timyik13的个人专页

石門呢幾年變化好大，有新屋邨入伙，消費力大增，多左幾個大商場，食肆可以講林立，但過左商場同港鐵站區，就係一個小型既工業區，有啲傳統既食堂係工業大廈底層，今次就黎到其中一間叫181食堂食晏。午餐選擇好多，中西咖哩焗飯乜都有，又有是日午餐俾唔想點揀既食客，價錢大約40至60蚊，合理。今次叫左依個xo海鮮炒飯，鑊氣略帶不足，上檯時已經唔算好熱，配料足夠，鹹度適中，但略嫌太辣，應該係落得大多辣椒油，飯有少許硬焦香，感覺不錯，飯粒較濕，稍為遜色，價錢為45蚊，冇野飲，整體來說都係一般🤔…查看更多

大圍食店林立，較多的為地舖小店，各具特色，也增加了競爭力，俾左好多小本經營既飲食新手有機會大展所長，有個兩層既舖位就包含左接近十間食店，變左一個大food court叫揾食市集。之前都黎依到食過鹽水雞飯同韓國菜，今次就試下新既泰國菜，位置比較難見到，因為係角落頭比較暗同偏，但掛住既雞係吸引人既。無骨海南雞飯$52，下午茶食全日供應餐好似唔係好抵，但份量足夠，先講例湯，是紅蘿蔔粟米齋湯，味清冇味精，其實冇味精仲好過有😂雞厚肉皮黃，味道算可以，但雞味唔算好重，食得出係冰鮮雞，唔係實肉，醬汁一般，太濃，可以加多少少水。甜品唔得😐最大最大既驚喜肯定係個飯，雞油飯味香濃味，每粒米都吸收哂油香，而且食得出加左椰奶，簡直將飯提升左一個層次。性價比而言是值得一試既。…查看更多

呢日行左成日街，好攰又餓，就求其係附近海港城揾左依間拉麵店食晚餐。舖面裝修唔錯，門口隔離有大大塊牌寫住:日本第一xxxx，大家笑下就算，其實有邊間唔會咁講😅入到去坐吧檯，可以睇住師傅整拉麵，客都好多，氣氛算唔錯。我叫左個照燒雞辛味拉麵，雞叉燒睇住佢扎，幾吸引。一上檯，先飲一啖湯，湯頭用豬骨煲，幾濃味，不過味精味都夠濃，辣度十足，追求齋辣既人會鐘意，想要一碗吸引人既拉麵就唔係果回事了，又鹹又辣，最值得讚就係面頭果幾塊炸蒜片😅友人叫左碗醬油叉燒味玉拉麵，醬油湯清但油，味唔夠濃，叉燒一般，冇特別，溏心蛋過老了，咁既價錢好唔值得😓…查看更多

星期二下午來到機場接機，友人落機後話肚餓就揀左依間係接機樓層既拉麵舖食晏，舖頭唔算大但都幾受歡迎，食客籠絡不絕。甫坐下，店員隨即附上温水，檯上有一壺水給食客補充，又有袋籃係櫈底，服務值得一讚。一行二人點了兩碗拉麵，不設餐飲。友人點了一碗辛味拉麵，顔色吸引，但香味不足，第一口吃下只嚐到辣味，一路吃，辣勁伴隨，豬骨味更甚被掩蓋，難以混食，叉燒過冧，有少許臭豬肉味，這只係一碗純辣既拉麵。豚骨拉麵感覺同樣一般，味精味重，叉燒偏肥，整頓餐最滿意只係可以選擇麵條的軟硬程度吧。…查看更多

因工作關係，近來日子比較多接觸馬鞍山，同時都係呢頭揾左更加多餐廳品嚐。星期三下就黎左依間峇峇娘惹。排隊等候約十分鐘就有位，舖頭唔大，好多時候都要搭檯，其實都幾迫，手癡手咁食，唔算自在，好彩裝修唔錯同幾乾淨。喇沙湯底出色，椰奶味重，少少辣，濃既程度唔算好勁，算係掛得上個粉而又唔會太稀似水，豆腐卜吸收哂湯汁既味，好食，豬扒略煎過還可，飲哂成碗都唔覺味精好多，抵讚👍🏼肉骨茶飲落第一口已經有少少臭豬肉味😣之後都還好，豬肉滑嫩，但胡椒味完全不足，餸飯一般最值得一讚係拉茶，甜度足夠，茶味香濃，奶滑👍🏼…查看更多

住係元朗廿幾年，大部份餐廳都已經嚐試過，有種感覺開始食黎食去都係果幾間舖。近幾年因為多左好多樓又多左好多人入黎住，所以飲食生意都大有可為，亦都鼓勵左好多小本經營既食店揀係元朗創業。 今次黎到呢間可能經過都唔會留意到既舖頭，叫稚。第一印象，稚，會諗起小朋友，的確，呢間食店係由幾個年輕人創業而來。門面冇豪裝，又冇大大個燈箱招牌，只有一種温暖舒服既臺色風格。煎雞扒配貓飯$60，套餐配白飯，轉貓飯加$10，雞扒上檯時熱氣攻天，皮脆肉嫩，咬下肉汁四濺，醃料不鹹，吃得出下了一番苦功練習，貓飯配以紫菜絲和木魚同吃，少許汁醬，容易入口，味噌湯略嫌失色，感覺似粉開出來的湯。豚肉生薑燒配貓飯$68，生薑燒火候不夠，唔知關唔關只係用平底鑊炒事，汁水略帶過多，薑味尚算突出，可以一試。…查看更多

荃灣鄰近市區和新界，是假日閒逛飲飲食食的好地方，走遍一田和Aeon百貨公司後，晚上選擇來到次男坊用饍。早已在網上聽聞這間牛角的副線店落戶荃灣，頗為期待興奮，大約七時門口已站滿等候入座的顧客，而且源源不絕，幸好一行二人等了30分鐘就有位。鹽燒牛丼$78，價錢合理，甫上檯，俾鋪成花狀既牛舌吸引沒，份量絕對不少，牛舌味香不靭，焦香邊，厚薄適中，配上清嫩淺白的香葱絲，相互輝映，非常出色。招牌次男坊丼$88，一丼飯配上溏心蛋，同樣價錢合理，牛肉軟滑味濃，烹煮時間合宜，配上吸收了牛肉汁醬的米飯，不難吃光光，唯相比牛舌丼下，次男坊丼未及其出色。…查看更多

一直以黎對酸菜魚都情有獨鍾，幾乎每個月都會返大陸食唔同店既酸菜魚，特別鍾情太二，覺得佢味道夠濃，酸辣味適中，白飯更加係出色。Fans聽到太二嘅班底落左黎香港開店，就算遠到要搭成個鐘車既銅鑼灣都要試一試。呢間廚十三唔算難揾，係大街一棟商業中心嘅二樓，環境算好整潔，值得一讚。上到去唔算好多客，唔知係宣傳唔夠定味道唔討好。一行三人叫左個$328嘅酸菜魚，再加份$28嘅薯粉，無睇錯，係$28一份薯粉。唔知係過於比較定真係差，魚有少許腥味，刀功一般，份量尚可，但上檯時已經唔算好熱，配料辣椒酸菜完全唔夠，薯粉太靭，好失望，唔夠辣唔夠酸，油是比大陸係好，但價錢差左一倍至兩倍，唔值得去試，原來期待望為失望，落差好大…查看更多

出發去機場之前，係屋企樓下嘅越南錦麗食午餐。之前都係香港同深圳食過唔少越南粉麵，呢一間集團式嘅餐廳味道算係中上水平。一行二人叫左兩個粉一個小食，生牛肉河、牛丸拼牛筋河同埋雞肉米紙卷，河粉適中，比起其他舖頭普遍食到嘅斷爛河粉好，湯頭唔算太重味精味，牛味反而更加濃，食完都唔會好想飲水，配料份量足夠，牛丸與牛肉味好突出，特別推薦牛丸，彈牙肉味濃，算係坊間上嘅高質素，相反米紙卷較為失色，無甚特別，可以不試。…查看更多

星期日陰晴不定，決定外賣返屋企食，遍尋推介餐廳，忽然閃過這間名叫十三姨的小店。雖然旺角不算就腳，但網上圖片卻吸引我專程乘車前往，覓得一良店，整日也樂然。店舖主打銷魂雞叉燒和秘製手撕雞飯。兩者皆吸引，奈何胃的體積有限，只能選擇更想試的銷魂雞叉燒飯。縱然相隔大半小時，皿內仍燙手，甫開蓋，香氣四溢，流心蛋中的溏心蛋黃遇上些微震動，即冀流出，顯然烹調時間控制合然、雞叉燒略嫌淺薄，細嫩軟滑，但味道不算突出，還幸甜豉油與沙律醬配搭合宜，將顆粒分明的米飯提升一個層次。整體來說，不過不失的小店。…查看更多