KTHONEY的个人专页

夜晚七點幾行經九龍城見呢間麵包店人頭湧湧，場面墟冚。於是入內查探，發覺啲人呢個鐘數仲仍然買好多麵包、蛋糕、曲奇餅。於是我都唔執輸，買咗個香蕉蛋糕。雖然個香蕉蛋糕賣相普普通通，但香味十足，真係好想即刻一啖食落口。不過要趕住食晚飯，唯有留返第二日先食。雖然個蛋糕隔咗一日，但係香味仍然強烈，食落口仲非常鬆軟，估計材料十足。食完一個仲好回味，下次經過九龍城，都一定要去返呢間樺麵包再買來食。…查看更多

行經佐敦比大良八記個banner 吸引住，見好耐冇食糖水，於是入去食碗糖水。入到去見個餐牌跟到許氏十足十，當然價錢都差不多啦。當晚我哋叫咗個雜果忙果布丁(因為有特價)，同埋一個合桃露。首先上枱既係布丁，賣相一段，生果有啲好酸，個布丁就好難食。至於個合桃露，諗住呢啲傳統嘢，唔會太難食。點知居然冇合桃味，仲衰過即沖芝麻糊。以往都間唔中有幫襯佢，點知改革完仲衰過舊時，連自己最主打既中式糖水都搞成咁，真係好失望。估唔到呢啲傳統既中式糖水舖都比現代既甜品店打得落花流水，完全冇還擊之力咁！ 失望！:(…查看更多

星期六夜晚行完街去搵食，想起呢間麵一未試過，於是就去試下佢。雖然當時成十點鐘，但係仲有七、八成人。坐低之後見佢茶都冇杯已經扣咗少少分，之後點完餐問佢地攞杯茶啫，口黑面黑咁，仲要得杯水咋。身為日本餐廳，邊會係咁架，一個茶包或者茶粉值幾多錢呀？我地叫咗一個帶子豬骨湯麵，同埋辛辣湯麵，啲麵麻麻地，冇咩特別。啲帶子唔好食，仲有隻似溫泉蛋既蛋，冇味道，仲衰過烚蛋。差、差、差！最難頂仲係係我地食緊嘢既時候，有位女店員走埋來話要攞餐牌，好啦，讓開比佢攞啦！再過冇幾耐，又有位女店員又走埋來話唔知攞咩鬼，我地都唔知佢講咩，跟住佢就好鬼悔氣話...."調味架"呀！頂你呀，我依家欠你架，你地阻頭阻世阻住我地食嘢已經未話你地，仲要咁既態度！真係咪駛指意會再幫親，仲要比加一服務費，呢啲咩服務先？…查看更多