mmalie的個人專頁

😋Studio Caffeine早前喺北角開分店啦！我住喺附近，經過成日俾咖啡佈置吸引到，之前黎飲過咖啡同食早餐 ，今次就黎試下啲主食。Menu有掛牆版，有意大利飯，pizza，手工意粉等選擇。本黎好想試酸種包，可惜當日賣晒🍳🍚Smoke Pancetta Risotto $138 (4.5/5💛)一見到有明太子就點黎試下，意大利飯好香，易入口，唔會太鹹太漏，老公大讚好味 🍹House Lemonade $40 (4/5💛)味道不過不失，如果多少少裝飾杯野就就更吸引啦Black Tiger Prawn Pasta $168 (4/5💛)🍜之前食過牛肉闊條麵，今次試幼身麵配法式濃汁。有啲似西式濃蝦伊麵既口感，配咗大大隻黑虎蝦，好有口感好滿足 Shiso Honey Peony White Tea $40(3.5/5💛)食物飽肚，所以叫返杯紫蘇婆婆 消滯。太細杯唔夠喉，熱返啲就更好啦 整體都唔錯，食物偏細碟少少，夜晚男士食可能唔飽。期待下次試下個酸種包 p.s. 佢有幾個戶外位，帶狗狗黎飲杯野都幾方便…查看更多

招牌拼盤 $138⭐️⭐️⭐️賣相幾吸引，味道我地一致覺得餅乾嗰個最好，蝦個味如入味啲就好了三文魚嗰個配辣汁有啲怪，餅底比較薄同咁厚既面口感好唔同慢煮香草牛柳配大啡菇$188 ⭐️⭐️呢個堅失望呀，慢煮但一啲都唔淋，份量仲要超細，好唔抵食！熱情果接骨木花茶$56 ⭐️⭐️⭐️賣相幾得意，不過唔係好飲到接骨木既味，唔算好好飲京醬烤鴨薄餅 $138 ⭐️⭐️⭐️⭐️呢個意外地大份，餅底脆，鴨都好味，醬汁略嫌多咗少少環境有少少迫，冷氣好凍，坐咗一陣頂唔順要調位但都係好凍...…查看更多

女人街無意中發掘到呢間甜品店，見價錢60蚊上下就入黎試試我地點咗個忌廉芝士法式吐司配雜莓同雪糕 $58雪糕有咖啡，豆腐，芝麻等味揀，加10零蚊可以配杯咖啡另外叫咗一個青蘋果批配豆腐雪糕 $58好驚喜係食之前廚師請我地食一個餐前小點，比我地估下係咩，好有誠意，亦好好味 法式吐司味道好香，點埋檸檬汁香味更突出！藍莓同士多啤梨都好正芝麻好似同toast味唔建議mix埋一齊食，芝麻味偏香濃呢青蘋果批好脆口，味道比較清新，一啲都唔酸，好正。相對下吐司味道出色啲，但蘋果批都唔差呢個配蘋果批既餅係香橙味，同樣好香脆最後小店送上餐前小點既謎底，係啲咩留待大家自己試下啦…查看更多

太興一向燒味出名，諗住味道好穩陣啦，但呢間分店忍唔住要俾負評...叉燒又鹹又鞋口，燒肉個皮係淋既.... 得油菜同飲品正常發揮...收$77 食呢個質數真係好難收貸 …查看更多

呢間Cafe環境舒適食物質數都唔錯，每次經過都會見有客人喺度歎咖啡或食個輕食~我自己幫襯過佢幾次咖啡同一次scone，都幾好味。6月有次朝早買個scone，店主話朝早買scone會平啲，下午就變返正價。但事隔幾日，諗住再買，店主話：scone唔會再出喇。我嗰下都愕一愕咗然，心諗...乜變得咁快既？幾日前你先話朝早買有得平啲...有次經過買杯咖啡，問店主中午有咩野食，佢話日日都唔同，有時有沙津，有時Bagel...但之後2次去，一次1:30pm話已經冇晒lunch，一次1pm又話已經冇晒沙津，得返三文治...有時想返工前買杯咖啡同輕食，但有時8:30am開咗，有時又遲開，係每個星期都唔同（每日返工都要經過所以留意到)所以都放棄咗買佢做早餐呢頭真係好少正既cafe, 好想繼續支持呢間小店但真係唔係支持唔落手...雖然係得店主一個，但都希望可以structure少少最低限度固定返開門時間同lunch hr有野食呀...…查看更多

呢度menu選擇唔多，但吐司似乎係必點，我地叫咗台式肉蛋芝士吐司 $48。芝士味好濃郁，醬汁係好正宗台式既甜味，加熟半熟蛋同多士脆香，真係幾好味黑布台式香腸跟餐$28，唔會太甜，有啲似臘腸口感又唔會太韌，好味古早味肉燥飯$48肉燥半肥瘦，唔會太多肥肉桂花雪梨羅漢果茶$32 好解渴 好少聽老公大人大讚食物，但呢餐佢樣樣都好味，連飲品都讚，如果有熱飲就更好喇…查看更多

呢間餐廳服務真係好好，收碟加水好密食物亦可以揀小辣走辣我地叫地鴨鬆生菜包$79走辣，走辣都好好味，份量仲好大碟青咖哩雞加薄餅 $129，薄餅油咗少少，但咖哩份量幾足，好香口，如果有埋薯仔就好喇$102 菠蘿海鮮炒飯，菠蘿份量唔算好多，但超多肉鬆腰果正芒果糯米飯 $89 價錢小貴但芒果好足料，糯米係煎香過…查看更多

餐廳喺工廈入面，地方夠大，有室外內位，適合多人聚會我地試咗明太子醬（$58）同欖菜醬薯條($48)，大家一致覺得欖菜醬幾特別幾好味蔬菜沙津（$78)有啲細碟，主要有火箭菜，朋友們嫌苦咗啲啲，我就覺得ok既我地另外叫咗粟米棒($58),佢話係台式煮法，用花生醬加少少淡忌廉，我本身鍾意花生醬但唔係太識欣賞呢個配搭....南乳雞翼($58)：香口，醬都好味，唔會太重太鹹意粉叫咗卡邦尼($128)同大頭蝦干燒忌廉醬意大利麵（$148），前者味ok，後者兩位朋友都嫌隻蝦腥咗少少，我就覺得碟意粉偏重味醉烤三黃雞（$168）我覺得呢個係咁多碟菜入面最好味既，隻雞多汁嫩滑，個醬有好香既花雕酒味，配菜都好味豬頸肉沙嗲黑麥包（$98）包唔夠脆，但夠鬆軟，豬頸肉比較厚身，味道不過不失啦安格斯牛竹炭漢堡（$128）冇乜特別，都係不過不失整體而言，佢啲醬汁係幾特別，不過有啲菜配得好，有啲配完有啲怪…查看更多

呢度裝修係好有特色，懷舊60年代風，值得黎打卡既不過食物就係偏重口味...我同同事黎食過兩次，紅燒牛肉麵湯底偏鹹，但牛，蘿蔔同麵都ok既，鍾意重味既可能覺得好食但另一次食個肉燥飯就真係覺得麻麻地。佢個肉燥鹹，配菜偏酸，飯，蛋，豆腐，滷水雞翼都係唔熱同硬...…查看更多

以前喺灣仔呢頭返工，第1次食俾呢度既大自然色tone既裝修吸引咗入黎。坐低睇menu時，見到 咦...有蛋餅喎，就揀咗配肉鬆。一食真係不得了，佢個餅好脆口，加埋芝士，蛋同肉鬆，個味好夾好有層次～唔會好油，佢仲要配沙津菜，等你食落冇咁漏！之後我翻兜再黎過3, 4 次食早餐，都係忍唔住再叫返蛋餅佢餐唔包飲品，奶茶要加5蚊，但你會覺得5蚊係超值的!佢係打泡有layer既奶茶黎架！好驚喜，呢度啲細節位睇得出好有心思有個女職員不得不讚，boyish打扮但把聲好溫柔，每次黎佢都好有禮貌好有親切感，呢個都係吸引我再黎既原因…查看更多

俾dinner menu 既黑松露芝士翠玉瓜生酮麵吸引咗，職員好有禮，落單時有講清楚係翠玉瓜絲。不過，黎到第一個感覺係.. 個意粉咁扁既好似薄餅食落其實唔係好食到麵既口感（唔係太清楚佢用咗咩代替麵條），只係食到好重既蛋同菇味。可能因為冇澱粉啦，食完唔係太飽。沙津菜就好食既，但醬好似係平時食既caesar醬，唔知算唔算破酮？…查看更多

本身唔係太餓，所以我地兩個人叫一個麵同一個淨餸我食既係淨木耳，牛展，翠肉瓜同西蘭花，味道食得出唔係重味精唔鹹，個汁幾入味，不過60幾蚊再加一一碗既價錢，略嫌細碟咗少少，每份只有3,4,舊，唔係好夠喉…查看更多

呢頭近頭開咗啲pet friendly既cafe小店，我地俾啲宣傳相吸引咗黎過黎試下環境：cafe 用樹懶做主題，佈置幾靚，明顯店主放咗好多心機想食客坐得舒服食物我地點咗兩個定食，前菜有南瓜同菜～蕎麥麵，飯團同埋有牛/豬肉揀98蚊唔貴，牛同豬個味ok，不過份量真係好少，食完唔係好夠飽，蕎麥麵個汁同茶漬味道好淡...有啲失望不過今次我地冇機會試咖啡同甜品，見賣相都吸引，有機會都會覆桌黎試試…查看更多

前後黎食過兩次，呢度唔單只坐得舒服，而且食物多選擇蛋包飯好足料！蟹子勁多，好味辣年糕同餃子好大份，食到好飽～餃子相對比較普通甜品尚可，賣相靚，精緻但主菜特別啲好食啲…查看更多

一路俾呢度既佈置同土耳其菜賣點吸引住佢近門口除鞋既既坐位一早俾人坐晒，我地就坐較入既位等野食期間忍唔住周圍影，可能太耐冇去旅行喇 ，佈置真係好靚～＃影咗當去咗系列我地好少食中東菜，唔係太識評論，但覺得整體都ok汁幾香濃，易入口幾有新鮮感，有機會一定再黎試下個土耳其早餐…查看更多