kg0820的个人专页

抵食好味下午茶餐 😋👍🏼好幾次行過都仲未可以食到，今次早咗路過見到，再望下有tea set 有tea set, 望落都好抵食就走咗入去！味道唔錯，飲品係烏龍茶，仲要係一壺上，正😄！…查看更多

2023.10.06 lunch 呢一天放下午，揀翻食呢間，但發現另一間分店，就嚟咗呢度！一入去，幾好喎，呢邊裝修感覺舒服啲，又寬躺啲，點幾鐘又唔多人，正！😁讚咗先，各服務員態度都好好，又有禮貌，讚👍🏼 當差不多完成整個午餐，發生了小小意外，服務員嘅態度同處理方法亦唔錯，加上食物價錢同味道都ok，應該會encore 😁😋睇咗陣，揀咗$95滑蛋豬扒丼同$95雜錦天丼定食，有麵豉湯&沙律。雜錦天丼賣相好得，其實$98真係值回票價，有蝦、南瓜、茄子等等⋯⋯味道唔錯👍🏼 至於個滑蛋豬扒丼，豬扒切件上，感覺似豬肉多啲兼有啲靭，但個滑蛋好味呀😋…查看更多

2023.09.29 dinner 呢一日，放早，行一陣食個早飯，見好耐冇食過丼丼屋就揀咗，餐牌都唔同晒⋯⋯揀咗$98嘅醬汁吉列豚丼，之前都食過，同埋一個未試過嘅十和田燒和牛配飯，都係$98。跟住加咗$18變定食，有小前菜、麵豉湯、冰茶、小甜品，好似幾抵咁。醬汁吉列豚丼個醬汁真係幾好味嘅，但個豚對我哋嚟講就肥咗啲，麵豉湯一般，小前菜正常，冰茶正常，叫做有杯飲品，至於個甜品就麻麻lu。 食食吓，十和田燒和牛配飯都到，咩事呢，牛好少兼好似啲牛唔係好新鮮牛咁，有好多塊都又黑又乾，又肥牛feel，同餐牌張相差好遠！諗咗一陣就同服務員講，後尾成份換過⋯⋯唉！不過都差唔多，但俾多咗牛，仲衰，啲牛唔靚，我寧願多洋蔥！味道都麻麻，好彩個汁ok，可以用洋蔥送飯🫠 我諗我哋都應該唔會再嚟🫢…查看更多

2023.09.23 tea呢一日要嚟呢度拎嘢，所以係度搵食，係門日睇餐牌，見到茶餐幾抵食喎！最平$30就有碗粉加飲品！揀咗扎肉船粉，我要金邊粉，另一個就要冬䕃公湯，要檬粉，都係扎肉，貴$6，兩個都跟熱泰式奶茶😁係啲餸小咗啲，但份量唔算太少，兩種湯都算唔錯👍🏼 $30同$36 有粉有飲品，味道正常，仲想點？我哋就覺得好抵食喇😃👍🏼杯泰式熱奶茶味道都ok，係唔多熱！…查看更多

2023.09.17 dinner講真，食完一次再嚟，因為食物都唔錯，亦因為入咗會有張食滿$200就減$100嘅券，好大方呢！緊係嚟用埋佢啦，好抵🤩 總數$322.3最後$222.3埋單，今餐真係抵😄😄今次試沙律，揀咗$118 柚子檸檬汁蟹肉牛油果，$785隻嘅柚子無激素雞翼，再加個$98主菜，黑松露雜菌意大利粉。沙律先到，靚！材料新鮮，個汁好好味，我哋鐘意😋👍🏼 雞翼都到埋，賣相都ok，但唔夠味道呀，除咗皮有啲味，雞翼肉係冇乜味🤪 食食吓意粉都到，都幾香，份量都唔算細，味道正常，冇乜驚喜，都好味嘅😊…查看更多

2023.09.21 lunch今次主力係寫係衛生問題，為何咁樣都可以出俾客人，係咁易望下先拎俾客啦⋯⋯今日食呢個三文魚荼湯漬飯，一向都好味嘅！ 係今次點解個茶壺咁污糟呢🙄😒 仲要係似乾咗好耐嘅污漬！太過份！ 當場都費事搵人問，午飯時間又忙，檢查下咗內𥚃冇乜問題就算⋯⋯仲有呢一個都係咁，可唔可以整潔少少，唔好倒到一個盤都係湯呢😒🙄其實間唔中呢問題都出現，成日個盤都濕漉漉，都冇特別寫，但呢次，兩個食物都咁，都要出下聲！…查看更多

2023.09.12 lunch呢一天要過APM買啲嘢，就係到搵嘢食，個間姓千嘅日本野，成日都咁多人⋯⋯所以行行吓見見到佢，望一望門口餐牌，竟然有午餐，當然係比較特別嘅牛餐⋯⋯跟住唔想浪費時間就碌咗入去😝揀咗陣，決定食佢個 $135 特別芝士漢堡包餐，特別係因為唔係用包，係用pancake！揀咗配薯條，飲品幾好喎，揀cappuccino or latte 都唔使加錢😃👍🏼 我要 cappuccino，女友要普通咖啡。另外要唯一一個飯，$115 Japanese fried rice with noodle，呢個都幾好味，味道似係用日本燒餅嘅醬汁😋 至cheese burger就普普通通，正常味道，薯條都有啲油，唔係太乾身咁🫣個牛呢，都幾厚但唔算好好味😅 pancake 呢，都係正常，可能加咗咸咸哋嘅汁，總係覺得怪怪哋咁🫠 pancake 都係食甜好味啲😝諗住呢度嘅咖啡應該唔錯，好可惜都係普通🤪仲要杯普通咖啡超大杯添😅 cappuccino 就好少少⋯⋯…查看更多

2023.09.07 lunch呢一日無端端走咗入嚟食！開咗好耐都只係試過外賣，就覺得一般。 好好彩都仲有位喎！價錢真係幾抵，但完全冇概念100g有幾多，所以揀一個 $52 牛五花100g，同埋一個$80 牛五花、豬五花腩$200g兩份，揀一個200g，驚唔夠飽😝 仲有飯有得揀大中小，當然要中先⋯⋯免得大又太多，小又太小😂 手機落單兼俾埋錢，都幾方便！枱面放滿醬汁，勁正！冇記錯都應該有六款以上，又有胡椒又有鹽👍🏼食物好快就到，一個餐有湯、飯、小伴菜(有泡菜同沙律選擇) 我哋要泡菜，個湯幾好飲喎，啲肉望落都唔錯，開頭貪快開大咗火，啲腩肉加上佢啲豬油，好快就濃咗兩塊🫣 個五花牛就瘦啲，啱我哋多啲，下次都應該只叫呢款😅…查看更多

2023.08.30 lunch呢日放假去尖沙咀覆診，都揀咗係尖沙咀食，見呢間新開，又有得係openrice book位，就試吓，早咗到，唔係好多人喎，可能都過咗午飯繁忙時段！環境都唔錯，坐位擺放都唔算迫。 有lunch set (湯+飲品) 有海南雞飯、咖哩飯、有船粉，好可惜冇普通湯粉😝 終於揀咗$72嘅青咖哩飯(豬)，$62 泰式船粉，一人要一款湯，可以試晒味😁 兩個湯好靚，睇得出係俾心機煮的，係泰式清湯同冬蔭雜菜湯，兩個都好味，各有特色！ 好味😋主菜都到了，份量唔算大，但同價錢成正比，幾十蚊有湯又有飲品，仲要唔係例湯，飲品又可以揀青檸梳打添！😁大至我都係覺得抵食嘅👍🏼 不過⋯⋯味道就未去到要拍手掌😅 正常味道😊…查看更多

2023.08.30 breakfast 呢一天放假，之前發現咗呢度開咗 &you，即刻醒起過嚟試早餐先😁 出名食物又平又好味 (至少我倆都覺😅)，又冇加一，之前成日去坑口個間，中午晚餐都有去🤪入到去，環境都唔錯吖，幾舒服，可能又比較新，感覺係好啲😁 入去前就拎埋餐牌，諗住坐低慢慢揀，坐低冇耐，竟然有服務員拎上餐具及點餐QR code！因為坑口個間係超自助式，所以有點突然😅 可能要點餐QR code，順便拎埋餐具俾客人，水依舊係自己出去拎，有冷熱水供應。揀揀下，原來想儲會員分就要出去點餐，後尾我都出去點。揀咗 $39烘巴馬火腿芝士三文治，另一個要$43炸魚柳炒蛋、焗豆多士，兩佢餐都要熱白咖啡 😌 熱咖啡到先，好靚，好香😌 當然唔飲住，食咗嘢先，三六治到先⋯⋯望落去⋯⋯好似 over baked 咗咁，一切落去，果然係！脆到痴左😂😂 焗多咗，所以口感同味道都爭咗少少🫢 ，同埋用巴馬火腿比普通火腿咸好多，夾埋芝士就過咸咗！ 之前係坑口食三文治好味好多，可能件包厚啲，冇咁易焗到過龍 😛食食吓，另一個都到，幾靚喎！呢個只係$43，多三文治$3，好似抵食好多🤨 但個蛋爭少少味道，魚柳幾好，唔錯，但真係好抵食，只係$43，仲有杯美味咖啡😌 好夠熱！就算食哂先飲都仲係熱，好飲😋 正👍🏼…查看更多

2023.08.20 dinner 呢一晚由女友揀選嚟咗呢度食，幾好喎，可能時間尚早，都未多人，環境唔錯，食物種類都算多，好多都啱食，但好可惜甜品揀唔到😅又讚咗先，服務員態度好好，又有笑容，又有禮貌😊👍🏼 除咗帶位個個小朋友(我哋覺得比較細，兼覺得係暑期工) 點咗 $88 炸廣島蠔•檸檬醬，再加個同$148 北海道帶子•檸檬奶油意大利麵先，而家醒咗，唔想會再一次過叫晒，跟住好快上晒枱，食唔切就好快凍晒😁 炸蠔到先，有5隻，唔算大粒，但啱我哋，第一次食炸蠔配檸檬醬，幾特別，味道正常😊食食吓北海道帶子意大利麵都到，賣相好靚，帶子望落都好靚，而呢個意大利麵都係配檸檬味嘅奶油，好味喎！幾特別！但帶子就爭咗少少，始終都係冇咗以前食帶子個種味道同質感⋯⋯完成呢兩樣，都仲可以食多一樣喎，揀咗主$188 和風醬油蜂蜜烤三文魚•紫菜牛油果醬。又係配比較特別嘅醬汁，服務員好好，落單時即刻問我哋有冇需要整全熟，因為呢款煮理係會有少少生嘅部份，好彩有問呢，我哋真係唔食生嘢㗎🫢 都話佢哋服務好㗎啦！再讚😁👍🏼 不過需時長啲，我哋當然冇問題，完全唔趕，係預咗慢慢食😌 烤三文魚到，好味呀😋份量亦唔細，賣相又靚😍 醬汁又特別亦好味😋鐘意🥰 一定會再嚟😁😁…查看更多

2023.08.23 lunch好耐冇嚟食，因為佢嘅價格真係唔平，又$10茶錢一個人，一碟花生又要錢，因為冇要，所以唔知收幾多🧐 跟住埋單加一，又唔算好味，所以覺得貴貴哋⋯⋯應該唔會再嚟食午市套餐🫢午市套餐$94，一小菜一白飯一前菜一飲品，雖然有四樣嘢，好似都差唔多咁嘅價錢，但加埋其他小計，就唔係九十幾lu… 我哋要咗兩個，京葱爆牛肉、糖醋魚柳，前菜要四起烤麩(半份)、陳醋西芹配黑木耳。前菜好味，但主菜唔係好得🫢京葱爆牛肉完全冇’爆’ feel，冇鑊氣，所以都唔算好味糖醋魚柳個汁唔係幾好，太漿 ，好彩個魚正常⋯⋯不過，其實兩碟餸都似煮定個種，麻麻地🫤…查看更多

2023.08.18 lunch呢日趕住食完午飯去整嘢，快快咁搵間唔使等位，咁啱呢間又未試過就衝左入去，仲坐到二人卡位添，好舒服，整間店感覺好整潔😊👍🏼 揀咗一個 $78 嘅生薑醬油拉麵，一個$78 泡菜豚肉定食，第一次食，揀咗兩個比較平啲嚟食🤭 講咗拉麵先，原來生薑只係放有生薑，我完全諗多咗😂😂 但又幾夾喎，味道幾好，但兩塊叉燒跟餐牌嘅樣有少少貨不對版，仲比較肥添。個泡菜豚肉呢，成個上海回鍋肉 feel 咁，勁油！好彩味道都可以，成餐最好味係個湯😅…查看更多

2023.08.16 lunch呢日lunch 要嚟鑽石山，所以揀咗食呢間，其實好多時都係將軍澳見到呢間都冇試，好似啲食物未係好啱食，不過係晚餐。 呢日順便試吓都叫做有set，包個湯，但唔好飲，完全飲唔到係咩味，只係熱同咸味😝 我要個$75嘅日式豬軟骨稻康庭烏冬，味道正常嘅，湯底麻麻，但豬軟骨好算好味。女友要咗$85嘅黑舞茸野菌意粉，香味夠晒，味道都唔錯，但呢種黑舞茸完全唔係我哋嘅口味😵‍💫 總括嚟講，我哋就覺得食物一般，所以就算下次再來，都應該只會試甜品🤪…查看更多

2023.08.13 dinner 終於嚟試呢間，食早飯！都係因為女友試過話食物唔錯先再嚟😅 呢晚唔算餓，所以只係叫咗一個意粉，加$15有個湯，再加一個小吃，唔夠就可以試埋佢嘅cake，因為叫主菜可以半價揀件蛋糕。但⋯⋯對我倆嚟講，呢度嘅食物好味過蛋糕🤨湯到先，好似係南瓜湯，好味但唔算夠熱牛油果大蝦芝士焗大啡菇到，幾香喎，但賣相唔夠靚，味道正常，都好味嘅⋯⋯未去到要拍掌😅 個白酒蜆肉意大利粉都唔錯，當然又係冇白酒味，意粉對我哋嚟講硬咗啲，蜆肉新鮮，都好味嘅。完成後，果然差少少，決定加$34揀埋件cake，呢件原價$68，但比較鐘意嘅味道都冇，之後揀咗芒果柚子蛋糕，因為睇到柚子，我哋都like 嘅😙 但就少少失望，唔知點解，蛋糕望落去係唔夠新鮮，第一啖味道都唔錯，中間好似有少少芝士味，但完全冇柚子味，整體成件蛋糕感覺唔夠新鮮，味道又一般，下次應該唔會再叫蛋糕！…查看更多