foodluvhk的個人專頁

明太子意粉 Mentaiko Pasta $128芒果乳酪煙三文魚酸種麵包 salmon mango w/yogurt sourdough $88Black $40Espresso Tonic $48長假期梗係要出下離島hea吓，熱門地方實在太多人了所以就去咗馬灣行下。本身想食一間日式cafe但係booking已經full左，咁就不如試吓呢間淨係比walkin，環境又好似幾好嘅cafe。明太子意粉幾好食！明太子醬甜甜地咁樣，亦都會有少少微辣，creamy得來唔會好膩，醬汁亦都夠多，每一條意粉都會掛到明太子醬❤️碟意粉上有五六片帶子，煎得啱啱好亦都唔會過熟，帶子都幾鮮甜。意粉煮得啱啱好，整體來講係唔錯的🥰個sourdough係特別，味道上我就覺得不過不失啦。芒果酸酸甜甜，配上三文魚嘅鹹鹹地咁樣，再加啲香草，我都自己覺得有啲食唔慣，個人口味問題啦😂 同埋個sourdough邊如果可以香脆少少就好，食落去有啲硬。咖啡方面就係偏nutty(應該)，唔係酸嘅咖啡豆啱我口味啲，我就覺得幾好飲，聞落去都幾香，始終我唔係咖啡expert，唔知點樣評價好😂喺呢度食嘢都幾有feel，望住青馬大橋同埋沙灘食嘢，唔係太熱可以坐outdoor，仲有呢間cafe係pet friendly，見到好多人帶着寵物🐶…查看更多

Matcha Latte $42話說之前見過好多人出story講過呢間過江龍，仲要係抹茶🍵超鍾意抹茶嘅我梗係要試吓！本身仲預咗啲時間排隊，唔知係咪因為熱潮過咗，我去嘅時候係唔使排隊嘅。Matcha Latte 第一啖飲落去覺得，抹茶味都幾濃厚喎，仲有少少甘嘅感覺，同飲到好多抹茶粉😂攪勻左之後呢就覺得佢只係正常濃度嘅matcha latte，有抹茶味嘅不過唔濃厚，抹茶控表示未滿足🥺 牛奶part係有失望，我覺得成杯野都冇乜奶味，得淡嘅奶味咁囉，我期望佢係抹茶同埋奶兩者都係濃厚。我已經係即買即飲，啲冰係未溶的🥲 我見到好多評論都話佢奶味好濃厚，係咪飲凍飲會有偏差呢？定係我對佢期望太高了？睇唔少評論都話佢嘢食係好過嘢飲的，嘢飲可能我真係未必再試啦，嘢食下次可以試吓嘅😂…查看更多

Weekend Brunch Set $398 p.pAntipasti:•Il Grande Tagliere•Burrata Classica•Decadent Prawn Cocktail•Carpaccio with GiardinieraSecondi:•Porchetta Alla Romana•Handmade Cavtelli Allo ScoglioDolci:•Grand Dessert Platter首先坐低冇幾耐，waiter就會比兩杯水同埋麵包你，麵包都係正常麵包，會有橄欖油同埋醋俾你點，都唔會有咩特別評價😂之後就會上四個前菜，Il grande tagliere其實就係cold cuts and cheese，我同朋友一致覺得佢哋嘅ham 係好食，有水準！❤️ cheese我哋兩個都冇食到所以評價唔到 😂 Burrata classica其實就係意大利布拉塔芝士同蕃茄配橄欖油。呢款芝士食落去係奶油感，係比較滑嗰種，我覺得似係牛油味芝士咁樣(?)然後蕃茄就冇咩調味咁樣，一齊食係幾好食。Carpaccio with Giardiniera 就係薄切牛肉片 (佢係話roasted striploin) 再加啲醃製嘅蔬菜片 (italian pickles)+芝士。其實都幾多重口感，有啲鹹香然後pickles+菜有少少爽嘅口感。Overall呢兩款前菜都係好typical意大利傳統antipasti，亦都係expected quality，一定ok唔會失望但係都唔會有啲咩特別咁。反而prawn cocktail就有啲失望，蝦好明顯係唔太新鮮的，覺得有啲霉，佢嘅marie rose sauce 亦都唔覺得有啲咩特別，唯一扣分嘅前菜。Porchetta Alla Romana 就係slow roasted pork belly，呢個真係好食🥰佢個外皮係香脆，然後肉質勁淋同埋嫩！tender到一個點係都唔使點刀切！另外肥嘅部份唔油膩，配埋隔離蘿蔔汁一齊食係好食😋 Cavtelli Allo scoglio就係海鮮貝殼粉，個貝殼粉係al dente，對我來講就 a bit too al dente但係朋友就覺得啱啱好。佢係酸甜嘅蕃茄貝殼粉，海鮮亦都冇乜特別，我就覺得普通咁樣ok好食，但係真係俾唔到啲咩特別嘅評語。主菜來講我覺得個pork belly好食過個貝殼粉☺️最後就係甜品環節！我覺得甜品係差唔多樣樣都好食除咗嗰個開心果mousse，可能因為我唔係開心果fans所以唔係好識欣賞😂 lemon sorbet勁酸爽好好食！(我係一個好鍾意食酸野嘅人) 然後pirata group嘅tiramisu係一如既往嘅好食，係好creamy嘅質感，配上淡淡嘅酒味同埋咖啡味。然後朱古力心太軟外脆內軟，入邊係有啡色嘅流心，有少少鹹鹹地嘅感覺(?)，令到成個朱古力心太軟冇咁膩。整體來講portion真係generous，我哋兩個食到好飽，同埋真係食唔晒啲嘢，我諗呢度應該係兩個男人嚟食都會食到好飽，甚至係三個人嘅份量。食物質素我就覺得有啲真係avg only而有啲係better than avg，同埋真係冇乜驚喜，不過waiter熱情同埋環境都好靚，見幾多人喺度慶祝生日，同埋幾多情侶嚟🤫…查看更多

芝士芒果 $36 (like IG -$5)地鐵站附近開咗間新嘅茶飲店，話說真係好想飲奶蓋所以就試吓。飲品幾大杯，奶蓋份量厚，覺得減咗$5價錢真係抵飲。奶蓋係鹹芝士奶蓋，有芝士個種鹹香，不過淨係咁樣食有啲鹹咗少少，同埋芒果沙冰一齊飲就啱啱好❤️奶蓋整體係比較輕盈個種，唔會好滯。芒果冰沙既部分就有少少失望🥲味道上唔係個啲假芒果味，酸酸甜甜都ok，食到好微量芒果肉，係細細碎碎嗰種，如果係有多啲芒果粒就好，沙冰亦都打得唔夠細，冰粒感幾重。整體來講芝士奶蓋比起芒果沙冰出色，$31來講可以飲到大杯芝士芒果覺得幾抵。…查看更多

Lunch Set: Mushroom Egg Benedict $98Smoked Salmon Linguine $108w/ soup and drink (americano/mint tea)本身係想食附近另一間cafe但係已經冇位，然後呢間cafe長期都見幾多人，同埋都聽人講過，咁啱又有位，咁不如就試吓呢間😂 佢12-3pm就可以叫special set食，見好似抵過散叫咁就不如試吓。首先佢就上咗過湯，湯係忌廉湯，就係平時你喺出邊普通cafe飲到嗰啲，有啲火腿粒同埋洋蔥，覺得落咗啲黑椒粒好飲啲😂普通冇話特別creamy定係點，就係嗰啲跟餐湯嗰啲味。之後就係兩個main，首先就係個煙三文魚肉醬扁意粉。覺得扁意粉ok，煮得啱啱好，同埋都幾掛汁，每啖都可以食到肉醬🥰肉醬嘅份量都幾多，夠食晒成個麵，調味都ok。個煙三文魚會砌咗一朵花出嚟，幾靚，不過純粹個人喜好覺得煙三文魚夾肉醬扁意粉好似唔係太match，我都係分開咁樣食好食啲😂相比之下朋友覺得個egg benedict好似有特色啲同埋好味啲，可能因為呢間舖頭都係主打breakfast類別嘅嘢。個厚多士幾脆，索埋啲蛋汁幾好食！上邊鋪咗啲蘆筍蘑菇，份量都唔少，但係覺得個hollandaise sauce好似有啲淡(?) (頭盔:可能係我唔識食egg benedict)…查看更多

個招牌雞翼其實就係煎炸雞翼，上菜嘅時候熱辣辣幾香脆，個雞翼面有少少香料，調味啱啱好鹹鹹地咁樣，就係大家可以想像到個種原味炸雞翼(少油版本) 覺得ok幾好食！原條鰻魚蛋包飯應該係招牌嚟，我見幾多人都食。首先佢個賣相真係幾igable，份量都幾大份🥰 鰻魚就正正常常喺普通餐廳食到嗰啲咁嘅質地，即係嗰啲平時喺超市買到急凍鰻魚嗰啲咁樣。蛋炒得幾滑，份量仲要多，包住晒成個飯有突，個蛋係真係幾好食☺️個飯側邊仲有啲木魚碎，同埋啲飯一齊食會開心啲😂 整體來講我覺得係一個正常cafe質素嘅鰻魚飯，係蛋比較好食同埋真係賣相靚！覺得唯一需要改善嘅就係，佢成個飯都係微暖狀態，熱少少會好啲。聽講佢哋朱古力飲品係招牌，所以我哋每人叫咗一支凍朱古力。個朱古力真係好濃稠，覺得啱啱好唔係話太甜，同埋都幾大枝，飲完應該已經飽咗，覺得咁多樣嘢最值得試就係個朱古力🍫🥰總結而言，嘢食就正常普通cafe質素，朱古力係真係幾好飲！完全係taste評分嘅加分位！…查看更多

初夏初戀總是美荔枝桂圓四季春 $32食飯時間行中環街市見到呢間舖頭，見佢係新款嘅茶飲就想試吓。水果茶係只可以全糖同埋少糖，所以如果真係唔習慣甜茶嘅人可以揀另外一啲。杯野個底會有幾粒桂圓，飲落去嘅時候其實都幾濃荔枝味😍不過對我來講真係幾甜，可能因為本身桂圓又係甜，然後啲荔枝糖漿又係甜，本身自己都係飲開半糖或者微糖。水果茶飲到有茶味但係唔算出，清清地咁樣，覺得整體來講唔算特別突出。話說見其他人都係飲珍珠奶茶同埋奶蓋，可能呢啲會比較出色，同埋睇吓可唔可以轉茶底。…查看更多

•4-Course Lunch $258Crab meat saladSalsiccia chicken brothHokkaido sea urchin chittara pasta +$80Tiramisu•5-Course Lunch $318Thai style pork neck saladMushroom cream soupSpaghetti CarbonaraAustralian M6 Waygu Striploin +$80Tiramisu坐低嘅時候會送上麵包同埋應該係加咗少少香料(?)嘅牛油，麵包外面少少脆同幾鬆軟，睇佢個樣仲驚佢好硬😂食完佢哋仲要好主動問你使唔使添，不過其實食完個lunch都會好飽。兩個沙律比較之下我鍾意食蟹沙律多啲，個沙律好精緻，上面嗰層係蟹肉，下面就有牛油果同蕃茄，最底層係橙，隔離會有啲沙律菜，整體食落幾有層次感。蟹肉份量都幾多，同埋幾鮮甜，完全冇奇怪或腥味，個沙律幾好食😍豬頸肉沙律相比之下就比較普通，室溫既ok嫩豬頸肉配酸辣泰式醬，係你會想像到嘅味😂蘑菇湯係比較creamy嗰種，我本人就鍾意啲蘑菇味比較重啲嘅蘑菇湯，不過個人口味呢啲嘢因人而異。然後個雞清湯第一啖飲落去嘅時候覺得有啲似中湯😂就係嗰種中式雞湯有肉粒同埋菜喺入邊嘅感覺，我就覺得幾好飲同埋新奇，未試過喺西餐飲過呢款湯。我見之前好多人都食過個海膽意粉，所以我就決定加錢去食。佢個意粉上邊會有幾塊海膽，今次嘅海膽都幾新鮮，最怕遇到啲有腥臭味嘅海膽，然後將啲海膽撈埋啲pasta一齊食真係一流✨佢個醬汁應該係有啲蒜蓉同埋辣椒，幾惹味但係有啲鹹得滯😮同埋我係expect比較thick啲嘅醬汁，但係都掛汁嘅。佢個麵好食！口感彈牙，同埋煮得啱啱好❤️ Carbonara應該落咗多芝士😍煙肉亦都幾好食，調味亦都唔會過鹹but意粉有啲硬🥲然後我哋都加錢要咗個M6牛扒，牛扒非常之有牛味，佢個外層煎得有啲香脆，我哋要咗七成熟，但係都唔會好韌，肉質嫩滑✨冇後悔加錢要佢🥰最後甜品環節！之前預先同店家講係去慶祝生日，佢就幫我哋準備咗一個birthday plate，仲會細細聲唱生日歌😂tiramisu賣相幾靚，配埋個plate嘅擺設同餐廳嘅海景，成件事好igable📸…查看更多

Lunch Set:豬頸肉飯 $78配青檸茶話說本身唔係想食呢間，係想食隔離嗰間。不過去到嘅時候想撞彩睇吓會唔會食1988，又咁岩真係得返一張walkin枱，咁就食下😂朋友話俾我知豬頸肉幾好食，咁我就叫下豬頸肉飯。豬頸肉份量都幾多！豬頸肉肉質嫩口，同埋應該係新鮮燒，因為真係熱辣辣🔥外層有少少焦同仲有少少脆🥰 本身個肉冇咩調味，點埋隔離嗰個酸酸辣辣嘅汁係幾好食❤️ 飯就係正常飯😂 青檸茶都係正常發揮，我飲落去覺得似係酸啲嘅檸檬茶😂不過跟餐飲品來講，杯野真係幾大杯！冇記錯我應該係嗌左少冰少甜，可能唔鍾意比較酸嘅朋友可以叫返正常甜。同埋仲會有其他飲品選擇，青檸梳打奶茶嗰啲都係唔使加錢。不過如果真係要堂食嘅話一定一定要book位，聽其他朋友講其實正常唔會walkin到。同埋距離地鐵站都比較遠，餐廳位置真係比較隱蔽，好似要過咗一個後樓梯暗嘅位先到。同埋我哋嗰日三個人去，三個人都係食咗豬頸肉，又未食過其他嘢，個分數只係反映個豬頸肉飯餐😂…查看更多

Pesto Marinated Chicken Salad $83Mushroom Fettuccine with Black Truffle $98Flat White $38話說去咗美麗華咁多次都冇發現呢間，佢係喺B1比較角落嘅位置，朋友話幾好食先去試吓😂個青醬雞胸肉沙律真係有驚喜！佢嗰個雞胸肉非常之軟嫩，一啲都唔鞋，真係唔會覺得似食緊雞胸肉🥰調味亦都係簡單嗰種，啱啱好，青醬亦都幾好食。沙律菜幾新鮮，份量都唔少，用檸檬醋作為簡單嘅調味唔錯🥰個Truffle pasta都ok，上嚟嘅時候幾香黑松露味，佢會有幾多黑松露醬喺上邊，你食嘅時候要自己撈勻佢😂菇嘅數量都幾多。另外芝士份量都唔少，食緊嗰陣時會見到有少少拉絲，係每一條扁意粉都會有。扁意粉口感正正常常，有少少彈牙。不過兩個主食相比，我會覺得沙律有特色同埋好食啲！我自己本人對咖啡冇乜研究，好淺白咁講下究竟覺得佢點😂咖啡幾香，拉花幾靚，泡打得幾順滑，覺得幾好飲。總括來講覺得食物質素都幾好，不過環境會有少少嘈，同埋佢冇加一，係因為佢真係冇咩服務，真係除咗佢會拎嘢食去你枱面之外，其他嘢基本上都係自己黎😂…查看更多

慢煮牛肉拌麵 $88話說好多人都話呢間慢煮超好食，隔離burger冇開，又見唔洗排隊就嚟食下。個日唔係好想食飯就叫左拌麵。個拌麵上嚟既時候賣相幾靚！拌麵有啲青瓜絲，蔥粒，肉碎，鰹魚碎等6款配料，再加上鰹魚豉油，係幾有日本風味。味道亦都適中，唔係重口味個種。個流心蛋冇咩蛋味，撈麵個色水係幾靚但係真係冇咩突出嘅味。肉賣相粉嫩，份量慷慨🥰我對佢係有幾高既期望㗎！牛味都有既不過唔會好有。覺得個牛有啲韌，要俾多啲時間/耐性去咬😂 (定係我食唔慣慢煮) 我覺得係igable，賣相都唔錯，肉份量都幾多，不過名大於實，覺得真係overrated… …查看更多

Sicilian Croquette $90Plin Ravioli $180The Butcher’s Cut $340Amalfi $90嚟嘅時候佢會俾咗一袋麵包你，大塊嗰啲麵包似係pici麵包但係會軟啲，入邊仲會有啲脆圈圈球，我朋友就鍾意食，但係我就麻麻哋，覺得好似有一浸我唔係好鍾意嘅香料味😂都係鍾意食大塊嗰啲麵包多啲😂首先就上咗個starter，個sicilian croquette其實就係一個炸馬鈴薯球，入邊會有一啲蕃茄同芝士。個馬鈴薯球炸得好香脆！由於佢嘅外層唔厚，所以入邊嘅餡料其實都幾多，芝士嘅份量都唔少，食嘅時候真係有拉絲嘅感覺❤️蕃茄嘅酸味應該係用嚟中和，唔會咁”膩”，不過由於芝士同埋薯仔嘅份量加埋都係多啲，食一個其實都少少”飽肚”嘅感覺 (當然唔會咁就飽咗啦😂) 然後就係Pasta，個plin ravioli係一個鵝肝+雞filing既意大利雲吞。雲吞皮幾煙韌，入邊嘅filing唔知係我唔識食定係點，唔係好食得出佢係鵝肝，對我來講係一個鵝肝蓉質地嘅肉😂但係我朋友又食得出喎，我諗應該係我問題，我就覺得佢比較average。The Butchers cut用咗flank steak，唔係一塊牛扒，佢已經切好咗俾你，我叫咗medium但係我朋友就覺得佢似medium rare😂 想講份量真係好多，我哋食唔晒要打包走🤫 塊牛扒牛味幾濃，同埋食落去會有少少香既焦味，同平時食牛扒有啲唔同。牛好容易咬，我哋食咗咁多塊都冇肉筋，再加上鹽嘅簡單調味，覺得幾好食💜仲有啲火箭菜同埋蕃茄做配菜，兩者都幾新鮮。最後就係甜品，我哋叫咗個amalfi，其實即係lemon sorbet，上邊會有啲candied嘅檸檬，成個感覺好清新！因為我哋已經好飽，本身想試tiramisu但係都係唔食了😂 環境來講，我哋係坐30樓，雖然唔係window seat，但係感覺上空間感都幾好，佢編排左一個隔離冇人嘅枱俾我哋，感覺上嗰個就係我哋嘅小corner🥰 不過環境有啲黑，睇餐牌都有啲難度😂同埋嗰日其實係慶祝朋友生日，所以上甜品嘅時候會有Happy Birthday，然後侍應同埋應該有個經理會勁大聲唱生日歌，有一個仲會彈住一個木結他，幾有氣氛🎂之後仲會有一張即影即有嘅相俾返你，同埋一張要一個月內用嘅$100 coupon，呢度慶祝生日真係唔錯！整體來講我覺得食物質素係expected，同其他pirata group唔差太遠，但係我覺得真係特別日子嚟食好了，冇錢亦都唔係特別驚喜😂…查看更多

京都勝牛三味套餐 $228元組炸牛扒套餐 $158紅豆冰宇治抹茶 $32話說我記得以前真係好多人排隊，我就係平日夜晚去，一個排隊嘅人都冇，好快就入咗去。我去嘅時候冇抱任何期望，因為都聽有啲朋友講叫我唔好咁大期望，但係我食完之後就覺得冇我想像中咁差😂全部套餐嘅牛都係大約三成熟，如果覺得太生嘅話你可以問佢攞個熱板整熟啲，不過我個人就覺得就咁食好食啲😂 不過有個熱板都有好處，因為一開始嘅時候佢都已經係溫暖，然後食食吓你就會發現啲牛會凍咗，有塊板可以整返熱😂牛三味套餐入邊，菲力牛係最好食！比其他牛味重，肉質嫩滑，一啲都唔韌好容易咬🥰 翼板牛都ok，有啲咬口，但係都係唔會好韌。牛味都有既但係就比較淡啲😂 兩款牛嘅炸皮都唔係厚，食落唔會成舊粉咁樣，幾酥脆！真係要食嘅話食呢兩款就得。醬薄牛肉真係唔使試，非常普通，炸皮厚，講真話佢係其他肉我都信😩醬料方面，有芥末醬油，山椒鹽，牛扒醬，同埋咖喱醬。我覺得醬料就通常要點，因為本身個牛都冇乜調味。但係我自己就冇咩點，本身食嘢都唔係鍾意醬料嘅人😂 麵豉湯，飯，同埋嗰堆椰菜都係普通野，飯應該係麥飯嚟，有健康啲嘅感覺(?) 如果你唔夠飽可以添，但係我就夠飽😂宇治抹茶紅豆冰我覺得茶味唔夠濃，身為抹茶控嘅我覺得唔夠，呢個mmd…查看更多

餃餃餃子之五種盛合 $66話說星期六喺灣仔有嘢做，食飯時間就去咗利東街隔離嗰條街，然後見呢間餃子幾吸引就入咗去，同埋覺得餃子應該唔會中伏嘅😂同埋見佢蛋包飯同埋chaochao餃子個樣幾吸引，就入咗去食。點知，一打開個餐牌，我諗有一半嘅餃子都係sold out💩包括佢最招牌嗰隻chaochao餃子，蛋包飯都係平日先供應。即係其實，有一兩樣嘢係賣晒冇得供應超級正常，但係大佬呀，我睇到餃子個一頁，七樣餃子四樣都冇嘅，招牌餃子又冇🥲咁是但啦，嗰日我又肚餓，同埋諗住試多幾樣餃子，就叫咗盛合，雖然嗰五款餃子都唔係隻隻有，有啲轉左另外一款。五種餃子入邊有海老餃子，蒜香餃子，洋蔥餃子，九條蔥餃子，同埋應該係野菜餃子。五種入邊覺得海老餃子係最好食，有啲蝦同埋菜，其他嗰啲我都覺得超級普通，蒜香餃子又唔算特別出味，都係唔同菜同埋肉嘅配搭😅皮就正常，餡料亦都唔係特別多，食完我都唔夠飽，係我朋友都唔夠飽🤷🏿‍♀️覺得自己買啲急凍餃子返屋企自己煎應該都係差唔多，或者去附近八方雲集食餃子仲飽，又要平啲。然後佢仲有加一💩最後食完之後走咗去買蛋撻食先夠飽😂可能佢嘅招牌餃子會好食嘅，但係我應該都唔會再去食第二次。…查看更多

經典美式慢煮牛肉漢堡 $85配 鴛鴦燒賣 + 冷泡茶西環真係開左好多新餐廳，又有cafe又有burger又有poke bowl，見到賣相都幾吸引，就試下burger啦😂牛肉漢堡個漢堡扒比平時食到個啲厚！調味適中，幾有肉汁✨配有芝士，蕃茄同生菜，感覺上冇咁有罪惡感🤫包整得啱唔好，有用牛油整過，我鐘意有啲香脆既包😍鴛鴦燒賣係炸豬肉同魚肉燒賣，我鐘意食魚肉燒賣多啲😂重點係啲醬，本身我就要麻辣醬，不過店主好好俾我試埋欖菜醬同柚子醬✨佢哋個麻辣醬好正，真係有麻嘅感覺🔥仲會有肉碎，點燒賣一流❤️店主仲送咗兩塊麥樂雞俾我試食，可以點欖菜醬同埋柚子醬，柚子醬有啲似甜酸醬，我鍾意食欖菜醬多啲，鹹鹹地幾過癮😂冷泡茶幾好飲，我要左荔枝紅茶，見佢哋係用茶葉沖唔係一般嘅茶包，不過唔係好飲到荔枝味😂下次會想試吓咕嚕肉漢堡或者西檸雞漢堡，好似幾得意咁樣。…查看更多