慧~的个人专页

帶埋bb黎食多次 唔記得帶圍裙，點知餐廳竟然有一次性的口水肩提供，即刻加分，有小朋友餐具提供👍🏻👍🏻👍🏻第一次食佢哋嘅豬手，豬手好好食，夠Juice，啲汁都好好味，唔會話太硬😍， $70兩隻時令生蠔，冇諗過都係好新鮮👍🏻👍🏻👍🏻👍🏻讚，仲食咗你哋好出名嘅Pizza，真係脆卜卜皮，唔使掉晒皮，好多了，啖啖料，超正另外鍾意飲佢哋嘅話梅荔枝梳打，好清新，好解渴，最後叫咗甜品，玫瑰荔枝芝士蛋糕，佢哋有得幫生日嘅人寫字😍最重要嘅係我哋五個人食嘅，每人都係百幾蚊就食到意粉，pizza，豬手，有湯有嘢飲有甜品超值👍🏻👍🏻👍🏻…查看更多

四個人晚餐食左pizza 、意粉、ribs、沙律 、四杯野飲、四個湯 、魷魚鬚、生蠔 每人都係百五蚊 埋單果下見到真係o左咀。食西餐食咁多野 每人都係百五蚊 超平 重點係好好食😱😱😱咁既價錢食到咁樣既質素真係要上黎打食評 話比人知 我最鍾意係佢既 蟹肉牛油果沙律 真係好清新 甜甜地 好好食 😋然後係佢地既手工pizza 脆皮薄皮 唔洗掉左塊皮 🤣🤣啖啖料 好味😋一定會再去 因為真係好抵食😍😍😍😍好食之餘 仲坐得好舒服 讚👍🏻…查看更多

間中都會去下呢度食野 星期六既tea time 冇咩人 坐得都好舒服 冇點留意員工質素 只享受同朋友食野既時間 食物質素算好 會再番轉頭 食物種類也很多 tea time比較平 都推介大家可以黎食下午茶😊…查看更多

店舖唔大 感覺殘舊 坐牆邊感覺有昆蟲 食物種類可以 食左個窩夫 唔係平時見 有硬度果d 窩夫，佢望落去好似雞蛋仔咁既質地的，心諗慘喇，應該好難食！點知食落口 係有脆既感覺既 還可以啦😊 不過醬汁就超少 基本上窩夫、雪糕和水果完全分開 不是一整體的。芒果班戟比較細件芒果水晶 圖文不符😂朋友第一時間見到就講左句：「嘩 同個圖爭咁遠既」坐左九個字 員工同我地講：「出面好多人排隊」what? 入座時冇講過係限時 就算係限時 都唔會唔夠一個中叫人走掛😨應該冇下次🤣…查看更多

附近番工 成日外賣 因為堂食好少有位😂終於有位 寫下食評😊晏就好抵食 食左個九州拉麵餐 會送甜蝦 我第一次食甜蝦的 幾甜喎拉麵舊肉好淋 唔難咬 唔錯 隻蛋都係流心的 最重要既係 佢唔貴 五十蚊食到日本餐 都幾唔錯😆朋友就食左個焗烏冬 有肉鬆 係撈的 望落去好好味 朋友都食哂 😁😁😁😁而家諗起都好肚餓😋😋😋員工就正正常常 冇咩留意 都係食個味道😊地點喺輕鐵站隔離 都幾方便😆😆😆😆😆係平價既 性價高既日本餐廳 推介😁…查看更多

上網見興樂要預約先食得 以為好好食所以走去排隊 幸運地很快就輪到我們點知食物令我們勁失望 蒜蓉扇貝個殼係好大粒，但肉得麻雀一同咁細粒 誇張椒鹽瀨尿蝦 正常味道 但隻蝦細過兩隻手指尾 只係食椒鹽味道 冇肉食。 魚正常 豉汁蒸蟶子 蟶子有肉食 但好難食 成餐飯海鮮唔新鮮 最好食係碗白飯加條菜 唔係套餐嘅黃金鮮魷都正常套餐價錢真係好抵 明白咩係一分錢一分貨 但都唔會誇張成咁吧 普通樓下打冷都正常過佢 🤦‍♀️點解長洲變成咁 BTW 員工態度都好正常的 不差 食物係真需要進步…查看更多