Nehpetsyuen66的个人专页

12月真係充滿節日既氣氛，成日都要去聚餐，酒店去得多真係悶悶地，朋友介紹之下，黎左觀塘呢個工廈區，原來別有洞天，呢間“登堂”裝修好有格調，環境好有空間感，啱晒約朋友喺度聚會！餐廳係semi -buffet，可以選擇pasta $298起 或 main $328起，就可以享用salad bar既食物。先講salad bar自助區，意想不到咁多選擇：✨海鮮有蝦，青口，螺。✨刺身有赤貝，北寄貝。✨冷盆有cold cut，煙三文魚。✨小食有餃子，雞翼，咖哩角，燒賣。✨甜品有布朗尼朱古力，咖啡芝士蛋糕。雖然唔係啲貴價食材，但味道唔錯，食食下仲會轉換款式，咁既價錢真係好抵食。至於main course ：分別order左炭烤伊比利亞黑毛豬鞍 $408伊比利亞黑毛豬因為多吃橡果，令豬肉帶獨特榛子芳香，豬肉味清不燥，配合濃郁既黑椒汁，特別惹味。美國特級威靈頓牛柳 $498外部的酥皮焗得香脆鬆化，七分熟的牛柳中間不算太粉紅色，牛肉仍多汁鮮嫩，牛柳與酥皮之間夾有一層蘑菇蓉，濃香惹味！整體感覺非常好，又有節日氣氛，食物又吸引，重要價錢唔貴，絕對係聚會既好地方。⭐登堂⭐觀塘興業街4號The Wave2樓港鐵觀塘站B2出口，步行約5分鐘…查看更多

Me and my girlfriend were impressed by the music and atmosphere there, very relaxing and romantic. A good place also for buddies to chitchat after work. The waiters were nice and helpful, offering us their bartenders special cocktail, laichi-peach flavour with a base of gin. Despite the rosy taste, it has a colour of frozen lake, deep greeny blue snowed with white soder power. Quite beautiful it looks! My girl's was a aperitif named Autumn Dream, we were told, as a fusion of whisky and lame juice. A bit stronger and more spirity, and still manageable. Oysters were from Korea, France and Ireland. Personally I favoured the French oyster more, the bigger ones, coz they tasted more creamy and much fatter. But it is really nice that we can try shrimps and oysters and some sort of shellfish together in one go. Visually exciting as well when the plate was put on a smoky little volcano.As for the two main dishes we had ordered a ribeye steak and Carbonara (plasta), acceptably delicious. Nice temperature. But my favourites was the clam chowder, not the fake chowder, I mean the real one, with dices of octopus tentacles, garlic, onion, clams and fish. Perfectly creamy and well seasoned. A surprise and a big plus to our seafood night Not a bad choice for people who wanna hang out. …查看更多

之前聽朋友講呢間食蠔先$10隻，今日出嚟銅鑼灣，就去試吓佢。同朋友order咗6隻指定法國Fine De Claire生蠔，非常快上枱，擺落口冰凍肥美，有啲鹹鹹海水味，先$10咋，絕對會為咗隻蠔再嚟😂Set lunch都好抵食，最平嘅$68，仲要平日係免+1，同朋友叫咗海鮮扁意粉、石燒紐西蘭牛柳、藍芝士凍蝦沙律。扁意粉既海鮮非常足料，亦非常大碟，就算係男士都非常夠食，個醬汁係香草類青醬，只係$68，性價比極高👍🏻👍🏻石燒牛肉到一樣非常大份，厚厚既牛柳放於熱石上，自己控制幾成熟，啖啖都好味😊，牛扒嘅配菜有翠玉瓜青瓜黃瓜同雞髀菇，我同朋友都清哂，非常juicy👍🏻藍芝士沙律，最後先到，其實已經食到好飽，所以都只係食晒啲蝦🙈蝦需要自己剝殼，有四隻大大隻，爽口彈牙，可以解返之前啲切牛扒意粉飽足感，正。…查看更多

是晚同女友fine dining，揀呢間係因為朋友介紹，環境食物服務都好，所以去試下。我同女友揀左5 courses tasting，每人有三個前菜，1個pasta 1個Main，超豐富，講真真係每樣都好食，但太多，所以我寫令我最印象深刻。Appetiser 法國生蠔/生蠔珍珠/洋蔥醬油超新鮮生蠔來自法國，鮮肥甜嫩，加上少少洋蔥醬油帶出更大鮮味，蠔上生蠔珍珠無乜味但一齊食就加添口感，亦更別緻呈現整個菜式。唔食蠔既女友係我威逼下試左一啖，都驚呼好味😋海膽三文魚子/牡丹蝦他他/木魚湯啫喱/柚子泡沫海膽，三文魚子，北海道牡丹蝦他他，每一啖都有唔同驚喜，每食一啖你都會驚呼好足料而且係靚料，必點👍🏻香煎西班牙鴨肝/北海道帶子/南瓜泥/烏梅汁超級推薦，一定要試👍🏻👍🏻👍🏻由於係西班牙鴨肝，並唔係法國，所以係採用人道飼養，同樣濃郁滋味，冇咁油膩，心靈同身體都同樣可以減少罪惡咁😊👍🏻帶子煎得啱啱好，廚師時間掌握得極好，南瓜泥同烏梅子汁都非常正，成碟都係極品Pasta海蝦溝紋管麵屬於意大利嘅pasta，不過真係未喺其他餐廳食過，有坑紋同捲埋嘅形狀更容易捲起啲汁，口感煙韌，加埋海蝦汁，好快就食完Main燒法國黃油雞卷釀鵝肝/羊肚菌燒汁比預期既口味清淡，食落啖啖肉，啱晒食肉獸，感覺廚師水準非常高，而且食材高質，唔需要好多調味料，可以食到食材原本嘅味道👍🏻總括而言，我同女朋友都俾呢間餐廳非常之高分，性價比高，每樣嘢食洛落口都有回本嘅感覺，職員我會諗呢間餐廳做唔做得住㗎，食物咁高質咁平但晚市都冇爆場，之後一定會繼續幫襯。…查看更多

同女朋友出中環，想食d唔係集團式既burger，係OpenRice搵到呢間，一於試下。我同女友都好多嘢想試，見到個Testing Menu for two，好多嘢食都係$178pp，試得過👍🏻Salads: Yuba Yuzu Fettuccine呢個幾得意，從未食過腐皮沙律，味道好易入口，少少辣，有d脆口，又有冬菇，口感豐富，份量都多，岩哂食量大既人1.Triple B 2.South east 3.Peking Duck 4.Sir Lou呢四款，我同女友最鍾意係Triple B，舊牛厚身又好重牛味，用咗紅菜頭醬減低左啖啖肉嘅罪惡感同油膩，本來我係唔食紅菜頭，同舊牛一齊食又OK喎👍🏻另一款係Peking Duck，有驚喜，鴨肉非常好食，有味得黎又唔會話好濃，調味啱啱好，加埋洋蔥勁正，有機會返嚟我會再食佢，比較特別，其他地方真係食唔到👍🏻Homemade pom poms超鍾意呢個薯波，新鮮熱辣炸起，點個蜜糖芥末醬，滿口滋味，咬一半望吓d薯仔絲，好健康，有治癒嘅感覺👍🏻Truffle Mac and cheese 味道較淡，可能其他嘢食太精彩太好味，呢個相對平淡簡單。New York Yuzu cheesecake 呢個又係要讚，芝士蛋糕合格有餘，最驚好甜嗰啲味道，呢個係食到好重芝士味，最緊要係個質感，唔會林啤啤又唔會太乾身，口感同味道都係啱啱好，要推薦👍🏻👍🏻👍🏻是晚同女朋友食得好飽好滿足，餐廳侍應非常有善，值得返去再幫襯…查看更多

是晚同朋友行海旁，睇中呢間東南亞餐廳，將軍澳冇乜地方食印度嘢，一於試吓呢間餐廳。坐低就比餐廳嘅環境吸引住，木系家具+油畫，輕鬆打造出優雅格調，抬頭見到滿佈月亮燈，啱哂女仔打卡，而餐廳亦好好心思為萬聖節佈置，候餐期間望住裝修，賞心樂事😊由於唔太肚餓，只點左咖喱、薄餅、串燒。傳統咖喱羊肉，我必須，好好食，配合Garlic Naan，冇得輸，咁啱天氣涼涼地，個咖喱羊肉有啲辛辣，食落非常舒服，一啖接一啖，除咗辛辣感覺，我重食到茄膏嘅味道，及其他香料，完全係足料實力之作，冇可能係自己屋企煮得出嘅味，羊肉唔會好so，就算唔食羊都食得到，而且會覺得好食，我同朋友係直情飲d汁，我自己都覺得好誇張😂個Naan又係好正，如果唔係飽一定追加雞牛串燒沙嗲，感覺幾正宗嘅印尼口味，偏甜，雞比牛好食，燒得非常香，非常滿足😊…查看更多

內容同標題一樣，講吓個餐先，我同朋友揀咗10個口味+飲品，平日$178一位，90分鐘，本來諗住鬆鬆食幾round，但原來食完第一回合已經好飽，最後只係各10味道食咗兩隻，已經非常滿足😋個人比較喜歡乾身雞翼多過汁煮嘅雞翼，首推巴馬臣芝士蒜蓉味，上枱已經聞到好香，蒜蓉不留手，鍾意蒜蓉一定要食，建議飲可樂，Perfect match🥰黑椒檸檬有驚喜，簡單又好食，可能有檸檬關係，有種消除油膩感覺，雞翼外皮乾身，但肉仍然有肉汁，正👍🏻汁煮嘅推介黑芝麻海鮮蜂蜜，鹹鹹甜甜，如果有碗飯真係不得了，非常惹味，會係encore之選。最後要提下大家慎點死神醬，我只係10小辣嘅level，同我一樣嘅人絕對食唔到，呢個真心辣，咬一啖就飲咗半杯凍檸茶😅最後我同朋友都覺得好抵食，因為真係好滿足，飽之餘食到好多唔同口味，好開心…查看更多

泰式鳳爪，冰涼辛辣，味道一流，但建議食得辣嘅朋友先好點，係一個非常好嘅開胃菜👍🏻海南雞飯非常高質，坊間賣海南雞飯既餐廳好壞參半，質素非常參差，講真我真係冇諗到竟然可以30幾蚊食到呢個咁驚喜嘅味道，真係拍得住出邊賣$70$80嗰啲，先講個油飯，我真係停唔到口😂勁香，一啲都唔油膩，齋食飯撈汁都冇問題，非常惹味，雞皮雞肉都滑滑的，一啖接一啖，冇停過，而雞肉嘅份量都好多，$40都唔使，真係性價比超級超級高👍🏻豬肉生菜包，每塊生菜都非常新鮮，塊塊都大size，食落感覺極健康，魔鬼在細節，豬肉當然係靈魂，但山菜其實都扮演一個非常重要嘅角色，今次嘅生菜，比豬肉更出色，好多餐廳旺旺都忽略咗個生菜，呢次真係滿滿驚喜😊飲品方面推介自家柑桔鹹檸檬，非常好飲，飲完個人變得好舒服，完滿結束。…查看更多

根據OpenRice熱門推介，我點左蒲燒鰻魚雞扒石鍋飯，是日天氣涼涼地，食石頭鍋飯簡直係樂事，先試個鰻魚，汁既味啱啱好，最驚死鹹太濃味，呢個汁輕輕帶出鰻魚味，出色👍🏻加埋雞扒，口味豐富，滿滿蛋白質😍，個飯亦都要大讚，飯受熱程度均勻，飯焦脆卜卜，好有古早煲仔飯嘅感覺，食咗一半再加餐廳嘅秘製醬汁，又有另一種口味，極速K.O.朋友食海鮮石燒烏冬，材料有蝦、蜆肉、蠔仔、帶子，我試咗啖湯，非常鮮甜，滿滿海鮮香，真材實料，並唔係雪藏嗰啲垃圾海鮮，湯非常好飲，朋友話個烏冬口感都好好，偏軟身但非常好味，超滑順口，建議我下次必食。最後仲附送左紅豆餡嘅和果子，煙煙靭靭水晶外皮，適中份量香甜豆沙，為今餐畫上一個完滿句號。…查看更多

晚飯時間，打開OpenRice見到附近餐廳呢間最好評，一於試下。入到去，餐廳少有地闊落，啲枱櫈唔會排得太密，抵讚👍🏻 同埋一定要讚下個女服務員, 後生女一個人照顧曬成間店, 又有禮貌, 落單又快。先來個餐湯，加$20轉酥皮， 秋冬暖笠笠食就最正。材料豐富，係周打蜆湯，適量洋蔥粒，魚粒，非常creamy，絕對係一個好開始，亦是非常建議加廿蚊轉酥皮，因為好食，就係咁簡單🤣龍蝦汁闊蛋麵，味道非常濃郁，並唔係死鹹，而係有層次嘅蝦味海鮮鹹香味，蛋麵亦好重蛋味，一句講哂，真材實料👍🏻 應該係有蝦膏煮。煙三文魚薄餅，三色椒、煙三文魚、芝士，簡單又健康既配料，食完都唔會有罪惡感。飲埋個蘋果酒big boss，超滿足😊 嗰一杯嘢可以夠兩個人一齊share飲…查看更多

本人一直鍾意食蠔，但香港食始終又貴又多伏，所以無食好耐，但最近朋友介紹話唔去走寶，所以決定入去試下。Poster指定生蠔係指時令生蠔，是晚係愛爾蘭，半打起，$10隻。呢個價錢半打邊夠，因為之前係朋友介紹，先會慕名而至，一於叫12隻，同朋友每人半打，慢慢嘆☺️一啖啪落去，肉質鮮嫩+少少咸海水味，完全滿足到想食新鮮生蠔嘅感覺，新鮮嘅海產有一種食極唔厭嘅感覺，$10唔食真係走寶，除咗肉質同海水味，最正係個size，啱啱好，太細唔過癮，太大又會飽，總結係，指定生蠔真係冇得輸， $10食到咁高質好開心😊除左生蠔，重叫左軟殻蟹天使麵，又係另一個驚喜，$158呢個價錢，冇諗到可以食到隻啖啖肉嘅軟殼蟹，好彩都幾多人食，唔係我真係擔心佢做唔住，點解可以性價比咁高🥲最後係荷蘭大菇配黑松露野菌意大利燴飯，啱重口味人士，都係果句，超足料，好濃黑松露味，好濃芝士味，啱呢兩樣嘢嘅人係Must order item，其實成餐我都覺得好推薦😂👍🏻已經約緊朋友下次再嚟😊…查看更多

首先必推一定係午市特快蒸飯餐，最平係$48 ，有蒸飯，可以配點心，最緊要係加埋湯，平時出街就咁飲啖湯都唔止$48啦，佢呢個唔係普通例湯，冇落味精嘅老火湯，真係comfort food😭，每日都會轉口味我揀咗石斑荷葉籠仔飯，係有炒飯底，10分鐘絕對值得等，一上枱，香味撲鼻，立即食指大動，即使只係套餐亦絕不欺場，石斑鋪滿面，鮮味荷葉味滲入炒飯，人間美咪👍🏻配上2粒蝦餃，加上辣椒醬點綴，平民價錢，高級享受，樂而忘返😊高質嘅套餐令我加點其他點心，全部食物都新鮮熱辣，特別提一提蝦春卷，炸得乾身唔油膩，內餡除有蝦膠仲有蒜片，算係幾特別嘅一款，值得一試😊👍🏻另外黃沙潤腸亦非常好味，呢幾日天氣凍，好想再食呢碟腸粉，食完暖粒粒又補身。…查看更多

之前想食，不過大排長龍，今晚再戰，成功😊裝潢用白、綠作主調，配上木材，自然令人放鬆，呢間餐廳最適合想傾偈嘅幾個朋友一齊嚟，如果想坐窗邊或者草地，一定要提早book。今晚同朋友都想食清啲，要咗個沙律、墨西哥粟米脆片、香煎魚柳菠菜意大利飯share飲品上枱，我同朋友都覺得好可愛，我叫咗杯熱朱古力，睇過係呢間餐廳嘅推薦，除咗美觀，飲落亦非常濃郁，又唔會甜到涸喉，但我覺得呢杯飲品比較適合放喺餐後，當甜品就Perfect，反而朋友杯水果茶則非常適合餐前飲😊前菜非常推薦粟米片，上枱新鮮熱辣，待涼1、2分鐘始開動，拎起一塊有芝士拉斯，撓兩圈，沾上牛油果醬，滋味滿滿，或可轉點乳酪，另有風味😊我亦非常欣賞香煎魚柳菠菜意大利飯，坊間好多餐廳整嘅魚柳都係腥或冇彈性，呢碗有驚喜，因為切開係有肉汁流出，皮亦煎得香脆，食完簡直係意猶未盡，菠菜飯亦好味，較白汁菌汁等為清淡，食完亦舒服，完全冇油膩咁，反而覺得飽足同時清新。一直覺得一間好餐廳，好食物應該配上好裝潢，唔係要豪華裝修，而係要一種明亮舒適乾淨嘅感覺，呢間餐廳我應該會經常嚟😊…查看更多

餐廳嘅位置非常接近地鐵站， 觀塘b3出口步行至需要四分鐘， 在搭升降機， 就會到達位於工業大廈2樓嘅呢一間西式餐廳。 當時我係下午六點半去食， 餐廳好寧靜， 燈光昏暗， 有情調，有藍色嘅燈光， 好適合情人過嚟食。我哋點咗兩個套餐， 一個係墨汁意大利粉， 佢嘅做法係比較清新， 同其他著重用蒜頭香味的餐廳唔同， 佢採用咗三色椒嘅切粒， 再加上新鮮魚子， 令到成個意粉都有一種清新可人嘅感覺， 唔會食到成口都係蒜頭味， 再加埋鮮魷魚圈， 令到成碟菜非常輕盈， 唔會有好飽濟嘅感覺。另外我哋嗌咗碟黑醋汁煎豬扒， 擺碟非常之美觀， 有三種顏色， 代表三種唔同嘅醬汁， 綠色係薄荷， 黃色係芥末， 紅色係酸辣醬， 但我最鍾意都係佢本身嘅黑醋燒汁。 豬扒嘅邊有好多肥肉， 令到成塊扒非常甘香可口， 啲豬油脂味令到成塊扒香味四溢。最後一定要讚下佢個湯， 雖然只不過係蒜蓉薯仔湯， 材料似乎簡單， 但入口非常之清新甜美， 唔會話有薯仔厚重笨拙食材低級嘅感覺， 反而令人非常之開胃。最後個心太軟都非常之正， 除咗啲朱古力唔夠溶化之外， 配嗰條朱古力脆脆真係非常有口感， 簡直係朱古力三重奏， 朱古力雪糕， 心太軟， 和朱古力脆脆餅乾。有機會會再帶女朋友過嚟食…查看更多

朋友住將軍澳，有隻寶貝狗狗叫Toffee，經常帶佢遊山玩水，最近將軍澳開咗狗狗餐廳，喺海濱附近，環境極好，重有for狗狗既menu，毫無縣念，三人一狗去試試😌先講個環境，超級寬敞，朋友狗狗係26 kg大狗，場內有極充足位置予狗狗走動，當日平日下午，都坐滿咗三份一，差唔多每枱都有狗狗，超熱鬧🥰場內裝修靚之外，仲擺咗好多dog cares既產品，食下影下睇下野，絕對係消磨時間嘅好地方👍🏻👍🏻食物方面有驚喜，通常標榜寵物餐廳，講真都係醉翁之意不在酒，大家都唔會對啲食物好在意，不過呢間真係要讚，好食之餘又唔貴，我哋叫咗兩個lunch special，Pasta Carbonara、Philly cheesesteak及小食Hot wings，Toffee就食Pizza😋先上枱係Philly Cheesesteak，新鮮熱辣，麵包鬆軟，超足料，鋪滿晒牛肉，係鋪滿，咬落去，啲牛同芝士就會瀉出嚟，toffee眼定定望住我食，佢啲口水真係流晒出嚟😂講真，就算唔係寵物餐廳，單純一間餐廳都未必整得咁好食，薯條係食得出薯仔嘅味道，同平時快餐店嗰啲爭好遠，跟餐仲有個南瓜湯，仲可以加飲品，$138真係勁抵👍🏻👍🏻👍🏻朋友嘅Carbonara佢表示都唔錯，因為足料，撈勻之後，每啖都有洋蔥同煙肉，所以口感勁好，最驚啲意粉係冇料口淡淡，呢個係好香好creamy，份量都啱啱好，我哋share食，食吓包又食吓意粉，超級滿足🥰小食Hot wings會係今次嘅必點推介，雖然個名寫Hot，但其實一啲都唔Hot😅，想食辣嘅朋友一定要問佢拎支辣椒仔，不過佢個味真係好正，好香嘅蜜糖味，甜甜鹹鹹，好快就食哂，鍾意食雞翼嘅，一定要叫呢個。重有Toffee既Pizza，好神奇，一上枱佢就好似知道食物係屬於自己咁，唔係朋友拖住佢，我真係影唔切相🤦🏻‍♀️🤦🏻‍♀️，影完佢應該用咗6-9秒去KO個pizza，咁我估應該係超級好食卦😂😂😂…查看更多