irenelpm的个人专页

以前放lunch成日過黎食飯，自從換公司之后就好少嚟，隔左半年再試，水準都完全keep到。今日因為係週末，3點到左都要排20分鐘隊，證明呢度真係好受歡迎裝修都好有特色！叫左一個蔥油豬扒麵+炒蛋，上菜速度好快，但相信都係落單即炸嘅。蔥油真係無得輸，聞到咁香就即刻食指大動豬扒果然係呢間鋪嘅招牌，皮非常香脆，肉唔會乾，好juicy但係無論幾肚餓都食唔細，份量實在太多啦，對女仔嚟講一定食淨。炒蛋正正常常，麵條好有咬口，唔想食飯嘅人都可以試下。整體嚟講好抵食，以呢個價錢食到咁大碗又香脆嘅豬扒麵，絕對值得推薦。…查看更多

同朋友兩個人一齊嚟食，雖然係好近地鐡站，但我地搵左一陣先見到係邊。上到去好快就有位，可能我地早去，走果陣好多人係門口排隊。食物選擇都幾多，坐係位到見到一大本ORDER紙，出面另外仲有沙律區同幾款小食俾你任拎，不過ORDER 紙都已經有好多款食物可以揀。出邊嘅熟食有章魚小丸子同埋葡撻，兩樣都試過，葡撻細細粒一啖一粒，個皮幾鬆脆。章魚丸子入邊真係有章魚，而且仲大大粒，個皮食到少少雜菜唔止係粉漿。講下我地叫左Ｄ咩，我地ORDER左”御品鮑汁燴花膠”，味道有少少淡，不過好大份、好抵食。而”黃金焗帶子”就麻麻地，咁大個錫紙兜粒帶子SIZE 應該係得一半，但味道唔錯。其他燒物算係咁，”串燒蕃薯仔”好香好甜，一啖一粒好滿足，”芝麻雞翼” 食落都好香，反而”鐵板牛柳粒”唔知係咪煎得太耐，咬落韌左少少。叫咗牛油炒雜菇，一上枱已經聞到好香牛油味，但食落呢又唔會太油。炒雜菇真係有好多唔同種類嘅雜菇，呢個係推介最後我地嗌埋燒菠蘿，同埋最後一定要拎埋雪糕，食到飽一飽好滿足。…查看更多

因為約左朋友喺觀塘行街，見到小火焰openrice評價相當好，所以一早就book左枱。建議大家週末都要預先book定，因為真係好多人排隊！真係座無虛席！黎韓國餐廳點可以唔食炸雞，其他地方好少有提子乾炸雞，所以就試下啦！雖然提子乾會跌曬落枱食唔到，但本身已經淋左honey，甜甜地夠曬味，而且雞入面嘅肉汁仲喺度。但下次再黎應該會嗌其他炸雞試，相信可能更好食。呢個係招牌菜呀好受歡迎咁，上面嘅雞翼淋左柚子醬，少少酸甜味，好fresh~年糕會有少少辣，但好入味，同喺韓國食嘅冇分別，맛있어요！本身對呢一道菜最冇期待，以為拌飯都差唔多，但呢度嘅비빔밥係我覺得今晚最好食嘅首先waitress 好貼心咁擺底韓式辣椒醬等你自己加，再加埋蟹籽同拌飯原來幾match，食到停唔到口，推薦大家去試。觀塘附近選擇唔算好多，呢度食物好味，價錢又唔貴，難怪咁多客人啦！…查看更多

約左兩個朋友平日lunch過黎試新野食，雖然棟大廈唔難搵，但上到去竟然差d搵唔到個門口原因係餐廳大門都係關住而且寫上只供會員進入，好搞鬼真係好鍾意呢間餐廳嘅環境，雖然平日lunch食完飯仲要去番工，但周圍好多花草佈置好有假日偷閒feel，可以好好咁放鬆一下心情因為3個人所以嗌左3個set lunch share，但一上菜就知大鑊，每樣份量都相當大。首先就係差唔多枱枱都嗌嘅饅魚蛋包飯，呢個配搭絕對唔會難食嘅，但味道亦唔特別，饅魚多骨食起黎要小心。呢個冷烏冬就有d失望，材料唔少但略淡，蝦感覺唔算新鮮。呢個pizza係最好食嘅，可惜因為份量太多亦係食剩得最多嘅。其實每樣野食都唔難食，但正如店名一樣麻麻地啦不過不失，食野注重環境嘅人倒不妨過黎一試。…查看更多

見到呢間openrice評價相當高，仲要喺米芝蓮店，所以食完晚飯就過黎食甜品。位置就喺he she eat轉角，附近有好多間甜品店對手。可能因為過黎嘅時間尚早，啱啱係晚飯時間8點左右，唔使等位就入到去，但其實都算full，可見呢間係受歡迎嘅～都係叫左3個甜品share。第一個係earl grey奶凍：雪糕冇咩好講，但奶凍好食奶味重，earl grey味唔會太搶，兩者好夾，又唔會太甜。係最推薦嘅一款甜品。另外係因為店家推薦而嗌嘅芭菲。食完飯再食佢都相當有罪惡感，因為係焦糖口味一定會偏甜少少，但可以接受，啫喱味道都唔會假，一定要撈混食。呢個都唔錯完全明白點解會係推薦餐單。其實呢味都唔差，但平心而論同其他鋪頭食到嘅冇咩分別，冇咩特色，對綠茶情有獨鍾嘅人都可以試下嘅。埋單180，人均60唔算平，但有番咁上下質素嘅。…查看更多

可能係時間尚早，難得和民唔使等位就入得，唔知想食咩嘅時候，和民會係一個好選擇，因為餐牌非常多元化。因為3個女仔食得唔多，只係嗌左3樣野share。沙律相當足料，上枱時大家都嚇左一跳。材料如圖所見，除左沙律菜同雞肉，仲有蛋、蝦、水果、青瓜等等，3個人食都有剩。每次黎和民一定要叫石鍋飯，呢次都不過不失，為左避免飯焦一定要keep住不斷攪。食完唔係好推薦嘅海鮮鍋，已經唔係要細鍋，但感覺只係得d蜆肉，而且價錢唔算抵食，可以唔試～最后埋單3xx，人均115算抵食。…查看更多

平日中午時間，為左食越南野就bk左品越。但係呢間餐廳嘅位置有d難搵，因為佢雖然地址喺雅蘭中心，但就唔係喺平時正門果度上去，而要行到山東街嘅側門上樓梯，所以都花左d時間問路。之前有試過中環分店，覺得唔錯，所以期望都幾高。就旺角餐廳黎講，呢度裝修唔錯，而且幾多位，位置又難搵所以平時都應該唔使點等位揀左一個春卷撈檬嘅午市套餐，一般撈檬都係安全嘅選擇，今次都唔例外，春卷都好脆好好食。另外+$8要紅棗桂圓茶，細細杯好足料，所以有d濃有d過甜。呢個就好唔推薦啦！米紙好厚冇味，虎蝦比想像中細...唔係太值呢個價。以午餐本身黎講，價錢唔算貴，味道都正常，但建議唔好加$試小食啦。…查看更多

之前已經陪屋企人黎過幾次，每次都係周末朝早。每次大概10點幾黎到，雖然客人好多，但都唔難搵到位。呢度嘅點心真係大碟又抵食～而且食物質素都相當唔錯架！其中比較推薦嘅有豉油鳳爪，每次必點！腸粉都好足料～粉絲睇落以為會好淡，實際食落味道啱啱好，適合食齋嘅人。另外比較值得一提就係個薄撐，好薄好香口，食落唔會覺得麵粉太多。最后通通食清光埋單都係$3xx由上面嘅相都見到食物款式好多，上菜速度快，價錢抵但又唔會偷工減料，所以好推薦大家同屋企人黎試下。…查看更多

旺角越式餐廳唔少，呢間算係幾多好評，所以過黎試下。裝潢都幾靚，同行嘅小朋友都好鍾意，而且仲會有越南音樂聽因為係平日午市時間黎到，最抵梗係食set lunch啦，其實同餐牌價錢差唔多，但會多左餐飲同小食。蒜香牛柳粒飯豬頸肉炒飯以上兩個飯都係一般，牛柳粒份量幾多，但唔算嫩滑。豬頸肉幾香唔韌，但炒飯就有D乾。蝦餅撈檬食越菜最鍾意就係撈檬，係一個相當安全嘅選擇，呢度嘅蝦餅炸得好脆又有蝦嘅香味，好好食～生牛肉河粉越南河粉真係冇得彈，地道嘅湯底，送上枱后無幾耐牛肉先浸熟，所以仲好滑好好食。我地食完仲要encore兩個先夠本，最后5個人嗌左7個餐同場加映：滴漏咖啡午市真係好抵食，附近返工嘅人可以黎試下。…查看更多

因為親戚想食放題，比較過各間假日午市放題嘅價錢，發現夢工房性價比似乎幾高，雖然遠一D都專登黎試下。地點唔算難搵，由葵芳站A出口轉左，見扶手電梯一上就到。放題必點當然係刺身啦，三文魚幾新鮮幾好食，但甜蝦刺身就有D唔係好新鮮，而且唔知係咪天氣熱啦，好快D冰就化做水，未食完嘅刺身濕立立，口感麻麻地，所以建議一上枱先分好刺身，再食其他野。反而壽司就完全冇呢個問題，蝦都夠新鮮，推薦！天婦羅同燒物都算唔錯，比較唔推薦係鹽燒秋刀魚同羊架。飲品方面一般罐裝飲品都齊，特別欣賞可以任斟梅酒同清酒，好鍾意呢度嘅梅酒甜品方面除左一般餐廳自製嘅tiramisu、布甸等，仲有yoghurt、豆腐花，都幾豐富架～最后重點推介～呢度雪糕雪條款式特別多，鍾意食雪條嘅朋友一定唔可以錯過！總括黎講，雖然午市比晚市少左唔少選擇，但一分錢一分貨，而且都有好多唔同款式嘅野食（今次無肚食手卷，下次一定要試！），我認為絕對值得再黎食！…查看更多

親戚想食放題，咁啱瓊華個位就腳，就決定4個人一齊去試下。可能因為係平日午市，客人唔算太多，訂左枱即刻就入得。去到先知原本平日仲有set lunch揀，價錢唔貴，打算下次黎試下。有成個飲品雪櫃任拎，而且仲可以寫紙嗌特飲。試左藍糖白桃梳打同紫貝天葵白桃梳打，藍糖較甜，紫貝天葵好開胃，顏色鮮豔小朋友都好鍾意。落左單冇幾耐刺身上枱啦～各款刺身都好新鮮，最鍾意三文魚刺身同大赤蝦刺身，三文魚夠肥美，赤蝦多肉大隻，呢個價錢比到咁高質素嘅刺身，絕對抵食！另外燒羊架都好值得推介，我平時好少食羊肉，因為燒得唔好或者羊肉唔靚就會好騷，但呢度食嘅羊架完全唔怕，好好食～仲有炸物同天婦羅即炸即上枱，香口夠脆。最后食埋甜品同haagen-dazs同movenpick雪糕，非常滿足…查看更多

周末約左幾個朋友一齊午餐，沙田好食嘅餐廳唔多，所以揀左環境一流嘅La Terrazza試試。午餐嘅價格比晚餐低好多，而且中午嘅景色都唔錯，餐廳外面就係沙田公園同城門河，除左好友聚會，都幾適合情侶黎撐枱腳。晏晝黎到唔使點等位，不過餐廳都算full。揀左4個set然後大家share黎食，飲品方面不約而同都係要蘋果茶，唔算太甜又有蘋果香味，幾好飲。餐湯係蘑菇忌廉湯，餐包蘸黑醋好好味又健康。主茶就分別有燒春雞、三文魚意粉、焦糖蘋果豬扒、香煎魚柳四款。四款主菜賣相都好精緻，味道亦都合格。燒春雞份量好多燒得啱啱好，三文魚意粉一般，蘋果豬扒幾特別，甜甜地適合女仔食。魚柳嘅話一人份量恐怕唔夠飽不過整體黎講，黎呢度食環境都夠，食物都係其次。…查看更多

因為屋企人鍾意食齋，我都食過香港唔少出名嘅素食店，之前都有幫襯過尖沙咀果間大自然素食，感覺唔差，所以今次試銅鑼灣呢間。餐牌同之前嘅都好相似，今次叫左1個2人套餐，價值hkd248, 食物都尚算豐富，2個女仔食唔曬要打包。木瓜雜菜沙律雖然食唔出木瓜，但生菜同各款水果（草莓、藍莓、柚子）嘅配搭唔錯，好清新。沙律醬稍嫌厚重。燒汁野菜牛柳粒呢道菜冇咩特別，牛柳粒應該係豆干，不過三色椒同紅蘿蔔都幾入味。日式鰻魚炒飯炒飯有D乾，饅魚都算似，唔係好食得出用咩材料，整個飯用料十足。三色刺身及軟殼蟹卷食到一半先醒起未影相所以三色少左一色（鮑片刺身）。三款刺身好爽口，味道差別唔大，但都幾鮮甜。軟殼蟹卷有沙律醬淋面，入面有香脆嘅炸物，整體味道不俗最后埋單連茶位合共303（兩位），唔算太貴但亦唔算好抵食，勝在唔使等位即刻有得食。…查看更多