kclsl的个人专页

今晚同老公係荃灣搵嘢食，我就喜歡有酒飲嘅鋪頭，咁啱係寶石大廈對面就有一間，梗係去試下。入到去情調一流，啱晒收工去放鬆下，食埋飯。泡沫黑松露野菌湯$68超級濃郁黑松露味，湯底十分綿滑，入口甘香Hakuna Matata生果汁加薑啤，酸酸甜甜，唔重酒味，有熱帶風情，好啱女仕飲。Plum Meng's Soup睇個中文名竟然係孟婆茶！呢個7月好啱飲🤣其實佢其中一款酒係有烏龍茶溝檸檬汁、Princ no.1，外國開胃酒，帶小小苦味,甜味，酸味，入口味道層次豐富，真係經歷左人嘅一生，甜酸苦辣。西班牙蛋餅以辣肉腸、洋蔥、香料混合蛋液翻炒而成，以巴馬火腿作為點綴，惹味健康。西班牙燉豬腩肉飯整個飯用鐵盤上枱，熱辣辣，香氣撲鼻。豬腩皮十分酥脆，肥瘦相間，肉質嫩滑，配搭埋沾滿豬油嘅飯，滿嘴的酥香。…查看更多

今日同事話想食返大吃大喝三文治，我都讚成呀！因為實在太好食特別係手抓餅同安格斯牛肉漢堡。 😻double濃厚松露蘑菇滑蛋治$38 我最鍾意就係佢嘅黑松露味非常非常濃，滑蛋又夠滑，所以我每次都係一定要食佢🫰😻士林台式香酥蛋餅$43我要咗芝士、火腿、肉鬆、培根，呢四樣美味元素加埋個蛋餅一啖咬落去真係香酥入魂。😻松露安格斯牛肉漢堡治$45同事指定要食安格斯牛肉漢堡，安格斯牛肉真係超香肉味配埋黑松露，識食一定係食呢個。🤞🤞 …查看更多

又嚟食我最鍾意嘅燒蝦，去泰國食又熱，係呢度食有冷氣坐得又舒服正。🌝兩個半鐘任飲任食任燒，一坐低就先送上一串非常肥美嘅白鱔同埋鹽燒蝦。串白鱔大過隻手掌，鹽燒蝦加上鹽蝦嘅鮮味立即提升。喺佢個水槽入面捉嘅大頭蝦好生猛，一路捉一路喺驚佢彈，好過癮。燒熟左啲肉好彈牙。除咗呢啲的海鮮，仲有鮑魚、帶子、扇貝、三文魚鮫、生蠔、花螺，紅肉有豬、牛、羊、雞翼。蔬菜有翠肉瓜、甜薯、雞脾菇。食晒呢啲都飽飽。佢仲有其他熟食俾客人選擇，但令我最估唔到嘅係佢嘅醉蝦都好出色，肉質彈牙又有酒香。俾我發現格仔餅嘅神仙食法，將格仔餅烤到金黃，再將杯裝雪糕放上去一齊食，一冷一熱兩重享受呀！汽水啤酒飲品都係無限任飲。🍓🍓兩個半小時，任飲任食🍓🍓💫💫💫要記得預約！💫💫💫…查看更多

而家打邊爐要不限時先吸引到我，聽講小鍋霸啲配料好出色而且仲係不限時，咁就梗係要嚟試下。小鍋霸有三個套餐選擇，我選擇左$298套餐：Prime Grade 牛肩胛肉和西班牙無激素豬肉片任食套餐。湯底我選擇咗藥膳椰子雞湯。🎈椰子雞湯底椰子味非常濃郁，以紅枣、杞子、半隻新鮮雞作為淆湯材料，湯頭非常清甜。先淥牛肉，牛嘅品質好靚，雪花分佈得好均勻，入口牛味香濃。無激素豬肉片好彈牙，椰子湯配個豬肉片，唔使點任何嘅醬料都已經好好食。🎈呢度嘅沙茶牛肉好好食，入口嫩滑，沙茶味剛剛好，極力推薦俾大家。🎈佢嘅大蝦、蜆同埋白鱔都好新鮮，夠曬肥美。🎈三星蔥牛丸嘅蔥味薑味非常濃郁。🎈好少見有炸魚骨，佢呢度竟然有提供🤩平時嘅邊爐放題都係罐裝飲品，但係佢呢度嘅飲品係台式特飲，有珍珠奶茶、香芋雪香、朱古力牛奶雪香！佢嘅朱古力雪香有非常濃郁嘅朱古力味我又要極力推薦俾大家，一定唔會令你失望。🌞佢所有肉類，海鮮、丸類、餃子、炸物、麵條、台式特飲、甜品都係任飲任食直到晚上10：30🌞你話係咪抵食。…查看更多

午餐時間見到一間以珊瑚橙色為主調嘅茶餐廳，我不自主咁行左去排隊，排左大約3分鐘，職員好熟練咁將客人安排好座位,入面嘅裝修同傳統茶餐廳唔同，顏色嘅配搭好活潑，好有活力，好光猛。佢有好多午餐選擇，花多眼亂呀！港式、中式、西式,一應俱全。我梗係食最喜歡嘅蔥油豬扒加煎蛋啦！$62豬扒以五香粉醃咗個底味，再煎，好香！而且豬扒非常大塊，肉夠厚。並唔係大大塊但好似紙咁薄，食落有質感，個個男人坐低都係叫厚切豬扒飯，唔怪之得咁多人排隊食啦！簡單一個蔥油，配搭調味簡單嘅豬扒，但味道非常豐富。配埋杯冰底凍檸樂，呢個午餐滿足晒。…查看更多

我同朋友都係羊肉愛好者，一見到有羊就會去試，今次係朋友屋企附近見到有主打羊肉嘅食店，唔使諗約埋去食啦！店鋪入面都係街坊客，個個都係食羊，羊肉湯，羊肉飯，羊肉香味充斥整個鋪頭。羊肉中串羊肉燒得好嫩，灑上燒烤調料，風味一流羊肉湯呢個湯頭鮮味，羊肉夠嫩，好多街坊都叫一碗羊肉湯配白飯，羊肉鮮味可見一斑羊肉飯用羊排嚟燘，羊肉肥瘦相間，連骨都可以食埋，其中豆卜更係吸收咗羊肉汁嘅精華，比羊肉更富羊味。羊肉餃羊肉混合咗芹菜，京蔥，使羊肉味道層次更豐富，入口羊肉汁係餃子流出，有驚喜。…查看更多

勿勿嚟到星期三，想係尖沙咀搵間小店慢活一下，嘆一杯咖啡，讓腦袋放空。係喺加連威竟然搵到一間低調但充滿意境嘅小店，緣分讓我遇見，就入去啦！Flat white nutty $40咖啡師磅豆，磨豆，最後篩粉，動作行雲流水，令人賞心悅目！咖啡味道比市面的口感更醇厚。宮保雞丁扁意粉$100辣嘅宮保雞丁加埋creamy嘅意粉，入口激發出意想不到的美味，比起傳統的意粉，我更偏愛宮保雞丁扁意粉。牛油果醬煙三文魚三文治$72清新的牛油果醬，煙薰嘅香味配搭煙韌嘅麵包，口感十足，放心吸收優質嘅澱粉。炸野菌拼盤$88爽脆嘅炸漿包裹住雞脾菇、金針菇、鮮冬菇蘸上千島醬，Chewy, Crunchy and Yummy 😋…查看更多

回鄉證過咗期冇得返大陸食麻辣香鍋，點知喺旺角畀我見到有得食喎，梗係去食啦。坐低我即刻點咗個麻辣香鍋：鮑魚、海蝦球、小酥肉、牛百葉、沙白，微辣。呢度嘅辣可選唔辣、小辣、中辣、大辣，唔錯。我最喜歡多花椒，呢度真係好大方，好夠麻呀！我好鍾意呢個感覺。每一款材料都蘸上香鍋的味道，熟度剛好，有下次。黃金皮蛋真係名副其實金黃得嚟又夠透明，配埋麻辣醬，一流。孜然羊肉配麼麼皮一上枱已經聞到孜然嘅香氣、羊肉嘅香味，洋蔥炒得又香又甜。用麼麼皮包住一口咬落去，滿口孜然香，令人念念不忘。原來佢杯凍檸茶都好有檸檬味，茶膽夠香，一邊食辣嘢，一邊飲杯檸檬茶，真係爽歪歪！…查看更多

連鎖快餐店太興餐廳 ---在香港是很多人吃午餐的選擇。 因為它的品質非常好， 雖然價錢有點小貴， 而且門外常常大排長龍，但仍然不損打工仔對它的喜愛。 我自己對他的叉燒也是十分喜愛， 今日點了叉燒飯$76， 到桌上對它的外觀十分失望， 色澤暗淡。俗語有云：色、香、味俱全。食物的顏色排第一，對人的第一印像也是非常重要 。 所以我對他的好感大打折扣， 甚至不想進食。 但是我付要付出76元， 只好硬著頭皮去吃了。 入口味道雖然不俗，但是整個外觀、整個感覺也不好了。 看著旁邊那兒的客人也是叫叉燒飯， 但他的職責備我的漂亮很多。心裏不平衡了[调皮] 冰鎮奶茶非常 好喝，還是值得推介[调皮]…查看更多

夜晚喺中環食完飯想買個甜品返屋企食，朋友推介我嚟呢一間買， 因為佢食過好好食，而且全港係得呢度有呢間舖頭，冇其他分店。咁嚟到中環就梗係幫襯下佢啦。 佢嘅門面裝修得好簡潔，清清楚楚擺曬啲甜品蛋糕喺度。唔會令人覺得眼花繚亂。不過大家要嚟買呢就要早啲啦。佢好似八點鐘就收舖今晚我就啱啱趕得切喺最後一分鐘幫襯佢職員姐姐都冇因為我阻住佢收工而黑面，只係溫馨提醒我只能收電子支付。重點係佢啲芝士蛋糕好好食，而且有三款咁多。我因為第一次嚟買，而且係咁趕急嘅情況下我只買咗一個 。焦糖芝士蛋糕$34晚上臨收舖有特價96蚊有三個。後悔冇買多幾個。好香嘅雲呢拿同埋芝士味，而且食完唔滯，阿女仲問我做咩唔買多幾個我下次識做啦我會買多幾個返嚟試…查看更多

朋友仔話佢係香港食過一間幾好嘅甜品店，而家係旺角開左分店，咁梗係去試下啦！雖然得兩個職員，但係都好勤快好熱情招呼。裝修風格係文青路線，舖頭好通風，大大個窗口可以望住熙來攘往的街道。日本小山園抹茶燉蛋白鮮奶 $42小山園抹茶係好出名，加埋喺蛋白燉鮮奶入面，濃濃嘅奶香、濃濃嘅抹茶，二合為一 令人彷如置身在京都一樣。大良燉鮮奶$32奶味濃郁，甜度適中，食完唔覺得太甜太滯。蓮子陳皮百合紅豆沙$32紅豆好大粒，可以食到陳皮嘅香味，佢嘅紅豆沙係細個屋企整嘅味道，呢碗紅豆沙令我諗起細個嗰陣時屋企人一齊食糖水嘅回憶！一家人🏡溫馨嘅時光甜在心頭🫰#hkfoodie#hkol#cninefoodie#yummyfood #mychoices#hkig #hkfoodie #eatfamous #eatright #eatwell#廣華街#甜品#家常味道#回憶#簡單#🎈賢記甜品世家地址：九龍旺角廣華街13號廣輝大廈地下2號鋪電話：6971 1128…查看更多

係朋友同我講呢間都幾抵食，因為佢有廿蚊早餐。 我呢啲窮人梗係食平民早餐啦我去到 見到好多人喺入面食緊嘢， 要等一陣先有位。 鋪頭就細細間，座位唔算闊落，可以話係有啲迫 但係依然無阻啲街坊嚟食早餐。 廿蚊嘅早餐同出面三十幾蚊嘅早餐係一樣嘅，都係有面、有炒蛋、有多士、有嘢飲！真係好難想像呢個時勢仲有廿蚊早餐！ 我就畀多幾蚊食第二款早餐， 今日食咗煎蛋、鮮牛、出前一丁，加杯凍啡走甜。 出前一丁煮得啱啱好，唔會太淋或者太硬仲送埋麻油。 鮮牛有牛味唔鞋， 我最鍾意佢嘅湯有啲薑絲，丁麵加薑絲一齊食好好食最後埋單31蚊。 係環境逼夾咗少少，其他都冇問題，職員都好勤快。…查看更多

家姐買左啟岸 今日叫我去佢屋企玩，經過樓下見到有一間專門賣台灣嘢嘅外賣舖頭咁我就買啲上去同家姐一齊食。 我見佢啲貨係寫住台灣直送， 咁梗係要試下啦。而家仲可以whatsapp（64686503）落單自取,超方便。台式烤雞腿便當$55之前喺臺鐵上面食雞腿便當，我到而家都好掛住。而家竟然可以喺呢度食到，真係好開心 。雞腿嘅醬汁香濃，肉質嫩滑，而且好大隻🤩食完好滿足。蛋餅總會（玉米、起司、鰖魚、肉鬆）$45我心心念念嘅台灣蛋餅呀！！我見到佢有粟米、起司、鰖魚、肉鬆咁多種餡料比我揀，我貪心啲乜都擺曬落去！！！所以就嗌咗個蛋餅總滙。一咬落去就係台灣嘅味道。掛住台灣嘅你一定要嚟食蛋餅呀。鹽酥雞-大$36鹽酥雞炸得非常香脆， 厚肉多汁，一啖一舊，爽呀！份量仲要好大，比其他店舖有良心好多。炸物拼盤$60炸物拼盤有：鹽酥雞、甜不辣、四季豆、雞肉捲、地瓜薯條、花枝丸。全部都係地道嘅台式小食，嗌一個拼盤就可以全部有得食，炸物香脆美味。紫薯黑糖鮮奶$27咁凍嘅天氣梗係要番杯紫薯黑糖鮮奶溫暖下自己啦！紫薯香氣四溢,黑糖甜度剛好,奶味濃郁。三者混合埋一齊喺寒冬入面溫暖到心坎中，有種好幸福嘅感覺。 真台客🎈 馬頭圍道63號啟岸地下13號舖 whatsapp落單自取：64686503#hkfoodie#hkol#cninefoodie#yummyfood #mychoices#hkig #hkfoodie #eatfamous #eatright #eatwell#啟岸#紅磡#美食#高質外賣店#台灣人老闆…查看更多

今日個friend話帶我去一間好有情調嘅餐廳食嘢， 於是我哋就嚟咗金巴利廣場4樓嘅LAVA嗰度食西班牙菜。 入到去地方好大，乾淨企理，好啱一大班朋友傾計吹水。 我哋兩條友就揀左近窗嘅地方坐低，嚟到呢度梗係食西班牙嘢啦！風乾西班牙牛肉 $128我第一次食風乾咗嘅牛肉，原來牛味係好濃郁，配埋佢嘅雞尾酒 ，一流。意大利西班牙凍腸拼盤$128呢個拼盤細細地，但有沙樂美腸辣肉腸，仲有一塊好似上海菜鎮江餚肉嘅腸好特別呀。小小一盤滿足咗我想食香腸嘅慾望。意大利牛他他撻配脆薯仔核桃$128呢個我大力推薦大家一定要試， 我第一次食，但真係覺得好好食。個撻真係好脆好脆，個面灑滿咗芝士同埋脆片，加埋啲黑椒、鹽嘅香味一啖咬落去好滿足呀。古巴三文治$128餡料有慢煮豬肉、火腿、西班牙芝士 最鍾意佢啲芝士流曬出嚟，個包面又夠脆，加埋豬肉、火腿、芝士一啖咬落去真係好好食呀 。Crazy heavy veggies plate $88 佢有洋蔥圈、粟米、芝士、牛仔脆片。辣得嚟又唔係太辣，洋蔥圈又夠脆，嗰啲脆片係類似牛仔片嗰啲好好食，好特別。意大利牛他他撻配脆薯仔核桃$128呢個我大力推薦大家一定要試， 我第一次食，但真係覺得好好食。個撻真係好脆好脆，個面灑滿咗芝士同埋脆片，加埋啲黑椒、鹽嘅香味一啖咬落去好滿足呀。今日我哋飲咗whisky sour同埋1664，呢兩款酒都好啱女性飲，我個人特別推薦whisky sour係好香嘅。happy hour買一送一大家唔好錯過啦。…查看更多

好朋友話帶我去通菜街（女人街）食好西，我心諗女人街喎，我印象中好似總係人多車多，橫街窄巷有咩好食呀！？嚟到門口，E！咁簡潔明亮嘅！裝修走清新風格，窗明幾淨，一改我印象中的凌亂。坐低叫嘢食，由於我哋唔係食好多碳水，見到個menu 真係開心，有肉有菜啱晒我呢啲小飯嘅人。而喜歡食飯嘅朋友又有日本洋料理飯食，唔錯唔錯，有下次。重點係自己手機落單好方便。呢度奉送每位客人一碗甘筍湯同埋兩塊蒜蓉牛油法包，對於甘筍有恐懼嘅我竟然覺得呢個湯好好飲。1.燒西班牙黑毛豬豬安倍蘋果蓉$148呢個西班牙豬鞍肉質好淋又有豬味，一啲都冇豬腥味。大大份，上枱即刻飄嚟香味，令人垂涎欲滴。仲有好多日本小蕃薯做伴碟，提供埋優質澱粉質，喜歡健康嘅你一定要食！ 大力推薦俾大家。2.刺身拼盤（獨角鷹）$118刺身拼盤有松葉蟹腳、帶子、三文魚、吞拿魚、油甘魚、甜蝦、北寄貝、赤貝一次過可以試曬咁多款唔同嘅刺身，新鮮味美、肉質鮮甜。新鮮值爆錶。3.日本帶子刺身四件$88呢度嘅帶子刺身絕對係珍寶級size，而且仲係厚切，味道既鮮又甜。食晒四粒真係好滿足 。4.牡丹蝦刺身兩隻$88大大隻牡丹蝦，肉質晶瑩通透，味道甜美。5.象拔蚌刺身五件$58 象拔蚌呢啲貴價刺身喺普通嘅舖頭好難食到，但係喺呢度竟然食到，又新鮮又美味。真係收穫不少意外驚喜！！！6.煙三文魚牛油果沙律$38估唔到呢個沙律嘅cp值係咁高，又三文魚又牛油果都只係三十幾蚊，去邊度搵呀！而且味道又幾好味喎！而家呢間舖頭新開張，惠顧任何主食類食品都會奉送小食一客。咁著數一定要嚟啦！…查看更多