既感覺，下次都係叫番豬軟骨!…查看更多

士林豬手麵平時久唔久黎元朗都會食士林出名既牛肉麵，今次諗住試新野所以叫左豬手麵…但見到無一枱人點豬手麵所以有D擔心!豬手麵既麵底同牛肉麵口感一樣，都係好煙軔好彈牙，而豬手燜得好入味，而且夠腍身，大大件份量十足!呢度唯一既唔好處係坐得好迫，同對面陌生人既距離有D近，所以都係快快醫完肚走唔好阻住個位。…查看更多

今日又介紹中環午餐好去處!呢間餐廳12點開門, 11點45分已經開始排緊隊，而大部分以外國人居多。今日我又同D外國人排埋一份，準時12點入座!我叫左是日午餐內既炸雞撈檬, 一個餐仲包埋前菜，我就揀左沙律。講番炸雞撈檬，炸雞係已去皮去骨既雞肉塊，外層好香脆又唔油膩，而內層雞肉肉質鮮嫩，仲有肉汁添!加埋D撈檬專用酸辣汁，真係食完開胃又醒神，咁多人排隊都係正確既! …查看更多

呢間雪糕店出名好平，十幾蚊有兩大球雪糕，仲有好多味道比你揀。今日見到有好多妹妹仔排隊買，女朋友又買埋一份，但食完好後悔！我地揀左冧酒同蕃薯味...唔知係味太特別既關係所以做得唔太好...冧酒一啲酒既香味都無...只係得甜味，而蕃薯味有啲啲甘甜既蕃薯味既，不過真係好少，所以我建大家都係揀番朱古力雲厘拿呢啲大路野！ …查看更多

今日落雨又唔知去邊食，所以諗都無諗就入左翠華。新裝修完既翠華多左一份空間感同整潔左好多。因為午餐套餐唔係咁啱胃口，所以散叫左個乾炒牛河。牛河份量好多，如果兩個女仔黎share一碟我都覺得可以！但師傅好似落油落重手左，成碟野都反曬光。好彩牛肉都有好幾件而size都幾大，又唔會太硬，不過下次我唔會再食呢樣喇！ …查看更多

女朋友要黎葵涌廣場行街，行到肚仔餓就響呢度搵下好野食。過左繁忙時間都仲見到呢間野好多人，咁即係應該唔錯啦！我地有老細既幫忙下得到兩個位，一坐低就叫左鍋貼同雜餃麵。鍋貼賣相吸引，粒粒漲卜卜，但因為佢係一次整左好多既關係，我呢幾隻已經放到唔熱，不過暖暖地都仲幾好食。入面既豬肉份量好多，咬落啖啖肉，而外層雖然唔夠脆，不過厚厚地皮又幾好咬口。 我地仲食左雜餃麵，麵身煙軔有口感，而上面仲加左肉鬆，咸咸地好開胃，咁創新既配搭抵我比個讚佢！ …查看更多

平時行尖沙咀sogo 都無留意原來有超級市場，入面行到最入仲有野食賣。女朋友又扭計話要食甜野，見呢度有鯛魚燒幾得意，又有幾種口味所以買黎試下。 我地揀左吉士同朱古力味。因為吉士係新鮮出爐既關係，所以熱辣辣，入面既吉士醬帶甜甜既奶黃味道，而外層唔算香脆。朱古力因為放左一段時間既關係，只係暖暖地，而朱古力味道太甜，又唔夠熱，食左半個已經好想放棄。…查看更多

呢間日本烏冬專門店真係好正！大家要先揀左要既餐，再後加配例如炸蝦，南瓜，仲有壽司添，最後就一之過埋單自己搵位坐！我今日要左醬油烏冬加炸野菜同溫泉旦！不得不讚佢地既溫泉旦，真係以為自己去左日本。粒旦由外到內都好滑溜，中間一咬開既時候啲旦漿不斷流出黎，好幸福！而炸野菜因為啱啱炸起，所以熱辣辣，不過有啲油，但一件既份量好多好抵食，而且好香脆，我仲點左啲汁食添！呢度最好既一定係烏冬，非常彈牙煙軔，我仲未搵到一間餐廳以呢個價錢可以取代到佢！…查看更多

女朋友出親街都要食甜品，今日黎到佐敦見到呢間宏，見到好似係抹茶專門店，又好似幾多人食，咁就入左去。我地點左抹茶窩夫：窩夫上枱既時候夠熱，但唔夠香脆。外層有啲林林地，食落都唔夠香，好似食緊無味既麵包咁，而上面既抹茶雪糕有抹茶甘香，但偏甜同奶味較重，我都係鐘意帶苦澀味再回甘既抹茶多啲。 之後就食左卷旦，卷旦又幾好食！中間既cream 好綿密好creamy! 而旦糕好軟熟好有旦香，呢個加番好多分！…查看更多

今日同女朋友特登黎元朗行街街，突然見到有間鋪門外聚集左好多人，仲以為有野派，睇清楚原來係排隊買豆腐花。睇過開飯，原來呢間咁好評，所以我都排埋一份！我地揀左響現場食，可以平1蚊外賣錢。豆腐花好香滑，食落有豆香，唔似街邊啲豆腐店落太多石膏粉所以完全無味！而豆漿更加好味，非常香濃！夏天飲好解渴！…查看更多

又黎介紹中環平野食！今日係同乾介紹我食既三多，響body shop對面轉落去既斜路，平時又係12點黎都有位，12點搭三就成日排長龍。一坐低二話不說點左雲吞麵，好快就有得食。呢度既雲吞麵之所以咁抵食，因為一碗有4粒，4粒雲吞大到差不多覆蓋曬成個碗。一咬落去已經感覺到入面好多蝦，所以好彈牙！蝦既比例仲要多過豬肉，難得日日排長龍！ 仲有麵同湯底都好得嫁！麵夠爽口！正…查看更多

今日女朋友話要食葡國菜，香港又無咩出名既葡國餐廳，咁啱朋友話海港城開左關有海景既餐廳，咁我地就黎試下。我地點左個葡撻先....因為預成整好成底，所以上枱既時候只係暖暖地，食落唔夠香甜，旦味唔夠突出，都係kfc好食啲。 再黎食左個 招牌春雞，招牌菜又係麻麻地，隻雞有啲乾身，附設既類似沙嗲醬味道一般，唔夠惹味，不過雞算係幾嫩滑，$98有成隻雞開心下都幾好。 …查看更多

放假去左九龍灣行街，見到淘大呢間大阪王將咖哩屋都幾有趣，裝修企理而價錢合理，於是又試一試。見到餐牌有天津飯，唔好誤會呢個飯同天津有咩關係，但據我所知都幾多日本人鐘意食，反而無咩香港人識。呢度既天津飯可以自己揀飯，旦，汁同配料。我就揀左元祖旦同炸雞。元祖旦幾滑身而唔會太老，炸雞炸得金黃香口，食到停唔到口。 黎呢度一定要食招牌餃子。餃子一如既往地好，外層香脆內層肉多又多汁，粒粒漲卜卜，好抵食！ …查看更多