醉愛靖淘小妹的个人专页

外賣平台買左王牌冰室三個餐一個係蔥油雞扒飯雞扒臭既，又酸又縮一個係椒鹽雞脾薯條餐椒鹽雞脾食左2啖都冇事，食到後面就有陣臭味，一食即嘔一個係福建炒飯冇事，正常同時跟餐叫左個腿蛋治同瑞士雞脾蛋治正常，蛋ok滑瑞士雞脾食唔到有臭味，正常野飲熱咖啡唔好飲，有陣酸味凍檸茶ok，偏淡順帶一提，全日淨係食左呢間野，食完隔左唔使一個鐘就肚痾，差到冇人有，你地自己衡量去唔去食，但我就唔建議，除非你地鍾意食臭雞。。。…查看更多

豆卜魚腐米線 麻辣中超正我欣賞佢既豆卜同出面既唔一樣如果大家有機會一定要試下呢個辣味同連鎖米線店果個麻三四小唔一樣呢個係香啲夾埋啲芫荽肉碎果啲配料簡直一絕建議唔食得辣既都可以試下麻辣小 係可以接受的總結，價錢中下又大碗 味道係好食的…查看更多

蠔仔泡飯不吝嗇用料 一碗湯飯滿佈住蠔仔 令每一啖都有 係正既如果要挑剔 只可以話 咁多隻裡面 得一隻係臭左啫 不過都唔影響胡椒枝竹豬肚泡飯勁濃湯 超正😁😁總括 價錢算係中上 樓面姨姨服務態度好好 知我帶住小朋友等外賣特登開道門比我 唔使咁焗…查看更多

尋日食 今日先記得打返個好評係上水冇咩呢類餐廳時 呢間野可算係好好入去人山人海 例牌等人走咗先入去 非常好唔駛五分鐘就有一枱客準備要走 帶住個女梗係拿拿聲行過去捕住個位啦 唔使一分鐘就有個姐姐嚟抹檯執嘢啦 佢好熱情咁叫我哋快啲坐低 叫小朋友坐入面 驚佢整親 呢個係細心嘅表現冇幾耐我就出去叫嘢食啦叫咗兩個下午茶餐同一個午餐午餐係藍芝士汁麥形粉呢個係屋企人食嘅 咁試過都ok唔會話太濃味 但其實比較淡 咁因為我哋都鍾意食淡嘅關係 所以覺得呢個算係唔錯嘅選擇 唔係太重口味下午茶揀咗芝士薯蓉同埋四個普通蒜蓉包 起初呢 四個蒜蓉包嗰陣已經好快咁食曬啦 點知食食下又嚟多四個蒜蓉包我哋當堂嚇一嚇再睇返張單原來收銀落錯咗咁我哋都唔知點算 正當想企起身同個收銀講嘅時候 有個侍應走過嚟問我哋有咩幫到我 然後講咗個情況畀佢聽 唔使十分鐘佢就幫我改單成個過程裏面佢哋都係笑笑口仲講曬唔好意思 態度非常誠懇同埋笑容可掬 搞到我都有啲唔好意思講番個四個蒜蓉包先 其實都ok㗎 唔會話好咸 味道都適中嘅 咁個芝士薯蓉呢 我建議各位食之前要等一陣因為真係好鬼熱系 辣嘴嗰隻熱 總括嚟講呢間嘢算係上水食肆裏面一間服務態度唔錯而食物質素ok嘅舖頭值得推介…查看更多

住上水咁耐，次次經過都聞到呢間野傳出既香味，終於今日忍唔住要試下…叫既野唔算多，味道都唔錯:)1)雞軟骨串~~($10)讚:幾香口，好好味彈:份量比較少，細粒左啲2)雞腎串~~($10)讚:唔會好硬，份量都幾適中彈:唔太入味，有啲啲淡3)煙肉蕃茄仔~~($14)讚:好味到不得了，平時食慣煙肉配腸仔，今次呢個蕃茄仔食落酸酸地，夾埋煙肉一齊咬，好juicy，感覺唔膩彈:/4)秋刀魚~~($21)讚:大大條，醃得好入味，食到有檸檬汁，好開胃:)彈:/5)燒粟米~~($9)讚:抵食，點一份有2件，味道唔錯彈:感覺唔太特別，但好平同抵6)日本一口蕃薯~~($10)讚:甜甜地，唔太膩，好正彈:可以再硬返少少，咁就更完美^^7)重庆酸辣粉~~($21)讚:好足料，唔會淡，份量都幾多彈:咸左少少，我叫既係小辣@v@,但好似係大辣咁>///<總結，呢間野係值得推介既，因為上水好少呢類野食，而且仲要咁好味呢…查看更多