ho1985的个人专页

喺銅鑼灣HKU SPARE上啲short course，完咗都係3點幾！見到學校出面有個易拉架，原來對面都有樓上cafe，咁就上去試下啦。呢間薯仔屋喺四樓，入到去過下真係以為去咗兒童王國，呢度好多我呢啲80後嘅童年回憶合金玩具，但同時間，呢度又好多呢一代嘅真人兒童喺度！我叫咗一個下午茶餐，先嚟一個焗薯，啲料就快要爆出嚟咁濟！個薯仔焗到好冧，好似薯蓉咁樣！上面個bacon 好香口，唔錯。前兩日聽收音機話意粉算係最健康嘅食物，再加上蕃茄，真係健康之選！呢個茄汁意粉唔錯，份量啱啱好，如果太大碟嘅話真係好難頂，呢個酸酸哋就啱晒！再嚟一杯cafe latte，佢呢度啲泡都幾多，但唔係好濃嗰隻咖啡，如果可以有啲濃味咖啡就好喇。總結︰呢度擺明係想打下午茶生意，呢個價錢畀到咁多嘢玩，喺銅鑼灣區都算係咁。…查看更多

本人逢星期六都會過海上堂，但咁啱今日呢堂cancel class，但車已答，就梗係搵間好嘢食嚟TUM 吓自己啦！ 本身好鍾意樓上cafe 及 all day breakfast，嚟到銅鑼灣真係好多選擇，途中又想試啲非連鎖嘅cafe，希望會有啲驚喜，唔洗千編一律食同樣嘅嘢嘛。當由SOGO 行過去Times square，途經電車路地下門口位見到個牌，就上咗嚟試咗呢個奢華嘅all day breakfast小桃咖啡室門口真係唔係好特出，應該話係難搵呀！ 佢嘅入口係電車路格離，因為係樓上鋪，同係大廈入面，基本上你唔係熟架部，你都唔會無啦啦走到上去。(又係土地問題，啲地鋪畀晒大財團)anyway，上到去其實幾驚喜，佢好大個open window 望住time square，可以望住啲人係樓下走嚟走去 (你知香港人行路幾快架，坐係度睇住啲人趕住唔知去邊我個人覺得幾爽)。本身係間酒吧x café，相信tea time 會有happy hour offer。見到佢個menu，無睇錯喎，竟然係龍蝦all day breakfast！？咁誇張嘅全日早餐真係少見！但擇日不如撞日，就叫咗呢個嚟食！其實好多地方嘅all day breakfast 都好hea，收你百幾二百蚊，但就淨係畀啲菇呀，蛋呀你食，其實嬲起上嚟真係可以返屋企煮，煮得好由自可，煮得唔好真係會嬲嬲豬。但呢度嘅早餐真係好抵食，碟上半隻波士頓龍蝦，配菜仲會有其他normal breakfast 畀到嘅嘢你，呢個價錢係無得頂！試佢隻龍蝦入口好鮮，好甜，明顯係靚嘢，雖然我唔係太熟海鮮，但呢隻應該都係唔錯嘅嘢！再食佢個包，包住咗芝士同火腿。其實都係好一般嘅嘢，但都算熱騰騰，唔會好似一般淨係提供果jam 包。佢呢度真係好酒吧feel，仲有得叫串燒食，先頭唔知佢個餐本身都好full，所以特地叫咗個串燒。燒得好香口，啱啱出爐即刻有得食個感覺實在very good。但價錢本人覺得小小貴，或者因為太飽了~最後比較失望嘅係佢冇特別嘅咖啡，呢排好鍾意飲flat white，但佢呢度得Regular，所以差咁啲嘢囉。…查看更多

今日Lunch 時間，約咗朋友上嚟呢度食午餐，上到嚟見呢度唔多人，啱晒同朋友下晏時間係度慢慢傾吓計，或者傾吓生意都一流。坐低後，朋友極力推薦我食羊架，佢話呢度啲羊真係好正，又冧又成咁... 但好可惜本人小食羊，所以最後都係點咗另一樣午餐 其實佢嘅set lunch 都ok，食佢個室內環境都有啲值回票價。但下晏嚟今日呢個時間真係有啲靜，我坐咗一陣都冇乜人，得番我同朋友，佢啲檯都分得好開，建議兩三人平日可以上嚟傾吓計，望吓條街都別有一番風味。 店主好friendly，冇啦啦走過嚟搵計傾，話下晏呢度真係小人啲，因為要上一層嘅關係等等。(其實好想問佢玩唔玩得個美式卓球...無乜聽佢講嘢... haha..) 先嚟個salad，薯仔沙律。本人係大胃王，見到咁細碟有啲唔開心..... 雖則知呢度食西餐都唔會好大碟，但遇其食個賣相，不如畀多啲我啦  好鍾意食parma ham，又想食意大利飯，梗係食呢個啦！佢個飯煮得啱啱好！有時啲餐廳啲意大利飯會整得大硬，就算好餓都食得唔多，因為好頂胃，呢度嘅飯就軟硬都好適中，加上parma ham 重口味嘢，真係好正！加上芝士味好香同好creamy，好滑口！圖中有啲小型accessory，原來係買得嘅，店主話因為襯番間餐廳嘅主題，賣番啲關於凡高嘅精品喎。但我就冇問到有關佢同凡高嘅關係喇。佢呢度冇啲特色咖啡，有啲失望，但佢哋都用即磨豆嘅咖啡，算唔錯啦~ …查看更多

星期六是日進修，但上堂前要填飽個肚是常識吧。小弟好鍾意食牛，灣仔咁多清湯腩食店，今日先試呢間！睇一睇個餐牌，E，牛嘅好多部位都有得食喎。如果牛食家都知，好多同類鋪要食啲靚牛都比較貴，最緊要係份量仲要好少，食極唔飽嗰隻，但呢度個價錢真心唔錯。今次食佢個爽腩，其實都幾正，入口好爽，肥肥哋，但都有啲肉畀到口感。但可惜係底好少，有啲覺得唔夠食。…查看更多

長沙灣食lunch ，識食梗係食下午茶。前兩日睇同事講話呢間嘢夜晚幾正，等唔到夜晚，嚟個下午茶試試佢先啦不如。真係估呢度唔到，佢啲餐具其實都幾正，味都幾好，但都係嗰句，個汁有啲咸得濟。嚟起呢度食飯，不如試吓吖。…查看更多

返工地方轉到長沙灣，周圍都係港式茶記，真係有排食，但今日首先食個扮晒番鬼佬嘅瑞士咖啡室。相信好多朋友都去過唔同地方嘅瑞士，本人都唔例外，長話短說啦。今日先嚟一個普通的午餐 - 椒鹽豬扒飯。睇佢個賣相唔係太討好，但豬扒味道唔錯，可以一試架！…查看更多

久仰大名，沙田等位一定要remote 攞飛，唔係等到頸長，每樣嘢份量啱啱好，好desent。係放假前(10.1) 一晚去沙田食飯，叫咗4樣嘢嘢食唔大碟，可以叫多幾點試，唔會太飽。但佢話辣嘅嘢真係可以好辣，唔得嘅朋友真係要三思.....佢嘅啲人動作唔係好smooth 嗰啲，每嘢request 都要等一吓....或者係咁所以等得耐？…查看更多

係數日前book 位，所以唔洗等，一上到去就有得坐得，仲要係"卡"位tim~今日小弟三人行，揀咗三個餐，order 完都要等一陣子 (30分鐘到)，但呢個時間先係最吸引嘅時間，事關佢個semi buffet 係主菜。好可惜冇影佢張食物檯，所有嘢食都好吸引，小弟特別喜愛param ham 蝦 同芝士叫咗三個course share，steak 確係最正嘅一個，佢個steak 牛味好勁，加mustard 真係牛人至愛今日仲有個特別甜點…查看更多

星期六，朝早打完波肚餓是常識吧？食包包食飽都係常識吧？嚟到天后，搵burger 見到呢間門面一啲猶豫都無就衝咗入去。座位唔錯多，美國餐廳，有得聽住歌畀你慢慢食都係慣例。燈光唔會太光，見到都有幾對情侶，都應該啱地方拍拖。…查看更多

是日放假，出到去平時比較少去嘅新蒲崗試咖啡/奶茶，聽聞好出名。因為正值食飯時間，人數都好多，所以忘記咗影吓室內裝修及門面佈置。佢門面都好靚，係呢區小店真係少見。室內修橫都唔錯，但都係少店，唔好太大expectation 會座得無比舒服。…查看更多

約咗朋友係上環飲咖啡，呢個係本人嘅興趣之一。同朋友吹吹水，飲吓靚咖啡，再介紹畀其他人知香港其實仲有好多地方可以靜靜地坐低飲杯嘢嘅。今日嚟到上環，係大馬路邊一間cafe。或者係周末，其實所謂大馬路都唔係太繁忙。睇一睇佢入面環境。試佢一杯 cappuccino。佢嘅啲豆係偏苦，濃味，奶泡都幾滑，但未到最頂級。但環境其實都加咗好多分，落地玻璃對住馬路有冷氣咁同朋友傾計，慢活生活就應如此。P.S. 佢有得買coffeebean，同有得買ice blew coffee。小弟今次miss 咗，下次必試。…查看更多

想食school food 好耐喇，但係沙田食飯，個個都可以用電話攞飛，其實真係等到頸長。是日為farewell 小弟晚飯，想坐好啲，坐耐啲，係沙田係難搵啲。因為實在太餓，所以唔記得照餐牌所以冇題及到價錢。入到去，坐嘅半safa 位，所以都OK好坐，雖然佢話入座起計個半鐘，但都夜夜哋 (平日8點入座)，希望佢會放生我哋。…查看更多

其實我諗好多朋友都好想試但又唔敢試呢間嘢，因為次次見到佢排隊嘅人龍都會卻步。但排得到隊，你必定唔會失望，因為佢嘅嘢食真係好有質素。今日我哋嚟到見前面應該得5 張台等緊，又唔係話極餓 (極餓嘅話，1 張台你都唔會願意等)，所以spend 30分鐘等位入座。一路等，見到工作人員將啲嘢食由廚房攞去畀人食，真係吸引到呢 最緊要係畀我又見到佢嘅半隻燒雞，鍾意食雞嘅朋友見到都流晒口水！先講吓佢個carbonara，上面打咗隻蛋，仲有碎芝士，一溝埋不得了。濃到爆但食落口，又唔係好重味，反而係淡淡哋嘅？好重芝士味同蛋香。  但因為佢個配答，多數都會覺得好濟。今朝做完gym,食雞真係好爽。佢半隻雞，啲肉唔"鞋"口，好爽，啲皮燒到好脆。主要都係食佢原味，不加花巧嘅汁，雞味愛好者必食。本人唔愛甜嘢，但呢個桃茶好味。唔會係假嘅桃味，感覺好真實桃茶。或者佢茶同甜嘅份量控制得唔錯。…查看更多

前排佢哋裝修，少咗一個美味地方，終於等到佢開番，即刻排隊又嚟料。相信眾所周知，BLT burger 係要排隊架喇，今次我6點嚟到，估唔到都有一條長龍。廢話唔多，嚟相睇嘢食。其實真係每次食都係咁正，好Juicy 嘅medium beef，仲有無限嘅mustard，真係極品。…查看更多

聽聞觀塘好多隱世咖啡店，工廈入面又有，地鋪又有，但估唔到連停車場都可以有間！地點一啲都唔難搵，因為佢個入口係一個停車場，仲要有一大幅grafitti ，唔會驚睇佢唔到。入面個環境都唔錯，本人去果日就唔多人，但有啲凍，都可以慢慢坐。每一張枱都好多位，可以慢慢傾吓計。叫咗個egg benedict ，但嚟到個賣相同想像有啲出入，唔似本人一向食開果啲。佢個汁都唔係太濃味，但下面用普通包個感覺好一般。…查看更多