best.foodiebuddy的个人专页

約咗朋友嚟釜山商會食飯，朋友細食我又唔肚餓，於是叫一主食一小食～一坐低店員就上6款前菜，超貼心🤣！店內環境好有氛圍，韓國人店員多，感覺幾正宗韓式風味，坐得舒服～睇見menu見到辣「章三蝦」一人鍋，外貌超吸引！🦑章魚好大隻吸睛，仲有蝦同豚肉，章魚煙韌彈牙，湯底係用韓式泡菜+辣醬熬製而成，望落開胃，但食落稍為淡左少少，豚肉片好多有少少肥膩，辣度係小辣。另外迷你韭菜海鮮煎餅，size對女仔超友好，外皮煎得乾脆金黃，煎餅足料每啖韭菜香氣爆發，海鮮鮮甜，配韓式醬汁一流，脆口過癮😋…查看更多

約左朋友食飯唔知食咩好,朋友提議食呢間佐賀燒肉谷話食過覺得唔錯我諗唔到食咩,於是跟朋友意見試試佢 我地一行4人叫左LEVEL 3澳洲和牛既套餐 任食套餐都幾多野食 有128品+ 同埋員工服務態度好好要讚一讚 任食嚟講依到既肉類質素真係唔錯，唔會太肥所以食落唔會太膩 ,另外佢仲有燒鮑魚同燒生蠔 我見朋友們係咁追燒生蠔應該對中意食燒蠔嘅人嚟講唔錯 肉眼望落脹卜卜，厚身肥美 但我個人就唔太食燒蠔,燒鮑魚同燒大海老我覺得幾好,鮑魚有咬口彈牙,蝦唔梅好大隻整體OK唔錯,野飲同甜品種類多,4個人埋單2279 人均約570 ,如果經過附近會再食!…查看更多

我叫左黑芝麻雪燕西米露同金枝玉糯先講黑芝麻雪燕西米露，黑芝麻香味濃郁撲鼻，配埋碧根果粒粒鹹香脆口，食落夾到爆，每一啖都食到碧根果嘅咬口。雪燕份量都足夠入口軟滑；芋圓有六七粒，煙韌Q彈；仲有細細粒芋泥隱藏其中，細膩綿密增添層次，整體芝麻奶香滑順，加上其他配料都不錯。其次金枝玉糯，成碗芒果沙冰主導，芒果味清新自然，唔會太甜膩，沙冰細膩多汁。入邊有好多麻糬 食落似米麻糬，柔軟棉密有彈性，配芒果沙冰係我第一次試，同樣六七粒麻糬，食館做到甜酸平衡超夾。最愛嘅芒果雪條，每條都用真芒果做，甜美juicy，中間保留芒果核，咬落果香爆發，視覺味覺雙享受。整體嚟講兩款都OK，但比較推薦金枝玉糯，感覺清新啲，料多實在！…查看更多

南記就一直都食開 佢個春卷真係好好食其他米線舖嘅春卷做唔到 依個味道同口感今次食咗招牌B餐 入邊有冬菇、魚片頭、春卷同腩肉魚片頭老實講一般，冬菇肥大入味，腩肉做到唔肥夠滷水味，春卷唔使多講，簡直係南記招牌！配埋個酸辣湯米線，酸辣湯入邊酸菜係偏甜，另外有肉碎同芽菜加少量韭菜，南記嘅辣度嚟講唔算太辣，我一般食中辣，因為大辣嘅話酸菜味道唔出，變左唔夠酸味南記係我諗唔到食咩嘅時候會食嘅嘢，因為食佢實冇死唔會伏😂…查看更多

九龍城廣場真係多咗好多嘢食見呢間排晒隊 好似好正咁 所以就揀咗佢叫左兩個兄弟孖寶 一個係套餐$70連薯條汽水另一個單點$48首先burger個牛望落唔算係好大，但勝在有兩層，食落重牛味 洋蔥好香但沉晒喺底 所以底部會有少少膩 ，但又真係好滿足薯條好大兜係用紙杯嚟裝，但打爆晒個杯好脆係好幼身嘅薯條，仲落咗佢哋獨家嘅調味粉，所以調味都夠晒，但就略嫌薯條入邊比較少薯 ，所以我哋都係食唔晒嘅整體嚟講呢間店高性價比，如果下次經過都會再食…查看更多

豪華三色海鮮丼：分別有海膽、三文魚子同蟹肉三款迷你丼飯，三文魚籽爆滿魚油；海膽鮮甜，入口即溶化；蟹肉彈牙有嚼勁。三樣擺埋一齊，色彩繽紛係視覺同味覺嘅享受🤤🫶🏻壽喜燒：呢個就普通，牛肉質素一般，湯底甜咸平衡但無驚喜，入邊配金菇、娃娃菜、豆腐同粉絲，講真最好食反而係個粉絲，吸晒汁水煙韌彈牙北海道海膽炒飯：係全餐MVP！面頭灑左蟹籽同海膽，飯粒粒分明唔黏，仲加咗菇類同櫻花蝦增添口感，海膽奶香滲入每粒飯，炒得火侯一流，呢個出色！其他菜式就冇太大記憶點，環境舒適但晚市價格略貴，午市好似有做折…查看更多

每次去南山村地方，都會有種熟悉又溫暖嘅感覺，好似返到舊時咁。以前我成日會去食品香樓食野，但後期變左先食品香樓之後再食白汁冰，幾乎隔一段時間就會突然好想再食，尤其係炎熱嘅夏天，食一碗即刻解暑提神！呢個白汁芒果西米糖水，碗面舖滿新鮮芒果肉，每塊都鮮甜多汁，一啲酸味都無，好夠甜。白汁冰係雲呢拿味，配埋大大粒嘅西米，煙韌有嚼勁，入口彈牙又唔會太硬。所有材料加埋一齊，層次感超強，芒果嘅鮮甜同雲呢拿嘅奶味完美融合，西米再加少少Q彈口感，成件事好夾好平衡另外，白汁冰係無堂食，只有限外賣或立食模式，每次星期五六日去，都見到店舖有人龍，但佢出餐快等候時間唔會太耐大多客人都係拎住糖水企係舖頭側邊食…查看更多

呢間餐廳真係一言難盡......LUNCHTIME同朋友喺T.O.P諗住是旦搵間睇落唔錯嘅店 見到佢門面唔錯有D FEEL就入咗去，我點咗個all day breakfast，原本以為係一般打卡CAFE質素，點知食完伏晒前菜一上枱，個海蜇已經咸到一個點，食落好似浸過海水咁，配埋個薄餅，餅皮好油膩，咬落去滿嘴油光，條腸就更慘，好乾柴無汁水，味道淡到不值一提。呢個所謂all day breakfast，份量少得可憐，性價比極低，簡直係無性價比可言，比成百幾蚊唔知食緊咩。問埋同行朋友，佢點嘅意粉都麻麻地，醬汁單薄無層次，無驚喜無亮點。整體環境雖然乾淨，但等甜品等左好耐，重點係唔好食 !!! 呢間店真係搞唔掂，我絕對唔會再有下次，勸大家三思，睇埋下其他劣評再決定食唔食…查看更多

原本係唔識呢間車仔麵，但每次經過都見到門口排起長龍，所以好奇心爆棚嘅我即刻上網睇下，見到好評如潮，終於忍唔住去排隊試下。等咗大約20分鐘左右，先至輪到我入去坐低我就叫咗糖心蘿蔔、冬菇同腐皮韭菜角三款配料。食車仔麵嘅第一件事，當然係飲啖湯先！湯頭清甜可口，加埋香噴噴嘅蒜乾同咖哩汁同中辣，瞬間令成個湯底昇華到更高層次，味道層次分明，辣勁開胃又唔會過火，飲落暖胃又解渴。糖心蘿蔔煮得超透，入口即溶化，甜味自然清新，無半點渣滓，感覺好養生。冬菇就講真，質感正常 ，但無特別驚喜。最最最出乎意料嘅係腐皮韭菜角！入面包住新鮮韭菜同豬肉餡，已經索晒周圍嘅湯汁，咬落去一啖爆汁，韭菜香氣撲鼻，韭菜多豬肉少比例啱啱好 下次都必定會嗌腐皮韭菜角…查看更多

聽朋友講女人街開咗間貓貓Cafe，超興奮即刻去搵貓玩！😻🐱 一入去就見到好多貓貓，四周爬嚟爬去，個個都親人又可愛，摸落毛茸茸軟綿綿，玩咗成個鐘都唔夠！店舖環境乾淨，貓砂味都無，適合貓奴天堂～Lunch Menu選擇超多，我地三人點知咁心靈相通，全叫咖哩飯！😂 用QR code落單超方便，價錢以貓Cafe嚟講算平，但味道就......普通啦。咖哩蛋包飯蛋都算滑，呢個價錢有得撚貓，野食唔太難食，唔會特別驚喜。不過配埋同貓貓互動都OK嘅…查看更多

肥哥車仔麵真係由細食到大，食咗十幾年，突然醒起我未寫過食評，今日補上啦！😆 講真，肥哥係石硤尾白田一帶出晒名！佢 嘅辣味絕對獨一無二，出面未試過食到呢種辣味佢用新鮮薑片、洋蔥同指天椒慢慢熬製，辣唔單止猛烈，仲帶層次分明嘅暖胃感覺，每一啖都過癮到爆，辣星人絕對中意！🌶️🔥最推豬紅唔易碎好彈口，大腸入味軟腍，無半點臭味，煮得恰到好處；加上豆卜吸晒湯汁，好惹味，配埋滑溜河粉，啖啖都滿足，湯底濃郁鮮美，簡直一流享受！🍲🥢 不過，如果唔食辣嘅朋友嚟呢度，可能覺得普普通通，辣度會蓋過其他元素。但對我哋愛辣一族嚟講，值得專登衝嚟試，辣得夠正！😋其實整體嚟講，除咗價錢稍貴少少，其他真係無可挑剔…查看更多

呢間店個名聽左好耐 終於的起心肝去食，食完覺得整體OK，未有網上評價咁好味海南雞味道偏淡，冇乜雞味，佢配左三款醬料 (辣椒醬比平時辣同杰身 , 薑蓉好重薑 個人偏好蔥蓉,，甜醬油無特別)同平時食開嘅海南雞醬有D唔同 可能我食唔慣 都係中意平時嘅海南雞醬多D 份量正常 油飯望落OK但食落唔香星洲炒蘿蔔糕個醬汁好濃好適合重口味人士 但就我個人而言蘿蔔糕煎得唔夠脆食落似蒸蘿蔔糕 味道夠但口感欠奉好時沙嗲串燒 半打(豬 牛 雞各2) 呢個串燒最好食係豬肉 反而雞麻麻地 牛肉唔夠嫩 個沙嗲汁偏甜口…查看更多

呢間出名食烤肉,LUNCH經過T.O.P 見呢間外賣有7折諗都唔諗就同同行朋友叫左外賣我叫左大醬湯配烤牛肉及飯$82 再7折 ,大醬湯好足料有牛肉 蘿蔔 翠肉瓜 豆腐同金菇個湯好飲有牛味牛肉飯有洋蔥同牛肉 牛肉飯比出邊日式牛丼飯更惹味同出色同行朋友仔叫左佢地嘅部隊鍋見到好足料 午餐肉係厚切既 聽朋友評價都唔錯下次會想試埋佢地個炒粉絲睇下係咪都咁正咁高質 另外跟餐送左3款前菜(泡菜 魚糕 芽菜) 款款都好出色 個人最中意食佢泡菜夠晒入味…查看更多

聽聞呢間米線係屯門好出名?係咪撞名嫁咋?? 食完我真係唔知有咩咁特別 真係唔好食 我叫左雞排酸辣紅薯粉大辣 個湯食落口有一陣好奇怪既味 係咪香料我就唔知啦 可能我食唔慣呢陣味 覺得陣味好影響成件事除左呢陣味我仲食到有苦味,一開始我以為係自己嗌得太辣先會咁 之後我問同行既朋友仔 點知佢食麻辣湯微辣都食到呢陣怪味 食完真係要即刻買杯廢水平衡返自己心靈同味覺…查看更多

近期見呢間金飯館人氣爆登 無論係社交平台都見到佢既身影，所以我就黎食食佢想講佢既份量真係好大,如果兩個女仔黎食建議一主食一小食,入座既時候已經見附近幾張枱都有問店員加外賣盒打包拎走招牌蝦頭油炒飯：一上枱就見頂鋒滿滿櫻花蝦，足料到爆！有蠔、蝦、帶子齊上陣，一啖就feel鑊氣沖天，飯粒粒分明，蝦頭油香滲晒入每粒飯，好耐無食過咁正嘅炒飯，絕對值得衝一試！🍤🔥😍黑松露墨魚汁肉餅飯：肉餅外層煎乾身，份量大王，但黑松露味唔夠突出，咬落有少少墨魚粒，整體中規中矩。不過流心蛋配飯一流，蛋黃爆汁吸飯超滿足！🥚🍚👍…查看更多