foodiekrista的个人专页

係西九果邊放工同同事想happy hour飲返杯，其實唔洗過海都有好多選擇。今次我地就隨機揀左呢間Luigis, 見佢人流唔少而且氣氛幾好咁。Happy hour當然要嘆杯draftbeer 一飲真係消除左返左成日工嘅疲勞。我地就順便一齊食埋dinner,叫左份肉丸同避風塘炒蟹意粉。個肉丸就正常發揮，味道都唔錯。值得一提嘅係個意粉，叫果陣冇諗過喺fusion嘢，點知原來係加左大大量蒜蓉同蔥去炒成，非常惹味，又幾有驚喜。…查看更多

最近要farewell朋友🥹諗住揀晒好味嘅餐廳一齊食，係咁多餐入面我就揀左呢間新開冇耐，但評價唔錯嘅Aera,食完我同朋友都非常滿意。餐廳位於銅鑼灣同灣仔交界，裝修黎講採用較為摩登嘅風格，人流唔多，坐得都幾舒適。我地揀左個tasting menu, 總共有6個course, 每位$1188，以fine dining晚市黎講又唔算話好貴。剛開始嘅Amuse Bouche 係三款的的色色嘅小糕點，除左賣相精緻外味道都好有驚喜，當中仲混合左少許香港特色，其中一款嘅糕點就係係參考左街頭小食糖蔥餅，令人勾起兒時嘅回憶。第一道前菜係一款意式奶凍，頂層加左少少魚子醬，成個奶凍食落幾有鮮味。之後就係餐廳自家焗製嘅酸種麵包，剛烤起外脆內軟，再配合佢地調製嘅醬料，帶濃郁嘅果仁香，非常好味。之後就係一道意大利雲吞，上面淋上帶濃香菇菌味嘅清湯。接著落黎係烤三黃雞腿，做法有少少似中式嘅炸子雞，外皮香脆，入面嘅肉就略微醃得有少少咸。跟著就係馬友魚配北海道海膽，馬友本身肉質嫩滑，上面嘅海膽非常鮮甜，兩樣加埋味道當然冇得輸。Main course我就揀左A3和牛，擺盤好靚非常吸，但味道就未至於好驚豔，和牛肉質幼稚，但略嫌牛味不足。整體黎講成餐飯都設計得好有心思，絕對係一間值得一試嘅餐廳。…查看更多

最近留意到上環開咗一間新嘅意大利菜，就book定位同朋友去食。餐廳位於上環嘅蘇豪區，放工後人流都幾多，平日嘅夜晚都full House，好彩我哋有預先訂定枱。餐廳嘅位置唔算多，枱與枱之間嘅距離較窄，因此環境比較嘈吵。我哋就叫咗一個每位✨$1180✨嘅5 course Testing Menu，非常豐富，食到超級飽。最近留意到上環開咗一間新嘅意大利菜，就book定位同朋友去食。餐廳位於上環嘅蘇豪區，放工後人流都幾多，平日嘅夜晚都full House，好彩我哋有預先訂定枱。餐廳嘅位置唔算多，枱與枱之間嘅距離較窄，因此環境比較嘈吵。我哋就叫咗一個每位✨$1180✨嘅5 course Testing Menu，非常豐富，食到超級飽。喺未上菜之前先嚟一杯welcome champagne,店員再好仔細咁為我地介紹佢哋嘅橄欖油同埋黑醋。✨ Red Prawn "Mazara del Vallo" Carpaccio我同朋友每人可以揀一款前菜，呢款薄切紅蝦片賣相非常吸引，鮮紅嘅蝦肉同血橙片相映成趣，再加左少許香草做點綴，味道亦鮮美開胃。✨ Spanish Blue Fin Tuna Belly TartareTartare用咗來自西班牙嘅藍鯨吞拿魚製成，口感細滑。✨ Rigatoni Pesto Pistacchio & Sicilian Red Prawns第二道菜係意粉，我就揀左呢款紅蝦開心果長通粉。同之前道前菜一樣，意粉嘅presentation 非常吸引，整齊排列好嘅長通粉上鋪滿左青醬、蝦肉同開心果蓉，食落味道充滿開心果獨特嘅堅果香味。意粉係手工製，口感偏硬，幾有咬口✨ Tagliatelle, Butter Cream, Parmigiano Reggiano 24 Month, fresh Alba Black Truffle第二道意粉我地就揀左黑松露扁意粉，我自己幾鍾意呢道菜。店員會喺我哋面前加入即磨嘅黑松露片，但松露嘅味道唔算好突出。意粉本身已經有濃郁嘅牛油香，簡簡單單已經幾好味。✨ 800g Fassona Bone-in Rib Eye (For  2 Guests)之後嘅main course 我地就揀左2人份量嘅牛扒，可能因為餐廳係以海鮮作為招牌菜嘅關係，佢哋嘅牛扒係令我哋有少少失望嘅。牛肉嘅熟度我哋一開始係揀咗medium Rare，但因為每個人嘅理解都唔同，剛上枱嘅牛扒我哋覺得太生。但店員都好Nice咁幫我哋再煎熟少少，但味道上相對就會冇咁好。如果想試呢個set嘅朋友建議揀番海鮮。✨ Dessert 最後嘅甜品拼盤有齊晒，意大利所有signature嘅甜品，每樣都可以試少少。喺未上菜之前先嚟一杯welcome champagne,店員再好仔細咁為我地介紹佢哋嘅橄欖油同埋黑醋。✨ Red Prawn "Mazara del Vallo" Carpaccio我同朋友每人可以揀一款前菜，呢款薄切紅蝦片賣相非常吸引，鮮紅嘅蝦肉同血橙片相映成趣，再加左少許香草做點綴，味道亦鮮美開胃。✨ Spanish Blue Fin Tuna Belly TartareTartare用咗來自西班牙嘅藍鯨吞拿魚製成，口感細滑。✨ Rigatoni Pesto Pistacchio & Sicilian Red Prawns第二道菜係意粉，我就揀左呢款紅蝦開心果長通粉。同之前道前菜一樣，意粉嘅presentation 非常吸引，整齊排列好嘅長通粉上鋪滿左青醬、蝦肉同開心果蓉，食落味道充滿開心果獨特嘅堅果香味。意粉係手工製，口感偏硬，幾有咬口。✨ Tagliatelle, Butter Cream, Parmigiano Reggiano 24 Month, fresh Alba Black Truffle第二道意粉我地就揀左黑松露扁意粉，我自己幾鍾意呢道菜。店員會喺我哋面前加入即磨嘅黑松露片，但松露嘅味道唔算好突出。意粉本身已經有濃郁嘅牛油香，簡簡單單已經幾好味。✨ 800g Fassona Bone-in Rib Eye (For  2 Guests)之後嘅main course 我地就揀左2人份量嘅牛扒，可能因為餐廳係以海鮮作為招牌菜嘅關係，佢哋嘅牛扒係令我哋有少少失望嘅。牛肉嘅熟度我哋一開始係揀咗medium Rare，但因為每個人嘅理解都唔同，剛上枱嘅牛扒我哋覺得太生。但店員都好Nice咁幫我哋再煎熟少少，但味道上相對就會冇咁好。如果想試呢個set嘅朋友建議揀番海鮮。✨ Dessert 最後嘅甜品拼盤有齊晒，意大利所有signature嘅甜品，每樣都可以試少少。…查看更多

前排口利福推出左Black Series Menu, 每位✨$388就可以食到多款招牌菜😋 感謝朋友幫手訂枱。口利福係位於上環蘇豪區嘅一間新派中菜，裝修別樹一幟，整體以紅色為主，中西風格俱備。服務方面亦同樣帶有西方原素，雖然食嘅係粵菜，但侍應係外國人，menu亦係英文，非常有特色。✨蝦多士x大阪燒剛炸起嘅蝦多士上加上左大阪燒醬汁，上面亦加滿左生菜絲同木魚粹，味道可圈可點。✨重慶辣子雞翼炸至金黃香口嘅雞亦上加滿左辣椒，就咁望落成碟都係紅色，但其實食落並唔係好辣，幾過癮。✨翡翠姬松茸素餃素餃味道都唔錯，略嫌口感較為黏膩。✨炭火蜜汁黑豚叉燒餐廳招牌菜嘅叉燒，真係超級好味！外層有非常厚嘅蜜糖，中間嘅肉肥瘦均勻，口感嫩滑，係我食過最好味嘅叉燒之一。✨煙燻脆皮三黃雞脆皮三黃雞同樣十分出色，外層嘅脆皮有淡淡嘅煙燻香，雞肉嫩滑，帶少許雞油香。✨薑蔥頭蒸海鱸魚柳本來對魚柳冇咩好感，但佢地嘅蒸魚柳令人有喜出望外嘅感覺！鱸魚柳去滑後以中式嘅蒸法煮熟，火喉控制得恰到好處，口感嫩滑，蒸魚豉油同香蔥味亦剛好彌補左魚肉唔夠鮮美啲缺點，非常好味😋整體而言味道令人滿意，係相當高水準嘅粵菜！但就唔推薦佢地嘅cocktail,雖然用金色招財貓裝住幾得意，但飲落有啲似清潔劑味。服務方面，本來我地都幾滿意，店員相當熱情好客，第一印象幾唔錯。但本來朋友特意準備左生日驚喜，希望可以在甜品上插上蠟燭，但店員好似完全忘記左😅要我地提醒先記得，呢度扣左分。…查看更多

我同幾個朋友都係中菜嘅愛好者，尤其喜歡食粵菜。今次襯生日期間，預訂左呢間想食好耐嘅鬍鬚佬私房菜。餐廳喺網上嘅評價唔多，大多數人都係friend搭friend咁樣去食，相當隱蔽。我係經WhatsApp去預訂呢間餐廳， 落訂時老板send左長長嘅手寫menu比我，菜色應有盡有，花多眼亂。我同朋友喺用餐前幾日敲定好菜式，當日一坐低就即刻有得食😋餐廳位於一棟舊式商廈入邊，冇任何廣告牌指示，相當隱蔽。餐廳位置唔多，但全場爆滿，唔少一家大細咁去食，生意都幾好。✨棟督雞（$300）餐廳菜色選擇繁多，淨係雞嘅菜式已經有好幾款。但要數最奪人眼球嘅，一定係呢隻棟篤雞。廚師將雞完隻烤熟，外皮金黃香脆，肉質幼嫩，但略嫌雞味不足。如果加幾百蚊可以轉為新鮮雞，相信味道會更出色！✨避風塘炒蟹（ $380 ）非常香口嘅一道菜，肉蟹以脆蒜、香蔥等配料炒熟，非常惹味。✨冰鎮咕嚕肉（ $200 ）新鮮炸起嘅咕嚕肉上放滿冰，一冷一熱口感非常清爽。✨龍鳳珍肝卷（ $250 ）難得黎到諗住叫啲未試過嘅菜式，龍鳳珍肝卷就係其中之一。廚師以腐皮包裹住雞肝同蝦仁，再炸至香脆，味道幾特別，但食多幾件就略為膩味。✨金牌爵士湯（ $520 ）每枱都必點嘅一款湯，入面加左雞、花膠、木瓜特，味道濃郁香甜，飲得出係落足料。幾個朋友都讚不絕口，但我自己就飲慣較清嘅湯，覺得咸左少少。✨豉汁蟠龍鱔（ $500 ）我自己最最鍾意嘅一道菜❤️基本上每次食中菜都會點一道豉汁蒸白鱔，雖然家常但並唔係度度都整得好味。鬍鬚佬嘅蒸白鱔就做得非常出色！火喉控制得岩岩好，鱔肉肥美鮮甜，非常好味🤤…查看更多

生日期間同朋友食咗好幾間非常出色嘅餐廳，Bianco & Rosso就係其中之一。朋友經OpenRice預訂，每位仲有一杯signature嘅vermouth 送，好抵食❤️✨Bluefin Tuna Cornetto($98 / 2pc)本來Menu上係寫住$98兩件，但因為我哋當日係三位用餐，店員好貼心咁樣幫我哋落咗三件。Cornetto係一款小小嘅雪糕筒，上面加咗牛油果同埋吞拿魚刺身，將上層加咗少許黑魚子做點綴，味道清新開胃。✨Ricotta Ravioli ($188)意粉方面，我哋就揀咗呢款意大利雲吞，有非常濃郁嘅牛肝菌香，超級推薦！✨Whole Three Yellow Chicken ($698)餐廳最send Richard嘅係佢哋嘅燒三黃雞，整隻雞內釀滿左rosemary打開再放入焗爐焗制而成。上菜前廚師將雞肉去骨，方便客人食用。雞肉嘅口感非常之柔嫩，味道非常出色，係必叫嘅一道菜。✨Signature Vanilla Cheesecake ($118)除咗主菜以外，佢哋嘅甜品亦都做得非常之出色。我哋今次就叫咗佢哋嘅cheese cake，同一般cheesecake唔同，佢哋嘅cheesecake相對軟身口感非常Creamy，食落有好重嘅雲呢拿香。…查看更多

俗語有云：「冬大過年」，冬至當然要同屋企人食番餐好。我就特登揀左呢間位於中環嘅星記海鮮飯店同屋企人做冬。餐廳曾多次獲得米芝蓮推介，非常把炮，屋企人同我都好期待。可能因為近住冬至嘅關係，我地去到當日都滿席，好彩有預先訂位。我地分別揀左幾款家常菜式，全部味道都唔錯。✨椒鹽百福豆腐椒鹽豆腐係一道幾花技巧嘅菜式，屋企平時都好少煮，出到黎當然要點。豆腐外皮香脆，炸粉唔會太厚，豆腐嫩滑豆香味濃。✨ 豆豉粹爽蝦蒸鮮肉餅平時食開都係咸魚或土龜蒸肉餅多，爽蝦蒸肉餅就比較少見，非常岩送飯嘅家常菜。✨ 輝哥煎鹹雞同樣非常家常嘅一道菜，雞件以蒜頭同香蔥炒香，鍋氣十足。✨ 星記小炒王小炒王都係好岩送飯嘅一味菜式 我最鍾意入面幼嫩嘅韮菜 味道唔錯。…查看更多

餐廳環境裝修得好似食omakase，但其實係主打日本懐石料理，由日本師傅主理。餐廳座位雖然比較少，但師傅十分和藹可親，用佢僅餘既英文詞彙同我地介紹菜色，睇得出師傅非常用心對待客人。前菜5款盛盒前菜味道非常特別，好多味道都冇咩點食過。個人認為最特別既係中間既巨峰提子，食落香甜無比，朋友一開始仲以為係荔枝。刺身5款盛盒刺身分別有三文魚、牡丹蝦、帶子、鯛魚同拖羅。全部都係我較鐘意既刺身，整體味道十分之鮮甜美味。燒魚本身以為師傅俾多左個燒北寄貝我地，睇番menu先知原來個燒魚轉左個燒北寄貝北寄貝。燒得十分爽口，而且湯汁清甜可口，朋友忍唔住飲哂d湯汁。煮物3款煮物分別係海膽芝士豆腐、慢煮鮑魚同帶子。其中海膽芝士豆腐味道十分驚喜，豆腐質感同平時食開既好唔同，好似食緊好腍好滑既芝士咁，芝士味道十分濃郁，意外地同鮮甜既海膽味道好match。肉類師傅將和牛放係朴葉到燒，令牛肉香味更加突出。燒和牛口感軟腍，但略縑有點過鹹。溫菜溫菜係白子茶碗蒸配鯖魚壽司，白子口感順滑，非常高質。鯖魚壽司味道則酸酸地，十分適合解膩。麵食菠菜麵湯底清甜，可惜我地已經飽飽地，最後都係食唔哂。湯甜品…查看更多

最近同朋友去左食呢間非常多好評嘅虎鐵鐵板燒。雖然係平日嘅晚上去，但人流都算幾多，吧枱位已經坐滿晒，我同朋友就坐左係旁邊嘅普通枱，冇得望住師傅處理食材。我地揀左個✨$2880嘅虎鐵二人套餐，價錢唔平，但內容就非常豐富🤤✨ 牛油果海蝦沙律✨ 蟹肉海膽松露溏心蛋溏心蛋上面加滿咗厚厚嘅蟹肉同海膽，帶有獨特的松露香味。✨ 火焰北寄貝超級好味嘅燒北寄貝，食落鮮甜爽口，特別係貝殼上嘅湯汁，非常鮮美。✨ 活鮑魚配蟹肉海苔醬鮑魚非常大隻， 旁邊配上咗特調嘅海苔醬，味道唔錯， 但就略嫌口感較硬，有少少難咬。✨ 活龍蝦配海膽醬燒龍蝦亦都係另一道招牌菜，配搭海膽醬，新鮮好味，口感彈牙。✨ 日本熊本a5和牛厚燒除咗和牛厚燒外， 仲可以揀西班牙黑毛豬， 但強烈建議要揀和牛， 因為真係超級好味， 份量雖然唔多， 但油香十足，令人回味。✨ 刺身帶子魚腐鯛魚湯鯛魚湯呈現奶白色， 鮮甜好味。✨ 松露三文魚子海膽杯炒飯師父好慷慨地加滿咗海膽同三文魚子，望落已經夠晒吸引。✨ 鐵板梳乎厘雪糕最後嘅甜品一啲都唔hea，有新鮮整好嘅 梳乎厘pancake，蛋香味濃。…查看更多

唔係朋友同我講，我都唔知銅鑼灣開左呢間新嘅蠔吧❤️佢地做緊個$468蚊任食生蠔嘅套餐，仲可以揀唔同嘅主菜同小食，非常抵！前菜方面有麵包，餐湯同煙三文魚，水準正正常常冇咩特別。主角就當然係任食嘅生蠔喇！可能因為任食嘅關係蠔唔算係好大隻，但都幾新鮮。餐廳提供幾款來自唔同國家嘅蠔，分別係韓國、南非同愛爾蘭，每款嘅口感同味道都略有不同。我自己就較鍾意韓國蠔，相對較大隻。主菜方面可以揀牛排、卡邦尼意粉同羊架。我地分別揀左牛排同羊架，我自己就覺得羊架係比較好食，煎到岩岩好熟，相當嫩滑。牛排就相對煎得較硬，冇咁推薦。…查看更多

炎炎夏日之下已經好耐冇打過邊爐，今次就約埋朋友放工後一齊去。我地就揀左呢間幾多人推介嘅火爐燃，整體用餐體驗都唔錯。✨秘制麻辣鍋拼祖傳老火湯鍋（$190）我地就揀左個雙拼湯底，入面都幾多料！麻辣果邊就加滿左鴨血同豆腐，湯底味道近台灣嘅麻辣湯多啲，比想像中清少少。老火湯就以雞肉、粟米、瘦肉等淆成，味道清甜。✨極品安格斯牛（$198）打邊爐牛肉絕對係重點！火鍋爐嘅牛肉唔算平，$198份量其實都唔算好多，不過勝在新鮮同好味，食落牛味好重，而且口感幼嫩。✨椒鹽九肚魚（$78）弓難除左火鍋外餐廳仲有唔少小食可以叫，我地就揀左椒鹽九肚魚。整道菜新鮮炸燒味道都唔錯，可惜嘅係入面冇拆骨，食得唔係太方便。✨肥美鮮鵝腸（$50）鵝腸係我打邊爐必點❤️餐廳嘅鵝腸整得幾新鮮同乾淨， 淥8秒啱啱好熟，口感爽口。其他配料味道都好唔錯，整體黎講係一次幾好嘅用餐體驗。…查看更多

係Capri嘅最入有一間隱蔽嘅泰國菜，環境非常唔錯😆今次就同朋友約埋去果邊食dinner.✨油甘魚他他（$148）前菜我地就叫左個油甘魚他他，份量比想像中細，菜式嘅外面放左幾片脆片，廚師將油甘魚粒同明太子沙律醬撈埋一齊，味道都唔錯。✨小食拼盤（$198）小食拼盤相當豐富，有炸軟殼蟹、炸蝦多士、炸魷魚等，全部都係煎炸野😆我自己就幾鍾意個炸魷魚，外層嘅炸粉加左紫菜，味道好似shake shake薯條咁非常香。✨豬助骨（$248）平時食rib多數都係烤，今次食嘅呢道rib就用左湯煮嘅做法去整，湯底酸辣味十足，上面加左大量荽茜，好似一座山咁。Rib嘅口感都比較嫩滑，味道唔錯。…查看更多

之前有試過上環間分店，印象都唔錯，今次難得放平日就同朋友去左灣仔呢間食個靚lunch❤️餐餐係正灣仔藍屋旁邊，食飯之餘可以順便打個咭📸lunch time人流都幾多，我地就等左一陣先有位。✨招牌泰式和牛湯河（$148）作為Lunch黎講其實少貴，但真係好好味😋湯底係濃郁嘅牛骨湯，飲落味道鮮美；配料方面有和牛片、牛腩、牛丸同豬皮，非常豐富。佢地嘅和牛片雖然望落好瘦，但食落非常嫩滑有牛味😋金邊粉食落口感煙韌，成碗個味道都好唔錯❤️…查看更多

我經常都會比一啲日本家庭式嘅料理店吸引到，都佐就係其中之一❤️餐廳裝修別緻，帶有一股復古嘅歐陸感覺，頗有特色。食物方面選擇唔算好多，都係一啲日式料理為主。✨鰻魚茶漬飯（$98）呢款茶漬飯幾比到驚喜我😋鰻魚嘅份量唔算話好多，但勝在夠肥美。令人驚喜嘅反而係茶漬飯——有別於平時食到嘅一啲只有咸味嘅高湯，餐廳真係用茶去泡飯，清香嘅茶味同鰻魚飯嘅味道出奇地相襯，幾有驚喜。✨鹿兒島和牛漢堡咖哩（$158）和牛漢堡咖哩味道都唔差，但相對就冇太大驚喜。咖哩煮得非常香濃，送飯一流；但漢堡就冇相像中果種外焦內嫩嘅感覺。✨花先生（$45）特別推介大家試佢地嘅咖啡，有創意之餘味道都好唔錯。呢款花先生就加左花生醬、牛奶同Espresso, 花生醬嘅味道同咖啡又幾夾，平時唔鍾意咖啡苦澀味嘅朋友都岩試。✨Dirty爺爺（$45）呢款Dirty爺爺以椰奶取代左牛奶，飲落味道幾有驚喜😋…查看更多

朋友成日話呢間蒸海鮮好抵食，今次終於約齊人去試到❤️我地今次就book左位於香港大學站附近果間，聽聞尖沙咀果間環提早一個月前book定先有得食，相當受歡迎。餐廳周未每位$298，價錢包左四部曲，分別係雞煲、蒸海鮮、 燉湯同邊爐，其中雞煲同邊爐都係任食，真係一次過滿足晒多個願望✨。✨第一部曲 - 雞煲呢道嘅雞煲咪道都幾濃，食到微微嘅孜然香同花椒嘅麻香，雞肉唔算話好姣滑，但勝在夠入味，味道唔錯。✨第二部曲 - 蒸海鮮之後就到重頭戲嘅蒸海鮮，成個盤嘅size比我想像中大，望落都幾壯觀，打咭一流📸每人包左一隻鮑魚、蟶子、蝦、扇貝同蜆，呢part就唔係任食嘅，想追加就逐樣計錢。味道方面都唔錯，上面落左大量蒜蓉去蒸，香味十足❤️✨第三部曲 - 燉湯第三部曲就係係打邊爐前飲一碗烏雞湯🥣老實講呢part有少少令人失望，個湯嘅味道唔算話好入咪，似咪精湯多少少；用黎打邊爐都ok, 但就咁飲就差啲。✨第四部曲 - 打邊爐最後就係用岩岩個烏雞燉湯打邊爐，餐廳有唔少嘅火鍋材料可以任拎，重點係有新鮮嘅手切牛肉，可以食到飽為止😋整體黎講成餐飯味道唔係話超級好味，但每樣平均而言都唔錯，勝在夠抵食。值得一提嘅係餐廳係冇時間限制，我地當日就由5點食到夜晚8點，食足四個鐘，岩晒大食之人🤣…查看更多