Shadow86的个人专页

睇了食評話呢間海麗閣好食，所以今日2月25日去買了幾份外賣，其中一份是燒乳豬$388/半隻，份量極之少！燒得十分乾，肉質亦非常柴，我真係從未食過咁難食嘅乳豬，咬落去似是隔夜翻叮熱俾我一樣唔好計個價錢，質量也太差了！實在太離譜了因為外賣已經拿回家了，所以亦唔想麻煩再外出找餐廳理論，我本人好少寫食評，不過今次真係劣食，一定要公開俾所有人睇到！…查看更多

今日去開佐敦經過澳牛，因為已經有幾年無食，所以就一個人跟住條人龍入咗去，侍應帶我坐到張對面位已經有人坐係度食緊嘢嘅女人，而且中間無間板，我見佢已經食完，差杯奶茶未飲，所以我先唔介意就坐低，叫咗個常餐，其實我心入面都驚，始終無塊板隔住個唔識嘅人！我食食下，對面個八婆突然打咗個乞嗤！頂！周圍好多侍應，我望住D侍應求救啦，點知一個都無理過我！我即刻埋單走人！返到屋企成日都喉嚨痛！首先！我已經唔評論澳牛嘅食物質素，但係今時今日香港飲食業就係俾呢班害群之馬累死！點解人哋餐廳要嚴守最基本人多嘅時候放塊板去隔離，已經唔好講保持人與人之間嘅1.5米，座位逼到全部都係人！搭檯唔緊要！咁係咪應該加塊板隔開？？？今日如果唔係趕時間，我一定報警！因為呢間澳牛已經嚴重違反隔離令，我仲見到一張圓檯坐5個人，佢哋明顯就唔識對方！但又無隔板！唔該下次如果有人唔怕死去食嘅話，幫手反映一下！希望唔好將病毒不斷散播出去！…查看更多

難得趁著假日來到利東街感受快到的聖誕氣氛，特意來這間新開的茶室試下。首先要行一層樓梯，環境懷舊清雅，我選擇了靠窗邊，望著對面合和中心，叫了杯駌鴦($28)和冰火菠蘿油($28)，鴛鴦和普通茶餐廳味道一樣，沒特別。特別要講的是，菠蘿油送上來的時候，包上面的酥皮已經散落，不太完整，再放上牛油，包的溫度根本不能融化那牛油，包底十分油膩可以說是連一個$6的普通菠蘿包也比不上。這樣的價錢，只能說是食環境，食物希望有待改善，控制好食物的質素。…查看更多

我由細到大都係住係長沙灣區，而且好鐘意食野，更加離唔開宵夜啦 尤其對燒烤更加係情有獨鐘！聽哥哥介紹話呢度有海鮮類燒，所以特登過嚟試下。是次order咗燒大眼雞，燒北寄貝，燒茄子，燒雞肶，燒韭菜。(全部小辣)由於我都鐘意食辣，覺得小辣唔太辣，所以下次會食中辣。值得一讚嘅係燒大眼雞，店員果然無介紹錯！火候控制得唔錯，唔會燒得好乾，我本人覺得燒魚更能帶出魚嘅鮮味(Yummy!!)下次會試埋其它燒魚，因為我特別鐘意食燒出來嘅魚。北寄貝刺身就食得多，燒就第一次試，加左d蒜蓉落去，味道好鮮甜！其它食味都ok,因為我自己係極之鐘意食海鮮嘅人，同我一樣咁鐘意飲飲食食嘅朋友一定要嚟試下丫 另外！著厨師衫嘅店員好有禮貌。…查看更多

我係住附近的，經過見到呢間越泰屋門口寫住下午茶一律$28(包飲品)其實近來的餐廳不斷加價，覺得呢間都算抵食，所以就入去試試。我係坐卡位的，座位闊落，環境都幾舒服，一直播住泰文歌。我覺得一間越泰菜的靈魂之一係生牛肉湯河，所以就點了這個。等左10分鐘左右，上菜啦！我就一定會先試個湯，因為我本人好鐘意食越南河。呢間的生牛肉河嘅湯底比較濃味，不過唔係湯本身的濃味，略嫌味精重了一點。份量來說適中，驚喜的係有個甜品送，係紫米露。…查看更多