牙炭的个人专页

橙 - 好甜好好味麵豉湯 -有蘿白同豬片系個湯度搵到，有豬肉片煲過既關係，個麵豉湯唔會好似平時開粉果D得陣鹹味。壽司 - 附左吞拿魚蓉果隻我覺得唔好食，其他全部都好好食😍😍三文魚同油甘魚都好肥美，饅魚好厚肉，墨魚都好甜果種！烏冬 - 全個餐最遜色，烏冬係滑，但好淋身果種,個湯底好甜…午餐 $168,唔記得有冇加一。另外試左朋友個牛肉飯少少,冇乜特別,牛肉偏瘦,鞋,汁少少鹹。都係推介返壽司!…查看更多

去完浸會，順路搵個食。見到呢間野網上食評如潮，所以就試試。冇book 位但好彩早過七點就黎到，所以唔使等位即刻有位，食到咁上下見到出面有人等位，所以下次都係book 定個位安全D。原來會有D隱藏菜式，應該係日日唔同既，今日有新鮮比目魚，煎既配隻泰式醬汁，仲有鮑魚磨菇湯同海螺磨菇湯，不過我已經系餐牌睇中左野食所以冇試啦，有興趣試下隱藏餐牌既話可以問問經理，會好樂意介紹俾你架。叫左一個set dinner,有湯有主菜有甜品同餐飲，set 係抵D既，烤嫩雞配燒菠蘿，個樣都幾唔錯架，味道更加一流牙！個嫩雞，佢已經拆左部分既骨，所以食起上黎唔會好麻煩，重點係塊皮牙！！燒得好香脆，而且冇肥膏，唔食雞皮既我都食到津津有味。配果個烤菠蘿，有D餐廳鐘意輕輕燒焦個面就算，保持返菠蘿既新鮮感，呢間做法就唔係呢種，係真係焗到熟左果種，食落係焾同好juicy，我鐘意呢隻做法多D。之後散叫左另一個MAIN，係蘋果橙焗豬柳扒，不在set dinner list 既關係就只有散叫佢啦。我好怕食西餐好多肉好膩，所以就俾佢加上左蘋果橙呢樣野去焗吸引左，連埋個汁都係酸酸甜甜，好開胃，豬柳扒焾得黎仲一D都唔乾，不過呢個MAIN既份量就有D少，塊豬扒偏薄，個薯蓉波波好細粒，其實唔係好夠飽。set dinner 有埋甜品，今日既甜品係南瓜薑汁燉蛋，細細杯，做個結尾岩岩好，個燉蛋薑味淡淡地，怕食薑既人都應該唔會抗拒，甜道系甜品黎講係岩岩好，好滑，但我唔明點解要加幾條南瓜肉系面，個人覺得D冇左南瓜肉反而食落蛋更滑更好味。結括而言，呢間係正野！價錢唔貴，味道係好唔錯，算係性價比高！可以再返黎試下其他菜式…查看更多

兩點半前到達，竟然見到鋪入面都係滿滿既人海，淨返最後兩個位，坐低先，講真，滿座的話D位好迫，怕迫既話唔建議週末既午飯時間黎牙！睇睇菜單，唔係話好多選擇，揀左一個蕃茄菇芝士長通粉(55蚊)一個海鮮東陰功意大利面(78蚊)先上湯，係鰹魚昆布湯，咸淡味岩岩好，本身望落以為會好啖冇味添，飲落係有驚喜，唔錯的。海鮮東陰功，哇，淨係睇個樣都吸引啦，多料，東陰功味好香，不過唔食得辣既話會覺得有D辣得濟，本身仲以為好細碟會食唔飽添，隨機送既甜品係綠茶葛餅，正牙😍我最想要呢個甜品，真係隨機有😘😘芝士菇蕃茄意粉，即是濃濃芝士味，芝士焗到溶哂可以拉到絲，蕃茄方面除咗用蕃茄醬，仲見到好多新鮮蕃茄系入面，正牙，隨機送左個黑芝麻唔知咩，食落好似糯米糍既質感，同埋係凍既，淋左D牛奶，食落冰涼而且有陣陣既黑芝麻香味😍跟餐送冰茶或者草本熱茶，冰茶係茉莉綠茶，冰冰涼涼夏天飲正好，熱茶揀左伯爵茶，伯爵茶好香。講真除左唔好坐之外，野食好好食，而且服務好好。…查看更多

其實錦田食肆唔多，早餐更加冇咩選擇，雙囍冰室位置不在大街，之前都望佢唔到，今日見到，又唔係好多人，試下。餐廳裝修唔錯，乾淨，不過open kitchen既關係，有少少油煙味，可接受，冷氣夠涼的。叫左兩個餐，一個牛扒餐34蚊，有牛扒(三件)+炒蛋+煙肉+茄汁豆+兩塊奶油厚多士，+5蚊配冷熱飲，老實講，好大份羅個餐，聽到有人叫兩個餐三個人食完全可以理解，不過老闆話星期六日如果唔係一人一個餐會另收一杯野飲錢喎。食物味道係好食架，全部都係煎出黎既但又唔覺得好油喎，個炒蛋都好多…真係真係好飽…另外叫左個司華力腸餐，都係34蚊，超超超heavy，因為真係果條好大條既腸成條上，一樣配有茄汁豆，炒蛋同厚多士，我懷疑食完早餐唔使食午餐啦…跟餐要野飲，無論冷熱都要加5蚊，榛子咖啡牙，朱古力泡沫咖啡牙，鮮奶咖啡果D全部都只係加5蚊，雖然細細杯，但都幾抵飲，質素OK，加5蚊要求不能太多，實實際際已經好好。話說間野早餐坐唔滿，我有少少奇怪，因為間野明明大件夾抵食，又好食，上黎睇食評先知，原來好多人都話佢服務質素好差，其實真係老闆語氣差D，老闆娘黑面，但OK啦，茶餐廳食野係冇溫暖笑容架啦。…查看更多

荳子係我其中一間好喜歡既餐廳，之前食開荃灣果間，但果間又細又多人，等位真係好辛苦。相對之下，沙田分店大好多，而且系宜家傢俬個商場(呢個商場系沙田黎講叫好少人)，等位相對快D，四個人等左半個鐘就可以入座。叫左一個肉眼扒，一個海鮮墨汁飯，一個蜆意粉(唔記得咗影相)全部份量都好充足，特別係個墨汁飯，超多料，而且好好食，特別推薦！肉眼叫七成都真係出七成，唔UN有肉汁，好滿足😘蜆意粉雖然係最普通，但係都好好食，好香好多蜆，所以一陣子就食哂唔記得咗影相😂😂仲叫左兩杯野飲，杯凍朱古力好似係維也納朱古力，職員話呢款先有cream系面的。另一杯係雜苺梳打，呢杯又係真心推介，因西餐有D膩，飲返杯酸酸地既梳打襯。碟荳花啫喱有四粒，感覺好抵😂😂😂最後食唔落淨係可以叫到一件CAKE。埋單每人唔使二百蚊，愛荳子😘。…查看更多

為左釣魚而來，四人坐左系釣魚既房仔，開窗就直接可以釣到魚，好方便。一黎就釣魚啦，D魚係唔食餌既，有人客偷偷倒哂D魚餌落去，D魚都完全唔食。聽說釣到魚，條魚有七折，於是大家好比心機系度釣魚。話說D水好多泡泡系面，可能因為俾人玩左一日，有少少腥味，對氣味好敏感既人會辛苦D，一般人都OK可以接受既。釣魚唔知釣到幾時先有得食，所以叫左兩樣野食住先，鯛魚茶漬飯(68蚊)好平，原來係有原因的，係超級細碗，前菜咁既份量，鯛魚就係面面果一塊咁大把。湯係抹茶加魚湯來的，但超級超級鹹，之面冇人POST講過鹹呢個問題，我諗係當日意外掛🤔溫泉蛋明太子烏冬(溫)呢個係幾好食既，欣賞佢個烏冬係暖暖地，烏冬又滑又彈牙，醬汁又岩岩好，唔多唔少，份量係正常份量黎既！登登，黑鯛魚刺身(HKD380)其實結果係玩左個幾鐘都釣唔到魚，但大家都好想食所以叫左一條，份量都多既，但唔覺特別鮮甜，價錢算唔算抵食真係見人見智。最後仲叫左個火鍋但掛住玩冇影到相，係海鮮火鍋(HKD380)，料都多既，夠兩個人食，仲有少少薯粉同兩件年糕，叫左魚刺身，唔食魚既朋友都可以放D魚落去打邊爐，另外加個烏冬落去都係一個好提意！不過問題都係個湯底勁鹹，最後我哋係要加水先搞得掂，真係唔知係是日意外定廚師重口味啦。總結間野係唔太難食既(除左個湯既意外)，不過就真係唔係抵食羅，如果淨係食野唔釣魚既，可以唔使黎啦，如果係想玩下釣魚，都建議可以黎玩下，反正20蚊魚餌就有得玩。服務方面冇問題喎，只係枱面個鐘叫極都冇人黎，我覺得可能係壞既，於是我每次搵人都係伸個頭出走廊，侍應都多一叫就有人黎，加水加湯果D全部快手冇等好耐，冇黑面。20蚊魚餌…查看更多

一早游完早水，去附搵早餐食，增肥關係搵d大份早餐，於是就睇中左呢度個all day breakfast.店內人手唔多既關係，早餐整作需時，大家要耐心等候牙。兩個人叫左兩份早餐，兩個都大大餐架！all day breakfast真係最正，轉Benedict egg又唔使加錢，好抵食。果塊漢堡扒似自家制，好有牛肉味，唔似出面加工果d好鹹。另外果個餐冇咁大份，但有樣好，就係跟沙律菜，冇咁大食既人就岩哂，沙律菜好新鮮好好味。加埋杯凍朱古力，肥仔到不得了的一餐…查看更多

來一起果醬當然要吃果醬自家製果醬是這家店的賣點九宮格果醬吐司有九款不同的自家製果醬，想試多幾種款式的朋友就最適合了，其中有蜜桃蘋果士多啤梨等等，其中個人覺得最好食的就是蘋果肉桂。另外點了一款手撕豬肉沙律，這款的賣點就是它不是用沙律醬或是沙律醋，而是使用了果將來作醬汁，酸甜的醬汁和沙律很配，而且手撕豬肉是很柔軟的質感，整道菜也很清新， 女生最愛。分量比較少的關係，最後還點了一個芝士奶蓋通粉，以為是兩隻蟹個原來只是一隻小小的蟹蓋，這店的分量果然好少好少，不過味道很不錯，芝士的分量相當多， 而且有真的吃到蟹肉，又值回票價的感覺。…查看更多

講真,食拉麵冇咩心得,因為本身日本唔同地方GE拉麵都唔同質感唔同口味,分唔到地唔地道傳唔傳統,而湯底大部份都濃郁到好難食到好仔細佢落左咩材料,有咩特別。個人覺得,就係食完,會唔會想再去食咁簡單GE一回事。入座後自行點菜記得CHECK CHECK 單有冇落錯,拉麵黎講價錢算係中等,普遍都係呢個價。揀左兩個特別少少GE口味,柚子果個好似話係推介來的。北寄貝沙律 ($42)呢個唔好食,有少少腥味同系雪櫃雪左好耐GE味道,北寄貝都好少柚子辛口拉麵 ($99)好似話係推介之一,友人叫的,我唔食辣的關係,諗住系佢攪勻D辣醬之前試一口,點知就中計,原來個湯底本身都已經辣的了,真係完全睇唔出,但辣得黎,柚子味好突出,連件叉燒都食到好濃GE柚子味,清新!但友人話佢覺得柚子同辣夾唔到,因為個辣咁整一D都唔香,一直都係食到柚子香ONLY。辛子黑蒜拉麵 ($88)唔辣的我揀左濃濃GE黑蒜,蔥味唔突出,湯真係好香濃,好味!不過超油架,怕肥GE朋友再三考慮下LA。最後講埋個麵質,係好幼果種,掛到湯,一流!硬度揀普通個人覺得係岩岩好GE。…查看更多

如果你遇到YOHO好多人GE時間,又好餓好攰唔想等位,你可以試下呢間,通常都好少人等位,不過唔係因為佢唔好食,只係因為佢比較貴姐。入座後安排到店內坐低,不過發現近玻璃門GE 關係,有D 飛蟻系度飛飛下,唔想同佢地一齊DINNER GE 關係,要求轉個位置,轉左出去電梯隔離GE位,果度安全冇飛蟻,但冷氣唔係好夠,不過我唔太怕熱所以冇咩問題。等啤酒黎....叫左兩杯啤酒,細果杯300ML, 大果杯500ML,價錢好似分別係$4X同$6X,唔太記得...不過推介深色D 果度,淺色果隻味道好普通冇特別,同平時罐裝常見牌子味好似,深色果隻重麥味得黎唔係好苦,女仔都岩飲,飲深色果隻LA!煙三文魚沙律叫左個SET DINNER係包沙律GE,個沙律好新鮮,但係落左超多油....太多油GE關係,食完成隻碟都係油LA,不過唔緊要,我瘦,有QUOTA,繼續吃。先黎GE係PIZZE,上面果D係黑醋汁,好夾,不過個PIZZA對兩個人黎講真係太多LA....我食左3、4件就開始覺得飽燒羊鞍其實我唔記得左佢係羊鞍羊扒定羊架,我又唔識分....當住係先。呢個好好食,佢熟GE程度係岩岩好!食落好軟滑好正牙!羊騷味有少少,唔係好濃果種,怕羊騷GE都應該食到。唔使沾汁LA!食原味先係最正架!最後食到好飽都要食埋個甜品,好似係好輕身GE MOUSE黎架姐~甜度唔係太甜,剛好FOR食飽左GE人。總括而言,野食味道好好牙!不過係貴DD LAW!所以先咁少人,間唔中黎放肆下唔錯,記得要飲啤酒!一班朋友黎GE話可以叫個大GE(好似唔知係1.5-3L咁上下的)佢會有個大啤酒樽,好似斟水機咁放系你枱面俾你斟,幾過癮架!…查看更多

下午茶時間先黎到食LUNCH,見到呢間OPENRICE 好評多到嚇親我,咁就拎淘寶之前順便黎吃個飯。唔係住呢頭GE關係,第一次搵,行過左都睇唔到,因為門面黑蚊蚊的,同埋個位置唔係太顯眼。沙律頭盤連餐有埋GE,可以揀呢個沙律或者湯,夏日炎炎唔揀湯LA,沙律LA!菜都幾新鮮,不足係個水有唔少水,建議個菜洗完之後晾一晾乾D 水先....因為食生菜GE沙律好怕食到尾發現個底有水....穫仔牛柳餐 ($59)我記得好似係穫仔牛柳餐,唔太SURE...因為其實揀野食果時都只係求其揀,(佢個MENU 有成廿幾個餐搞到唔知點揀好....)個牛柳一黎到GE時候,勁開心,因為超大份!好抵食喎!!!牛柳有兩塊,仲要係大GE,食落好林,不過食多兩啖覺得唔對路,勁鹹....係醃得好鹹,之後試埋個汁,偏鹹,但唔夠個牛柳醃得鹹,一大敗筆,令我諗起茶記地盤飯,因為好多地盤佬幫襯,大部份鐘意食濃味野,所以果D 茶記通常都煮到好重口味...不過西餐重口味...只能說唔太岩我。同行朋友叫了一個漢堡,一樣係好大份,拎住黎食係咬唔到的...結果只能夠分屍慢慢食LA。漢堡入面舊牛肉比起牛柳有牛味D,不過都係調味偏鹹,唔知係咩問題。凍檸水送GE,比平時GE偏甜少少,不過夏天太熱岩岩想飲返D甜野,岩哂!但同行GE朋友好不幸,叫左凍檸茶,我一試,甜到糖水咁.....之後禮貌地同待應講「可唔可以幫我加多少少冰,杯野好甜。」待應回應係「係咪你未攪勻D糖水牙?」果時杯野...已經係攪勻哂D糖水, 連檸檬都篤到體無完膚,加完冰...仍然好甜...不過算LA,幾十蚊個餐唔想要求咁多。睇返之前D食評,冇見過話有好鹹GE問題,有百幾個食評係笑笑口,負評好少,呢個情況好少見,相信係應該餐廳有一定GE實力先做到。下次有機會再黎試試,睇下仲係咪咁重口味先!不過真心建議糖水另上,水吧都好重手...…查看更多

午餐時段,所有食物小份小份的。叫了一個自選套餐A/B ($65),有古早味乾麵+ 拼盤 (要另加10蚊) +熱飯 (加珍珠另加6蚊)+ 貢丸湯古早味乾麵,醬汁的味道不似是肉燥,反而有點麻醬的味道,有點膩,小小的份量就剛好了。拼盤這個有點想吐糟的是很鹹呢!不過之後才知道,這家店大部份的口味也很重而已。有些牛肚和豬腸的,豬腸有點肥。貢丸湯也是偏鹹的不過芫茜可以清清膩,所以是好配搭。萬巒豬手 ($58)另加了這個小食,豬手也是偏鹹,但很好吃,超軟滑和有膠質,很滿足我這個膠質控。蚵仔煎 ($55)最後這個才是重點呢!!!蚵仔煎的份量不是很多,但那個「蚵仔」是超大的呢!!好像差不多有一個湯匙,而很鮮味,軟滑,沒有煮到老老的,整個蚵仔煎也是有彈性的那種,「煙UN」的蚵仔煎感覺最棒了!會為了這個再回來!…查看更多

呢個場係CANTEEN形式,自己埋去點餐,之後拎埋野食先去後面收銀俾錢。價錢黎講大部份係百幾蚊,連埋野飲,個人覺得主題樂園黎講,野食算唔貴。呢度有日式、韓式同印尼風味,其中最多人食GE係印尼風味,望望餐牌都幾吸引,所以我都揀左印尼風味。黑蘭度豆套餐 ($119) +燒雞串($49)個燒雞串係有水準架!同出面食泰國野D味差唔多,49蚊有3串,個沙嗲醬好夠多,不過係唔夠熱姐個黑蘭度豆其實我食完都唔知係咩黎架,不過幾好多LAW,有3個醬,個個都唔同味架,一個係有辣味GE,一個係重芝士味GE,而綠色果個就係鹹鹹地,配黎D飯同印度薄餅食,又幾得意,出面少見呢個款式,可以試下GE。環境日頭建議坐室外,有D 雀仔可以睇下,室內試過夜晚系入面坐,就覺得污糟D,同埋燈好暗。…查看更多

一黎到,嘩!多人到呢....拎飛先,拎左飛之後就系出面等,要等幾十張,但見佢叫枱叫得都幾快所以冇走開,以為好快有位。等到幾個字,有D人入左去先埋到個店GE玻璃望下入面GE情況,嘩!張張4人枱迫左6個人,仲要果6個人,係3PAIR人黎,姐係同你系隔離貼到實一實,同你SHARE 緊半張枱果個係唔識GE,呢樣野真係好困擾。再講野食,嘩!又真係好高喎,咁就繼續等LA。結果等左個半鐘,終於入得!北海道盛丼 $198呢碗野就唔會好似其他咁高,但係勝在料GE款式多,岩哂樣樣野都想食少少GE人,佢個海膽真係好甜同埋係濃味果種,個人好LIKE!!之後其他配料都係好新鮮的!火焰盛丼 $145呢個平D抵食D,料一樣係好高的,不過可以望一望我有隻手果張相,其實佢個碗係好細好細,所以先整到咁高,實質佢碗野攤返開,同出面D壽司店差唔多,料有三文魚,帶子,左口魚同蟹柳,蟹柳似係彷蟹柳唔係真係蟹腳果隻,其他料都係好新鮮,輕輕燒過岩岩好,最鐘意係佢有隻蛋,撈飯正,不過碗咁細同疊到咁高,要好小心咁食。雖然質素唔錯,但睇返價錢都幾貴,同埋材料有少少係扮多料,清醒D睇其實唔係特別多,4人枱坐個人真係超唔舒服,下次唔會想再去。…查看更多

差唔多九點鐘先黎到,都要等位,不過好快,等左十分鐘左右,入到去就會明白點解要等,因為枱唔係放得好密,得好少枱,地方靜靜地,侍應步伐唔會好似茶餐廳咁急速,入去坐到個人都安靜落黎。坐低先飲啖茶,茶味香濃但唔苦澀,一日GE辛勞好似暫時放下。其實我唔記得叫左個餐叫咩名,但就有一個綠茶冷面,另外仲有個飯,加埋個甜品, 一個SET來的。綠茶涼面有種獨特GE清幽,飯上面有少少梅子粉作調味,成個主菜都好清淡,食左唔會滯,最後食一個稍味濃味D GE甜品,成個鋪排岩岩好,正!!!!其實另外仲叫左個鮭魚茶漬飯,不過好可惜,張相好似DEL左,茶漬飯有個重點GE,就係可以自己揀要咩茶!我地就揀左玉露,玉露係種好淡但好清香GE綠茶,仲有少少海苔味,好得意,鐘意飲清GE可以試下,係一個好好GE選擇!…查看更多