孤獨妹妹的个人专页

夜晚行過好肚餓，想起旺角有不少街頭小食⋯⋯路經呢間「真美味」既門口，雖然行過聞到氣味唔係幾香，唔算咁吸引，但太肚餓既原故都好想買少少野食。全間舖都冇標價錢，所以啲食物賣幾錢真係任啲阿姐開口up。冇標價錢記得要開口問下，而我問格仔餅幾錢，天呀，竟然要$20！聞所未聞有咁貴既格仔餅！再望一眼啲格仔餅，似係放左好耐，因為肉眼睇到覺得淋！回想起有次開口問煎饟三寶幾錢，又係一口開價$30！我同佢講減半先至$20 /4件，無奈地買左，但係唔好食，肉同茄子都得分開又何來鑲？總知大家千祈唔好幫襯呢間舖，餓都要忍住！…查看更多

店舖門口貼滿食物相，見價錢咁平就入去試下！三點左右去到唔洗等位，環境幾迫，唔算坐得舒服。上海水餃刀削麵上海水餃係豬肉+白菜，不過不失。刀削麵好煙韌，粗幼度大部分一樣，不過有厚有薄，幾好食，仲好飽肚！凍豆漿個人認為一般，好少豆味，成杯都好淡，唔太甜。總括而言，碗麵幾大碗幾抵食既！…查看更多

去荃灣行街時見到呢間生煎包，門口貼滿報導，一於試下。落order後選擇戶外堂食。剛煎好的熱辣辣生煎包送上，仲有醋！一咬開，肉汁不斷流出，真的要小心燙呀！外面煎得幾脆，伴有芝麻及蔥粒，肉餡新鮮多汁，好好味！…查看更多

去到要自己等位坐，等了大約十五分鐘。落orderMenu春季限量版，濟州綠茶系列Menu落order後返坐位，有人會送上食物。其實好自助形式，有點不明白點解要收取10% service charge。等左十分鐘，食物到。紅豆豆粉雪花冰佈滿豆粉、紅豆、糯米滋！我自己覺得豆粉食多幾啖就有點似花生味，奶冰溶得快，所以要快食。芒果雪花冰新鮮芒果肉，有少許酸味，可以接受，整體都不錯！濟州綠茶丹麥多士本身係綠茶控，對呢個多士係有點失望及覺得不值！底下有好多糖漿，所以好甜！綠茶丹麥多士既綠茶味不重，外面有年糕及紅豆。整體呢個多士得個甜字。雪花冰可以再試其他味，例如oreo味。…查看更多

復活節假期特登同朋友黎到Bricklane食野，2點左右黎到都只係等了五分鐘就有位，比我想像中等得快。環境不錯，唔會太嘈，都幾岩傾計。落order後等了十分鐘就有食物到。Egg Benedict外面有荷蘭汁，內裡有半熟蛋、煙肉、菠菜、麵包，別忘有沙律菜作伴。一切開半熟蛋，蛋汁流出，底下麵包吸收了蛋汁，整體味道很好！All Day Breakfast有芝士、麵包、薯餅、煙三文魚、焗豆、蕃茄仔、煙肉、火腿、炒蛋、腸仔、蕃茄汁、沙律菜。蕃茄汁真係用新鮮蕃茄製成，食物幾大份量，兩個女仔食唔晒。整體味道不錯，但比較喜愛Egg Benedict。Rose Tea Latte我不太好咖啡，所以呢杯好岩我飲。淡淡清香玫瑰花味，咖啡味不濃，奶味較重，外面比較少有，可以試下。Caramel Latte咖啡味幾濃，都不錯！食完捧住個肚走人喇～…查看更多

有朋友介紹登龍街有不少拉麵鋪，就隨機選擇 - 金田家。6點幾去到，冇乜人，唔洗等就有位！Waiter介紹拉麵及必食既溏心蛋，可選擇要唔要蔥、拉麵軟硬度、追加物。經典金田家叉燒拉麵 - 湯底係好濃既豬骨湯，叉燒有四塊，四塊麵係薄薄的、入口即溶、拉麵選擇較軟。追加一隻溏心蛋，好正👍👍👍一咬開就流心，好香甜既溏心蛋黃！旁邊有調味料，加入蒜蓉，令碗麵生色不少，因為蒜香跟豬骨湯係好夾！我一個女仔都食得晒成碗！😋…查看更多

去荃灣行街，路過呢間店舖，半熟蛋糕感覺幾特別，為免中伏所以買原味試下！買既時候，小姐加入冰冷藏蛋糕，提醒要放入冰格冷藏，食用前30分鐘要室溫解凍。打開左既樣，賣相一般，同埋好細個，中間係凹。解凍左30分鐘就切開，不太流心，可能要再等耐d！食落去真係好似未熟既感覺。再等左一陣，終於流喇！蜂蜜味我個人接受到，但家人話太甜！要考慮下會唔會再試其他味！…查看更多

小妹鐘意食美心蛋糕，行街見到美心有新產品，3.9澳洲牛奶卷，乳牛既花紋卷蛋吸引左我眼球，立即買返屋企做飯後甜品！唔記得映未切既樣，切開見到忌廉內有牛奶既果凍，外面黑色係竹炭朱古力卷蛋。蛋糕挺實，充滿牛奶味，加上牛奶果凍及忌廉，整體卷蛋好重牛奶味，不錯！👍…查看更多

同朋友食完晚餐，想搵個地方傾計，見到「咖啡綠茶」易拉架，新開的cafe，就上樓試下啦！叫一杯飲品就可以加$換購甜品，大家都選擇cheese cake！朋友話飲品不錯，而我order青蘋果泡沫綠茶及柚子芝士蛋糕。飲品內真係有青蘋果的，味道不太甜；柚子芝士蛋糕味道較清香；焦糖芝士蛋糕在比較之下就較濃味。…查看更多

28/03/2015 晚餐4個女仔tst shopping完想食韓國菜，見李家好出名就去試下。6點半去到時見人龍唔算太長，但第一輪剛入座，所以等了一小時😓入面環境好暗，落order後送上兩碟前菜。但係沙律菜個底有好多水,未停乾水😖等左20分鐘終於有野食喇！第一碟-芝士雞蛋卷雞蛋好香，芝士都好多，好好味，鐘意芝士既朋友環試下，但係4個女仔分有點膩。第二碟-海鮮煎餅呢個煎餅都不錯，用左好多雞蛋煎，所以都幾厚！餡料好豐富，有大蔥、蝦、魷魚等等。仲有個醬，酸酸的，唔辣，都幾夾！第三碟-鐵板燒五花腩燒五花腩伴有辣泡菜及辣大蔥絲，仲有BBQ醬可以沾，但我覺得無咩特別。第四碟-芝士辣雞年糕四碟之中，呢個最辣，同樣係鐵板上，表面芝士係拉唔斷，內裡有年糕、雞肉粒、青椒、泡菜、紅蘿蔔等等，因為環境太黑所以睇唔清楚。我覺得好特別，因為其他店舖未有賣呢個！P.S.李家每碟野食都好好好大碟，3-4人份量，所以在場好多人食唔晒，餘下既野食可以take away的😊…查看更多