今天即興和幾位同事去左試依間喺土瓜灣比較小有 provide all day breakfast 的 cafe。一行五人預先訂位，準時到達，不用等候被安排坐在門口位一張長方型而頗特別的原木枱，環境OK，起碼無擠迫的感覺。坐下不久，有四位同事各自點了三款不同的 all day breakfast, 另有同事點了Fish and chips + 一罐 diet coke。先講食物，all day breakfast 很快送到，我點的有炒蛋,sausage,bacon,croissant,一堆菜。份量適中，但男士應該就未必夠飽。各款食物就 just OK, 炒蛋略嫌太熟，太老 ；sausage 頗有咬口但 taste 一般 ; croissant 應該是買回來，再叮或焗熱番，起初望落去的感覺死死實實，諗 住一定吾脆，但好彩都有小小脆，所以我估起碼是番焗的, 但因為近來太多好味的croissant蒲頭 (希慎，海港城），相比之下即刻相形見拙 。Fish and chips 是另一位對食物頗有要求亦識飲識食的同事叫的 (以下簡稱佢為Fish & chips)，他的comment 也只是合格，沒有太多意見，我想應該 under his expectation, +_+ 。再講價錢，就地區來說在土瓜灣是頗貴的，放眼土瓜灣一般都是較便宜和大衆化, 但自從有MTR開始興建，豪宅落成，相信這區的物價，食店質素將會大大提高，但重點是食物質素與價錢應成正比，Fish & chips 不為意點了一罐 diet coke (預先無睇menu 到埋單也沒特別留意，因為心想 coke 應該都是10元八塊吧），但真喺千奇百趣睇小D, 大家請看單，沒有看錯，這罐可能有如紅酒般有特別年份的diet coke索價 $29 元!!!我錯，我錯在沒有睇 menu 同無check 單，就喺甘眼白白見住 Fish & chips 飲左人生中最L貴的 Diet coke。但無辦法，錢已俾，心已捶。我再打番去追問那些年的乜L可樂已是徒然，得到的答覆只是避免有人齋飲坐一世，所以將佢僄貴D!!!老細，$29 罐可樂，海浪公園，迪迪尼，置地high tea, 半島都吾駛依嗰價錢呀嘩，以後土瓜灣都全頼有你。Good Luck Mate !!!…查看更多
