SergeySokolov的个人专页

朋友突然話想食扒，google一下附近見到呢間港式扒房…喺市區食慣花園餐廳嘅我哋原本期望不大。但呢份雜扒嚟到之後，全部人即刻「嘩」咗一聲！份扒真係好大份！而且$145包埋湯，餐包，生啤同雪糕真係抵到爛！味道雖然唔係話好標青，但港式扒房嚟講真係唔曳㗎喇…其餘重叫咗葡國雞飯同西炒飯都係足料大大碟！同埋份量都真係幾多，最後兩男一女都食唔晒，所以細食的話就注意一下唔好叫太多…總體嚟講真係好過預期好多，想食頹扒嘅不妨試吓！…查看更多

同朋友食生日飯，作為素食者嘅我一見到有素食選擇當然會好高興😊！所以就滿心歡喜咁樣叫咗呢碗素豆腐撈檬同素米紙卷…碗嘢嚟到絕對冇異樣，但當我問到個檬粉汁嘅時候就出事了！原來係冇提供素食檬粉汁嘅😢(淨係得有魚露嗰枝)，但碗嘢乜都唔撈係淡茂茂冇味㗎喎…而且叫咗個店員好耐，先西住面咁畀枝素食魚露我，撈到落去得個鹹字，完全失晒色…😒$85加一食碗咁嘅嘢，好唔抵囉，而且有鄉音嗰個女待應全程西面態度好差！貼錢買難受，冇下次喇😵‍💫…查看更多