SeaTurtle的個人專頁

上次同Joan,Gilbert同Barry黎呢間食.呢間野離地鐵站都幾遠,去到都要等位.間鋪頭唔係太大,同埋入面地板好有70年代feel.入到去,店員斟左杯好似係菊花茶嘅野,佢仲識開花架xd 杯茶清清淡淡,如果再濃少少會比較岩我.跟住我地每人叫左個餐,然後叫多籠店員極力推薦嘅小籠包.碗湯係跟個飯送.但味道好淡,同埋好水:S呢碟回窩肉真係好惹味,真係可以比我有辣嘅感覺,就算淨係要汁撈飯已經夠晒.但係青椒有d澀,而且豬肉片唔多,只係薄薄一片,同埋肥肉佔好大部份.呢間佢會比兩碗飯你食,不過d飯唔夠粒粒同太黏口.店員極力推薦咁應該好好味.送到黎係熱辣辣,好似唔錯咁.不過小籠包個皮好厚,而且有d硬,同埋裡面係冇湯汁咁制-_-呢間野一般啦.唔知下次同Joan又會去食咩呢xd ?…查看更多

今年婆婆想生日黎呢到食飯,所以就揀左呢間同佢慶祝生日.其實好多年前我地全家都有黎食過,但係我就好細個,媽咪話果陣阿公仲喺到,食過呢間野就係咁彈佢.本身婆婆諗住咁多年間野仲喺到,d野食應該有進步,但係食過呢次之後,我地以後都唔會再黎:S叉燒加咸蛋我都係第一次食,但係叉燒可以再肥d,同埋咸蛋唔夠咸.鮑魚青瓜片其實係d超級普通嘅野,滷水豆腐都OKay啦,只係咸左少少.但係齋雞就唔好喇,除左太硬,佢只係求其煎下個面就算,咁簡單嘅野都可以整到咁難食:S 肴肉簡直係岩岩雪櫃拎出黎,淨係得雪味,完全冇肉味,我仲食到有少少冰彩鳳即係雞肉,煮得都OKay啦.菜炒得幾爽,唔太油,咁多碟最好係呢碟架喇-v-西蘭花煮得唔夠淋,同埋d鵝胸冇味,仲差過街市買番黎自己整嘅鴨胸-_-婆婆話咁多碟最好食係呢碟.其實我幾鐘意佢個皮,但係佢講到明係脆皮,不過一d都唔脆,食落去似沙翁質地多d.裡面嘅雜果只係雜果罐頭裡面嘅菠蘿,一d都唔甜.同埋個卷入面除左菠蘿.仲有得麵粉味冇蟹味嘅蟹柳.雖然雞皮都算脆,但太乾身.雞肉方面又唔夠滑,d肉好老.西芹唔夠淋,同埋冇咩味.海斑唔新鮮,肉質唔鮮甜,一d味都冇,而且又唔滑,好明顯係冰鮮魚黎條魚又係同上面果道一樣唔好食,唔係有蒜茸我都唔會再食落去魚翅有d腥-_-呢個荷葉飯只係面頭或這底好近荷葉嘅先有少少荷葉味,其他真係一d味都冇.佢仲用左雞肉同蛋黎整呢個飯,但雞肉同蛋都係完全冇味-_-呢一餐真係好唔掂,我地以後都唔會再黎呢間食.同埋我地未見過一間酒樓可以有烏蠅 之前婆婆生日,去果間港灣都唔錯,不過都執左喇,但係將軍澳咁多間酒樓,總有一間好!…查看更多

放左學同Charis去信和買野,最後買左三張厲旭相,不過張相唔係for我自己收藏,係送比人架xd Charis話佢喺一個餐廳食過好好味嘅豆腐雪糕窩夫,同埋我lunch都唔係食左好多野,所以就黎左呢間食下午茶喇.呢間餐廳有兩層,環境都幾好.但係野食價錢都唔平架,仲要加一服務費!不過又唔係成日食,咪試下囉:出面嘅pancake好多個皮都冇咩味,入面有好多cream.而呢到嘅pancake賣相就好好,同埋比出面好好多!先講pancake皮,pancake皮比出面薄,而且厚度差唔多,有少少淡香.香蕉落得好足,大約佔成個pancake一半咁制,cream又唔會比出面落得好多,又加左d杏仁片落去,好好味!只係朱古力醬可以就加多d.同埋成個甜品份量都好多,我食一件pancake已經覺得好飽!Charis叫左豆腐雪糕窩夫,我叫左香蕉朱古力pancake.我地兩個一齊share黎食,佢d窩夫真係唔錯,下次再黎我實叫窩夫xd…查看更多

呢問比其他酒樓仲快開始下午茶,一點半就開始喇!所以我就同婆婆黎呢到食lunch.我已經係第三次食呢間,其實d野食又唔係太差.上一次同黎食有叫到叉燒飯燒腩仔飯,真係幾好味,所以今次又叫多次.:碗飯嘅份量都幾多,但係可以左乾身少少.叉燒就冇上次咁好味,今次d叉燒比較瘦,同埋硬左d.:燒腩仔同上次一樣都係咁好味 個皮真係好脆,又唔會話好油.肥羔同肉嘅分佈都好好,同埋d肥羔真係入口即溶咁制xd:煎薄撐d粉太厚,同埋冇咩味-v-:粉果太黏,同埋個皮有d厚.但係入面d料都落得幾足同幾好味,不過我食果陣竟然食到粒石仔!到依家為止,我淨係鐘意食呢到d燒腩仔,因為實在太好味喇>w<…查看更多

練完司儀之後就同同學黎呢到食飯,因為Yumiko係會員,所以唔洗加一.本身都以為呢間野幾好食,不過食左個定食之後就唔覺喇.班同學早過我入去食,入到去,d waiter都好有禮貌咁幫你斟水落去有綠茶包嘅杯到,不過就冇咩味-v-沙律好好味,菜夠爽甜,而且個汁酸味味,好開胃:) 但係凍豆腐就未免失色左,除左麻醬唔夠多,豆腐都唔夠香滑,一d豆味都冇:(呢個飯真係比得上super market買果d魚生飯-_- d魚生唔新鮮,而且冇味,仲淡口過飲水:S雖然呢到d食物差,不過服務又唔錯.不過如果你食野係為左服務,咁就唔知喇:S…查看更多

考完試之後,學校就早放,直到放暑假.呢間本身都幾貴,但係佢話學生唔洗加一,同埋學生餐都係廿幾蚊,所以放左學就同同學去食下.豆漿得個甜字,唔夠香又唔夠滑.好多同學都話碟餃子好油,我都覺!同埋碟餃子都唔夠脆同熱,翻熱貨黎:S例湯有海帶,好重味精:( 到個飯,d雞扒完全冇燒汁味,又鞋口,雞味都冇!d飯又唔夠粒粒,好難食:(食完之後,呢間野又係冇下次.因為真係好難食!…查看更多

今日同完班同學唱K就去左IKEA食野.我想食呢到d肉丸好耐架喇,個個同學都話好食,仲話加埋果醬好正.本身我都唔鐘意食果醬,但係佢地講到d肉丸咁正,一定要試下 其實初初都唔知IKEA有餐廳開,我以為剩係買傢俬,係呢一年狂聽d同學講去Mega Box就走去IKEA食肉丸先知原來真係有餐廳-v- 入到去果到,同出面IKEA賣傢俬嘅裝修差唔多,好光,好舒服.野食方面就係自助形式,都唔錯丫xd講下果舊薯茸先,就咁用水烚下就算,又冇薯仔味,就算加左汁落去食都好淡-v- 輪到肉丸,咬落去有d似咬緊變左做波波形嘅肉碎,冇雪藏味都唔錯,但係一加埋果醬食就升晒級喇!原來肉丸配果醬真係超好味!果醬酸酸甜甜,又有少少果肉,加埋肉丸簡直係絕配呀如果下次再黎IKEA,我實叫多碟肉丸,仲叫佢落勁多果醬至得xd…查看更多

之前學界田徑,我地班女仔贏左overall champion,跟住就走去屈呀sir請食飯,估唔到佢真係應承左!之後佢就send左d野話比我地知,有獎拎就唔洗比錢食野,但要$80內,其他就要比半價或這比全數.本身就話去食buffet,但係好多都過左果$80預算,所以我地就揀左黎呢間食喇.我地去嘅全部都係女仔咁制,除左呀sir剩係得兩個男仔黎食,搞到佢地好慘咁,因為我地冇咩點理佢地xd 好多人都冇食lunch,話留肚黎食餐勁,不過我就食左lunch,打算狂食甜品算 反正有$80用,點食都得啦xd Stephanie同我都用晒黎食甜品,真係唔肥都唔得-v- 本來想叫朱古力pancake,但係我又想食心太軟,所以就改左要多啤梨pancake喇.個賣相好靚,好吸引:) 士多啤梨普普通通,個士多啤梨雪糕好似雪左好耐咁,有d冰碎,同埋d士多啤梨味好假,奶味又太重.pancake皮夠薄,但裡面d cream好漏:S心太軟做得唔錯,裡面真係流心,同埋蛋糕都幾香脆,又唔會太實,不過朱古力太漏-v- 至於雪糕方面,又係太重奶味-_-其實唔只食咁少,因為呀sir本身預左$2000比我地全部人食,但係最後今次$1000都唔洗,所以我地都叫左好多野黎食xd…查看更多

同屋企人出去紅磡行下,順便睇下有咩好野食.因為我鐘意食餃子,所以就黎左呢間食喇.入到去坐低,見到d野食都幾平,而且都幾多人食,好似幾好咁.餐牌裡面有樣野食叫「披著羊皮的狼」,即係指天椒餃,個名改得咁特別一定係招牌菜喇.叫完野食等大約一個字就食得喇!呢到嘅同出面d擔擔麵唔同,湯底唔夠稠,花生味唔夠.麵條粗幼度一樣,但好難夾得起,因為一夾就差唔多成碗麵都夾起晒-v-餃子煎得好香脆,皮唔算薄又唔算太厚,岩岩好.至於d餡真係落得好多,好足料:) 最難忘就係指天椒餃,即係餐牌講嘅「披著羊皮的狼」,第一啖咬落去只係覺得有少少辣,但食到咁上下就覺得好辣,就算食完之後幾個鐘都感受到股辣仲未消失,真係勁!豆漿豆味唔夠,但夠滑.酸辣麵又係同出面唔同,湯底唔夠稠,同埋太重醋味,辣味反而感受唔到.餃子方面,可能唔係煎餃,所以冇咁香口.下次食一定要煎餃擔擔麵唔再講喇,反正同之前嘅一樣-v- 五香豬排真係好好味,佢整得好入味,又夠酥脆食完呢餐之後就唔覺得肚餓,不過就覺得股辣味仲未走同埋好口渴,睇黎我中伏喇xd…查看更多

13號就係我生日,果日收到好多禮物,同埋我班同學比嘅驚喜,真係好開心 YCY就話請我食Cherry On Top當生日禮物,所以15號放左學,我就黎收我嘅禮物喇.其實今次係我第一次食frozen yoghurt.最近yoghurt店簡直開到通街都係,依家連將軍澳都有三間咁多:S 之前都有上網check下邊間好味d,本來都想將我第一次獻比用熊貓做主題果間yoghurt店,不過見學校附近開左間,咁就試下呢間Cherry On Top啦.呢間係自助形式為主,yoghurt都有好多味揀,好似原味,朱古力,vanilla,passion fruit etc.我問d staff試朱古力味,覺得唔錯,同埋我本身都鐘意朱古力類嘅野,所以就要左朱古力味,另外再要原味-v- 因為我驚自己唧得太樣衰,所以就叫店員幫手唧 跟住就去揀topping喇,我要左綠茶mochi,原味mochi,士多啤梨同朱古力格格脆.朱古力味yoghurt:朱古力味唔太重,幾細滑,但係都幾易溶:S原味yoghurt:我唔太鐘意呢種yoghurt,但對於frozen yoghurt愛好者黎講,呢到嘅原味yoghurt的確唔錯,因為酸度好夠,不過唔夠挺身,比朱古力味更快溶.綠茶mochi:煙煙韌韌,淡淡綠茶味,唔錯:)原味mochi:呢個比綠茶mochi硬身左d,而且冇咩味-v-士多啤梨:士多啤梨好新鮮,唔太酸,而且幾清甜:)朱古力格格脆:同平時食嘅一樣,配埋yoghurt真係好match!最後就係拎杯yoghurt去磅重睇下收幾錢,本身YCY同我都以為起碼要$50,點知最後埋單只係要$35,都算幾抵啦!而且呢到買夠唔知幾重,定係買一杯就有印花送,儲夠7個就送一杯yoghurt,呢招對我地班學生黎講都幾有用XD…查看更多

呢個禮拜都要考試,所以早放.星期二同班同學黎呢到食,因為果陣仲係十一點未有午餐,所以就食住早餐當午餐,反正早餐價錢都比較平.入到去坐低左之後,就睇下個餐牌搵下有咩岩食.不過d野食好似唔係太吸引,所以我同d同學都叫左沙爹牛肉公仔麵,同埋加錢要奄列.我就轉做米線,另外要火腿奄列,餐包同熱朱古力.餐包暖暖地,呢樣唔係太多餐廳會做到,但係味道就唔夠香,仲有d淋,包埋比你果舊牛油仲係融嘅-_- 至於火腿奄列簡直係垃圾:@我從來未食過d奄列有咁多氣泡,一d都唔滑,又冇蛋香,而且火腿同奄列完全係分開晒!加$3去食呢碟野睇落好似抵咁,但係食落就知咩事:S米線同湯底好一般.講到沙爹牛肉,真係無言-_- 沙爹味好淡,你唔講我都唔知自己係咪食緊沙爹.輪到牛肉,真係好難食!牛肉切得太厚,一d味道冇,又唔夠淋,煮到d牛肉拏埋一舊:@ 熱朱古力:為左令到杯朱古力更加香濃,佢落左勁多朱古力粉,可惜弄巧反拙,杯朱古力唔滑,真係好難飲:(其實我都唔係第一次食魚米家,小一果陣食過都唔覺得好味,到依家,依然冇變.睇黎,我要將佢列入黑名單.…查看更多

今日完左學界,有好多時間比我地食lunch之後先番學.之前果晚,我問爸爸灣仔有邊間好食,佢話呢間d豬扒麵唔錯,所以今日我就同同學黎食喇.去到入面坐低之後,伙計馬上拎杯茶比我地,但我果杯竟然有隻蚊喺入面:S 跟住睇下個餐牌,搵爸爸所講嘅豬扒麵,但係搵黎搵去都冇:( 本身想食客飯,但係跑完都係食麵好d.所以就叫左最平嘅擔擔麵.等左大約五分鐘就食得喇!湯底辣度同花生味岩岩好,唔會同出面落得太重手,搞到好易飽.不過就稠左,亦得好得因為榨菜嘅問題,搞到個湯底好咸.呢到嘅擔擔面配料落得好多,而且配料味道唔錯.麵條比較幼身,都算彈牙.如果湯底煮得好d,相信會係非常出色嘅擔擔麵.其實叫完野食之後,我同學話隔離有人食緊叫類似豬扒嘅野.唔通就真係有豬扒麵?睇黎,要等下一次有機會再試.…查看更多

今日媽咪放假就帶我同細佬黎呢間佢從朋友口中得知嘅餐廳食野.原本呢間餐廳係普通麵店黎,我同屋企人都係熟客,但後黎越做越差,最後就頂手比人做日本菜.隔左一年,我地黎呢間餐廳都搵下頂手之前嘅痕跡,當然呢間餐廳d裝修比頂手之前好好多,至少見到佢係悉心佈置過間鋪.牆上面有好多碗,每個碗都有唔同款式,等間餐廳睇落唔會太悶.餐廳樓面只有一個waitress,入面就有個廚師.可能我地去食飯嘅時間比較晏,而且餐廳位置比較偏僻,所以去到果陣得我地呢台客.野食選擇方面唔算太多,但對於一間小型餐廳已經唔錯.由於野食係即叫即整,所以都要等大約十分鐘,上菜速度都算幾快.所有飯類包埋麵豉湯同凍茄子.麵豉湯比較水,感覺好粗糙,同埋自己本身唔太鐘意麵豉湯,所以覺得唔好味,反而細佬覺得好好飲- - 凍茄子好軟熟,但睇黎加左好多醋落去,所以太酸.牛肉有少少肕,但味道唔錯,而且都落得幾多,d醬汁都整得幾好.至於個飯係用珍珠米黎,d飯粒都幾鬆軟.原本話要鰻魚丼,但係佢就整左滑蛋鰻魚丼比我,算啦- - 麵豉湯同凍茄子同汁燒牛肉丼嘅一樣.滑蛋的卻炒得好滑,但蛋味較淡.同出面唔同,佢幫埋我切晒d鰻魚,大約係想d汁入到鰻魚入面,等佢更加好味.鰻魚味道唔錯,但係食到最後一塊,竟然食到有少少苦味:S 而個飯食到底就越黎越似湯飯:S 不過成個飯都唔係話好差,只可以講係一般.湯底係豬骨湯底,但味道可以再濃d.豬軟骨炆得夠淋,豚肉都唔錯.媽咪話個拉麵都好好味.雜錦天婦羅有蝦,茄子,蝦餅同冬菇,我覺得蝦天婦羅同冬菇天婦羅最好味.蝦天婦羅炸得好脆口,但炸出黎嘅外皮唔會同蝦分開,而且隻蝦挑得好乾淨同好彈牙:) 冬菇天婦羅同蝦天婦羅一樣,佢炸出黎嘅外皮唔會同冬菇唔會分開,而且都好彈牙,仲好鮮甜 但係茄子同蝦餅天婦羅就做唔到呢種效果,雖然兩樣味道都唔錯,但同炸皮分開左:( 但係跟番個價錢,成個雜錦天婦羅都好足料:)依家出面開左好多日本菜餐廳,但講得上好味數黎數去得果幾間,要講得上正宗就更加少之又少.而呢一間,我都只可以話OKay,鐘意可以試試,.…查看更多

食完韓點再行多陣,就去Susu上堂講過話:「勁滑勁香勁滑囉好唔好?」嘅雞蛋仔店到食野喇!Susu話平時去食有好多人排隊,今日好彩去果陣唔多人,如果唔係,真係等到天黑都未食到:$因為有少少飽嘅關係,我同Angel Lam就share一件格仔餅食;Susu就自己食佢講果件「勁滑勁香勁滑」嘅pancake.我同左老闆娘講話要朱古力味格仔餅,跟住佢再轉述比老闆聽,不過佢整錯左原味比我.我同老闆講番話想要朱古力味,佢話:「算啦!唔收多你一蚊!我比多d朱古力醬你!」然後老闆就搵左罐未開過嘅朱古力醬黎,呢d咪叫轉數快囉xd 老闆話今日有好多人上網睇左食評之後就黎呢到食,問我地係唔係,我地話係Susu推介先黎.跟住我地就一路等老闆娘整好d野食,一路同老闆傾計喇.佢講野仲幾搞笑,而且好有禮貌:)件格仔餅外皮不算脆,但裡面好鬆軟,仲好香蛋味.而且佢加左好多朱古力醬,真係好香,好好味其實一間鋪頭仔喺同一個地點開左廿幾年真係唔容易,可能因為佢d雞蛋仔同格仔餅仲有pancake真係好好味,或這同佢地咁親切嘅服務態度有關…查看更多

早排電視播左某個飲食節目,佢講到呢間d野食好正咁,就好想黎試下.第二日番學同班坐喺附近嘅女仔講,原來佢地都同我一樣好想去食,跟住就約左今日,我地五個一齊去食喇五個裡面,得我同Susu識點行去目的地.不過其實我係一個名副其實嘅路癡,我剩係會用「印象中」黎記路-_- 兜兜轉轉,又問左人路,終於搵到韓點喇:')我地去到大約係四點鐘,但係加埋我地都有好多人黎食野,搞到間鋪頭好有壓迫感:S 不過為左食好野,係值得嘅;D 鋪頭唔見老闆,只係見d員工同老闆娘.老闆娘真人真係同上鏡一樣咁靚,仲好好人:) 我地五個人分別叫左五樣野食,後黎仲叫多個海帶湯,跟住就share黎食.等野食期間,我見到menu個板到掛左個鎖匙扣,細心睇會見到老闆同老闆娘,仲有唔知係佢小朋友定孫著住韓國服影相.有同學仲話老闆個樣一睇就知係韓國人,但老闆娘就唔似豬肉蓋飯:豬肉蓋飯呢個名即係有個蓋喺個飯上面xd 飯係用珍珠米,而且份量夠多,好飽肚 泡菜汁除左有泡菜,仲有蘿蔔片,味道好香.雖然辣度唔係太強勁,但都足以食到成身汗.泡豬肉切得夠薄,而且落得好多!成個飯都好好味 但如果同東涌果間比,我鐘意東涌果間多d,因為佢真係超辣 當然,呢間都好好味韓式魚蛋:又扁又長嘅魚蛋我真係未見過,因為我心目中嘅魚蛋應該好似個波咁圓.或這呢個係韓國魚蛋嘅特別之處:) 佢味道比較清淡,咬落去唔似港式魚蛋咁爽,比較煙韌,仲有d似腐皮 宮庭紫菜壽司:呢道菜好有屋企壽司feel.佢冇日本壽司果種酸嘅感覺,而且個壽司好多配料,仲暖暖地.雖然味道比較清淡,同平時味道較濃嘅韓國菜有好大分別,但係都好好味 :)韓式炒年糕:年糕好煙韌,而且唔會癡埋一舊,份量仲好多:) 至於醬汁方面就好濃,好惹味,夠晒辣,而且辣中帶甜又唔會覺得好怪.黎呢間食一定要試下海鮮煎餅:就咁睇有d似中式薄撐,但味道同口感方面就遠遠唔及中式薄撐咁好.味道比較清淡,而且好粉:(食完野,有同學去左飲品櫃到買左罐韓國入口嘅奶茶,我聞下覺得幾香就買黎試下.可能我地同韓國人口味唔同,我覺得d奶茶唔太好飲,似飲好甜嘅紅茶多d :S 不過都幾滑嘅xd呢間餐廳會播d韓國pop songs,但係聽黎聽去都冇少女時代d歌,好傷心呀:'( 等我下次再黎食下,順便聽下有冇少時d歌先xd…查看更多