ykk1230的个人专页

星期六晚上和朋友一起去吃飯，揀咗呢度食尼泊爾菜！見到網上啲食評都唔錯，可以試一試！我們就叫咗三款不同口味的小食和主食，有香料醬酥炸球，一份有8粒，內餡係薯蓉、脆片加一啲香料混合埋一齊，中間有一壺汁倒入一齊食，食落有點辣，口感唔錯！然後叫咗尼泊爾餃子(MOMO)，可以要求一半炸餃子一半蒸餃。餃子size都幾大隻，入面啲肉爆饀，食幾隻可能都幾飽。最後叫咗燒烤豬肋骨半排配薯條，豬肋骨一般般，肉質比較硬，但可以接受啊！…查看更多

我哋今日去試試喺九龍灣嘅台灣菜-九份飽，6點半來到門口開始排長龍，建議早點去等位先！我哋叫咗：滷肉飯（大）一碗飯嘅份量可以兩個女仔一齊share食，碗上嘅滷肉偏肥，跟半隻蛋，醬汁唔會太鹹撈埋啲飯幾好食。鹽酥雞一份大概有10幾粒，一口size，炸得幾香口，肉質嫩有汁！甜不辣份量幾多，但感覺上炸得唔夠脆，口感一般！台灣香腸細細份，切薄片配蒜頭，可以過下口癮。肉鬆起司蛋餅蛋餅皮薄，肉鬆和起司味道幾夾，好食！雙層起司蛋餅超多芝士咬落有拉絲，感覺還好！…查看更多

年三十和家人來這間茶居一齊食晚飯，座位坐得舒適，裝修新穎。我哋叫咗：楊州炒飯炒飯好有鑊氣，d飯粒粒分明，配料有叉燒、蝦仁、雞蛋、菜粒，味道唔會太鹹而且好夠味！叉燒包普通味道，但比起出邊街邊檔好食。臘腸卷一籠有兩個，內𥚃的臘腸好大條。蝦餃好大隻，裏面有一粒半嘅蝦仁，一籠有四粒。鮮竹牛肉好新鮮，唔會伏，有咬口！糖不甩有好多椰絲花生碎喺面，幾大粒，味道不錯。流沙煎堆仔外脆內軟，咬落非常有口感，煙煙韌韌，內餡有少少流沙，值得推介。雙皮奶有點失色，感覺一般，似普通燉奶多啲。…查看更多

星期日和家人們一齊去咗大角咀嘅老掌櫃東北菜館食晚飯，雖然早已book位，但門口有好多人排隊，所以都要等一等先可以入座！我哋叫咗：北京填鴨（全隻）跟24塊面皮，鴨片切得很薄，皮脆內嫩，有90分！好抵食啊！鴨兩食-茄子炒鴨架，炒出來很大碟，茄子炒得夠淋，鴨件亦很入味。乾煸四季豆，炒得好夠鑊氣，有少少豬肉碎。蝦蛋炒飯，蝦好大隻，正常味道，飯粒粒分明。雞絲粉皮，有蘿蔔絲、青瓜絲、麻醬撈埋一齊。高力豆沙，必食甜點，炸得趣卜卜，內餡係紅豆，上邊有啲白糖點來一起吃。…查看更多

最近呢間位於大角咀嘅韓式大排檔網絡上很有名，所以和朋友們一齊去試吓先🤩我哋叫咗宮廷燉牛肋骨窩（一份有四大塊牛肋骨，湯底很鮮甜，配料很多，可以幾個人一齊食），韓式牛肉炒粉絲（啲粉絲索晒啲汁好入味，但唔會太鹹，牛肉冇雪藏味），韓式炸雞叫咗兩款，每樣半份，份量都幾多，雞肉會唔會炸到好老，咬落有肉汁（柚子味-酸酸甜甜幾好食）（甜辣味-有少少辣），脆炸年糕配韓式辣醬（不過不失冇咩特別），泡菜豬肉紫菜包飯（一般，內餡味道可以更入味啲）整體來說，呢度係聚餐好地方，食物質素中上，但價錢有點偏貴。…查看更多

之前有好多雜誌介紹，海港城新開了一間Bape cafe，除咗有嘢食仲有bape嘅服飾可以選購。星期日好好彩唔洗排隊等位，服務員態度都唔錯有禮貌！我哋叫咗北京填鴨薄餅、煙三文魚卡邦尼配三文魚子、松露薯條，飲品有熱朱古力、菠蘿奶昔！北京填鴨薄餅：用薄餅皮夠香脆、味道不錯，但配料有點少，只有三色椒、蔥和煙鴨胸肉！煙三文魚卡邦尼配三文魚子非常推介！因為煙三文魚嘅配料十足，而且意粉軟硬度適中，非常多汁又creamy！松露薯條薯條分量都有幾多，味道正常夠脆口，配松露他他醬。熱朱古力會有品牌logo係上面，打卡一流！菠蘿奶昔味道唔會太甜，ok!…查看更多

星期六和朋友放工去happy hours，選擇咗呢間手工啤專門店一齊吹水飲酒開心一下！呢度餐單上的小食選擇不多，所以就叫咗比較出名嘅炸薯條（用粗薯條炸得好香口、而且放耐咗都冇咩變淋，好好食！配埋芥末醬好夾、好特別）、魔鬼炸午餐肉（用面包糠包住一大塊午餐肉，一份有6塊，味道不過不失，但最吸引係離遠處都聞到好香，唔錯呀！），仲有台灣香腸（黑椒腸+墨魚腸雙拼，份量不多，可以過下口癮）手工啤有19種選擇，可以問下店員有咩推介再作決定！…查看更多

早幾個月食過一次，今次再和一班朋友一齊來食晚飯。我哋叫咗：南越炸豬肉春卷（6條）一口size，炸得香脆，內有豬肉碎。南越蟹肉醬配脆球一份有5個脆球，蟹肉撈埋沙律醬幾好食！咸檸豬頸肉撈檬豬頸肉醃得好入味，配菜和米線分量都幾多，略嫌檬汁的味道比較淡。串燒（牛肉、雞肉、豬肉各2）整體味道不過不失，配花生醬。烤雞配青蘋果條烤雞肉質嫩，值得一試；青蘋果條配酸辣醬，幾特別！扎肉心米紙卷普普通通，味道可以接受的！飲品方面如喜歡新奇的東西，可以試吓這裏的特飲。…查看更多

星期六晚上和朋友一起去吃飯，walk in去咗呢度位於銅鑼灣fashion walk嘅second daft食嘢飲酒吹水😀我哋就叫咗幾款小食來佐酒，有好出名嘅大坑薯條，用幼身薯條上面有一層孜然粉覆蓋住，香脆可口，配千島醬！必食嘅啫啫雞翼煲，雞翼約有10件左右，細細件一口size，重口味之選，用水牛醬藍芝士撈定，好惹味啊！仲有腐乳卡邦尼，中西合璧之選，腐乳x意粉估唔到又幾夾喎！食落又唔會太鹹！手工啤有好多選擇，可以揀自己鍾意嘅啤酒試吓。…查看更多

星期六晚上和朋友們食完晚餐，就去咗呢間位於女人街嘅甜品小店食甜點。舖頭門面細細，如果繁忙時間可能要等位…我哋叫咗：特濃朱古力心太軟心太軟大約製作需時10分鐘，賣相非常吸引，配有士多啤梨、藍莓和自選一球雪糕。心太軟外脆內軟，流心控制得剛剛好，下面有一些脆脆，撈埋食落好有口感！焦糖燉蛋配紅豆、雪糕夾餅賣相非常好，雪糕夾餅內有吉士醬和紅豆，唔算太甜，口感有層次，餅底焗得香脆！燉蛋很滑，入口即化，上面一層焦糖配少少水果粒！甜品質量非常高，性價比超值！定價不算太貴，值得支持小店！…查看更多

呢間泰國餐廳網絡上有好多好評，所以特意和朋友一起來試試啦！我哋叫咗：炭燒牛肉串燒沙嗲串燒一份有四串，牛肉燒得有點乾，比較難咬開，配沙嗲汁。炭燒豬頸肉配酸辣青醬豬頸肉的份量都幾多，每塊都有燒焦的脆香味，厚薄適中，值得一試！馬薩拉奶油咖喱雞內有很多配菜，薯仔、蓮藕、秋葵、茄子都有！但雞肉份量很少，而且肉質非常乾淨淨！配菜幾乎沒有索味吸汁，感覺像白烚然後再倒汁在上邊一樣，咖喱汁的味道也不夠濃烈…油酥手抓薄餅一份有三塊，炸得香脆。泰式虎蝦金邊粉有兩隻大虎蝦在上面，金邊粉煮得比較淋，但味道還可以！飲品方面味道不過不失！…查看更多

星期六和朋友們一起去吃呢間人氣cafe,大約2:30pm來到需要在門口排隊等位！（建議預早少少時間排隊）威靈頓春卷有6小塊，用春卷皮包住，炸到外皮香脆，但𥚃面舊肉比較難咬開，有點韌。北印蕃茄咖哩炸雞窩夫雞肉炸得剛剛好，有2大塊，窩夫的味道幾特別，有咖哩味，幾鬆軟！鐵鍋鬆餅、英式豬肉腸、煎蛋、沙律有好多沙律菜，撈咗黑醋，豬肉腸的味道不是我的愛，流心煎蛋、內有茄汁豆，鬆餅焗得有少少燶邊…澳洲和牛、焦香米堡和牛鋪滿在飯上面，感覺還好，淋左好多汁，搞到啲飯吸哂啲汁……查看更多

今日和朋友們一齊去呢間餐廳食晚飯，環境尚算舒適，裝修風格偏少女風，適合和一大班朋友來打卡影相！我哋叫咗幾款食物來一齊開心share🤭澳洲頂級西冷我哋叫左5成熟，但上枱切開大約7成熟左右，不過咬過唔會太難咬開，肉質尚可，有汁！鵝肝多士鵝肝有半隻手掌咁大，食落冇咩內藏味，但略嫌多士吸哂啲油，搞到成塊包太油膩。卡邦尼意大利粉正常發揮，基本上唔會中伏！幾好食既！夏威夷薄餅餅底係薄脆批，咬落鬆脆，好多芝士鋪滿哂係上面！芝士控來講吸引，讚👍🏻水牛城雞翼有少少辣，幾惹味！肉質整得唔會太老！脆薯條（配松露芝士醬）粗身薯條，非常脆身冇淋，松露芝士醬好好味！…查看更多

星期六係附近食完晚飯，就順路經過來食甜品！呢間尖沙咀分店長期都有好多人等位，等左20分鐘左右就輪到我哋啦！芋圓3號-冰（紅豆、花生、珍珠、芋圓）配料分量很多，而且各種配料都煮得好淋好入味！刨冰糖水有點偏甜，但可以接受。芋圓紅豆湯（紅豆、小芋圓、芋薯圓）好大碗，但只有熱的！碗內的配料好多，紅豆湯飲落好有味！非常喜歡💕小芋圓+雪糕+珍珠奶茶布丁雪糕是雲呢拿味、珍珠奶茶布丁質感很滑很容易入口，味道剛好！小芋圓好好味！…查看更多

呢間位尖沙咀嘅餐廳，是一間提供多款不同口味的手工啤酒專門店！今次和朋友們特意來試試看…我哋先叫小食來佐酒，有芝士拼盤、24個月火腿拼盤、香炸單骨雞翼、啤酒洋蔥圈、泰式豬頸肉！先講食物質素：基本上都好好食，炸得好香口熱辣辣！豬頸肉厚切的，但入口不會好難咬開！最推介是單骨雞翼，因為醃料的調味調得好！其後叫了多款不同口味的手工啤酒：山霧330ml、快樂的蜜桃500ml、柒拾肆-加強版500ml、不醉不會330ml、找茶500ml、酒花上漫步330ml和愛你一萬年330ml⋯⋯有易容易入口的，也有比較深程度的，可以依照酒牌上的介紹來選擇。最後整體的服務態度很好，店員會講解各種啤酒的特色，但期間先後漏咗2次單，希望可以改善一下！…查看更多