natbee的个人专页

第一次黎，行到門口見到都幾多人捧場，我估應該ok掛。點知真係唔錯，老闆推介既蟶子超肥美，花甲今日狀態麻麻，佢照直講，叫我地唔洗嗌，非常老實。扇貝好新鮮，去咗裙邊同肝，燒完唔會韌同苦，今晚每一碟都好味。香港仔有好多連鎖店，最近仲開埋壽司郎，大家當然排曬長龍。小店生存空間的確不多，有好味的，就應當大大力支持，咁先可以繼續食到獨特既味道。下次黎會試埋佢個桶蠔雞皮串燒。希望多啲人認識用心經驗既好餐廳。雞腎、金菇肥牛燒馬友墨魚汁腸…查看更多

通常D主題cafe都好難食又貴。呢間竟然例外，菜式選擇幾多，叫咗個沙甸魚意粉同煙三文魚pizza，都幾好味，而且仲有好多熊仔睇，梵高系列竟然齊曬😍仲要D位幾舒服，應該會再黎。…查看更多

之前見到朋友喺fb share過呢間餐廳，高度推介，再睇埋《蘋果日報》報導關於餐廳老闆既感人愛妻故事，今日入元朗決定帶班friend黎試一試。結果真係無令我失望！每一道菜都係水準之上，亦都feel到老闆好用心做。洋蔥湯非常濃郁意大利麵係即場手打，非常新鮮同有質感，而且份量好足，男仔都唔會唔夠食Tiramisu甜度適中，好味！價錢公道，用料無欺場，好希望呢D良心小店可以長做長有！下次再同朋友夜晚黎，試多幾個菜式。聽老闆講佢而家整緊蘿蔔糕同芋頭糕，又係落足靚料，都幾想試試。…查看更多

收工兩個人食晚飯，想簡單D又唔想食快餐，於是就search到呢餐廳。本來想食個牛肉麵，但見到D台灣小香腸滷肉便當又搞到我好掛住台灣D夜市，所以就點咗個便當，朋友食牛三寶牛肉麵。味道唔錯喎！有台灣既味道。滷肉好香、肥肥地，香腸都好脆皮，個便當有有D配菜，好balanced。仲有杯珍珠奶茶都唔錯，甜度適中。朋友話個牛肉麵都好好味，牛肉煮得幾林，湯底都ok，不過可以再濃D。呢度裝修好文青cafe feel，樓底好高，坐得幾舒服。店員態度都幾好。可以再黎。…查看更多

今日叫咗個辣蝦湯蝦肉魚蛋檬。個湯底好濃郁，魚蛋都好彈牙，檬粉就正正常常。如果唔鍾意檬都有好多其他選擇。值得留意係個個店員都超有禮貌，無論落單哥哥定係收銀哥哥，個個都唔該前、唔該後，非常殷勤，當日店面都算好多人流，可以keep到咁好服務態度其實算好難得。最重要係，呢間係優質既良心小店，遇到香港同路人當然要大大力支持啦！小小意見：蝦唔好開兩邊會更好口感，寧願睇上去無咁大堆頭；同埋如果可以提供埋紙巾就更好啦…查看更多

朋友推介過話好味，咁我就去試試。總括黎講，食物係好高質，服務同環境都好好，非常對得住個價錢。聽完師傅同侍應介紹個menu後，決定試下個日本雲丹海膽伊勢海老丼。一開始上既係沙律同茶碗蒸。茶碗蒸蒸得好滑，有濃濃上湯味。沙律就正常發揮，菜好新鮮爽口，總之材料唔係hea。主菜等咗一陣先上，因為師傅話係新鮮龍蝦，要即劏，所以要D時間處理。主菜一上檯就俾個presentation驚艷到，同行友人表示好羨慕。至於味道呢，龍蝦肉爽口鮮甜彈牙，龍蝦箝全部已經拆曬肉，一啖咬落個龍蝦箝度，感覺超奢侈同滿足！輪到個北海道馬糞海膽，好甘好濃好鮮甜，入口即溶，少少腥味都無。仲有旁邊碟龍蝦膏，又係唔洗自己拆，可以一羹羹咁直接擺入口，真係好嘆好爽。而個酸薑都好特別，侍應姐姐話係師傅特別處理過，加咗柚子落去，所以酸酸甜甜好清新，平時唔特別食酸薑既我都食咗好多舊。最後甜品我揀咗師傅自家製蕨餅，食完真係有大滿足既感覺。總結一下，呢間餐廳係幾有heart做，師傅好有心機同你講解D食物，全程傾得好開心，侍應都好有禮貌，環境又舒服。齋睇個餐牌你未必覺得平，但食完你會知D食材有幾堅幾新鮮，其他餐廳同一質素相信可以再賣貴好多。希望keep到個質素，一定會再幫襯。…查看更多