kazariuiharu的个人专页

而家身體同對腳唔好, 出親街都要拎拐杖咁關食評咩事呢? 可能唔關, 只係講下唔同餐廳對行動不便人士待遇有咩唔同咁如果去大家樂, 店員見到你去買票o個陣係拎住拐杖, 堂食, 基本上都會主動問要唔要送餐, 畀個牌你, 搵位坐, 有人幫你搬個餐去你張檯咁基本上連鎖快餐店, 好似係得大家樂固定有此等服務, 麥當勞 / KFC 從來都冇咁點解標題要拎麥當勞o黎講呢?話說我尋日去晏晝麥當勞, 已經唔係最 peak o既時間去, 睇下會唔會有好心店員幫我捧下餐咁結果都係冇, 冇辦法啦, 自己拎, 我又不至於拎唔到咁結果拎住盤餐, 行埋位, 想擺低盤野, 又要顧住支拐杖, 結果成杯反轉, 倒晒, 薯條都倒左一半當黑, 咁我都唔好意思, 要阿姐幫手抹地, 但我就睇下有冇人會補返杯野畀我結果冇仲要o岩o岩食脆辣雞腿包, 辣雞翼, 冇野飲, 黑上加黑再諗返下廿幾年前, 我仲係細路o個陣去幫襯麥當勞, 倒瀉晒杯野, 都有人會補返杯野畀我呢樣野係咪細路限定, 定而家已經冇咁o既服務, 定我特別樣衰仲要拎拐杖所以冇人理? 我唔知, 不過我諗我以後都係不宜一個人o係麥當勞堂食完…查看更多

幫襯過幾次, 烤餅還好, 西餐還好, 但食親印式 Tangoori Chicken (不論有冇蒜子烤) 都覺得有莫名酸味, 疑似醃得太耐冇人叫變壞, 希望餐廳注意…查看更多

真係好想畀喊樣, 因為笑唔出但我知唔知呢篇野會唔會有話唔夠字乜乜乜, 跟住又話只可以係用餐體驗, 冇得出喊樣啦首先家母最想試o個樣美人鍋原來話冇, 得尖沙咀店先有? 咁之前呢度 D 食評寫o個 D 係咩黎?咁點o者, 唔通我起身走咩, 又不至於咁惡劣咪唯有叫 D 關東煮呀串燒呀咁囉D 關東煮都唔可以話差, 係冇乜特別又貴囉串燒就, 我諗有過半我都覺得燒乾左 D 啦, 又冇 D 我通常叫日式串燒一定叫o既款 (e.g. 煙肉蠔)咁叫下叫下我都 feel 到應該會好貴啦, 成餐又水/茶都冇杯得個湯, 費事叫野飲啦, 好貴 + 費事飲咁多甜野Check 下張單啦, 嘩成七舊水, 但又冇錯架喎咁最想食o個樣坐低先話冇都成七舊水 (兩個人), 感覺梗係惡劣啦張凳又唔好坐, 拿拿臨走啦返轉頭? 唔會啦, 除非有美人鍋叫再話我知啦…查看更多

對芋圓冇乜興趣, 但見有梳乎厘班戟, 想試下入到去, 坐低, 話冇, 但我o岩o岩先見佢捧兩個出黎, 咁即係點? 又冇解釋, 係咪唔歡迎生客或傷殘人士?咁冇得食梗係即刻起身走啦…查看更多

有一堆野叫外賣, 咁諗住用 app order 費事逐樣叫啦, 成兩舊水咁去到畀錢, 已經等得特別耐, 拎到返去先發覺 McCafe D 野一樣都冇畀, 成半張單七八十蚊野都係 McCafe D 野咁我已經要拎拐杖仲要行十幾廿分鐘返去拎? 唔好玩啦, 當我當黑啦…查看更多

有任食火鍋, 好吧幫襯下, 見佢唔算貴 ($128/位, 8 點前埋單), 正價 $168/位D 野算係咁, 好過以前附近一Ｘ, 不過...咁口痕唔係好飽諗住叫多少少, 埋單o個陣冇意識到差唔多夠鐘, 咁叫極都冇人, 埋單又要時間開頭佢仲計錯數, 當兩位 (一個去左廁所), 之後又改返單返轉頭, 原來張大牛唔夠畀原本預四舊有找, 結果五舊仲要畀突, 我相信呢個價唔駛幫襯佢我望下個鐘, 8:05 分, OK, 咁你埋單埋左幾分鐘, 埋完又真係過左鐘, 我費事拗不過即係叫我以後唔好再幫襯…查看更多

之前訓左兩個月廣華, 屋企人黎探, 咁醫院冇啖好食, 開 Openrice 睇下醫院附近有乜, 就見呢間野, 間唔中叫佢地買 D 野畀我, 其中一樣就係呢度 D 魚蛋魚蛋係幾好, 亦唔算貴, 不過...出左院一排好耐冇食, 咁返黎覆診經過又想食下, 自己去買, 排緊隊買已見女店員特別串, 一派白鴿眼唔憂做咁款, 咁到我, 唔知係咪見我要拎拐杖態度再差一截, 想要大魚蛋配醬, 點知原來話大魚蛋冇得配醬, 唯有要細o個 D, 近乎被呼喝, 感覺唔良好唔敢再幫襯…查看更多