CrystalMak6593的个人专页

7:30食到11:30枝豆之後等咗45分鐘，食完蠔再等咗40分鐘佢哋俾個解釋係因為另外一台客話要食快餐，所以就叫我哋呢台要等然後上到嚟老闆話唔知道我哋呢台咁認真前前後後催咗成10次都有佢好意思拎支酒上嚟，諗住笑笑口扮冇事發生仲要話唔知我哋咁認真？話我地無反映比佢地喎其他枱係客 我哋唔係客？咁點解我地要等？咁樣都比1分佢都真係算俾面食飯食到咁受氣都係第一次我地態度好係我地有教養 唔代表我地就值得捱餓做唔到咁多單就唔好做！…查看更多

行過見到啲咖啡店唔使排隊，所以就入去試吓入邊座位同客人都唔算多 但一杯咖啡 一份多士等左超過半個鐘頭個咖啡冇乜味…..多士個包好似係啲擺咗好耐嘅麵包個質地好古怪三個店員除咗講嘢傾偈同埋講粗口似乎都冇乜做過野特別係一個身形高大嘅長髮女仔講嘢好爛口….. 冇一句係冇粗口字眼夾雜如果你哋係假日想休息一下就千祈唔好嚟呢間可以店員傾偈仲大聲過啲客傾偈嘅舖頭算係小見佢有好多黃明信片但真係唔係藉口可以整到啲咖啡同埋食物咁難食…………查看更多

平時好少過黎呢邊上網見到呢間就黎試下一向都中意呢種煙韌波堤donut 但香港唔知邊到有得食有一個餸一個烏冬/飯 自己搭配再加一個好出色既donut 😍😍😍都係一百蚊唔駛我就揀左壽喜燒肥牛同櫻花蝦烏冬兩樣餸都夠香 但個蝦湯底有少少辣😂跟餐既甜品都一啲都唔hea開頭諗會唔會係細size 但都侜正常既donut size質地做得好好 夠香 煙韌 但佢又唔會好油淋淋咁主食既話都唔錯正常質素 對得住個價值有餘～～～大推！…查看更多

睇完佢個裝修咗睇埋佢個Menu都大概估到係茶餐廳style嘅西餐未試過咪試吓囉大啡菇洋蔥圈都還可以嘅一嚟就不得了喇😀先由個小食開始講啦嗰個炒菇重酒味到我驚我男朋友食完揸唔到車，咸到苦！然之後鴨肝意大利飯竟然！竟然比我食到蜜糖星星味！仲要係生燕麥加奶加蜜糖星星煮過再雪再整返熱個口感同埋質地！🌝意粉入邊嘅魷魚有浸鹼水味，一開始嘅時候姐姐好細心話可能會有少少辣㗎但係食落口全部都係胡椒味🌚小姐胡椒味同辣味好似有啲分別㗎喎😂去到豬肋骨我哋連comment嘅力氣都冇只有六個字：美珍香豬肉乾窩夫係硬㗎係硬㗎！！！！最正常嘅就係份牛扒😀我哋通常都唔係浪費食物嘅人但係今次真係忍唔住 擺呢啲食物落我個胃度簡直就係侮辱我個胃…查看更多

情人節食完飯渣車黎過黎態度好nice我未拎返銀包都幫我做左張單不過呢 除左榴連小丸子好味芝麻糊 奶凍同多芒都好似太稀 唔夠甜唔足料可以做好啲！要加油啊好希望小店可以做得住…查看更多