mansoso的个人专页

唔想講咁多，寫呢編食評係想講呢間野唯一女侍應，一入口話2位，全程口黑口黑面！問可以坐邊，佢就手指指咁，一句話隨便坐都冇！唔知以為佢係聾啞人士～之後就劈低個QR code 牌，又係口黑口面咁轉身走，心唸…你地間野係咪唔憂做？咁趕客嘅！就算你地D野有幾多食，咁嘅態度真係唔會再返頭！…查看更多

唔使一個鐘就食完個tasting menu 價格$538 一位只能說…有更好的選擇因為味道到一般，尤其豬肋骨，太多醬汁，食第一口，我已皺眉頭！好似李x記叉燒醬調嘅味道，而且好咸，沒有咬口，係煲到淋哂，然後淋D叉燒醬落去再焗！沒有一點焦香非常失望！另外一個係叫黑松露幼麵！醬汁太杰身，整碟麵章住左，撈唔起，一大團！失望！而果5款tapas,都冇令人覺得好味嘅記憶！服務上，看到之前嘅食評，話係澳牛service，回想一下又幾似😂我同朋友唔洗一個鐘就食完成餐飯😂…查看更多

份量少！價錢與店內不付！之前已經睇過食評，還是試一次！點知真係伏！因為都唔想寫啲咩嚟！開飯要寫最少80字！我都冇咩好寫！因為不好吃！嗌咗三個餸！半個鐘頭後就走！止蝕離場…查看更多

嘩～首先！佢D好評唔知邊度嚟？！我同朋友各叫左一份7成熟西冷同一份7成熟肉眼，仲每人加$25餐包、餐湯、餐茶！到份扒上枱時，已聞到陣鑊燶味，就係塊鐵板太熱，連墊底嘅薯條都燶鬼哂，好啦～咁就算啦～唔食D薯條，到我一切塊西冷，嘩！硬過你條命！但入面仲係有粉嫰嘅顏色嘅，一入口！係好咸！而且係被乸過嘅肉質！真係超級難食！佢呢個質素，真係金鳳好食過佢十倍！係連大家樂都不如！可想言之係有幾咁難食！我朋友果份肉眼好小小！起碼冇咁咸！但肉質一樣係茶餐廳質素！我食左兩口，真係食唔落去！埋單仲要四百幾！好似食垃圾咁…查看更多

24/6啱啱試左！因為都係睇左某YouTuber，唸住就算貴D都試下，點知真係超級失望！凍海鮮唔合格！魚生帶子甜蝦冇味！吞拿有根！熱葷唔吸引！夠膽死竟然有豬腳薑！中湯竟然係青红蘿蔔湯！暈甜品沒有驚喜！反而係驚嚇！我平時最中意嘅蛋白杏仁茶，佢竟然係開粉果隻！蛋白唔係蛋花，而係烚蛋剝出嚟嘅蛋白切碎！天呀～一間咁高級嘅麗晶酒店！竟然如此質素！請問對得住上千元嘅價錢嗎？失望到我連相都唔想影仲要預早2個月book位！真係期望越大，失望越大…查看更多

$68咖央多完全不合格！唔脆之餘內裡只有丁丁咖央醬！奇怪的是！內裡竟然塗上比咖央醬還要多嘅花生醬！暈～另外！那個囉喳更不知所謂！罐頭菠蘿加幾舊青蘋果，青瓜都沒有！但從openrice 上別的食評相片是有的！此店可一不可再！…查看更多

其實冇咩好講，就係2人$1600食完都唔飽，唔知食咗D乜就係每樣好迷你，但每樣都搞D花臣，等你有D視覺享受，唔知前身係咪酒吧，有D味道！而且個場開音樂超級大聲，勁嘈！唔會有下次…查看更多

首先！如果有食開Omakase 嘅你，鮨鎧可以話係會令你對Omakase 超乎你想像！當日我同友人喺預早兩星期book中午12點時段，之後收到WhatsApp 話要落$200訂，同埋係12：00至13：30！我哋準時12點到步，入到去眼見只有4個有擺位嘅位，就心知不妙坐低10幾分鐘，就見女侍應攞前菜出嚟，係茶碗蒸，同埋一舊超級騷鴨胸卷！我吞唔落，最後都吐了出嚟心唸點解冇壽司師傅出嚟嘅？等多陣，就有個目無表情，招呼都唔打個嘅白衫男人（疑似係壽司師）企喺我哋吧檯唔係前面，而係側邊開始切魚生，開始上第一件壽司，有D腥仲有筋！之後果2件都係腥，唔多新鮮！第三件，金目鯛，好似食擦膠咁！咁多件壽司，稍為叫做食得嘅係隻蝦！其他質素都不一般壽司店！食物質素已經係唔惦，個白衫男更加唔掂，全程西口西臉！同客人一D交流都冇！呢餐Omakase 係我有史以來最差體驗嘅一餐！blacklist …查看更多

見咁多人排隊，唸住係咪好好食，就試下！午餐牌只有意粉同pizza選擇，見 隔離枱pizza個餅底唔多合格，就揀意粉，叫左個青醬扁意粉，一個龍利柳番茄醬扁粉，兩碟黎到，我都真係擰曬頭，白色青醬意粉，一點青醬味都無！乜basil好貴咩？另外果碟，龍脷柳似鯰魚柳，番茄醬意粉，甜到不得了，好似兒童餐味道嘅意粉！完全唔合格！最另人拗爆頭嘅係餐飲，咖啡要加十蚊，諗住要加錢，質數應該會比較好！點知黎到杯即磨咖啡又唔夠熱，我都唔知做乜要比多十蚊飲杯唔熱嘅咖啡，m記仲好過佢！所以總括黎講，D人太麻木跟隨喇～唔直得要排隊食…查看更多

真係不可一不可再～星期一中午我們一行四人打算去試一下～帶位一入內，已覺得不對勁～風格雖則好優雅～但內部非常嘈吵～由期服務員～更不太友好～由期那個短髮女服務員～像是在茶餐廳侍應！一點質素都沒有～…查看更多

呢間野出名貴就係人都知～係個咁格蝕嘅地理位置，都咁多人捧場，真係有D拗頭～叫了個白酒青口，D肉細粒到好似杞子咁～味道又唔係好驚為天人，但就收你咁嘅價錢！另外叫個話係自家製嘅包～真係唔好食！好咸！成陣粉味！個所謂紅莓cream cheese醬更加冇味冇道！見唔對路， 即刻埋單走人！…查看更多

我嬲到相都費事影！點左碟冇吞拿魚醬嘅吞拿魚意粉！係得兩小粒吞拿魚～全是意粉水埋芡嘅汁！佢好意思攞岀黎比人食？！真係不知所謂！之後我問係咪即磨咖啡， 跟住佢話係， 跟住我話唔要糖唔要奶， 跟住佢話即磨齋啡加兩蚊， 因為齋啡會多咗🙄真係都未聽過齋啡要加錢！跟住黎到唔係即磨咖啡， 跟住我話唔係即磨咖啡咩， 跟住佢話係即磨但係再蒸餾🙄 我即刻面色一沉， 跟住飲一啖， 冇味嘅🤬我飲左兩口完全冇再飲過！個女侍應仲態度不友善！…查看更多

呢間泰麵， 見雜誌 ，網上宣傳 好似好正宗好正咁， 就特登走入元朗試下， 佢位置都幾隔涉， 中午飯時間， 內部已很多人， 我叫了一個牛肉船麵， 滿心期待，碗船麵黎到，我真係面色一沉！ 牛肉船面只有三小粒牛丸， 三小舊牛腩, 其餘都只係碎濕濕嘅通菜，同豬皮， 味道亦都非常之一般！ 我係選擇米粉，呢隻米粉真係好難食！ 重點係收58蚊一碗！不包飲品！我覺得，呢個價錢喺元朗區， 實在有大把好吃的選擇！ 最後祝貴店好運！…查看更多

食味好一般～冇乜特別！食左3個 course,松露湯，咸左D！跟住黑松露 闊條麵， 雖然闊條麵係自家製，但質感唔好食！同埋都係偏咸！最後但奶凍，正常，冇乜特別！相比pici,正好多！另外想一提，就係打黎訂位嘅時候，已經話要一個鐘頭交枱，到當日去到，又係咁提住你話要一個鐘個交枱！心唸你間都叫做高級餐廳，成日叫人一個鐘交枱，係咪核突左D？成個就餐過程，不斷有人喺你身邊執嘢斟水、執嘢斟水！唔係話你 執嘢斟水唔啱，而係太過頻密，令人食得煩厭！仲有帶位果兩位女仕，禮貌有待加強！！…查看更多

很好吃～超大份量！當日下午1時多，其實都差不多2點， 仍然好多人排隊， 排咗15分鐘，有得入座了～要了豬扒肉燥，轉粗面，一上枱，我心裡面嘩左一聲～好大份呀～拍了張照片，就急不及待吃了～豬扒超好味～粗面又爽口～我真係成碗清哂…查看更多