a2hy的个人专页

位於希慎廣場頂層嘅中菜館名館，午市有點心同套餐供應，價錢冇環境望落咁貴。餐牌選擇都幾多，基本上以粵菜為主，但都有川菜、上海菜等嘅菜式。點心嘅賣相同味道都唔錯，係CP值幾高嘅中菜餐廳。碗入面有條小小嘅立體錦鯉，幾得意幾精緻。#陳醋珊瑚紅海蜇頭｜$68上枱時煙霧繚繞，賣相超級搶眼吸引，海蜇頭好爽脆，食落帶醋酸及酒香，清新開胃。#真．菠蘿包｜$48外皮熱辣辣好鬆化，內餡住係有菠蘿肉的吉士果醬。微甜重菠蘿香，好食！#芥末咸水角｜$48饀料豐富，芥末落得幾重手，係真係會食到標眼水個種，太刺鼻有少少蓋過咗咸水角本身嘅味道，但相對就中和咗炸物嘅油膩感。#黑金流沙包｜$48流沙餡熱辣辣，奶黃味道剛剛好。#蒜泥白肉｜$68蒜量好足，非常惹味。#鮮肉一口小籠包｜$68#懷舊鵪鶉蛋燒賣｜$58#陳醋手拍青瓜｜$48酸酸地，冰凍嘅開胃頭盤。#欖角肉崧蒸秋葵｜$58秋葵口感爽脆，配埋鹹香嘅欖角醬汁令人忍唔住一條接一條咁食。…查看更多

餐廳位於二樓，地下層係台飲外賣店美好年代，兩間店crossover 所以喺 Neighbor 用餐都可以叫樓下美好年代嘅飲品同甜品。店內行昏暗懷舊工業風，位置雖然唔多，但 lunch time 時候嚟都唔使等太耐。Lunch Set有意粉類、Burger類、烤雞等等。#煙三文魚蟹子意粉｜$6x以銅鑼灣lunch嚟講算係幾便宜，而且味道同賣相都不錯，份量亦好足。-暫時食過兩次質素都唔錯，可以做番工飯堂。-…查看更多

舊年嚟過呢度飲野 感覺都唔錯所以今次嚟試試晚餐 餐廳嘅燈光暗暗地 氣氛浪漫不過入座後發現枱同枱之間都幾貼正常聲量講野隔離都會聽到而且周圍都幾嘈下食物方面就一般般 不過不失#生蠔二人set有日本蠔 美國蠔 法國蠔 加兩杯Sauvignon Blanc三款蠔嘅蠔味同海水味都比較淡過下口癮都OK#美國star ranch黑毛安格斯肉眼10oz牛扒係幾呢餐入面幾失望嘅一道菜塊扒煎得好乾 食落冇乜牛味亦較少肉汁薯條外皮好硬 似係翻炸再翻炸#煎鵝肝薯蓉焗大蘑菇鵝肝 薯蓉 蘑菇三樣野都幾夾味道都唔錯…查看更多

知道幸福Pancake來港個時已經好想去試但無奈每次經過都大排長龍最近見人龍短咗一大截就嚟一於去試試最後排了大概一個鐘終於食到!甜同鹹嘅班戟都有 份量好大即叫即製 落單後大概要等20分鐘#幸福班戟 班戟軟棉棉好鬆軟係屬於半實在半空氣感嘅個種Pancake蛋香味幾濃 配埋cream後口感和味道更好#奶茶班戟配自家製穀物 奶茶醬略甜 有淡淡嘅茶味配埋Pancake食味道啱啱好cream同原味Pancake嘅cream唔同呢款偏向奶油狀 但同樣都夠滑好食…查看更多

銅鑼灣  ·  Fashion Walk 少女路線新餐廳Fashion Walk 新餐廳　店內設計同配用色都幾新穎有創意粉色系裝潢好young好少女而且空間都幾大 坐得幾舒服餐廳主打 fusion 創意菜式擺盤有心思 不過食物就尚有進步空間#每日新鮮魚柳配番茄濃湯番茄濃湯入面係一粒粒小薯粒味道似好淡味嘅番茄薯仔湯雖然魚煎得不錯 亦突出咗魚肉味道但成個湯汁嘅口感都好粉同煎魚真係唔多夾 青瓜粒嘅味道都比較突兀反而有少少破壞咗魚肉嘅口感以呢個價錢嚟講絕對係可以做得更好…查看更多

Fuhn主打北美式越南湯粉，款式同配料都幾多選擇，湯粉size有R,L和XL三種可以揀，價錢同份量都合理。Regular size　已經好大碗夠女仔食，食完成個人暖哂好滿足。#特色雞絲湯粉 配料有手撕雞 手打雞肉丸 同鵪鶉蛋湯底清清地唔會油 飲多兩啖都唔會覺得口渴加埋香草、青檸、辣椒 成碗粉嘅味道同層次即刻變得更加豐富辣辣地酸酸地好開胃#素菜米紙卷一碟4件 蔬菜酸酸地有醃過但米紙偏厚 所以食落味道偏淡 點一點汁會更加好食…查看更多