meal alone的个人专页

2:30pm後的tea meals meals 比 lunch menu 便宜一截... 而且平日呢個時間無咩人, 慢慢坐歎茶啱晒~ 加埋有特飲選擇唔須加錢, 真係好happy!小食)))  小籠包、花枝春卷、水餃小籠包 -- 一碟兩隻, 算係皮薄餡OK, 咬破有上湯流出, 豬肉新鮮, 味道合適不太咸花枝春卷--有驚喜, 脆皮炸香肉有煙un花枝, 好好食手工水餃--不過不失, 係一般厚皮水餃, 一啖一口, 基本上同小籠包材料相若, 但小籠包會比較好食主食))) 香酥雞扒+葱油拌麵、咕嚕魚+魯肉飯、豬扒擔擔麵香酥雞扒+葱油拌麵 -- 雞扒香味特別, 的確有台灣風味；拌麵稍乾有點難入口, 葱油不夠香, 味略淡, 重口味者未必啱食咕嚕魚+魯肉飯 -- 魯肉飯頗出色, 夠入味, 但就較油膩, 珍珠米彈牙口感好；咕嚕魚相對失色, 只有炸粉皮有甜而魚無味； 糖心蛋係另一吸引,  生熟度剛好, 令整碗飯賣相提升~豬扒擔擔麵 --  此麵跟拌麵的相同但比拌麵好食, 擔擔唔辣也不似上海式的有濃濃花生醬味, 麵質唔會因放久發脹或變太軟, 算ok；豬扒同雞扒應該同樣加咗梅子粉, 咸酸香味特別飲品))) 珍珠奶茶、寒天梅子綠茶、鳳梨果醋珍珠奶茶 -- 珍珠甜味不足, 但勝在足料及夠晒大杯寒天梅子綠茶 -- 要咗凍的, 梅子香味宜人, 夏天好啱飲, 寒天口感好吃, 味道獨特鳳梨果醋 -- 酸甜刺激, 開胃首選, 即使飲到尾冰溶了仍唔會溝淡, 好正~…查看更多

疫情前後都常光顧銀城, 近日有見佢因疫症生意略減及縮短營業時間, 都擔心佢頂唔住要摺, 希望唔好... 因為呢頭茶餐廳多不勝數, 但好吃的, 我心目中佢係首兩間~趁唔使返工, 來回顧一下我曾吃的美味：~~~~~~~~~~~下午茶~~~~~~~~~~~~下午茶餐選擇很多, 有light也有heavy的。推介有以下窩蛋焗肉醬意粉肉意一般不是我杯茶, 但加咗窩蛋就唔同講法, 吸引力倍增~ 燶芝士下有不吝嗇的肉醬, 同生蛋撈起來好細滑好香, 意粉唔係焗定, 所以無乾到咬唔到的問題, 只有時即焗係要等耐些少, 但為咗好食, 我係唔會mind~紅酒汁牛脷飯呢個飯出現放tea menu 又係好正, 而且牛脷份量唔係tea份量, 三大塊, 也唔會好薄, 牛脷兩面煎香配紅酒汁, 好唔錯~流心黃金西多上枱時以為好平凡, 但切開真係有surprise, 咸蛋漿流出嚟, 咸香加上糖漿既甜, 真係唔會理卡路里食咗先算.... 芝士豬扒 (or 咸牛蛋) 波蘿包點解波蘿包? 其實係我食嗰日無晒波蘿包, 改以厚多代替, 但呢個包的特別之處, 係佢有真波蘿,  即係：波蘿包(上) + 芝士 + 豬排 + 蛋 + 波蘿 + 波蘿包(下) 食過兩次,  用料十足, 咸甜混合加上波蘿汁係好正~同場加映我都唔記得幾時邊日食的咖哩蛋包飯 (應該係晚餐嚟),  總之, 呢間好嘢嚟, 大家有機會要多幫趁~…查看更多

開張不久, 但來這裡很多次了,  疫情下的情人節晚餐, 不能去遠, 也選銀城 一人一餐, 沒因節日加價, 卻有吸引餐單。芝心吉列豬扒拼米紙卷吉列做得不錯, 炸粉平均、夠脆、不會過燶；豬排份量十足, 雙層豬排而且大大块, 啱晒食肉獸, 只係芝士用了拉絲mozzarella,  芝味不足,  夾在豬排中口感有點怪... 如果換上片裝cheddar反而更濃郁芝味。點睛的千島醬很聰明, 惹味!米紙卷係bonus, 不過不遺失卻看出廚師的用心~黑松露雞肉卷拼肉醬蛋包飯黑松露醬對我來說係最吸引之處,  而且給的不吝嗇, 大量舖在雞卷上,  增添高級感~雞卷用雞髀肉包裹甘荀芹菜菇等蔬菜條, 係心機之作。蛋包飯的蛋漿不會過熟過鞋, 還有些蛋汁, 好味~銀城的廚師勁出色,  遠超茶餐廳水準, 每次幫趁總有驚喜!  惜最近疫情影響生意, 希望佢仍做得住, 大家要支持啊~…查看更多

這天黃昏時間想先吃個甜品再晚飯, 走在這街上沒有選分店多的松記... 而選擇別無他處的227時間關係, 店內沒客人, 我不清楚它的營業時間, 但既然打開門做, 客人就suppose你係做生意,奇怪我進了店, 坐下來, 選了款式, 揮手示意... 都一直沒人招呼...眼望後面有兩個店員, 但都把我當透明只一直看着手機~之後一女人步入店, 才有人知我存在~說回食物, 首先餐牌看得人眼花撩亂, 芋圓係我最愛, 我最後點了個養生花 (綜合圓, 芋頭)綜合圓要加$6只得每款一小顆實在太貴, 其實老實說只是顏色不同, 不太吃得出分別...芋頭很大件但不是我較愛的粉芋而是實實的要扣分~仙草份量多吃不完但出奇地出色的卻是桌上一瓶黑糖漿, 焦香無比, 黑糖味濃, 是我之前在這店沒見過的...我當日所看, 這瓶黑糖漿只設於卡位, (唔知點解另一邊的枱都沒放)加入甜品中一同品嚐是好味百倍~盛惠$33, 不過不失…查看更多

在葵芳想食嘢飲嘢一定係嚟葵廣, 今次唔係上3樓而係逛2樓既"食街"見有芋圓奶茶咁新鮮, 咁就試吓~人較多, 其實都等得耐, 我哋食完第二間嘢, 都未出到杯奶茶,我哋要咗加芋圓, 琥珀白玉奶茶 (價錢忘了) 就係港式奶茶一樣味道, 算幾好味, 但其實係似維他出嗰包港式奶茶白玉同芋圓幾彈牙, 唔會太漿口, (我好怕太粉或太黏口的芋圓~)只係食到入口其實也分不太清係白玉定芋圓了... 至於其芋圓做得並不太突出叫7分甜我覺得啱啱好~都好大杯, 足夠兩人share…查看更多

劉森記開了分店, 但我一直還是喜愛去舊舖食~晚上人多, 一人食是必要搭枱, 點了個蝦子炸醬撈麵, 因為覺得蝦子配上湯會溝淡了蝦子味道~這配搭不錯, 酸甜炸醬配上咸香的蝦子, 開胃又惹味蝦子份量多, 足以食住每口都有滿滿的香氣 (唔係腥氣~)炸醬則不過不失, 就是一般麵店的風味。講到麵, 就是一絕, 沒有其他麵店的梘水味, 又唔會過稔,彈牙爽口真係好正!!!配以枱上長年放着的酸蘿蔔, 吃着就是一種享受~~~…查看更多

早餐吃多了連鎖快餐店, (現在連茶餐廳也連鎖起來了~), 很久沒到正宗一舖茶餐廳, 今天就來新華。一向過見它的蛋撻吸引, 今天來兩個餐, A) 沙牛麵加火腿奄列; B) 腿通加雙蛋沙牛過得去但個麵係要彈..... 因為麵質太淋太糊口.... 本人不大喜歡~凍奶茶係我去茶餐廳必點, 這裡的算不過不失, 沒有特別出色~但給我surprise的卻是少見餐牌上有唂咕, 點來一試, 熱唂咕不加糖是苦得如廿四味一樣....然後我們問伙計先生可否幫忙加煉奶, 他二話不說就取去杯了去茶水處加奶~哇! 一飲之下, 實在比Godiva的朱古力更好~ 苦中有甜, 甜中有甘, 是我最愛的朱古力味道... 下次識做了, 會點「唂咕走」…查看更多

之前坐車已看到新開這小店名Wing's Bakery, 這天在深水埗購物經過看看, 一小妹子熱情推介我試食這拉絲蛋糕, 說給我一個試看看.... 見才$12/3件, 口味眾多, 我就選了綠茶、芝士、朱古力~ 用紙袋裝着夠環保，用手掰再慢慢拉開，確有一絲絲，很好奇是什麼來，會不會是加了肉鬆? 實在新奇~說回味道，雖然分了多種口味，但吃下去味道其實都不突出，是朱古力比較有一點點分得出來。至於拉絲入口的口感，恕我直言，我自問接受能力不遜但這入口確是怪怪的，每一口咬下去咀嚼都係很怪 ^ ^''... .... 連老公也有同樣感覺。不過由於價錢可取，有興趣者不妨一試。另有砵仔糕可試食，有異於一般中式糕點，但又不像大菜糕又不像啫喱又不似布丁... 就是很難形容~Anyway, 這小店得支持~ …查看更多

早幾日見有雜誌介紹華星常餐炒蛋奶茶係正, 炒蛋控的我就心郁郁嚟試...但見跟餐機乎係無選擇得叉燒意粉+火腿炒蛋+餐包咁.....我不嬲對湯意粉有抗拒, 於是唯有散叫~個咸牛肉蛋餅食得出係用蠔仔餅做法 ---> 以粉入蛋漿加咸牛肉半煎炸而成, 味道唔錯但真係太油, 加上$37齋個蛋同一丁(唔跟餐飲)其實係食水頗深......COT在茶餐廳質素來說唔特別突出, 係好一般既味道, 奶量太多, 茶味不足~較深刻係校長多士, 話係年年$廿五唔加價, 沾上咗松露醬加芝士烘香, 方包厚薄適中烘成多士係幾惹味, 但值唔值廿五又係見仁見智~收費唔平加上鄰近太多茶餐廳, 比較之下是有所遜色, 只係夾着明星效應, 一堆簽名合照佈滿店內外, 否則, 大概沒多少人會排隊幫趁~ …查看更多

去過舊店兩次, 印象好好, 只是位置吊腳...新店開張不久, 地點便利, 就試一尚。這晚晚飯帶着老公+BB, 首先我哋入去想行入d坐,跟住, 阿姐A叫我哋坐出面。坐低咗, 阿姐B話點解我哋唔坐入面.... 態度惡劣, 真係吹脹!嘢食遲遲未到, 催單又俾阿姐bear!餃子嚟到, 阿姐上菜就係bump一聲放落枱仲衰過餵狗~講番嘢食, 四川涼麵 ($28) 係好可口; 餃子不論煎定上湯都好出色, 因為餃子皮薄而滑唔會粉粉的; 饀料均勻多少適中也唔過咸。煎餃大白菜豬肉餃(中$45)唔會硬, 脆脆的好正!湯餃椰菜雲耳豬肉餃(大$49)的上湯無味精係好嘢嚟!! 基本上, 餃子係一流! 比某間咩米芝蓮餃子店好得多~ 又比某間開唔少分店的餃子館出色~但樓面阿姐既服務真係令人敬而遠之, 望改善~唔好因為d 阿姐嘥咗個廚~為表不滿, 唯有劣評!! p.s.) 價錢唔平!…查看更多

乜都專門店, 你估乜都係專門店咩?! XDD有日同朋友講起而家度度都只得米線, 已經無得食瀨粉… 咁啱就行過SSP見到呢間瀨粉專門店。第二日晚就已嚟食宵夜…好似車仔麵咁將要的湯同配料圈喺可循環再用既餐牌上, 剩瀨粉底已是$24, 所以我只剔咗個炸魚肉春卷$6。上菜唔算快, 大概因為瀨粉加熱需時…上枱了……. 咦?! 唔係我心目中傳統半透明爽滑嗰款瀨粉, 係白色既? 試吓, QQ的入口較彈牙, 沒有一般瀨粉既爽,但又比米線較似”粉”, 唔識形容, 感覺就是較難消化既一種質地,但算可口~ 見佢寫每日自製, 呢度的瀨粉係每條粗幼不一,麵身係凹凸不平既, 應該真係唔係機攪出嚟~魚肉春卷好夠味, 跟較淡口既瀨粉一齊食就剛好中和,每碗跟花生芝麻少許, 韮菜芽菜… 湯底唔係味精湯~ 好嘢!我見餐牌仲有其他common配料, 如:雲吞、水餃、墨丸、牛腩之類… 總結是, 可以一試, 我覺得係比米線好味,希望佢都可以殺出一條血路~p.s.) 我仲係未找到我小時候食既半透明瀨粉…查看更多

作為一個芋圓控, 每見邊度有新芋圓我就去試, 家陣芋圓周圍都有, 喺舊松記食過覺得難食, 就試吓三姐松記如何......試咗兩次, 一冷一熱。宇治芋圓仙草特盛 ($35) 好大一碗用料很豐富, 宇治係指個綠茶雪糕球, 都係外來貨沒什麼好comment, 仙草都係正常質地味道, 紅豆甜度適中, 至於芋圓, 沒menu中咁多粒, 好似只係三隻色每款一粒, 但就係平日出面食的size既double甚至更多~咬開裡面會有芋頭/蕃薯肉, 幾特別, 但就略嫌過un, 不過我就未食過咁大粒, 芋圓控朋友都可以一試~薑汁芋圓第二次食回基本的版本, 比上次細但都係好大粒, 睇圖都見到有芋頭/蕃薯肉, 幾特別, 而且可能因為係熱食, 咬口無凍食咁硬實, 但薯粉比例應該可再調較改善會更有QQ口感~ 薑汁都係唔夠濃, 不過呢個價錢算還可以吧~…查看更多

(查實唔知葵廣呢類立食算係堂食定外賣自取)anyway, 見平平哋食到片皮鴨, 我係為之振奮~因為片皮鴨由麵粉皮到鴨肉到葱到醬..... 全都係我至愛...... 但平日一兩個人點可以去食肆食到成隻片皮鴨?!!今日喺葵廣見到呢檔片皮鴨真係兩眼發光~~為咗過口癮就要一盒, 價錢已忘了~但記得係性價比高, 抵食!因為鴨份量唔少, 皮厚度適中又唔會太硬, 一盒兩件係夠女仔當一個lunch~只係食既時候因為企喺路邊係會有d 難度, 可能會食到手有醬或跌晒餸出嚟~但用筷子分開來食又似乎不是味兒~建議大家係唔理儀態照張大口成件食, 真係好正!!! …查看更多

在太子食得太多, 沒什麼好吃的了, 就試”新開”的老街, 裝修有特式, 但我是外賣自取享受不了, 要了個香酥排骨麵和一個肉燥飯, 香酥排骨麵麵拌得香, 不過就咸得過份, 而且份量超少, 你可見舖了排骨在面也沒有半碗滿, 但索價是五六十元。而那香酥排骨除了差！還是差！一整舊是炸粉, 排骨我差點找不着, 而且香酥當我才5分鐘回家的路程已變稔了……….. 肉燥飯不知是否台式風味, 但我就覺得很油, 一個碗底都是油, 吃不了~ …查看更多

平日很少行經呢頭，今天係特意行來一試。叫了一個酥炸排骨肉燥飯　＋　剉冰肉燥飯最好食的竟是酸青瓜，因醃得味道剛好，不過酸而微甜，如果給多點就好了，哈！排骨炸得略乾，吃落有渣，味道則還可以；飯的份量是一個男生吃不飽的份量。至於卥蛋，我是覺得過咸。剉冰料很足，才好像是＄３０左右的價錢是很值。超豐富的有地瓜圓芋圓薏米丸子珍珠紅豆等等....... 冰是不太碎有咬口的，糖水也調得剛好，不算太甜。以往還有在這食過葱油拌麵、燒仙草、鹽酥雞等... ... 感覺是這小店的咸點都較細份，而甜點則較有看頭。好像在台灣吃的食店都是這樣的吧？…查看更多