陳小寶的个人专页

小弟有一個擁有皇帝脷的女朋友, 並不是她揀飲揀食很咀尖, 而是她一吃便知當中主要調味料有咩, 點樣整, 非常利害, 原因是她有一個很會煮的媽媽, 從小吃菜式耳魚木染下成個專家咁. 為左滿足她的味覺, 我經常都會跟她四出搵食, 試過不同自助餐, 比價$ 食材 味道, 最後一致推介會景餐廳, 可以一來再來, 因為這裡價錢合理, 款式多 , 用料十足, 水準穩定, 招呼好 , 環境舒適, 洗手間淸潔….太多好處, 所以小弟母親節, 父親節, 女朋友生日也在這裡慶祝(還有煙花BUFFET, 這裡的煙花BUFFET觀賞區是全港最棒的, 看完煙花不用逼來逼去再吃一頓豐富的晚餐, 真是完美) 重點推介如下: 鵝肝多士- 鵝肝煎得香口外脆內軟, 入口溶化, 配以多士, 是絕配. 基本上全晚都不停有人在鐵板前煎, 唔洗搶, 想食幾多都可以, 真係食幾件都已經值回票價. 鐵板煎大蝦- 同鵝肝一樣, 又是全晚都不停有人在鐵板前煎, 唔洗搶, 想食幾多都可以, 大蝦好大隻, 沒有下任何調味乾煎都好好味, 爽口彈牙, 又是回本推介. 燒牛肉- 喜歡這裡的牛肉, 四成左右熟, 肉質好軟熟, 加上濃郁的燒汁一齊食, 不過都幾漏, 食多一片我寧願食多一塊鵝肝 即叫即煮海鮮湯 -個湯好足料有蝦,有蜆,有魚, 味道濃得黎都算清, 無加味精, 現場大部份人所見一人一碗都無走雞, 連我個皇帝脷女朋友都飲唔出點煮, 很特別的味道 除此之外, HD 雪糕有三款口味, 甜品又多選擇好味, 長腳蟹都幾鮮味, 唔會有雪味, 刺身 如三文魚, 吞拿魚, 北寄貝和甜蝦都好新鮮, BUFFET 最啱我這個肥仔是也. …查看更多

三聖村是我老爸的聖地, 海天花園酒家就是老爸的御用飯堂, 每逢過時過節或平時家庭小聚, 老爸也指明到此處吃海鮮餐. 其實每次也是吃類似的菜色, 起初我們也非常喜歡那麼新鮮美味的佳餚(在下面街市活生生的買回來, 即刻煮即刻食), 但日子久了, 實在有點吃不消,我們早已厭倦, 但長情的老爸喜歡, 我們也唯有跟隨. 以下便是我們例牌點的菜式:1. 油鹽煮花甲這花甲又大又鮮甜, 真係要黎三聖或西貢等近海地區先有得賣, 這裡加少少鹽同陳皮下去煮, 唔會搶去花甲的鮮味反而更帶出它的鮮甜, 還沒有沙. 下面是粉絲底, 粉絲吸收左花甲的鮮味, 更是鮮甜好味. 2. 蒜蓉粉絲蒸扇貝蒜蓉粉絲蒸扇貝同油鹽煮花甲都是只需少少的調味就能帶出扇貝的鮮味, 蒜蓉跟粉絲又是絕配, 更難得這裡是特大元貝, 有成隻手掌咁大都係$15一隻, 出面一定買不到那麼大隻. 3. 椒鹽瀨尿蝦這裡可以買到特大多膏的瀨尿蝦, 配上椒鹽斬件快炒, 非常野味, 因為新鮮關係, 肉質彈牙, 又是一個必食的菜式. 4. 豉椒炒聖子聖子因為新鮮關係, 加上豉椒快炒, 肉質爽口, 又是一個必食推介, 個人比較喜歡購買特大聖子王, 因為師傅通常會用刀把每一條聖子王介開才下鍋炒, 所以豉椒味完全滲入聖子當中, 正!!十分推介!! 除了以上四款, 我們有時也會吃飽魚仔, 蟹, 龍蝦 等等…視乎當天街市老板推介有何時令食材. 不過海天加工費是最貴的, 我們也有試過其他酒家, 覺得也是一分錢一分貨, 不想因為廚師糟蹋這麼新鮮的食材, 所以還是選擇海天. 這裡的服務也是不錯的…查看更多

我跟女朋友都不喜歡排隊, 所以豚王開業這麼久我倆也沒去過. 今天女友突然心血來潮想吃一碗, 我見是平日, 所以打算兩點後才去光顧應該不用排隊, 可惜我的如意算盤完全打不響, 是日也有十餘人在門外等著. 心想, 如果不好吃, 一定給你一個劣評. 排隊時, 店員會出來給我們一人一張單先點菜, 我們要為湯的濃度、香味油、蒜蓉、秘製味噌的份量，還有叉燒、蔥及麵的軟硬度作出選擇, 頗為繁複, 幸好我見到有廚師推薦這一項, 不用自己選, 多好, 哈哈 等了四十分鐘, 我們終於有位了, 因為排隊時已經落單，入座後拉麵亦隨即送上.我點了黑王, 因為其實我不太喜歡豬骨湯底, 幸好我沒有點錯, 黑王超讚, 黑王是超濃的墨魚汁湯底和加入大量的黑蒜油, 很香蒜香味和惹味, 絕配, 湯底雖濃但不覺得膩, 正因為湯濃關係, 面的掛湯力超強, 面又有咬口, 口感十足, 加上叉燒, 蔥 和木耳等配, 我不消十分鐘已把它吃光, 連湯都飲埋, 還連連不停向女友說: 好味好味, 說不出的滋味 不過有一個不好的地方是這裡只有可樂, 選擇太少了吧!!!座位都很逼迫!!!真是吃完便走了 …查看更多

在OPRNRICE成日搵食, 我想都要報答巴打寫食評同支持下一些出色既餐廳~~俾個讚你們!!! 第一遍就介紹這間超好味又抵食的午餐, 包括西班牙凍湯,兩款在墊枱紙上任點的Tapas和甜品，都是$100 大元.這裡還是開放式廚房, 菜式全部即叫即做, 一邊坐在BAR枱上同朋友傾計一邊看著大廚煮菜, 人生一大快事是也. 西班牙蕃茄辣椒冷湯 -凍湯主要是以蕃茄、辣椒和洋蔥等打成蓉，加入蕃茄粒, 上面再灑上香草和橄欖油, 湯身杰杰的, 不算濃稠也絕不稀淡, 味道十分清新, 辣椒亦在清新中增添不少刺激感, 是一個很好的開胃前湯. Gambas Pil Pil鐵板蒜片大蝦 -六大隻的蝦先煮好, 放進熱騰騰的鐵板上, 淋上用香料, 香蒜和橄欖油整成的醬汁, 立即發出炸炸聲, 蝦入口爽口彈牙, 配以的醬料是十分惹味, 是一個必食推介.Slams, Ham and Sherry香蒜火煺炒蜆 – 十幾隻蜆炒香後, 再淋上炒香大量的火腿絲, 蒽,香蒜 整成的醬汁, 蜆肉十分肥美, 火煺絲帶着咸香, 很好吃 Braised beef cheek 慢煮牛面頰- 忟得D牛腩好淋, 但唔漏, 配上青豆蓉汁, 是一個絕配, 味道很特別, 又是一個必食推介 Crispy Pork Belly with Quince Aioli 港式燒腩肉- 外皮煎得金黃，驟眼看像塊多士, 肥瘦比例剛好, 肥瘦相間，肥的部份入口即化, 瘦的部份有肉香, 吃起來不肥腻, 加上微甜的aioli sauce，比港式燒腩肉更好味. 除TAPAS 外, 是日朋友想食Iberian meats, 所以叫左個cold meat platter, 有三款MEATS, 分別是: 36 months Iberian ham, 20 months Serrano ham and Iberian salami. 個人對HAM無咩感覺, 好似食緊豬肉乾. 哈哈 Chocolateria San Churro西班牙油炸鬼配朱古力醬 – 又是即叫即炸, 上面灑左糖同埋肉桂粉, 甚有口感, 點上濃郁的朱古力醬(那朱古力醬好味到不得了, 真想問這是什麼牌子) 為這餐劃上完美的句號 唯一不好的是這裡只有BAR位, BAR枱座位很高不便上落, 餐廳只有24個位,十分逼迫…查看更多