堆田區的个人专页

食開既日本餐廳都執晒笠，唯有試下新野。上openrice見到呢間食評好似幾好，所以即刻book位試試。當日係星期六，竟然冇人，就咁包左場🙈🙈🙈🙈入到去即刻點左二十件自選，壽司飯細細粒，而魚生都有一定厚度，具體可以參考圖片。壽司普遍黎講都唔錯，海膽唔腥，只係同日本師傅主理既壽司都係有一段距離，如果有三笠屋咁既質素就好喇。因為佢質素唔錯，本來想平日中午番焯，點知walk in只得一小時用餐時間，咁趕就冇食到喇😅都係週末再去慢慢食好喇…查看更多

今日因為有野係呢頭做所以去左悅來坊搵食，見間日本野冇BB櫈所以入左黎。入黎先上openrice睇評語就知伏味濃...點左香茅豬扒同雞扒飯，上菜速度一般，但未有其他評語般咁慢。兩碟飯既份量都算大份但味道好一般，基本上都冇香茅味，好彩冇叫其他更貴既野食😅另外，最普通不過既凍奶茶味道非常淡，好難飲下。不過佢有BB櫈我無奈接受。目測餐廳都坐滿人，唔知係街坊定係好似我咁咁岩路過。我基本上都應該唔會再入黎食，主要係因為杯凍奶茶太難飲🤧…查看更多

有幾個星期冇飲茶，食黎食去都果幾間，諗住試下新野，點知咁就中左伏。。。唔好食之餘且價錢貴，中點已經25.5（未計加一喎），深水埗同長沙灣呢個價位真係有大把選擇，回頭一望睇睇呢度食評就明白了，早知望望先入黎啦，好後悔。樓上皇府好過。。。叫左四樣野：XO蘿蔔糕：特點，散修修，一pat野咁，味道非常一般粉皮魚肚卷：午市特別推介，真係唔好食。。。燒賣：蝦肉豬肉好似混埋一齊，鍾唔鍾意見仁見智啦雞扎：終於有一樣野係正常唔好意思，真心差評。。。…查看更多

咸點還可以，甜點除了芝士蛋糕好吃一點之外全部都好甜，甜到好似食緊砂糖一樣。另外點了朱古力，是用粉沖的，不是濃郁的朱古力。吃完甜品再飲如飲水一樣味道，可見甜點有幾甜。環境方面47樓高樓層還算不錯，不過附近高樓不少，所以都係望屋苑屋頂為主，但也算開揚。用餐當日食客不少，入座應該有70%，不知是否因為在將軍澳區食high tea地方不多的關係呢？總而言之，呢餐係用Asia miles換取，但也覺後悔，希望各位食家注意…查看更多

話說侵日去新北江行過拎左一堆外賣紙備用，點知今日個午餐已經懶得落街解決就係咁...打左去呢間餐廳叫外賣...泰式雞絲撈 + 老火湯 $24...我知道唔應該有任何除左乾淨之外既expectation點知送到上黎個樣唔錯，送外賣速度唔錯，可能今日d 人去晒睇龍舟!!碗湯有隻雞腳同冬瓜一塊，起碼扮下野，唔係擺明味精湯食落發現真係幾好食，同係公司附近食果d 幾十蚊咪又係差唔多!餓到冇影相...下次再影啦!下次會試埋咖哩同埋本人至愛海南雞飯，睇下落下食評有冇吹水~…查看更多

一直想黎試下不過知好貴，所以等到女朋友生日先捨得黎食點左兩個甜品1, Creme Brulee好正...D 焦味好surprise, 個布丁好smooth...不過我女朋友話樓下果間甜品鋪都係咁smooth, 但就真係冇個咁正既焦味2, Pear Tart呢個清清地好fresh，食落唔會濟，亦有好多layers好多種味覺上既刺激…查看更多

見咁多人話好評，就同左女朋友黎慶祝生日叫左兩個菜，點知...1, 唔記得左咩PIZZA暖既PIZZA...點解唔係熱辣辣既?....我expect一出爐既pizza係熱的...2, 炸薯皮$62...得兩塊一開2 既薯皮...又乾又硬...伴碟既沙律仲要有D 類似藥水味既sauce...本來想叫多碟野 + 甜品...即時打消左個念頭...仲有...d waiters感覺奇奇怪怪咁...係我個人問題嗎?...…查看更多

真係唔明，個鋪頭外面個樣整到好似ok，入面d 野點解可以難食到咁......仲要貨不對辦!!!話說小弟同女朋友行完寵物街之後想搵野食，落旺角經過呢間野之後俾佢"江川烏冬"呢四隻字吸引左埋去。入到去望住個menu好似好吸引，好快就叫左兩樣野:1, 西京比目魚烏冬套餐 ($46 + 10%) (日本唔知乜Q 汁湯底) 2, 和風金菇黑豚肉套餐 ($42 + 10%) (豬骨湯底) 先上和風金菇黑豚肉套餐，餐牌上面既配菜冇左，我問經理D 配菜去左邊，佢話果D 係蔥，已經倒左入去碗湯入面...下??唔係呀??除左知道入左黑店，已經冇咩好講...再試一試個豬骨湯...我即刻好掛住味千...淡茂茂，冇乜味。烏冬又係出左事，一D 都唔彈呀，同阿媽買一包包果D 烏冬冇乜分別。係青衣間赤丸製麵所(無論係質素下降前後)同埋屯門間自家烏冬都好食過佢一百倍，價錢仲平添!!不過好戲仲係後頭，個西京比目魚烏冬套餐黎到仲精彩，個日本醬油湯底簡直係麵鼓湯溝左好多水...我女朋友一食就話好難食...最後我地調轉左個湯底黎食...我相信呢碗野會係我人生入面食過最難食既一個湯底...埋單$102，我個肚食有堆野係入面，但當晚完全冇滿足感...我亦有留意其他食客表情，點解好似食得咁開心.........................................................................................我就好後悔喇...如果你都想後悔既話就入黎試下啦!如果你係個老闆，唔該你試下當自己係個客，入去望住個餐牌，再食下D 烏冬...真係好唔掂...如果唔改善一下，係香港呢個咁COMPETITIVE既地方......點生存?…查看更多

同一班朋友唔知食乜所有走到黎呢度，見到阿拉麵館就試下啦...之前因為旺角果間出過事所以一直都冇試過去攞位莫名奇妙，明明有張靚靚大枱可以安頓我地一行八人，唔知點解卻俾左一張頹枱我地坐...???叫左七個飯餐一個麵餐，起菜的時間頗慢。本人吃了滑蛋蝦仁，唔係太多蝦，但真係幾好味。(朋友同樣食蝦仁就有好多蝦...攪錯~d 份量都唔一致既...)其他食品都ok，不過價錢唔算平。最後surprisingly係埋單超快，同攞位and起菜簡直有天壤之別...…查看更多

同同學仔一行四人完左workshop去食甜品慶祝，佢地帶左我去呢間糖水鋪。其實一向係呢頭補開習，不過竟然冇人同我提起呢間咁正既糖水鋪...好彩，好味既糖水都係俾我最後遇上了~入到去睇個menu...排到麻煩煩真係幾難睇...成張spreadsheet咁...哈哈...真係幾難搵食...不過最後發現有好多正野如:1, 生果系糖品2, 中式fusion / 兩溝3, 榴槤系!!!好想食榴槤糖水，不過最後揀左最愛既紫米...朋友仔則選了生果系/榴槤糖水首先講我個紫米喳喳...正到暈，好多都冇食d 似番紫米應有既味道，甜度適中，多料...不過仍難敵當年旺角敦旺酒樓的紫米露...榴槤甘露試左一淡，好正...榴槤一大舊...香到暈，只是我地奇怪點解冬天仲有靚榴槤...朋友們還吃了noodles...不過好似味道麻麻...另外了$21蚊雞翼八隻- 好細隻，不過煎得唔錯煎釀三寶- 中規中矩四個糖水加noodles加小食都係每人$22...遠d 都要再黎過!…查看更多