kk87420的个人专页

經過幾次都會比呢一間充滿日式風格的居酒屋吸引，今日見終於唔使排隊，就入去試吓😋好鍾意食刺身既我比佢個薄切真鯛吸引左，在季節推介餐牌內的食物真係不得不試，肉質鮮甜，晶瑩剔透，配上䓤花蘿蔔蓉加柚子醋這個特製醬汁，係日本嘅味道😍，記得喺日本食薄切雞泡魚刺身都是這個醬汁仲叫左4隻原味燒日本廣島蠔，平時去其他舖頭食既燒蠔都會燒完縮到好細隻，但係佢呢隻好大隻，好重海水味，食四隻都唔夠喉壽喜燒牛肉火鍋，每次去日本居酒屋都會食，因為我超鍾意食牛，肉質超滑，配菜中仲有少見既羽衣金蘭，超足料，好抵食👍🏻當然，一定要追加烏冬先至完美男朋友就叫左個吉列豬扒咖喱飯，正宗日本咖喱，甜甜地，吉列豬扒較鬆脆，唔會太油。整體黎講，價錢較實惠，性價比高👍🏻…查看更多

排隊排超耐4點拎飛要晚上8時先有得食張飛上寫明過左十個號碼就無得補飛，一定要人差唔多就企門口等，但有時叫得超快，浪費人時間仲有3個號碼到我，就一直喺門口等，見面裏面好多人都係得個坐字，未叫野食，有張枱就本身6人枱，中間有隔板，但由於中間張二人枱未走，佢地想一齊坐，就一直坐住左右兩張枱喺度等，我覺得係員工唔識得變通，既然呢個客想坐埋一齊咪出黎繼續等，比另外2組二人入座我一坐低，就見到個燒烤爐極其污糟，好多污跡，即刻搵員工過嚟清潔，員工話這些要晚上才可擦甩，仲話你燒肉用中間，完全唔影響，但我覺得好污糟。叫咗兩款餐有牛小扒有牛肋肉，質素唔係講到咁高級，好多肉都發黑，不新鮮，好硬，唔會有下次…查看更多

以前每年都會去泰國一兩次，呢兩年疫情期間冇得去，趁着周年紀念就一齊去試吓食正宗泰國菜，揀咗去海港城呢一間Nara Thai Cuisine，因為佢可以欣賞到海景，好浪漫🥰預約咗八時，我都差不多夠鐘先去到，等了一兩分鐘便安排入座，預約真係好準時，不需繼續等候，可能今天落雨關係，不是太多人排隊，入座後真係安排咗海景座位給我們，不過天公不做美，落大雨看得不是太清楚，如果中午時分一定看到海景。服務員先給了我們一碟蝦片作為小食，可惜淋了少少，跟住我就睇吓有咩食，都很多選擇⋯⋯首先梗係要叫個泰式生蝦，簡直係每間泰菜必叫既野食，隻蝦都幾大隻，個醬汁好好味，好夠辣，好正宗。跟住叫左杯鮮椰子沙冰，好有口感，啖啖都有椰子肉，九龍城其他泰國食店都只係係比椰汁，呢間好明顯係用新鮮椰子加冰打成👍🏻之後上左個素菜之選泰式脆春卷，純粹有粉絲的春卷，冇咩特別。跟住到咗個紅咖喱和牛肋肉，當然我就叫多個印度薄餅，男朋友便叫了個白飯，個咖喱好正，個牛肋肉炆得好淋，應該被選定做每次必食產品👍🏻，仲叫咗個泰式炒通菜和泰式東北小食拼盤，個小食拼盤都比較特別，全部都是豬肉，有泰國肉碎腸仔和肉碎生菜包，都幾特別🤭由於已經好飽，食都食唔晒，下次先試個甜品lu…查看更多

喺屯門group見到有人推介呢間餐廳，一向鍾意食泰菜既我當然要一試。八點幾嚟到要等四張枱，見食評講到咁正，梗係要試吓啦，所以照等。一坐低叫咗個冬陰功湯，諗咗一陣，之後叫埋個必食生蝦試下，之後再叫咗個蝦醬炒飯，仲有我好鍾意食嘅炸春卷，另外叫咗串燒三串雞三串豬⋯個春卷可以三條咁叫於是叫咗三條⋯⋯仲叫咗個炒芥蘭最初試過冬陰功湯，超級失望，淡而無味，完全唔覺得佢係一間正宗泰國菜，感覺好似係加水煲完再煲嘅感覺⋯之後試食春卷，好多泰國菜舖嘅春卷都係自己新鮮製造，但佢個春卷係超級市場一包買嗰啲，超級失望！蝦醬炒飯冇蝦醬味，生蝦刺身不過不失，串燒最好味，但係個沙嗲醬只有花生味！唔會再有下一次嘅機會…查看更多

我自己叫左個酸菜魚河粉，好夠味，自己蠢左，唔知可以轉個麵底，所以食到個河粉脹曬🤣個炸流沙奶黃包超級好味😋男朋友叫左個燒豬腩肉+咸蛋黃飯真係超級美味！連平時唔愛食豬腩肉既我都覺得好好味！食完一塊係想繼續食…查看更多

上一次食大將就喺將軍澳食日本牛，聽聞佢開咗間新店喺旺角，今次就試吓去食佢主打嘅美國牛！入到餐廳，可能新開期間，晚飯時段不算太多人，和將軍澳分店一樣，都係有自助形式的蔬菜類，有多款調味醬油、有雪糕機、窩夫機加多款配料，仲有埋自助汽水機，涼茶款式比較少只有三款，呢間就主打美國牛，坐低冇耐就看見佢拿了一碟牛，2碟雞肉給我，雞肉有分幾款，有雞腿肉，超級滑，好像酒樓吃的雞札一樣，另外有薄切雞胸肉，減肥人士一流👍🏻仲有個比較特別既叫做雞爽肉，食落好有咬感，好濃既雞味！牛肉就超多款，最好味係美國SRF和牛，超滑！當然要配生雞蛋啦🤤超飽既情況下，真係食唔落甜品，但都忍唔住要食少少，食左個朱古力雪糕，超濃郁既朱古力味，食過都會上癮🤗…查看更多

Popcorn咁大咁多食肆，要諗吓食邊一間餐廳都比較困難，由於我想食靚野咪上網search下，聽聞呢間餐廳都唔錯就去門口Walk in，當我企喺櫃檯前面已經聞到一股不得吃左佢既氣味，真係超級香呀令到我好肚餓！佢係屬於半自助形式嘅和牛放題，咁熱愛食牛嘅我梗係選擇咗食沖繩嘅石垣牛啦，最初係會有機械人送牛給我，喺香港都係第一次見，好新奇😍跟住出去揀嘢飲揀嘢食，飲品就比較普通，但比較吸睛嘅係甜品，有很多日本出名嘅甜品，又有自家制雪糕，醬料都比較多，但眼見可選擇嘅配菜就冇乜特別，不過有一盆日本雞蛋好吸睛，又有咖喱飯和湯。有個位置我覺得佢做得比較細心，就係佢個碗啦，嗰碗有一個架係可以將多餘嘅湯隔開，就唔會浸住舊牛，片牛超有肉味，當然要配上日本雞蛋啦！有日本雞蛋做調味根本不需要任何嘅調味料了，食到鮮牛嘅味道，石垣牛我叫左三碟，真係好有日本嘅味道，牛嘅脂肪比例比較均勻，無論我煮幾耐都唔會覺得過時，個黑豚肉都唔覺得好厚既脂肪，好濃嘅豬味，激讚👍🏻…查看更多

襯二人限聚令既最後一日，應該周圍食飯都未多人，所以同個朋友去九龍灣行下街搵下野食，行下行下德福，見到有新開既foodeli就入去望下有咩啱食😋見到有間濟州食堂，周圍d燒肉都係主打食牛，呢間竟然主打食豬，咁就不如一試😎揀左個燒烤套餐😋伊比利亞豬梅花肉套餐❤️伊比利亞黑毛豬梅肉❤️食堂黑毛豬五花肉❤️和牛胸腹肉❤️食堂牛小排（醬油/鹽燒）❤️大八爪魚鬚❤️薯仔排骨湯❤️2罐韓式飲品呢個餐看似好多嘢食，除咗呢啲主食，當然亦都有韓式套餐一般有嘅前菜，有邊爐泡菜蛋同埋粟米芝士，另外亦都有個比較特別嘅梅子蕃茄，梅子味都夠濃烈蕃茄都甜甜地👍🏻細細粒但幾厚肉第一個主菜我燒左個黑毛豬梅肉先，該肉質都比較林，都幾好味，個外表有點似牛，之後試埋個五花肉，平時我都唔多鍾意食五花肉，因為我覺得好油好肥膩，但我朋友叫我試試，於是我加埋少少生菜一齊食，咦💡有驚喜喎，食落去入口即溶好軟熟，唔需要點任何調味料已經覺得好入味👍🏻和牛當然唔駛講啦，個豬都咁正，牛又點會正啦！高上既品質，入口即溶👍🏻超值🥰 大八爪魚夠厚肉，燒完又唔乾，仲好濃八爪魚既鮮味，好新鮮，唔似平價貨👍🏻如果呢個套餐送埋個雪糕做甜品就一流😋…查看更多

上次食個碗仔翅，跟住有食過煎餃，都覺得幾好味，今日唔想食熱氣野，於是試試佢嘅湯餃，唔知食粟米好定係食返韮菜好，於是試吓個雙拼，結果我覺得佢個粟米餃冇乜粟米淨係好多紅蘿蔔，但係個韭菜餃都超多韭菜，始終韭菜餃都係煎會比較好食，下次都係食返煎餃呀，不過姨姨話比幾舊蘿蔔我試，今日啲蘿蔔真係好鮮甜！…查看更多

每逢中午都會諗吓叫啲乜嘢外賣，今日上網做咗搜尋，發現有間越南餐廳好似還不錯，於是望吓其他食評決定一試，個烤牛肉撈檬真係同食評所說的一樣超多牛肉，不過有少少難咬，個汁都偏酸🤣…查看更多

入到啲一間餐廳，開頭已經覺得陳陳舊舊，但我見到有人幫襯，便沒有為意，之後叫嘢食，叫咗一個生牛肉河粉和一個香茅豬扒撈矇，套餐$58會有個木瓜沙律+1隻雞翼，另外加飲品加兩蚊，再叫多咗一個蝦醬炒通菜$55 ，開頭都冇為意，直到有一男一女夠大年紀嘅人入嚟食，見到佢哋冇戴口罩，先醒起餐廳沒有和我們量體溫，侍應和廚師是同一個人都是沒有戴口罩。跟住就到戲肉，我男朋友去拎杯熱水，點知聽到吱吱聲，咁我哋都由佢，當聽唔到，再之後啲餸嚟到都冇乜特別，普普通通唔算難食，不過不失，通菜好硬，但之後看見嘅情景已經令到我冇胃口進食，你看見相片上有一張相是影廚房地下嗎？我看見過姐姐將個豬扒就咁放喺地下，如果個吱吱聲行埋去嘅話咁會點呢，之後看見個姐姐拿布抹地下，開頭都諗住算，之後竟然見到佢再攞另一塊布抹地，都係用同一對手套之後將塊布攞嚟拿來抹砧板，果下你直頭什麼東西也吃不下去！…查看更多

喺網上外賣平台叫左個煙三文魚卡邦尼意粉，完全淡而無味，完全不是卡邦尼，好似普通白灼意粉一樣，無芝士味，無蛋無煙肉，好似完全唔知卡邦尼要用咩材料，無下次，仲要加埋運費要$59，唔抵食！…查看更多

有狗，一向都唔介意坐室外，但係炎熱嘅夏天每一間有室外嘅餐廳都一定具備風扇或者風機等設備，但係這間餐廳只有一把風扇和一部完全冇冷風出的風機，成餐飯個幾鐘好似坐係個焗爐入邊食咁，眼見室內冷氣超大。問個女仔拎個冰底，可能佢見我個剛剛到嘅朋友有罐汽水喺度，就喺裏面拎個冰底出嚟但係加咗水，好似係驚我哋攞個冰底嚟飲汽水咁，只不過係佢提供嘅凍水已經變咗做暖水，只係想d水變返凍啲啫！另外叫咗個意粉，開頭係叫龍蝦汁嗰個即係相中粉紅圈嗰個，點知佢嚟咗個櫻花蝦意粉，跟住個超冇禮貌嘅肥姨姨問我地介唔介意食呢一個，但睇睇個餐牌原來係雙重芝士，因為小朋友真係食唔到咁濃嘅芝士味，咁同佢講唔得我哋要叫返本身嗰個，跟住佢同我講入去整過個新嘅俾我，等左好耐終於拎左個龍蝦汁意粉出嚟，但係個又無禮貌既肥姨姨同我地講「因為你有小朋友，我幫你個意粉走咗黑椒同埋走咗芝士」嗰一刻真係好嬲，你走任何野之前有冇諗過問下我意見先幫我走，之後終於都明白點解會幫我走芝士，因為佢係將本身嗰個櫻花蝦意粉轉做個龍蝦汁意粉，因為意粉裏面有大量櫻花蝦⋯這間餐廳真係無信用無質素可言！唔會再黎食，又貴又無質、無誠意、無禮貌！…查看更多

喺葵芳返工既我，成日都會去新都會食飯，今次再食稻成，但係真係好失望，個酸辣湯完全淡而無味，連色澤都唔好睇，個四季豆平時之前食惹味得很，但今次食我覺得佢炒得好生，而且都係淡而無味，最後向一個友善嘅姐姐投訴完佢請我哋食高力豆沙補數…查看更多

之前睇Facebook見到有介紹芫荽美食，我男朋友係芫荽控，於是就今日去一試。好明顯係新開張，餐廳侍應連有咩招牌菜都唔知道，服務態度麻麻地，價錢偏貴，一個芫荽三文治都幾好味，不過網上看見是芫荽炒蛋超多芫荽，但係我食落只見到佢少量芫荽炒蛋面頭加小小芫荽就已經當係個三文治，好彩仲有片煙三文魚，如果唔係就唔值$38。另外個車仔麵，都係選擇芫荽湯底，個麵底偏貴要$25 ，湯底芫荽味不是太濃味，只係面頭有大量芫荽。新張期間有8折，都值得一試…查看更多