同班舊同學去咗土瓜灣嘅喜滿樓菜館，聽朋友介紹呢度係懷舊粵菜寶藏。必飲嘅爵士湯果然名不虛傳！師傅堅持用原個蜜瓜燉湯，加入螺頭同豬𦟌、嫩雞熬足幾個鐘，飲落清甜潤喉，個湯仲要夠晒火候，飲得出真係落足心機。芝麻雞係我全晚最愛，師傅每日新鮮即炸，雞皮沾滿香脆芝麻，咬落咔呲聲，入面雞肉仲保持到肉汁，沾少少特製芝麻醬一起食，簡直無得彈。芝士蝦多士絕對係邪惡首選。多士炸到金黃鬆脆，蝦膠彈牙又鮮味，仲要鋪滿拉絲芝士，熱辣辣食真係滋味到停唔到口！最欣賞係師傅堅持即叫即做，就算好忙都唔會預先整定，保證每道菜上枱都係最佳狀態。…查看更多
