秋天的皮蛋的个人专页

這店嚟過幾次，一般食物都正常，今日照樣食星洲炒米，食兩啖覺得唔對路，覺得好咸，以為炒得唔均勻，嘗試撈勻睇下會唔會好啲，因為本人都珍惜食物，唔會隨便就退回，但係都係救唔到，唯有叫店員換，店員建議叫另外一樣。我就選擇咗黑椒牛柳絲炒意粉，黑椒牛柳絲炒意粉都唔係第一次食，都冇乜問題，但今次明顯深色好多，食落黑椒量都比平時多，不過我食得辣，對我嚟講都冇乜問題，但食到一半法發覺呢碟唔係炒意粉，係湯意粉，係豉油湯，因為豉油都可以隔走，我所以都可以食埋佢，只係濃味啲啫。可能今日個炒鑊輸咗錢，或者公司冇加人工，甚至可能比女飛。我只會比多一次機會佢，下次再係咁就唔會再食。…查看更多

呢間食過幾次，因為佢價錢比較大衆化，一般$50就可落樓，凍熱飲品一樣價錢。干炒牛河就第一次食，有驚喜，夠色有焦香唔過咸，牛肉夠多唔孤寒，份量都夠，碟底冇多餘油份，下次可以再叫。…查看更多

呢間嚟過幾次，今次第一次食呢個牛扒早餐，有少少失望！牛扒薄得2mm，不過味道都可以。而且我等咗好耐先嚟到食物，可能係廚房做慢咗，服務員都算盡力補救。希望餐廳可以改善服務效率同埋提升牛扒嘅厚度。佢其他早餐都可以同份量夠，都會繼續再去，不過就唔會再去叫第二次牛扒。…查看更多

行過附近搵食，朋友見呢間裝修都可以，都幾好坐，就入咗去，我叫咗個越南咖哩雞飯，嚟到個賣相都可以，點知再睇啲雞就知中伏，佢係用啲煲完湯嘅雞殼，一啲雞皮都冇，完全冇味，極度之嚡口，size仲係個雞殼一開四，都唔做樣斬細件啲俾你，我平時煲湯都唔會食湯渣雞殼，我習慣就算食物質素差啲我都唔會嘥嘢食晒佢，但係我今次真係一嚿都食唔落，最後只係用咖哩汁再加幾塊菜餸飯，佢成個餐都收成$60幾蚊，仲衰過啲連鎖快餐店，其實用雪藏雞翼雞脾成本都好平，唔洗做到咁盡掛，以後都唔會再去…查看更多