eateateatismyworld的个人专页

咁啱同屋企人行過見到，無味精系列好似幾吸引但係因為要等位，所以就直接買外賣返屋企食囉我哋叫咗兩個面：番茄濃湯拉麵同埋人蔘雞湯米線，同埋兩款小食：醉雞卷同埋特大冬菇鋪頭好貼心，將麵同湯分開裝，咁就唔會令到啲面太林。番茄湯底比較濃味，湯底帶甜，配拉麵就可索多d湯！不過呢個面確實比較啱重口味人士，我就比較鍾意飲甜嘅湯底，屋企人就唔太鍾意啦另外個人蔘湯麵就比較清淡，雖然人蔘味唔重，但係飲得出完全冇加味精，係健康之選！兩個麵都配有溏心蛋、木耳、西蘭花等配料，即使吳家小食，都應該好夠飽！另外見到餐牌上面嘅圖片咁吸引，我同屋企人都叫咗個特大冬菇同埋醉雞卷試吓！兩舊冬菇都非常入味同埋非常林，索晒啲汁！而醉雞捲就好重酒味，屋企人非常鍾意，不過我就唔太喜歡咁重酒味，就冇咩點試啦佢其他小食都好似唔錯，等我下次都去時再試吓先！…查看更多

今日同一個舊同事食飯，因為我哋份工都係放得好早，所以大約五點幾已經可以去食飯，避過左最多人嘅時段。舊同事話一直都好想試呢一間餐廳，覺得Menu入面啲餸菜好多種類、好多唔同國家嘅菜式，所以想試吓，特別係嗰個以佢哋餐廳命名嘅卷物，我睇完Menu之後都覺得好特別，所以就一齊入咗去試吓啦！呢個kikusan卷係每一件細卷上都有海膽、吞拿魚蓉同埋三文魚子，三樣都非常新鮮，點少少豉油食已經非常鮮美十分推薦！！另外，因為我哋都驚唔夠飽，所以叫咗一個南瓜湯烏冬同埋煎素餃子（唔記得影相添！ ）南瓜湯烏冬嘅湯底十分鮮味，而且烏冬掛湯能力不錯，所以我都幾滿意！至於素餃子，就有啲普通，可能因為入邊主要係菜，餡料會比較乾，連同煎嘅餃子皮，如果唔點醤汁，餃子就會有啲寡整體而言，都係相當推薦呢間餐廳，因為真係味道唔錯，而且好多款式可以任君選擇，聽講佢個擔擔麵都係非常好食，不過今次就因為驚太飽，而冇去叫呢個菜式，大家都可以試吓！…查看更多

放工後肚餓，行過呢間餃子舖見到個menu 幾吸引，就諗住試試佢佢都幾多選擇，仲有唔同plan 俾客揀！我就試咗個煎餃子樂園，貪佢可以試多d唔同味！不過侍應態度有待改善！因為我唔食韮菜，而餃子樂園有1隻韮菜豬肉餃，我就禮貌地問問侍應可唔可以轉其他口味？佢嘅態度都幾唔好：「無喎」我都呆一呆:(希望可以考慮下加多兩句建議，或者態度可再友善點！講返個餃子，一嚟嘅時候真係好驚喜呀！雖然我冇轉到冰花煎餃，但係佢個賣相已經好似要加錢嗰隻！雖然右邊有少少燶咗，但係睇落都幾好食呀！其實除咗隻韭菜豬肉餃我冇食，佢啲餡料其實系唔錯嘅，但係個餃子皮真係一大敗筆！每一隻都非常厚，而且個底去到最後仲浸滿晒油，令我淨係想食佢個餡，完全唔想食啲餃子皮:(其實真係有啲過油，我食完之後，碟底仲有淨大量嘅油，令我唔係好想再食落去！唔知佢哋湯餃會唔會好啲啦，但係煎餃來講，我就唔會再食呢間啦！…查看更多

今日行開銅鑼灣，經過義順牛奶公司，難得唔使等位，搭枱都要入去試一試啊！雖然成日見到啲人排隊，知道呢間好好食，但係一次都未試過聽聞雙皮奶好好食，但係其實我有少少怕牛奶嘅腥味，所以叫咗薑汁燉奶，聽講都係好好食架！唔好以為係人哋食咗一半，其實係我食到一半先記得要影相，因為佢一嚟嘅時候已經好重薑味，吸引我一啖接一啖，真係好好味啊！而且佢個奶都好久啊，即使係凝固左，都唔會好似好鞋咁同埋可能我係食煙嘅燉奶，所以會更加好食同滑溜…查看更多

每次係葵芳掃完街，臨走都要去3樓買返包爆谷先得！之前我有佢哋嗰張積分咭，買滿10次就會送一包爆谷，不過呢個優惠已經過期，提提大家唔使再拎張卡出嚟啦！佢哋嘅爆谷有好多種唔同嘅味道：焦糖、朱古力、玫瑰鹽、避風塘、蜂蜜芥末、北海道牛乳……有啲味道只有大包裝先有：綠茶、芝士⋯⋯如果你買細包裝，就可以有兩隻未揀，中包裝就有三隻，如此類推……所以我真係好鍾意佢哋間鋪，可以試多啲唔同嘅味道呀嘛！我嘅最愛味道就係中包裝朱古力、避風塘同埋蜂蜜芥末我最鍾意佢有甜有咸嘅味道，食得多都唔會好膩！同埋d味道都十分特別，出面冇咁容易食到，係超級推薦蜂蜜芥末！！！！…查看更多

做咗咁耐野 都想轉下新環境:)臨走前都要送返d散水餅俾同事，好唔捨得但係都無辦法⋯⋯本身諗唔到送咩，不過個日食飯行經呢間餅舖，牛油香到對面街都聞得到，吸咗我入去睇睇我買個時係新年前，除咗曲奇之外，都有好多賀年食品：蛋散、芝麻餅、角仔……佢哋仲有自家製鳥結糖，包裝都好靚好適合送俾人！但係因為我比較多同事，送鳥結糖就超出左我嘅預算，所以我就揀咗佢哋嘅曲奇！佢哋嘅曲奇有好多種唔同嘅味道，例如朱古力、藍妹、咖啡、綠茶、原味……每盒都有大約20至30塊曲奇架！我將佢哋重新再包裝，啲同事都話好好食！我自己就食咗兩塊朱古力味，非常鬆化，而且唔太甜，大家都買來試吓啦！…查看更多

呢期興起嘅梳乎厘pancake完全挑起咗我食甜品嘅慾望！每次去開葵芳，都想食一食bove不過前排戒糖，我去咗兩次葵廣都與佢無緣！而家解禁就梗係要食返次啦！佢有原味、朱古力、伯爵茶、士多啤梨等幾隻味嘅pancake揀，之後再揀夾心同醬。我就揀咗原味，再夾個金莎朱古力夾心，諗住夾埋就唔會好甜我嘅建議係，如果你前個排同我一樣戒糖，或者你唔嗜甜，可以問唔揀夾心得唔得因為我食個pancake點咗側邊嘅cream同朱古醬就係啱啱好，味道係相當美妙！但係一解封咗夾心，就甜得滯，即刻灰咗唯有嗱嗱聲撥走佢啦！…查看更多

黎得葵芳掃街，一定係想一次過食勁多款小食但係有時太重口味，都要飲d野清清味蕾，先可以再戰第二round！告白果屋有不同水果配搭嘅果汁，有d會有買一送一，有d就直接有優惠，而且優惠定期會轉款，無論係一個人黎，定兩個人黎都輕鬆拎折！而我今次就叫咗恐龍遇上噴火龍，唔係好記得有咩水果，淨係記得一定有火龍果，勁高纖！好似仲有淡淡嘅蘋果香添！我個朋友飲完都好中意，想再encore多杯不過仲要留肚食其他小食，就唯有留到下次再戰啦！…查看更多

唔小朋友為咗健康，一個星期總會揀幾餐食素，我都唔例外，今次約咗朋友過嚟呢間餐廳食飯，都係因為見到有好食嘅沙律同埋南瓜燴飯呢間餐廳裝修好靚，喺其他社交軟件上面都睇到唔少食評，如果鍾意影下靚相、又中意有少少工業風嘅餐廳，就一定要黎試吓啦！今次食咗個紅菜頭芝士沙律同南瓜繪意大利飯沙律主要有紅菜頭、芝士粒、羅馬生菜以及不同嘅果仁，配合黑醋汁，食落口感豐富，冇個種草青味，好快就食晒一盤。另外南瓜繪意大利飯都十分入味，南瓜汁濃稠，包住每一粒意大利飯，鍾意食南瓜嘅人一定要叫一個飯啊！另外呢度仲有提供手工啤酒以及其他唔同款式嘅西餐,下次唔食素,都會過嚟鋸下扒！…查看更多

最近梳乎厘pancake真係好hit我都因為呢個熱潮試咗幾間！上網見到有間係油麻地嘅好出名，同fd行開街就順便去食一食佢！其實個個都試個新品——炎燒布甸梳乎厘pancake嘅但係我個日都係想食抹茶，於是同個fd share咗個抹茶味嘅！一食落口，個抹茶白朱古力漿包住成舊pancake，滑同夠鬆嘅，不過單靠面頭嘅抹茶粉就唔多夠茶味而且都幾快塌曬，老闆都要諗下點先可以hold得好d啦！結論：可以一試，喜歡茶味嘅朋友仔未必中意抹茶味…查看更多