ondodo's Profile

澳門過江龍，本身唔多鍾意去澳門，但又想試呢間，行過見到就試下。一入去冷氣勁涼👍🏼👍🏼👍🏼👍🏼我哋坐廚房門口以為會熱啦，點知都勁涼，要讚👍🏼👍🏼👍🏼👍🏼嗌左個喱腩飯，三寶麵+牛什，麵嘅喱汁另上，首先嚟飯，腩同汁，咁我下意識咪以為兜汁係我，咁咪照食，點知碗麵嚟左食左一半，我老婆就話兜汁應該係佢，我先醒起係喎，但已經都冇左一半有多，點解會咁，因為我個腩係另外細碗上，裡面啲汁少得好誇張，得大約一湯匙咁上下，當我估錯，俾夠你2湯匙喇，咁我點撈飯食，定係將我個汁同老婆碗麵嘅汁2個份量一齊上？？？🤔咁就真係唔知喇……咖喱味道偏香辣嗰種，幾好嘅，腩都ok，唯獨汁勁少，之後見隔離2枱都另外要汁，咁我諗佢真係本身得咁少，呢樣要改進下，下下要我request，想慳汁？？？有冇下次……真係諗諗先…Read More

有朋友外國番黎，又想食打邊爐放題，咁就試下呢間，早3個禮拜bk 8個人，如果要由5點食到10點就要打電話或wts bk，落訂$500，合理。一坐低會有同事講解流程，仲會有個同事專責我哋張枱，唔錯。飲品：自助形式，有啲生果茶，竹茅，有凍有熱，汽水等，唔算多但總會有你想飲嘅小食：小食係任叫，通常呢啲都唔會好食，咪求其點幾樣算數，點知小食一啲都唔hea，尤其炸嘢唔會成口油超好食。外國朋友啲仔女超口刁，佢哋都話好食。刺身用一隻長過枱面嘅木船盛起刺身，非常打卡，刺身新鮮冇鯹味。雞煲：因同行有小朋友所以叫左BB辣，雞數量足，8個都食唔哂，味道適中唔會咸，好食。邊爐：先上2set海鮮，有鮑魚，蝦，蠔，魷魚，花甲，等，呢啲食完全部可任叫，蟹都係任叫，重點係，所有海鮮都非常新鮮；另外啲普通配料都處理得好好，午餐肉係炸過，非常好食，手打嘅丸唔係溝粉，食落有咬勁，鵝腸更係我打左咁多年邊爐食過數一數二嘅新鮮。流動酒bar：一晚出現左5次，紅白清齊哂，飲得非常開心服務：員工會不時攞個大盤過嚟俾我哋倒骨同幫我地執枱，又有禮貌，十分抵讚。衞生：不過廁所就塞左冇人攪，見到係有人掉左啲紙巾包裝落去，唔塞就怪啦，都係客人素質問題。同行友人都覺得好滿意，番乜鬼大陸打邊爐，食埋啲化學嘢，明明香港就有又平又抵食，又唔使山長水遠搭車咁麻煩。埋單連加一只係$500，海鮮任食喎，呢個價係抵食。…Read More

禮拜日…2公婆唔想落街又想食漢堡…平時都係食麥記…mos etc，想試其他，見到呢度咁多好評就即管試下。叫左單牛堡，羊卷，雞肉pizza&薯條，一打開袋，個包已經震憾到我，個包挺身，色澤均匀，賣相已經100分，牛肉醬汁配搭都好食，不過如果個包係唔得，牛肉再好食都係假；羊卷好大條，羊微騷，正！pizza唔差；薯條就普通，冇乜特別，因爲可樂冇得單嗌，所以先加薯條+可樂package。總括黎講，一定會翻啅。綜合評分(5⭐最高)牛堡：⭐⭐⭐⭐⭐羊卷：⭐⭐⭐⭐pizza：⭐⭐⭐⭐薯條：⭐⭐⭐…Read More

老婆想鋸扒，原本諗住食花園，不過comment又麻麻地，行過咪試下。位比較窄，枱與枱之間條行都窄，尚可接受嘅，一坐低即問飲咩湯，正常，嗌左西冷同豬拼牛，正常係要等客飲哂湯先上扒，我老婆飲完，上扒ok，我未飲完，上扒，但其實張枱係冇多餘位放湯，咁即係要收走，差！味道尚可，起碼啲汁唔咸，餐包可以，牛油溶哂變流質，差！我諗花園點差呢啲基本嘢應該都keep到，所以冇下次。…Read More

5月25號禮拜六，啱啱落樓去食飯，見到開左即試，新開一定要等下位，要入去職員人手派籌，約20分鐘入得。點左個大腸米線，排骨滷肉飯，炸芋圓&芋香珍珠評分：5⭐為高大腸米線：⭐⭐我冇食，我老婆話好普通，八方雲集好食過佢排骨滷肉飯：⭐⭐⭐排骨偏甜，炸得算脆炸芋圓：⭐⭐⭐當然冇寧夏夜市個咁好食，但以香港標準嚟講還可以芋香珍珠：⭐⭐唔太甜，芋香唔夠重服務：有一樣嘢真係要講，有一個姐姐好鍾意一次出兩盤嘢，唔緊要，明白想快啲俾客，但真係好危險，我坐廚房出面，我背向走廊，我左邊冇人有位佢唔上，係要玩右邊，咁我右邊有另一枱坐得好近，咁我就要拗腰俾佢擺低個盤，當然都係我去接，佢左手遞俾我，右手揸住碗湯(其他客)，唔得真係唔好夾硬，唔係個個客都肯幫你接，倒落客度真係好危險。整體冇大驚喜，但唔難食，不過不失，悶悶地可以食下，份量唔大份，我兩公婆慣常會自我放題咁食，不過由於唔係好食所以試下就算冇再加嘢，轉場再食，不過食完冇重味精口渴感，呢樣ok。…Read More

6點半到即有位，枱偏細還ok，叫得多要分兩轉先夠位放，剔紙點餐，如果有QR code落單就更好，價錢平，可以喪嗌自製放題。樓面店員約8-9個，未計入面負責烤嗰啲，以滿座嚟講上菜速度算快，只係有1-2樣會比較遲嚟，可以接受。最最最欣賞係有酒精爐可以熱住食，個爐係辣手唔係渣嘢👍🏼👍🏼👍🏼店員態度十分好，會因應情況提供建議，唔錯，我呢啲唔常上大陸嘅啱哂，一定會翻啅。⭐⭐⭐⭐⭐滿分環境：⭐⭐⭐⭐香港尺價貴，窄少少在所難免，可以接受食物：⭐⭐⭐⭐⭐好食，平，已經冇得輸，原漿啤必嗌服務：⭐⭐⭐⭐⭐店員細心聆聽同會就我哋嘅疑問提供建議，唔錯…Read More

特登嚟試早餐，叫左沙牛餐同丁麵餐，食物可以，我食嘢比較快，老婆仲食緊，收銀姐收我碟當然ok，但連2杯水都收埋，我對面嗰pair人啲水就冇收，想趕我走？未試過食嘢俾人收水，感覺極差，唔會再幫襯。…Read More

睇完篇介紹趁假期嚟試，大約三點半到，扶手梯隔離唔難搵，門口打哂蛇餅，咁應該唔會伏得去邊，等左大約20分鐘入得。兩公婆叫左胡椒豬肚同雞白湯，另外加個特典(豚鴨雞肉)，全鋪滿座，所以都要等一陣，ok嘅，食拉麵飲湯先是常識吧，個湯濃到呢～係濃但唔係死咸，湯面冇一浸好厚嘅油，加分，我好怕拉麵又油又咸到PK，食完喉嚨會勁唔舒服，呢個就啱啱好，慢煮肉果然冇得輸，嗰種滑度真係好正。美中不足係餃子賣哂，下次會再嚟攻堅。評分：5⭐最高賣相：⭐⭐⭐⭐湯底：⭐⭐⭐⭐⭐配料：⭐⭐⭐⭐⭐價錢：⭐⭐⭐⭐…Read More

早一個月bk定位，我哋一行4人1830到，未多人，坐卡位，闊落舒服嘅，揀緊嘢食期間有個小肥哥哥攞碗筷過嚟，咁我下意識諗住自己洗啦，點知哥哥話等佢嚟，又幾好服務喎，喺塊膠paper holder面圈好食物，隔左一陣個老細埋嚟推刺身餐同海鮮餐，大約原價減幾百咁，fb like完就可以優惠價，好直接話呢排少左好多like叫我哋幫幫手，唔係求，係有少少怨氣feel嗰種，叫完刺身+海鮮餐like埋，大約15分鐘後就上刺身，之後老細話冇同我哋落火鍋料，想我哋食左刺身先，因為都大盤怕冇位擺，its ok，到食完刺身再攞塊板過嚟問我哋圈嘅火鍋料有冇嘢改，冇就落單，又等15-20分鐘先開始有嘢上，食物其實唔錯，不過我想講嘅係服務，我想落單或搵人幫手收嘢，舉幾次手都冇人，幾個侍應都好忙，理解嘅，老板又揼低頭篤電話，想落單都冇癮，5⭐為滿分環境：⭐⭐⭐⭐⭐食物：⭐⭐⭐⭐⭐服務：⭐⭐重點係老細本身有怨氣，意興闌珊嗰種，生意唔好所以咁都好理解，但老板都應該不時望下個場啲客有咩需要就叫伙記埋枱serve而唔係同太子女都喺度篤電話，呢個就真係不能接受，食物質素的確唔錯但都冇用，已經唔會回頭。…Read More

小弟經由網上外賣平台叫全日漢堡餐，但個半鐘後先收到1525落單1550-1600 原先送餐時間1605 外送員已到店舖等候16001620 第二次更改送餐時間1620-1640 第三次更改1641 打去鋪頭問訂單嘅情況，店員支吾以對，開初話冇呢張單，之後交俾另一店員接聽話15分鐘前已經將餐交俾外送員，唔關佢哋事，但網上外賣平台一直顯示外送員已到餐廳等候訂單1645 顯示外送員已取餐起程1700餐送到，由於外送員係聾啞人士，我都問唔到啲咩。薯條凍我理解，因為唔會落單先炸，但個包係熱，咁唔知係咪41分就店員所講15分鐘前即1625分已俾外送員，35分鐘後送到嘅包仲熱但薯條凍？所以究竟係收到我電話先整個包丫，定係外送員到左攞埋餐特登唔送俾我呢？anyway，點好食都假，服務都一樣重要！！！…Read More

之前已食過大角咀店，屋企附近開梗係要試試佢，環境寬敞，坐得好舒服，呢個亦都係我鍾意逐碟計場嘅原因。因為牛種類太多，唔太識分邊樣打邊樣，本身又唔食得多，慣性會嗌左一輪先，好食會再嗌，所以會連上菜紙一齊影，咁我就可以再order好食嗰幾碟埋尾。基本上冇咩好挑剔，新鮮就好食，難得有台灣水蓮菜職員服務態度好，會再幫襯。…Read More