yanki1107的个人专页

慶祝朋友生日我地黎到GRANT HYATT 既茶園食下午茶 黎之前唔算好期待 因為睇到D食評話個SET其實麻麻係食FREE FLOW雪糕XD但係都唔係丫 我地都覺得其實唔差係會展隔離 傳統酒店就係闊絡坐得舒服環境好好 仲有海景(雖然有好多地盤)XDPER HEAD既下午茶 同侍應講左好快就上有咸點甜點同埋SCONE咸點覺得個鵝肝開心果幾特別無花果有D苦 哈哈甜點栗子同埋EARL GREY都好唔錯呀至於SCONE就係個醬度 PEACH & ROSE JAM 好清新除左個SET之外呢個下午茶既特色就係有任食既雪糕 PANCAKE WAFFLE 同埋一D小食一黎就俾D雪糕吸引住梗係要試咸蛋黃味但就好似唔係好岩我地食 有D怪 哈哈但係有十種味 總有一款岩你食我地就覺得最好味係開心果(都係銷路最好最快無晒)XD粉紅香檳蜜梨雪葩都正 酸酸地 好解膩!仲有個黑朱古力 香濃得黎有好多朱古力碎 會好滿足小甜品就有呢D選擇加埋萄撻 可惜既係今日無心太軟至於PANCAKE同WAFFLE 就整得好脆!無論配雪糕或者咸既肉鬆都個BRITHDAY既朱古力慕絲都好好味餐飲都有好多選擇 淨係茶類都唔少呢度環境野食服務都唔錯價錢酒店黎講又唔算好貴$328加一信用卡85折賣點係SET以外既FREE FLOW野食好少下午茶會有! 幾好推介…查看更多

來到位於雲咸街既東歐餐廳食午餐路痴關係 搵左一陣 一入到去就見到係全東歐風既裝修由枱布到櫈到橙同擺設各樣都貫徹始終鐘意呢張餐紙餐牌有幾個選擇 雞牛豬羊豬各樣肉類都有 老闆仲同我地介紹 前菜有咩特色老闆話呢度既係正宗羅宋湯 唔係用蕃茄係用紅菜頭 而且中間有sour cream 我對羅宋湯無乜興趣但都試左一啖 係相對平時飲開既淡既 可能平時用蕃茄同Tabasco 會有酸同辣味 呢個就清淡d 有菜同豆我就揀左南瓜湯 果然無揀錯啊 好香好綿 仲應該有忌廉味 正啊主菜我就揀左牛舌配薯蓉牛舌係燜既 十分之腍 腍到似食緊牛腩 哈哈配蘑菇白汁 都幾好食好似老闆話齋 來呢度食野會有兩種感覺d野岩食同未食過既味道😂薯蓉個樣整到似飯 但都係薯蓉味應該有加牛油或者忌廉雖然係好食 但食食下會有d漏 如果有人share 應該會開心d朋友揀左三文魚我都有試 串燒上 好香同新鮮午餐包甜品呢個朱古力糕就相對普通喇最後仲有餐飲 我揀左玫瑰花蜜 超香玫瑰味 搞到底蜜糖就有d甜 可以唔使搞太多 哈哈食完仲可以欣賞呢個烏克蘭既窗景老闆仲好熱情同我地傾計 enjoyable lunch time !…查看更多

同朋友慶祝生日 佢個人比較無聊 鐘意d得得意意既野 於是係open rice 見到呢間野就決定帶佢黎餐廳係金馬倫道 平時行過真係唔覺有呢間野星期日既下就唔算太多人 所以2個人可以坐6人枱！天花吊左d雲 有d係烏雲😂位置附近都會有d公仔 岩曬d充滿童真既女仔(我的朋友)一打開餐牌 當然見到好多棉花糖既飲品甜品係度向我地招緊手 但都要揀左主食先由於唔太餓 所以我地揀左個牛油果大蝦沙律有生菜牛油果蕃茄紅椒等等 當然仲有蝦 蝦爽身彈牙 中間沙律份量唔多 蔬菜清新 旁邊有d蟹子點綴一下！還好！對得起$78既價錢除此之外我地仲揀左個牛肉burger 薯條熱辣辣 burger 足料 不過牛肉就熟左d 有d鞋同埋我可能唔太鍾意醬。BBQ醬對我黎講多左d中間有炸洋蔥圈蕃茄芝士等飲品就有呢個棉花糖朱古力！以為會好甜但又唔會 個樣就贏曬我就揀左款普通d既紫薯鮮奶 一樣有拉花 無hea紫薯味唔重個鮮奶夠熱 唔鐘意唔凍唔熱既鮮奶😂Last but not least , 以呢個綠色既櫻花樹下作結。朱古力心太軟流心都幾唔錯餐飯味道都幾好 得得意意甘滿足曬少女心 埋單每人$200多d夠位可以坐耐d傾下計假日可以來悠閒一下…查看更多

銅鑼灣有唔少樓上泰菜都幾唔錯 呢間都唔例外 而呢度部分菜偏辣 間唔中食爽丫丫被分派坐卡位 位置都還好唔太逼泰國菜唔少得既生蝦 上盤夠曬架勢 用乾冰整成既雲霧 生蝦爽口新鮮 鳳爪沙律正常水準 食得多會暗辣 但都好味！生菜包就十分足料！肉多過生菜好多 而且呢個係比出面辣 但係有肉汁又十分香口！最後淨食肉都要食曬佢lol 最好食既係青咖哩軟殼蟹！咖哩香濃唔會太甜！好食到我地要叫多份薄餅黎食曬d汁佢正啊！燒鰂魚鮮甜無話太特別見到呢度有個特色燒雞 下次試…查看更多

慢煮+熱咖啡之前上網見到文章有關於呢間小店 見離公司唔太遠今日就黎試一試佢餐廳係商廈地下 open area 座位唔多 人流都比較少 主打慢煮同咖啡好似幾好飲去到見到最想試既牛肩扒無曬 不過都仲有好多其他選擇既揀完主菜仲可以加錢加湯 沙律同甜品今日係波菜湯 我無飲不過就遠遠都聞到重重既波菜味 朋友叫左呢個慢煮手撕豬肩肉溫泉蛋扁意粉我試左少少 豬肩肉好腍好入味 扁意粉配溫泉蛋好流心好正 正所謂隔離飯香 我決定下次再來我要叫呢個🤣而我今日就懶係健康甘揀左呢個慢煮雞胸佐蜜糖芥末醬伴藜麥 lol 跟住發現藜麥原來都唔係好岩自己lol 好想知道係咪慢煮既雞胸係咪就會唔”鞋” 好疑惑點解雞胸會係唔”鞋” lol 味道方面呢個偏中東香料味 藜麥配左蜜糖芥末醬都變得無甘dry lol野飲方面我揀左Piccolo Latte 精緻的小杯子配拉花 好誘人 平時唔會飲expresso 但呢個底既咖啡絕對係好飲易入口 睇之前d文 好似店主都係用靚既咖啡豆 真係好fever haha 最後我仲加左個甜品！個人覺得絕對係呢餐飯既亮點！Chocolate Coffee Chiffon Cake 蛋糕超級鬆軟 好有質感 上層既咖啡忌廉香滑 提升左成個蛋糕變既層次令我愛上左Chiffon Cake 哈哈哈有主菜飲品再加甜品/湯 埋單每人都係$90 係呢個地段係超值兼超有心思！好快會再來…查看更多

開年飯又係食buffet既時候新年食得太多野無咩胃口就無乜期待 但來到食落d野又幾好食喎餐廳以藍紫灰為主色 望落幾grand 有空間感見到户外有happy hour 區好似都幾正首先都係主打生野 來之前就知道有蠔 所以當然唔可以錯過蠔有3種 唔算大隻味道偏咸唔重海水味 少少失望 龍蝦有膏不過唔算太有味 淺嚐 哈哈黎之前又知道呢度有鵝肝 但最驚喜既係呢個鵝肝千層酥 厚厚既鵝肝醬加超香牛油味既酥餅個個都食到encore 🤤 至於其他熱食要讚既係牛 好多肉汁 入口即溶 但如果拎到邊皮位就唔好食了 超咸呢個芝士噴泉勁吸睛係打卡位 推介呢個蟲草燉湯 好滋補的感覺 甜甜的藥材味 然後就到甜品了！呢度既甜品選擇多而且好多都好高質推介幾款熱食既麵包布甸好正上層有杏仁 底下有濃濃既朱古醬 中間有d提子乾 加上熱辣辣仲保住溫 好好味啊🤤然後呢個松露朱古力蛋糕極度適合朱古力迷 雖然會有d膩 個成個口腔充滿住朱古力味真係好正招牌心太軟唔使多介紹 流心朱古力不得了(突然發現自己食左甘多朱古力)😂Three on Canton 用既係movenpick 雪糕又令成件事開心左 哈哈好耐無食木糠布甸 呢個雖然soft左d但係都好香木糠同雲呢拿仲有呢個3.6牛奶燕窩布甸 香濃的牛奶味加燕窩 有點高級的感覺 哈哈總括來講 Three on Canton buffet 選擇算幾多 生野唔太突出 但勝在都有蠔食下 有鵝肝類係另一讚既位(鵝肝多士都唔錯) 熟食有廣東 片皮鴨 印度咖哩都有 甜品就推介果幾款都好食環境又幾好 用埋open rice book 位78折之後每人$580 暫時係試過幾間會推介之一…查看更多

星期五的晚上 為左十三么慕名而來的名館睇得又都幾食得遲到的我來到枱面已經擺左幾款精美既食物一坐低 你會即刻俾呢度既特色碗吸引碗中間寫住非常精警既語句 仲有唔同版本添！懷舊得來又有創意然後我見到既就係呢個點心拼盤 打卡必點之一😂 講真呢上面d野食味道唔算好特別 而且都偏普通 不過勝在夠靚 所以都吸引到好多人叫呢個紫薯天鵝夠曬可愛然後呢個水煮魚用甘特色既火鍋爐裝住卻又出奇地好味喔！見佢超多辣椒食落又唔算好辣 麻多一點 十分香辣椒🌶️ 入面有娃娃菜豬紅牛餐肉同薯粉等既配菜呢個帶子同菜又好新鮮 帶子煎到金黃好香口份量偏細😂多人未必夠分 另外有個石碢鮑魚雞粒炒飯 乾身多料 可能我遲來凍左唔係好食到原味 都還好啦鮮奶脆網卷就煙韌 鮮奶味唔算好突出呢個小籠包我覺得入面d湯好好味啊 好清甜但皮比較薄 易穿而最後壓軸既主角當然係佢啦！十三么！像真度100分！而且係連d銀紙都食得！侍應話係糯米來。雖然食落係無味但心思滿分！至於d麻雀就係椰汁糕。味道清淡唔重好椰 賣相加到滿分💯 為忙碌的一星期作結 發個新年財…查看更多

Lunch 來到JW 食buffet 團年又有機會食好西啦啦啦啦啦啦💃🏻有別老牌酒店 裝修會摩登少少lol 黑白為主 位置還好唔太逼唯一自助餐擺位通道就有d窄 人多時唔係太好行 Lunch buffet 12點開始第一轉梗係冷盤海鮮啦有青口呀蝦呀同蟹青口同蝦就無食了但蟹就encore 左幾次主要係因為佢真係好多膏🤤成塊起出來都係膏不得了啊！食過番尋味！呢個牛扒好有肉汁前面仲有唔同汁可以配。推介蘑菇汁 有粒粒茹好香忌廉南瓜湯都好香濃又creamy 出名既花膠。好厚有膠質不過就比想像中無味 lol海鮮闊條麵都好味！有龍蝦肉白汁creamy 至於其他熟食就無乜點食 沙律好似無乜得揀但生果好新鮮 波羅好多汁好甜有芝士同ham配餅乾魚生都唔太特別無試😂壽司得兩款 反而甜品就好靚喇🤤而且味道都幾好喎Cheese cake 💕呢個芒果味既蛋糕好fresh 唔係死甜 中間仲有果肉Tim 賣相又靚唔同既小甜點 推介朱古力慕絲 面頭係黑朱古力 唔太甜得來又滑 下面係熱情果啫喱 又幾夾 🤣仲有cream brûlée 都好味 焦糖好焦糖 😂中間果兩塊餅都幾好味但我已經唔記得左佢地係乜 lol側邊仲有抹茶tiramisu 試左一啖都ok 抹茶代替左咖啡又不太濃 見到仲有少少中式甜品 紅棗糕 仲有桃膠添！不過太飽就無食到了總括來講試過幾間自助餐 呢間算中上啦選擇雖然唔算好多 但係應要好味既都好味甜品同蟹是推介喔…查看更多

星期六約朋友加一個小朋友想坐得舒服d唔想逼 於是諗到不如去工廈食個Brunch 見呢間Ulyssa by Aldou 好評都幾多又有bb櫈就來左呢度 餐廳位置好方便好近地鐵站門面同裝修都簡單入面d枱都幾大 而且位置幾闊絡唔會俾人好焗促既感覺 都有幾多家庭帶小朋友來 岩曬一家大細！仲要食物好有驚喜好啦入正題星期六晏就呢就有呢個brunch menu都幾多野揀 由沙律到all day breakfast 到扒都有價錢一d都唔貴揀來揀去 最後揀左香芒軟殻蟹芝麻漢堡配薯條賣相都好好 比我想像中要大份有芒果蕃茄酸瓜千島醬同主角軟殻蟹🤤食落個包係脆 芒果雖然唔多但係令到個漢堡refresh 左 酸瓜唔係普通burger得個酸字果種 酸度岩岩好又爽重點係！！！個軟殼蟹係有唔少膏架！勁香！我地都覺得好好味！好有驚喜！第二個main 我地叫左比目魚 呢個呢就煎得乾身 上面d唔知係咪麵包糠呢就香脆 但係呢就偏油左d份量方面就有兩大塊 配既芥末汁都可以飲品方面絕對要叫呢個芒果乳酪沙冰用既係新鮮芒果配乳酪 小朋友都飲到陪小朋友玩一陣我地叫多個甜品半熟厚班戟配雪糕 甜品即叫即整 讚！一上到來又係好大份！想講食完覺得我下次要再來食啊厚厚既pancake (非空氣) 花左唔少心思 除左口感好仲好香蛋味上面同好大pat你以爲係cream甘簡單但其實食落係咸既 相信係芝士(我都唔係好肯定😂) 似飲芝士奶蓋上面果層奶蓋 有新鮮藍莓 好多藍莓醬(偏酸)加雲呢拿雪糕班戟配奶蓋芝士同雪糕簡直係一流啊！勁讚呢張相有d唔係甘靚但我想show到佢既厚度😂正啊！總括來講 環境簡約舒服 食物質素高用埋open rice 既訂位main course 七折每個人唔使百五蚊就食到以上既野簡直係無得彈 想星期六食個簡單brunch 既你可以來試試喇👧🏻…查看更多

係不知情情況下俾朋友帶左黎呢間茶餐廳係大酒店附近 門口望落去有d殘舊 絕對係睇唔出原來呢度係食海鮮lol今晚菜是朋友發的板首先黎既係蠔仔水晶卷就甘望外面都見到有好多隻蠔仔！絕對滿足到鐘意食蠔既你 蠔仔size都ok 而且食到鮮味 配埋芫茜不過水晶皮就一夾就爛 d蠔跌出來 但甘既價錢性價比很高見到粒粒蠔仔。呢個蜜糖雞翼炸得好脆！十分香口 面頭有芝麻 蜜糖略嫌少左d 太鐘意食甜 lol 之後就到呢個蜆飯了竹籠荷葉上 雖然無乜荷葉味 但個包裝都夠矖誠意 飯有蒜味 加上蜆既汁 小小濕潤又清甜 d飯清曬 至於d蜆就都還好 間中有沙 最後來個白飯魚 胡椒粉太多 淨係食到胡椒粉味 但係就做到入口即溶 。呢度門面一定唔係靚果d 位置有d隔攝而且係大酒店附近 如果唔係有人帶都唔知呢間野 但食平價海鮮都不失為一個選擇 而且菜式都有d創意(至少我未食過😂)…查看更多

夜晚食完飯梗係心思思想食糖水冬天又梗係最岩食中式傳統糖水💕中式糖水 價錢十分街坊一心就想食呢個豆花核桃糊生磨既核桃糊質感岩岩好 飲落滑口 香豆花就成配角 haha呢個糖不甩推介!湯圓熱辣辣煙韌韌！花生碎夠細！好味朋友叫既芝麻糊係核桃糊隔離就被比下去 哈哈仲有個芒果班戟 始終係傳統糖水鋪 食番傳統野好d…查看更多

夜收工同朋友來到威靈頓街搵野食話食上海野但佢帶左我來呢度😂京菜係咩無乜概念但都好啊都想食餃子 價錢望落又抵食水餃都有好幾款 不過今日就無煎餃湯餃又可以配麵 選擇都多首先我地揀左滷水蛋！好入味啊！連蛋黃都入曬味！作為餐前小食一流喔香辣豬耳。辣椒油有辣椒乾粒係入面唔算好辣但係好香 豬耳好爽口 配花生呢個係雞絲粉皮 同食開既上海粉皮唔一樣 上海粉皮花生醬為主 汁比較傑身而呢個就係個底有豉油 比較稀 粉皮闊身 雞肉有d係塊都唔算絲🤣而且醃得有咸香味重d 仲有青瓜同紅蘿白粒到最推介既手撕雞麵喇真係估佢唔到個湯係有椰子味！好驚喜 而且同d配料好夾！清甜雞肉份量都幾多！好味啊最後係餃子 我地揀左鮮肉韮菜同鮮蝦帶子韮黃北方既餃子皮比較厚 同食開皮薄果d係兩回事呢兩個比較推介鮮蝦帶子韮黃 咬開多汁 一個不留神會爆汁😂 而且見到到蝦肉係入面 鮮甜埋單兩個人$220左右 中環地段 呢個價錢食到甘地道既野 性價比極高 支持小店…查看更多

第二次來家上海 上次食完一次去左第二間食上海野就愈來愈對家上海念念不忘 唔似其他連鎖店 佢只有一間分店 要食就一定要來元朗。2點左右黎到 好彩唔使好等位黎到就入得 夜晚的話大家就一定要預留時間等位喇坐低侍應會幫你寫左茶先 之後就可以點菜。首先來到既係小籠包 皮薄多汁 d皮完全無穿 啜到曬d汁 好滿足！ 之前有睇d飲食報導講佢點整小籠包 愈睇愈想食奶油津白 呢度既奶油好濃好香 一d都唔會稀到變水 加上面頭咸香既乾粒 好味好味！雞絲粉皮黎得比較遲 哈哈 花生醬都係比較傑身同香濃最想食既雞煨麵啊 湯係清既麵係腍既 雞比較少不過我都好滿足喇 想食好耐了 仲有個紅油抄手雲呑係皮同餡緊緊痴埋唔鬆散 皮好薄有肉汁有濕蒜加乾蒜同蔥係面 d汁有醋同辣油加埋係酸辣既味道 十分惹味！ 辣味都有點重 但係我仲接受到 好好味兩個人五樣野平均每人食左二百蚊左右合理價錢高質素 推介元旦日捧住個大滿足回家！開心…查看更多

平安夜同同事要出去食好少少平時無乜留意 原來就係荷里活道一落黎呢間粉紅色餐廳餐廳除左我愛台妹 周圍仲寫住Fxxk Lets go Taipei幾正。被安排坐高枱 好彩都唔算唔舒服。一心係有d想食芋圓的但原來晚市先有 so sad 三個人就分別叫左三碗唔同既牛肉麵同事的蕃茄牛肉麵 湯底酸 重蕃茄味 覺得應該有加茄膏 不過同事都話鐘意食我的招牌牛肉麵！湯底重花椒八角味！牛𦟌厚身得來好腍好入味！相比起另一間鐵牛 呢間就出色好多👍🏻麵底係油麵d fd 少量菜加半隻蛋仲有呢個酸辣牛肉麵 試左少少湯底 辣味係麻果種好香麻油味 酸既程度可接受 有驚喜跟餐叫左杯黑糖薑母茶 夠薑味 暖粒粒！餐廳裏面播住輕快聖誕歌 頗有節日氣氛不過lunch 去 只係坐低左45分鐘就被清枱了 都明既不過45分鐘又真係好似快左dd 哈哈下次有機會夜晚再去食芋圓啦…查看更多

今次餐廳係朋友揀的 慶祝生日對西班牙小食無乜太多認識都無食過純正既西班牙菜餐廳係K11附近 門面都幾靚 位置闊絡 見到正門好似仲有bar枱位望街景食 叫好野食 待應先送上的骰既凍湯係蕃茄味 酸酸甜甜幾開胃 入面有d蔥少少蛋絲偏油不過幾啖仔就無乜所謂首先上碟既係有好多好評既炸豬肉薯球果然係名符其實啊 薯球外面炸至乾身入面就薯仔仲係軟身 咬落去入面仲係濕潤 配少量豬肉 外面既辣汁同沙律醬又好襯讚！之後係流心蛋馬鈴薯配Bellota ham 流心蛋係偏熟果種 薯仔就片上放係底48個月既Bellota ham 咸香味同豬肉味溶合 不算好肥膩無乜油脂 係我杯茶 XD慢煮紅酒牛尾🤤🤤🤤 牛尾十分入味同煮得好稔入口就咬開 紅酒味唔係好重 配既南瓜蓉鮮甜鐘意！除左野食我地叫左兩杯Sangria 一杯classic 同 一杯荔枝 酒精唔係太濃飲耐左冰太多溶左就令味有d淡呢個就係豬面頰煮梨子🤤 初頭無乜睇menu 完全估唔到味兩舊黑蚊蚊既係梨 我地都以為係羅白lol 又係好稔好入味 一切就開 梨既配搭幾清新💕至於呢個菜就相對失色 炒得比較硬身 有d太油可以唔試 哈哈 純粹食太多肉要叫個菜食下最後仲有呢個焦糖大米布丁簡直係為美好既晚上劃上完美既句號 焦糖甜度恰到好處 米味超超超超香 咬落仲有粒粒既米！呢個下次一定會encore 啊總括來講第一次試西班牙tapas 好有驚喜 除左菜之外樣樣都好食！餐廳坐得舒服！服務唔錯當然價錢都唔係平啦 但間唔中一次都ok啊！絕對推薦俾大家…查看更多