Jen WI的个人专页

見到餐廳有唔少like, 今日下午茶去試下。點咗朱古力金沙西多茶餐，掃街拼盤，都係劣食...拼盤小吃温度唔熱，燒賣同open rice食評嘅圖完全不符事關係炸嘅，三文魚甜筒個甜筒腍晒，煎釀三寶似劣質天婦羅而唔係平時街頭嘅傳統港式煎釀三寶，西多並冇茶餐廳外脆內軟嘅口感，係凍同腍! 較正常只係手打檸茶。真係深水埗小檔都好食100倍!你收咁嘅價錢交呢啲quality 好唔好意思呢？咁嘅質素唔怪得港人北上消費...性價比太太太差!…查看更多

呢間自助早餐嘅選擇係多嘅，但質素真係未達標。點心部嘅廣式點心相當難食，例如牛肉球冇芫荽香味，食落texture似魚蛋; 燒賣冇豬肉香味; 煎餃個皮仲有啲硬; pancake食落仲有啲粉; 义燒包尚算正常....試過唔同酒店早餐buffet, 質素會有參差，但有咁多item中伏實屬罕見。另外最"特別"係有街頭多款煨蕃薯做buffet item結果唯有食安全系數較高嘅多士煎蛋同水果頂住。我未試過香港自助山，經歷過澳門呢間應該唔會考慮。…查看更多

見menu上嘅選擇幾健康想一試，排了20分鐘入坐算合理，但一直冇提客人已冇白飯(或將會冇)...,,入座後再排隊等買嘢，cashier完全冇指示冇飯，到要order個收銀嘻皮笑臉講話冇白飯只得麵包，我想問呢間餐廳點做service? 是否以浪費客人時間為樂？一間冇飯餐廳點做生意(你唔係cafe可以冇飯)，最離奇你唔係soft opening, 冇預計peak lunch hour 煮飯嘅量？真係騎呢，大家唔駛去試!…查看更多