大食花花的个人专页

散水餅來來去去唔係高級cake shop 就係平價連鎖西餅。 今次個同事超有心安排某APP送貨，叫咗奶蓋茶+蛋撻，為返budget都唔洗$60位，雖然比平時貴咗少少，但係個個超開心😋 我點咗茶狼既日本山梨縣鮮桃奶蓋四季春，奶蓋幼滑，唔會噠喉，飲完個口唔會有膻味。 桃味同茶味剛剛好，飲落去唔似用糖漿好假既水果味，而且食到粒粒桃蓉。 我叫咗30%甜50%冰，完全符合我又怕太甜又怕太凍既中女口味😝 飲完一D都唔內疚而且覺得好fresh🍑…查看更多

豐信餃子店得到飲食雜誌實試太子5大人氣餃子店最高分，所以我專登過黎試。可惜第一次黎到佢剛剛D電有問題，不斷跳制但都繼續幫客人落單。 我本來覺得咁遠黎到咪等下囖，但係等等下完全無嗮聲氣，店員又無任何表示，咁我最後都走咗因為無燈無冷氣，個個係到靜等氣氛好古怪 。之後我走咗去之前食過都幾好食既手作餃子。今次終於比我試到豐信，但係真係好失望。唔知係咪出咗名之後品質下降定係根本比咗錢雜誌打廣告。完全同個專訪描述不符。描述: 椰子海帶雞豬骨湯有甜味，湯底都不遜色，每日至少煲四小時，一喝就知真材實料，誠意可嘉。現實: 完全無肉既鮮甜味，只有淡淡既椰子味，簡單黎講完全無味，好似D溝稀咗好多既湯麵湯底。圖片可見，D湯好似平價湯麵鋪果D湯底咁，又淡又稀。描述:餃子即叫即包，豬肉要新鮮，三分肥七分瘦才夠滑。現實: 我完全睇唔到或食唔到肉既存在。何謂新鮮豬肉三分肥七分瘦?…查看更多

超愛食日本野既我😋 生日可以唔食鮑參翅肚，但係一定要食靚既日本野。食omakase 要坐吧檯，但係朋友們都唔介意，我地一行10人坐滿吧檯😂氣氛超好👍一邊食一邊飲一邊欣賞師傅處理食材， 絕對唔會有悶場。佢地D食材真係好新鮮，成條魚係我地面前起皮去骨，唔係果D已經切好一舊舊，再係你面前切片果D。 因為呢間店我哋成日嚟食，師父竟然準備埋蛋糕，仲要係個日本主廚親自捧個蛋糕出嚟超窩心💖💖💖 …查看更多

其實呢間餐廳由佢剛開業到而家都1年，我亦都幫襯咗佢一年😂 最主要點解我成日嚟食， 因為環境靚，食物好 ，廚師友善， 價錢合理。 完全唔符合我消費模式😋 老公生日、阿女百日宴、公司搞聚餐、朋友飯局， 我都喺度搞因為一定會滿意。 我同老公最鍾意坐吧枱食Omakase，因為可以一路食一路同廚師傾偈， 睇住佢點樣處理啲食材亦都係一個享受。 廚師雖然知道我哋鍾意食乜嘢，但係次次都會有啲驚喜會有變化， 所以就算食咁多次都唔會悶。 …查看更多