mok mok mok的个人专页

久違的味道❗️很久沒去尖沙咀的霸王山莊，質素還是如一的好❕霸王山莊主打中國名菜，由京、川、滬、到杭等地的菜式都有，讓人可以一次品嚐到各種地方的美食。除了豐富的麵食選擇外，他們還有一個特別推薦的「點心霸王」菜單，絕對是不能錯過的！我點了一些招牌菜，首先是皇家蘿蔔絲酥餅，真是太好吃了！酥脆的外皮包裹著香甜的蘿蔔絲，一口咬下去，口感十分豐富。接著，我嚐了冷盤的梅香花彫醉乳鴿和糖醋小排骨。乳鴿肉鮮嫩多汁，梅香花彫的口感脆爽，真是絕配！糖醋小排骨則是酸甜可口，肉質鮮嫩，讓我回味無窮。主菜方面，我選了香蔥鮑魚燜紅燒肉。這道菜的鮑魚和紅燒肉口感都非常好，肉質鮮嫩多汁，搭配上香蔥的香氣，一口接一口沒停過🤤。最後，我點了乾貝帶子蛋白炒飯，味道濃郁，乾貝和帶子的鮮味與蛋白的滑嫩完美結合，每一口都讓我愛不釋手。霸王山莊的菜式不僅味道出色，而且份量十足。店員還很親切🥰，招呼周到。整體而言，是日晚餐很高質！…查看更多

同朋友仔去左荃灣小店搵食，食左餐令人驚喜嘅越南菜晚餐！呢間餐廳叫小越廚，以越南菜式為主打，而餐廳內嘅佈置充滿越南風情，讓人彷彿置身於越南嘅街頭小巷。兩個人order左2人晚餐，前菜小食點左芽車快雞絲沙律，呢個沙律份量頗多，有沙律菜伴雞蛋雞絲，口感清爽，食落幾開胃。接下來再品嚐生蝦，生蝦量比一般餐廳多，搭配上特製的醬料，令生蝦提鮮，味道可口！主菜就點左咖哩雞扒配法式麵包，雞扒肉質嫩滑，法包脆皮，沾上香濃嘅咖哩汁，味道絕妙。另一主菜蟹膏湯檬粉，湯汁濃郁香甜，滿滿蟹膏香，檬粉又爽身，每吃一口都讓人回味無窮。小越廚菜式不僅味道好，份量頗多。小店來講，性價比相當高。如果鍾意食越南菜，呢度可以一試！…查看更多

已經係旺角Yadllie食過一次，今次新店開到來我的荃灣地頭怎能不試?! 誰知我最後要捧著個大胃走出店! 鐘意韓食又要減肥的千萬不能進來!今餐兩個女仔鬥大食，點了數個菜式，分別是:夏威夷阿努哈炸雞拼盤，每樣食材都炸得十分金黃，入口香脆，配芥末醬很搭芝士蟹子蛋捲蛋捲加上芝士不得了，拉絲再放入口，芝香濃郁，加上蟹子口感十足魚介湯鍋內有魚糕串、魚豆腐、韓國三式年糕同埋新鮮蔬菜，份量很足，湯底亦都鮮甜，一串接著一串食，不經不覺又清底了!朱古力雪冰冰有淡淡牛奶味，加上朱古力格格脆，perfect match! 冰亦打得幼細，入口即溶，好好味!藍橙荔枝梳打 + 草莓乳酸梳打今餐不飲酒改飲梳打，兩種口味各有特色，整個晚餐很滿足!…查看更多

怕吃胖的不能來！因為這裡好吃到胖胖的😂呢間豚丼專門店「豚丼のぶたはげ BUTAHAGE」前排新增咗多款日本料理，由丼物到天婦羅，再到小食同飲品等等都有。我哋就試咗當中嘅全新海鮮丼物「炙燒海鮮丼」，有多款時令海鮮，包括原隻日本帶子、赤海蝦、三文魚同埋三文魚籽，經過炙燒後帶一股焦香，另外仲試咗「北海道帆立貝大赤蝦丼」，刺身非常鮮甜美味，份量又足，CP值高！今次食到舔舔脷，下次要帶埋鯨魚蝦子來，試下佢新加入常駐餐目嘅「澳洲和牛鍋燒烏冬」同埋小朋友專屬嘅「兒童定食」，大飽口福！…查看更多

收工約埋朋友仔一齊去荃灣嘅愉景新城鳥山名，食左一餐超級好食嘅日本料理！鳥山名主打串燒同鍋物，同埋其他好多多好味菜式。兩條友仔點左幾樣我和朋友一起點了好多菜，其中最令我驚喜嘅係安格斯牛肉火鍋，湯底好濃郁，牛肉都好嫩，非常好味！仲有我次次食日本料理都點嘅燒味淋雞泡魚乾，魚乾鹹香味道令我停不了另外，仲點左季節推介餐牌內嘅芝士煙三文魚米紙卷，米紙卷入面包左芝士同香煙三文魚，每一口都好滿足！而活帆立貝刺身同日本赤崎真蠔，超鮮兼清甜，好想一食再食！最後，飲品亦唔錯，百香果紅茶和水密桃乳酪沙冰兩杯都清新，整體，成餐都好吃又精緻，用料新鮮，店員服務態度都很好。如果你喜歡日本料理的話，一定要去試試這家餐廳！…查看更多

很棒的燒肉午餐！份量多、肉又嫩！成日見呢間和牛燒肉一郎餐廳外多人等，一直都想試～今日跟同事食早lunch，唔使點等，好快入座！餐廳面積都大，大部份卡位，午餐有平有貴，等哋向自選了一個燒肉餐跟飯，我叫全牛（特選牛肋肉），同事叫雜錦拼盤，一大碟份量多到兩人食都得，牛肉質素唔錯，油脂分佈均勻，調控火喉，keep住肉汁，咁就juicy喇！雜錦拼盤同樣抵食，雞牛豬肉各樣都有，雞肉唔「鞋」，燒起來都嫩滑，豬肉切得夠薄，燒起嚟好快熟，入口都唔油膩，邊位仲有啲脆！整體食材質素唔錯，份量足，可以再來！…查看更多

走意大利🇮🇹風格嘅Cafe Roma，除左有正宗意大利菜😋同兒童餐🍽️，仲有一系列沙灘上嘅娛樂設施，湊夠4個孩子更可開廚神班，爸爸媽媽就可吹著海風🌬️，一邊寫意地享受美食，一邊睇住一班忙碌兒童自己玩，咁先至係人生🤭❣️Cafe Roma裝修完，重開冇耐，以沙灘上嘅意大利餐廳作招徠，環境舒適不在話下，食材由意大利直接進口，菜式以傳統意大利烹飪技巧處理，每一樣都甚有水準🤤，性價比高！帶水海水味嘅 #白酒忌廉煮澳洲新鮮青口 必食，超fresh👍；另外，仲有 #雜錦凍肉芝士🧀拼盤，師傅現場即切巴馬火腿，好味到爆！開Party的話，一定要點 #意式炸海鮮盤，夠晒香口～如果湊夠4個小朋友（唔夠就睇返餐廳schedule)，可自組 #兒童薄餅工作坊，自己整自己食🍕，仲有一套廚師衫🧑🏻‍🍳同證書📜帶走啦！唔想煮，都可以點期間限定Cafe Roma x Marcus & Marcus Amusing Kids Set 兒童套餐，造型超吸睛😍，小朋友胃口大開！…查看更多

天氣熱，想食沙律凍盤開胃啲！呢間Pickabowl都係同事食過介紹嘅，又真係好啱夏天或想食得健康嘅人去食！ Pickabow特色係夏威夷魚生便當，呢度啲醬油同調味料都係自家製嘅，帶出食材嘅鮮味。我同friend分別order左一份經典雙拼便當，裡面有三文魚和吞拿魚，另上面還額外加了魚籽和牛油果，好fresh好match! ; 另外點了加州三文魚配熟蝦沙律，同樣都額外加左牛油果，口感清新爽口，非常適合夏天食啊！第一次食覺得幾驚艷～食物唔錯，餐廳環境都舒適，價位亦非常合理，尤其咁高質嘅營健美點！堂食或外賣都好ok，如果鍾意健康又美味嘅餐飲，呢度可以一試！…查看更多

真係好鍾意暑假，難得可以孖住老公2人行，可以食豪啲，糧尾唔夠筆直食阿媽家姐，以居酒屋代替，所以又去encore南瀛水產～嚟得日式居酒屋，先來一人一杯燒酎，再來佐酒必備味醂魚乾，鹹鹹香香好脆口，兩者絕對係perfect match，之後來一客蕃茄沙律，個胃即時醒晒，為之後嘅美食鋪路～呢度嘅#甲羅燒 係世一，一定要一人一隻先夠喉，蟹膏香濃，mix 埋鵪鶉蛋汁去燒，so juicy! 然後，重頭戲係活貝盛合登場，呢個組合有齊鮮鮑魚、蠔、大蜆同元貝，由店員即叫即燒，燒好即食，熱辣辣但勁鮮甜好味啊！最後，梗係唔少得刺身>>東灜五點盛，5款刺身包括牡丹蝦、三文魚、帶子、鮪魚腩同吞拿魚，好滿足！Again，呢一餐又係一百分！…查看更多

Lunch time約埋同事去呢間韓式炸雞快餐店Yellow KooCoo買外賣，性價比高，回頭之選！我哋點左2人份量嘅午餐自取，分別點左四個菜式>>韓國至尊薄餅、韓國秘製蛋黃醬炸雞、牛肉紫菜飯卷同埋韓式冷麵。菜式嚟講，呢間選擇堅多，基本上熱門韓式菜都有！先講至尊薄餅，超足料、size又夠大，餅皮薄脆，啖啖拉絲肉粒，有夠香郁脆！炸雞必選秘製蛋黃醬炸雞，真係辣得好過癮！炸雞外皮酥脆，裡面卻保持著肉汁，配上蛋黃醬真係絕配！蛋黃醬有濃濃嘅香氣，食起來非常可口，一點也不膩～牛肉紫菜飯卷同韓式冷麵都非常不錯，牛肉嫩，配上清爽的紫菜同米飯，食起來很有口感，而韓式冷麵好爽口，夏天食好開胃！整體嚟講，呢間韓式快餐店食得過，價錢親民，可一食再食！…查看更多

唉....飛一轉韓國都冇大假，唯有約埋朋友仔去一轉清潭Chung Dam Korean Dining食好西，止下渴! 餐廳係廣東道，行完街去食野都幾方便~我哋2人點左1個部隊鍋同炒辣魷魚，份量超大! 去韓國必食部隊鍋，嚟到清潭試下先，鍋裡有午餐肉、火腿、年糕加泡菜同其他蔬菜，一大鍋至少夠3人食啊，超適合同朋友仔聚餐食！餐肉很厚，泡菜 + 辣椒醬令到整個鍋都好惹味，搭埋辛辣麵食，好正！另一道炒辣魷魚，係用左新鮮嘅魷魚同辣椒醬炒出嚟，口感都係超讚！魷魚好滑嫩，再加上辣椒醬嘅味道，真係開胃，送飯一流(如有的話)！整間餐廳嘅裝潢很簡潔，有露天騎樓，坐得舒服，老闆同伙計都好好介紹，呢一餐食得好滿足! 鍾意食韓國料理，呢度可以一試！…查看更多

小朋友考晒試，終於可以收工約friend聚一聚，今次去左荃灣廣場嘅Homeland，有驚喜🥰我同frd子一人點一個精選晚餐，我食慢煮雞胸肉沙律，夠fresh，主菜係龍蝦汁鐵鍋海鮮炒飯，鐵鍋炒嘅海鮮同飯粒都入晒龍蝦汁味，色香味俱佳😋，而frd子飲龍蝦湯，十分濃郁，另主菜係伊比亞豬肩肉配薯菜，肉扒嫩滑，薯蓉甜而不膩，焗得剛好🤤除左主菜，我哋仲點左酥炸雞奕同白酒煮青口兩款小食，前者十分鬆化，後者酒香濃郁，都好味🤭難道飯聚，當然要食埋甜品，是日甜品係檸檬蛋白撻，酸酸甜甜幾開胃，可以再試。總括來講，菜式都幾有特色，味道不錯，價錢也合理，飯聚的話，呢度確實不錯！…查看更多

今日外出工作到旺角，又一段時間冇食韓國菜，睇完食評推介就決定去Yadllie Plate！呢間韓式烤雞餐廳內部環境唔錯，卡位寬敞舒適，好在早去，遲多30分鐘就要在外等！食物選擇多，淨係烤雞都over 10+! 仲有韓式鍋物、煎餅、Pizza、蛋卷小吃及甜品飲品等…..食咩都心大心細……最後，揀左「夏威夷阿努哈」烤雞拼盤、醬油魚介湯鍋、韓式糕點雪冰 + 西柚燒酒！烤雞拼盤除左炸雞外、仲有炸蝦同炸洋蔥，每樣都炸得香脆香口，雞肉好嫩滑，配埋蜜糖芥末醬同酸辣醬，入口惹味，唔錯！至於魚介湯鍋，好味過關東煮，有多款彈牙魚肉串，配埋辛辣麵食，一樣唔錯！食烤雞同湯鍋一定要跟西柚燒酒，開胃醒神！尾聲，食埋韓式雪冰，剛好平衡烤雞同湯鍋，雪冰甜度剛好，完美的一餐！…查看更多

今次幫襯嘅係 Holiday Inn金域假日酒店，係正彌敦道旁，尖沙咀站步行1分鐘即可抵達，勁方便~雖然約7-8成滿座，但餐廳座位闊落，幾舒適！食物菜式來講，我最鍾意佢每晚分3時段出嘅signature，佢嘅海膽鰻魚炒飯同花膠燉雞盅超好食，食過堅係翻尋味！日式串燒、溜心蛋拉麵同壽司凍盤都十分唔錯，串燒係即整的，新鮮熱辣香脆，而Buffet唔少得嘅生蠔海鮮佢都有，唯獨甜品款唔夠多，少少失望，整體而言，餐廳環境以至食物質素都幾好，食得過!…查看更多

復活節長假期開始，同小朋友展開一連串活動，第一站就去左沙田帝都酒店Staycation，用套票包左嘅HK$300餐飲消費額去食自助晚餐，比起一年前來食，水準高左，有驚喜!同以往一樣，有即開生蠔供應 (不用排好耐)、龍蝦同其他殼類海鮮等......但今次最有睇頭係鮑魚主題，有多款鮑魚嘅熱盤，如避風塘鮑魚、陳皮蒸鮑魚、醉湯鮑魚等等.....每一款都好好味!除左海鮮，仲有魚生壽司、牛柳羊肉、熱盤冷盤、仲有各式各樣甜品、Haagen Dazs雪糕，淨係甜品都over 廿多款，食物選擇真係都好多，飽到上心口，大大滿足!餐廳外面仲有櫻花樹佈置，親朋好友來到可以一齊打個卡!…查看更多