月昇的个人专页

一心係為咗個酸種麵包而黎，點知早餐menu轉咗後冇咗☹️變曬做focaccia 同丹麥多士...以前炒蛋牛油果+炒蛋煙三文魚酸種麵包係兩塊麵包，依家變咗一塊focaccia過，價錢就無變沙律碗就冇咩變，依家會加埋橄欖油（同埋啲pecan冇之前咁烤過）之前鍾意另外叫塊sourdough同啲牛油果一齊食，依家又少咗個option可能因為太想食個包，發現以後冇咗就好失望😅😅其實都只係bakehouse嘅 walnut and fig sourdough，以後只可以自己去bakehouse買黎食🤷…查看更多

呢排喺度尋覓唔同有素餃食嘅餃子店，見到有人介紹呢間嘅素餃所以就黎咗～餃子有好多口味，經典同有啲特色嘅都有！見佢推介油麥菜鮮肉餃，所以就叫咗🍄素餃+🥬油麥菜餃雙拼(湯餃)(有八隻，可以揀每隻嘅數量😂好貼心🥰)湯底清清哋又有蟲草花、胡蘿蔔同粉葛，好好飲，我就連餃子都未食曬就差唔多飲曬啲湯😂😂🥬油麥菜鮮肉餃原本諗住會同平時嘅菜餃冇咩分別，點知自己真係完全錯曬😵超好食超有驚喜！油麥菜同豬肉嘅味道好夾，菜同肉嘅比例啱啱好，油麥菜食落去仲係脆嘅，用嘅肉有鮮味+唔係肥豬肉（就算夾開浸落湯都唔會搞到啲湯好油！）餃子煮得啱啱好，餃子隻隻都非常飽滿，有咬口、口感好好，食得超開心🥳 個人覺得加埋醋一齊食就最正啦～🍄五色素菜餃原本嚟嘅目標——素餃都幾好食😋但調味方面可以再鮮味小小（同埋唔知係咪因為要等埋啲油麥菜餃，所以呢碗嘅素餃都比較腍，如果再爽啲就perfect啦）~俾錢嘅時候店主提我記住keep單、下次可以減$5！我一定會為咗個油麥菜餃再嚟嘎啦😆😆…查看更多