何hippo的个人专页

突然一人晚餐之前見到呢間拉麵店開著好耐，每次都的唔起心肝去試🥺好啦，今晚試一試啦！好又一餐，唔好又一餐😤入到去女店員勁有禮貌，以香港黎講都好少咯😌點咗個黑蒜油豚肉拉麵$85真心驚喜😦拉麵最緊要係個麵，佢用嘅係幼麵。我揀軟麵都幾好食👍🏽個豚肉最好味，薄薄嘅兩片，好重豬味推薦！湯底夠濃，不過如果再"傑"身多少少更加好，掛到多啲湯👍🏽不過份量多返少少會最好，我一個男人食完有啲唔夠飽😂有機會都會再過嚟食多次👍🏽…查看更多

上兩個星期黎，佢試業中膽粗粗入去試下，食個lunch😏試業期間冇太多嘢食可以選擇，我問店員有咩推介，佢就推介左依碗Buddha Bowl 嘅沙律。一黎到我就嘩咗一聲，咁大碗點食得晒😅雖然無肉，但我一個男人食完都頂到上心口😂味道方面，材料新鮮，最鍾意佢個菇，炒得好香😌最驚喜都係佢個芝麻醬，一食就知道唔係現成嘢。店員話係佢哋hand made.所有嘢撈埋一齊食，真係冇得頂。遲啲再過嚟試埋佢個all day❤…查看更多

厚切牛脷黑松露滑蛋蓋飯$68平時食開小確幸嘅All Day,今日轉下口味，試吓食滑蛋蓋飯。點知碟飯黎到我呆咗😓我同哥哥仔講，咁大碟嘅😦哥哥仔話依碟係正常size大佬，$68 又湯又野飲又沙津，你估唔知依度係第一城黎架，好貴租架😂4件大大件牛舌，真係多到食唔哂🥺味道仲要係ok, 正常，個滑蛋都ok 好味，襯埋個白飯真係冇得頂！配埋個茄汁，可以中和牛舌嘅肥膩感，讚！🤤其實佢比兩塊牛舌，我覺得都已經好夠食👉👈住第一城嘅朋友唔好錯過啦😚…查看更多

2021年12 月24日失望的平安夜晚餐一早book 位享有八折優惠$1888/位 兩人起地點易搵，準時到達。因為平安夜嘅關係，已經揀好咗食咩。所以一坐低，張凳都未坐暖啲野食已經送到😅環境相當逼夾😞前菜未到就已經上咗沙津，一個係羽衣甘藍一個冇介紹過係咩生果，除咗乾冰有睇頭開，味道正常，同一般嘅居酒屋冇分別第二味係佢哋嘅海膽杯，賣相一流👍🏽都幾好味，不過美中不足就係面頭嘅海膽呈現黑色，個感覺唔係好新鮮😞海膽杯都未食完就已經上兩個前菜加埋賴尿蝦蛋好味，另外一粒係海膽丸，成餐飯最好味係佢👍🏽因為沙律同埋海膽杯都未食完，無啦啦黎埋咗個賴尿蝦，食嘅時候已經凍咗😓可能本身好好味，不過因為凍咗嘅關係，味道唔算突出。亦食唔到鮮味😳嚟到全晚最期待嘅甲羅燒，都係失望而回除咗海膽份量足夠，蟹蓋上嘅餡有大量嘅洋蔥，食落口嘅感覺有啲似平時酒樓食嘅釀蟹蓋上面嘅和牛海膽卷，係相隔左唔知幾耐先嚟，期間樓面不停重複問我哋食咗啲咩，令到成餐飯嘅感覺直線下降😭期待已久嘅芝士焗龍蝦一睇就知道唔係焗出嚟最過分係炒竉咗嘅芝士都直接放上枱，咁嘅價錢竟然可以煮到咁嘅質素如果要講到全晚最失望嘅菜式一定係依個唔知乜乜炒飯，成個炒飯都係凍嘅，個蛋食落去好怪最離譜係依個，個餐牌寫燒野菜，Are You Kidding me? 我都擔心自己嘅誤會，我已經向樓面查詢，佢同我講話依個係燒野菜🔥之後仲有個乜乜冇味精海鮮湯，材料十足，但係估你唔到咁清，好似水一樣😂最後食到過晒時，下一轉嘅客人又喺門口等，呢個甜品都冇乜心機食。。。最後最後想講就係上菜嘅次序真係好重要，亂晒大龍，亂咁煮。在好味嘅菜式都會變得唔好食最後埋單$3399 ，仲要八折左，唔會有下次如果大家為咗個海膽杯嚟食，請三思！…查看更多

之前行過成日都想試吓，喺太和附近終於有一間企理啲嘅咖啡店😍難得今日太太放假，一於去試吓😉Lunch time 時間比較多人，不過等咗10分鐘左右就可以安排入座👍🏽 唔知係唔係仲係試業階段，安排座位嘅侍應安排有啲混亂前身係車仔麵舖頭，食咗咁耐都唔知原來有第二層😳 不過今次安排咗地下果層，有機會再試吓坐上面食物及飲品Menu, lunch time 有半價嘢飲，不過Menu有啲取巧，半價優惠唔係杯杯嘢飲都啱，但係佢又冇寫清楚邊啲唔包括喺優惠入邊🤔🤔👆肉醬芝士長通粉荷蘭鬆餅（$88)呢個好食，同埋顛覆咗我對鬆餅嘅概念😧唔好睇佢細細份，飽到飛起。👆All Day $118同上邊一樣，都係顛覆咗對鬆餅嘅概念，呢個俾肉醬通粉直徑更大，對一個成年男士來講一定夠食，而且少咗平時all day breakfast 既油膩👍🏽👆半價嘅牛奶咖啡（Fruity 咖啡豆）杯咖啡無乜味，溫度亦都唔係非常高，麻麻哋👆半價嘅Dirty (Fruity 咖啡豆）依杯好飲得多，美中不足係上層嘅熱咖啡都係唔夠熱，不過勝在夠咖啡味👍🏽👍🏽👍🏽最後兩個人$249, 以附近來講算係比較貴，一次半次還可以啦。 下次有機會試佢上層座位同埋其他咖啡✌…查看更多

今日收到咖啡灣喺面書寫七月內將會結業，今日特意來幫襯一下。今日叫咗佢個Lunch Set, 墨魚汁明太子帆立貝意粉$78, 在另外叫多個鮮奶咖啡+$8店舖內環境舒適坐咗一陣，首先上咗個蘑菇湯，第一下以為係飲品，心諗明明我叫鮮奶咖啡，點解係白色嘅湯入邊有一粒粒嘅蘑菇肉，好有口感，好味，不過略嫌唔夠熱:(之後主角出場，意粉查得比較濕，但係有四粒帆立貝算係有誠意最後飲埋佢杯咖啡為依個午餐畫上完美嘅句號最後埋單要$95👍🏽…查看更多

第一次嚟食，店舖環境舒適，同埋好有氣氛，壁畫好靚講返碗麵，我點左幼麵，雞翼，豬紅，甜酸齋。車仔麵最緊要湯底，湯底有一陣陣嘅花膠味，幾好飲😉相對麵底，其他餸比較普普通通。我覺得要知道一間車仔麵好唔好食，最緊要就係要試佢嘅豬紅，一碗有四粒，唔係一夾就散嗰種，不過食落口又唔算特別有豬味🤔甜酸齋冇另外上，係其中一個敗筆:(甜酸齋食落口已經比湯底沖走晒啲味道，所以相對地淡口唔到好好食好有驚喜，但係又唔算好難食。喺附近嘅食肆之中都算食得過👍🏽店員非常有禮貌，可能新開張😂😂😂最後有提供一隻骨墊，都係一個細心嘅表現👍🏽…查看更多

2019年1月6日時間：18:00同以往一樣，未開門就已經大排長龍。🙈點知幾個大媽（職員）食完飯之後，竟然優先處理所有（記得係所有）外賣單，門口所有人排咗至少45分鐘先開始安排入座，入座後仲要等左好耐先有得食（因為都係優先處理所有外賣單）完全唔明白點解會係外賣優先，如果係咁嘅話不如淨係做外賣唔好做糖食啦！😡😡😡而且地方逼夾，五個大媽職員大聲到連朋友溝通都聽唔到。上海麵美味依舊，但係唔值得用咁多時間去等同埋受氣，而且環境等候時間非常惡劣🔥如果你有時間唔趕住，不妨黎依度浪費一下人生😂…查看更多

2009 年9月3日今晩放工後同女友一齊到佐敦八王子開餐，係佐敦A 出口往旺角方向行左一陣就到。不過要細心少少先見到個門口七點三左右到，無咩人，唔洗等位！very good~~不過坐左一陣d 人係不停咁黎，好快就full 左。叫左胡椒拉麵，八王子拉麵同埋個炸雞，3個唔詳細講，做3個字可以形容哂....好味道！好surprise 係個炸雞，個樣似麥樂雞，但食落就知唔簡單，裡面真係啖啖雞肉，好滑！仲叫左牛奶雪糕及牛奶布疋，好好味！各位朋友一定要試下。個男waiter 好落力做野，好有禮貌，不過有客人入黎時唔好突然講"歡迎" 咁大聲會好d，唔係真係會比佢嚇死 XD重點係埋單每人$ 7x，真係抵到無朋友，一定會再去。…查看更多

見有朋友介紹，又有$138 coupon，一於去試一試啦！先比d 相大家睇下先~~最搞笑係多數食任食都係你叫10件野食黎2、3件，但依度就係叫兩件黎四黎，無叫的都會送上比你，所以依餐係真係好鬼飽，以150 黎講都算ok~~不過都有個缺點，就係生日黎的會有個壽司蛋糕，見身邊好多張枱都有人生日，一人一個，咁個蛋糕又會發聲，d 音樂都幾煩，食一陣d 燈又會暗(因為唱日歌)，都幾煩......…查看更多

12/12今晚約左同學仔傾project，搵左好耐最後決定book 7:30 pm。上到去先發現之前黎過一次，先醒起返d 野食都幾好食。7:30pm 準時到步，點知個老闆娘一入到去就串我地，"又話7點黎？我以為你地唔黎，我仲拍返好哂d 枱tim"明明係電話book 枱時個人都覆返我係7:30，都唔明點解老板娘咁串我因為傾project o既關係，無睇清楚個meun 就叫左個dinner set，叫左o既係"白汁煙三文魚意粉 + 終極朱古力(好似係咁o既名)"一陣間就黎左杯朱古力，賣相唔差，不過就相當"濃味(甜)"之後再黎碟意粉仲"精彩"，細碟到好茶餐廳o既沙爹牛米咁細碟。意粉"乾爭爭"，白汁係金寶湯，煙三文魚份量ok 啦！係好自家菜o既煮法。p.s. 咁o既食品$80真係唔太值…查看更多