PoliPig的个人专页

之前已經聽過朋友介紹Sodam Chicken嘅炸雞唔錯，今次終於有機會同男朋友試下！嚟之前我已經有目標要試佢地期間限定嘅黃金鹹蛋炸雞，不過原來一定要叫套餐先會有呢個口味，所以最尾我地叫咗個二人餐（$398）小食薯條夠厚身，新鮮炸起夠晒香口，配埋紫菜粉好好味！雙併炸雞我地揀咗黃金同檸檬柚子風味！每樣雞件大約七件，無骨炸雞炸得好香脆，咬落肉質夠嫩而且有肉汁！雞件上面佈滿鹹蛋黃，夠晒鹹香，唯一係有少少油，最好多啲人share!相反檸檬柚子就比較清新，食多幾件都OK。水冷麵夠晒冰凍，食完咁多熱氣野食番啖麵酸酸地咁，感覺好舒服！只係稍嫌麵質有點硬！另外男朋友強烈要求食pizza，所以我地散叫咗一個熱帶風情薄餅，意想不到地好好食！薄身餅底焗得好脆身，上面啲料亦落得好足，雖然飽飽地都忍唔住清晒個Pizza，值得推介！總結：呢度嘅食物水準相當唔錯，作為韓國炸雞店，炸雞好固然係必需，不過估唔到其他食物都令人喜出望外，適合一大班朋友聚會開心Share😋…查看更多

比起珍珠奶茶，我更愛喝果茶，但最近瘋狂被過江龍「良辰吉時」洗版，終於我也抵受不了誘惑，去會一會他了！👍🏻啵爆黑糖厚鮮奶($36)此款的甜度為預設，不能更改，黑糖鮮奶入口很順滑，杯底的珍珠新鮮煮好還帶點暖身，口感煙韌，確實不錯！黑糖奶甜度亦適中，沒有一般珍珠奶茶的死甜，令不太好台式飲品的我喜出望外，值得一試！…查看更多

還有個多月時間，公司就會搬離土瓜灣這個美食天堂了，當然要趁最後機會食盡它吧！ 👍🏻南乳雞球米線 ($34) 差不多每星期都要食一次的南乳雞球米線！只需三十幾蚊，就可以食到五粒大雞球同大大碗米線，份量之大，就連男同事都食到超飽！雞粒雖然大粒，但入面依然炸得嫩滑有汁，外皮超級脆卜卜，配上南乳醬的鹹香簡直是十級邪惡😈 離開土瓜灣後叫我如何活下去😭😭😭…查看更多

每次去日本都很喜歡食Crepe，但在香港真的沒有試過，這次朋友帶我到一間食法式Crepe的餐廳。▼BLINIS ($90) 由於不是很肚餓，我們只點了一個頭盤和甜點。小小的Pancake上面放滿了蟹肉和煙三文魚，個人覺得塋三文魚味道比較出色，蟹肉則味道偏淡，但整體來說是一個非常開胃的頭盤。 ▼LE PHARE ($68) 甜品方面我們選了最簡單的款式，Crepe入面塗滿了Nutella，味道偏甜，表面則有香蕉和士多啤梨片，Crepe的蛋皮很煙韌，亦充滿蛋香，整體簡單得來也很美味！ 小總結：價錢有點兒偏貴，但訂座後可享八折優惠（只限主餐牌內），環境裝修等令人感覺舒適，是Girl’s Talk的好地方。…查看更多

曾經試過幾次炑八的午餐，覺得好好味，這次就決定試一試他們的燒肉，看看水準會否一樣好。 ▼燒肉套餐有六款，已包白飯、蔬菜和泡菜，另可加錢升級白飯及飲品等。 ▼加$6選配的青檸檬梳打和柚子檸檬梳打，份量多，味道也不錯。 ▼附送的泡菜四小碟有青瓜、芽菜、白菜和蘿白，有點兒辣但很惹味！另外還有爐邊蛋，有原味和泡菜味，但我覺得原味更好！ ▼特級蔥蒜牛五花餐 ($98) 牛肉切成條狀，被超多蒜粒包圍著，輕輕燒幾下就已經可以，牛肉充滿油香，入口有嚼勁，牛味亦算濃，好好味！ ▼黑毛豬餐 ($98) 以豬仔造型的盤上菜非常可愛，盤止有炑八特製護心肉、五花腩肉、豬頸肉及梅花肉。放在中間比較容易燒焦，建議可以放在較爐邊的位置慢慢烤！肉質很彈牙，送飯一流！ 小總結： 吃得非常滿足的一餐，全部份量都很多，而且味道很好！侍應也很主動過來換爐，值得一讚！…查看更多

第一次下班時份在土瓜灣覓食，這次和食肉獸男朋友一起，當然就選擇一些肉食的餐廳－鋸扒。 餐廳走老港式風格，價錢合理份量多，因此晚上時份不少街坊都來排隊等食！店內的侍應速度絕對可以媲美澳牛，所以客人都是快快食快快走。 ▼整個餐牌最抵食的自選晚餐，只需$95便可選一個頭盤和兩個主菜，還有湯、飲品和甜品，還免收加一，真的非常划算。 ▼餐包很大個亦夠軟熟，如果能熱一點就更好。 ▼羅宋湯很大碗，味道剛剛好，喝了之後已經差不多飽了一半。 ▼焗法式田螺，牛油味很香，味道不錯，如果薯蓉可以幼滑一點就更佳。 ▼吉烈石斑配豬扒($95) 豬扒肉質軟腍，配上蒜蓉汁一起吃很不錯，但吉烈石斑炸得太過，肉質很乾，吃下去很嚡口，不建議大家點這個。 ▼牛柳餐 ($130) 男朋友點的牛柳也有兩大舊，看上去很厚，可是吃下去一點也不韌，而且牛味頗濃，果然是一份錢一分貨。 ▼最後是甜品啫哩，不是舊式的扒房，已經很少會送這些甜品了，啫哩也就一般正常的味道，但是已為今天的晚餐完美作結。 小總結：食物質素其實只屬正常，但以這個價錢這個份量，還是不錯的！侍應哥哥雖然急，但還算有禮貌，只是上菜真的上得太快，湯還未喝完，前菜，扒，飲品全部都跟著一起上，枱上完全沒有一絲空位，吃得有點擁擠。…查看更多

第一次接男朋友放工，去咗佢公司附近嘅韓國餐廳食飯！ 閒日嘅7點店內只有一枱客人，不過晏多少少就開始坐滿7成，以閒日來講算唔錯！店內裝修舒適，令人感覺好舒服，其實佢仲有室外嘅位置，而且仲有搖搖椅可以坐，可惜當日落雨我地只好乖乖留喺室內。 小店以新派韓國料理為主，由前菜、主菜至甜品都有，亦有酒精類飲品提供。 ▼韓式炸雞三款口味 ($168) 炸雞三款口味分別為芝士、甜醬油、甜辣。炸雞炸漿不會過厚，雞皮炸到脆卜卜，肉質夠嫩滑，個人最欣賞甜辣口味，另外芝士醬亦好滑溜，每舊雞都沾滿晒醬汁，好好味！ ▼一舊seoulmate下的泡菜炒飯 ($128) 呢個咁Cute嘅白雲，每日限量供應，係白雪雪嘅蛋白泡泡雲入面係泡菜炒飯，另外可選意粉或者麵，材料包括好多泡菜粒、豬肉粒，仲有一隻流心蛋黃，全部撈勻之後，雖然整體偏濕，但味道非常之好，絕對係睇得又食得！ ▼雞扒軟骨和菠蘿柚子漢堡配炸甜薯條 ($98) 特別嘅漢堡包，雞肉漢堡扒入面可以食到一粒粒軟骨，增加口感 ，不過始終雞肉無牛肉咁Juicy，如果希望食到肉汁嘅朋友就可能會失望。麵包塗上柚子蜜醬，烘得香脆，兩大片菠蘿燒到微焦，超juicy，夾埋蕃茄同生菜，成個包豐富又好味！甜薯條份量好多，甜度適中，如果再脆啲就更好。 ▼韓國荷蘭寶寶班戟配焦糖同雪糕 ($62) 薄身班戟充滿蛋香，點埋焦糖同雲呢拿雪糕一齊食，甜得嚟唔會過膩。 ▼熱朱古力奶烤自家製棉花糖 ($52) 朱古力奶上面嘅棉花糖極甜！單食可能會過甜，但如果撈勻係下面較淡味嘅朱古力奶就會岩岩好！但整體嚟講，呢杯都姆飽肚同漏，如果想食多啲野就唔建議點。 小總結：整體來說服務同食物質素都唔錯，特別係個嚿食得嘅雲，通常可愛嘅野都係好睇唔好食，不過呢度就相當唔錯！唯一問題係店內嘅冷氣機好似不時滴水，坐唔坐中就睇你彩數！…查看更多

是日姐妹聚，朋友說想食韓國菜，不知道為什麼第一時間想到這間南豐的Kim’s Spoon，那就試一試吧。 ▼👌🏻至尊純豆腐湯 ($68) 豆腐湯味道不錯，材料仲算豐富，有金菇、冬菇、翠玉瓜、雞肉等等，當然少不了那生雞蛋，撈勻後送飯一流，湯頭不算太辣，一般人都易入口。 ▼👌🏻Brunch泡菜豬便當盒 ($88) 韓式Brunch真的第一次見！這個便當盒種類非常豐富，可惜整體質素只屬合格特別是魚蛋，煮得太軟腍，太易爛的感覺，粉絲比想像中淡，其他東西則屬正常品質。…查看更多

朋友帶路下初訪四眼仔，下午時份門口已經排住一條六，七個人嘅隊！小店賣嘅野一個牌睇晒，價錢超平，三蚊起跳！腸粉魚蛋燒賣（$15）腸粉幾滑溜，魚蛋同燒賣都唔錯，另外仲有豬皮粉果牛肉可以叫，全部都只係$3！如果佢開喺我住個區，應該會成日幫襯😆…查看更多

又到開心星期五，和男朋友到旺角準備食一個開心Dinner迎接愉快週未，因為想鋸扒，所以在openrice搜索一番後就到了這間評價還不錯的西餐廳！ 店內外人流不絕，還好已經事前預訂了位，所以不用多等就可以入座（訂座還可享折扣）▼鐵板燒美國穀飼肉眼 ($178) 鐵板直接煎Pan上，肉眼肉味香，油脂豐盛，但比想像中薄身，是稍為失色的地方。晚餐還跟磨菇湯或餐廳少見可選的碗仔翅！ ▼燒西班牙黑毛豬 ($138) 相比之下，西班牙黑毛豬更為出色，黑毛豬雖然厚，但肉質軟腍，令人眼前一亮，另外配菜薯條、茄子、車里茄都很不錯，尤其薯條新鮮即炸，夠熱辣辣，正！ ▼我的宣言／一加一 (跟餐加$12、原價$48) 我的宣言和一加一其實就是藍碟花凍飲，分別為白桃玫瑰及芒果菠蘿口味，一如以往藍碟花飲品賣相很鮮艷，入口香甜，甜味不會過假，味道不錯！ 小總結：該店尚有其他龍蝦套餐、意粉、Risotto、還有特色的吉士雞蛋仔，餐點特別之餘又富有港式風味，選擇亦夠多，價格亦算合理，可以一試。…查看更多

是日想到沙田區覓食，在Openrice見到這間超多好評的餐廳便打算試一試。六點才開始晚市，我們大約5：45到達，店外已有約有十多人在等位！當時心想：「今次沒有選錯了」 準時六點店舖開門，看看Menu，食物種類還滿多，大致可分為小食、壽司、丼飯和拉麵，其中壽司有相當多款式，每款都圖文並茂，相當吸引。 ▼芒果三文魚加洲卷 ($58) 加洲上舖上芒芒果片、三文魚片、沙律醬和蟹子，加洲卷包得紮實，不會很易鬆散，整體味道算清新。 ▼三文魚腩壽司 ($28)、吞拿魚壽司 ($26)、山葵漬赤蝦壽司 ($26)、咖哩鹽燒三文魚腩壽司 ($32) 三文魚腩和咖哩鹽燒三文魚腩都是當店人氣之選，可惜咖哩鹽味道有點兒過濃，蓋過三文魚的鮮味，其他壽司手準皆屬合格之選，可是未到令人有回味無窮的感覺。 ▼黑豚腹燒丼(附泡菜) ($72) 黑豚腹比較薄身，燒得剛剛好，有少少脆邊但不會燶，油香豐溢，配上肉汁和大量蔥花， 非常好下飯。 小總結：食物質素不錯，只是價錢有點兒小貴，好像丼飯份量較少，男士來說可能未必夠飽！而壽司方面，如果同等質素，大型連鎖店元氣壽司價錢上可能會更為優勝！總括而言，如果你想一次過吃多款日式食品，這裡還是值得推介的。…查看更多

每次睇親荃灣掃街片都會出現既小店，見就見得多，但試就真係第一次😊 ▼吉列紫薯餅 ($15/3件) 吉列外皮炸得香脆，夠乾身唔油膩，紫薯蓉打得綿密，紫薯味濃但唔會過甜，呢個價錢份量好抵食！ ▼無骨菠蘿雞中翼 ($25/2串) 懶人之選去骨雞翼，外皮塗上蜜糖，簡單但美味！ ▼黃金炸蛋 ($20/11粒)  其實就係佢地招牌白魚蛋既炸版，配合蜜糖芥末/芝麻醬/泰式辣醬，魚蛋爽口彈牙，但個人都係比較鍾意唔炸既版本多啲。…查看更多

呢間韓國oppa開嘅小店本身極少人流，經唔同媒體報導之後即時客量上升！好奇心驅使下一試，果然唔錯喎！▼韓式烤牛肉墨西哥餅（$48）裡面有洋蔥、牛肉、青椒紅椒、雙色芝士，墨西哥餅烘得香脆，芝士多到可以拉絲，食落好似一個餡料豐富又香口嘅Pizza，唔錯！一個人食都夠飽肚！…查看更多

連鎖飯糰店魚尚終於開到黎荃灣，大大個招牌宣傳溏心蛋飯糰！熱愛溏心蛋嘅我梗係要試下啦😝 ▼溏心蛋飯糰（$14）有饅魚汁味道嘅飯粒，軟硬適中，溏心蛋有半隻，蛋下面仲有少少沙律醬，整體味道唔錯但不算驚艷！如果可以好似日本咁，有原隻溏心蛋飯糰就好lu🤤…查看更多

是日心血來潮，想做下運動但同時又想搵食，所以就決定由屋企出發行去葵涌廣場再行番屋企，總共約行兩個半鐘！運動完就當然要好好咁慰勞下自己，所以我就揀咗一款邪惡兼熱氣嘅小食！（暗暗地俾個籍口自己食野😂）。▼炸薯條配安格斯牛柳粒（$35）薯條有多種醬料，分別係芝士醬、芥未蜜糖、千島醬、沙律醬、茄汁同埋期間限定嘅藍莓石榴醬！試過芝士同芥未蜜糖，個人認為芥未蜜糖係最好味的！小食份量好多，炸薯條新鮮熱辣脆卜卜，夠曬香口，面頭淋滿曬醬，每一條薯條都可以點到，牛柳粒燒得好好，有少少脆邊，入口軟腍牛味算濃！值得再食！…查看更多