ayeekwok的个人专页

平日晚上朋友特意帶我去吃這家的煲仔飯。由於下班太晚，我們11:50PM才到達小店，詢問老闆原來12點就關門。老闆也沒有不耐煩，歡迎我們，讓我們慢慢吃，不會趕我們走，期間還跟我們聊聊天。老闆兩夫婦人很好，很有禮貌，用心製作，小店收12點，宵夜不錯選擇。煲仔飯可以選多或少飯焦，他們家的菜脯太好吃了，我們都外賣買一盒回家。還有老闆秘製辣椒醬，好香好辣自選兩餸煲仔飯價錢$68，我個人認為一啲都唔貴:)吃完念念不忘，隔天又幫襯冬菇雞煲仔飯臘腸臘肉煲仔飯…查看更多

我常光顧馬祖，荃灣分店是第一次。今次吃午市時間，由於任食所以係限時，就係門口等埋我朋友。今次店家好好，比入坐住等，雖然時間唔耐，大口10分鐘，當時沒有滿座，但相比元朗分店個位女reception，荃灣服務同禮貌都好好多。佢初時開店時晚市都至少排1-2個小時，用餐時間也只有1.5小時。後來生意無咁好就轉咗2個小時。食物方面我真係好鍾意佢個番茄湯底，夠酸夠番茄味。火鍋配料方面 ，不過不失，飲品雪糕也可以。…查看更多

忽然好想食泰菜，就research 一吓有沒有💛店。搵到依間好似唔錯，見佢咁細以為無得book位，諗住就咁直接過去排隊。我都算晏平日830左右先去到，有兩枱食客，餐廳門口附近位置滴水，員工有禮貌。想叫炒蜆，佢話數量有限，下次可以訂枱留定。總括來說食物都好好食，坐係入面你可以問到廚房煮嘢食嘅一陣陣香味。但你走咗之後會個身臭臭地豬頸肉 冬陰公湯 太重椰汁味，唔夠酸同辣春卷菜辣炒河 夠晒辣咖哩盒 蝦好大隻好新鮮…查看更多

限聚令時間終於放寛少少，唔駛買外賣，即刻去支持吓黃店！本人覺得位置比較偏遠少少，但不礙我支持黃店。訂咗枱，一去到就有位。係二樓。乾淨企理，員工有禮貌。全晚老細係二樓同食客傾計，仲逐枱問客人啲食物O唔OK。…查看更多

之前佢係高埔村，唔知道原來搬咗過來元朗依邊，知道後即刻再book嚟食😆😆😆今次同朋友又來食lunch，食lunch 比較抵😂入到來，裝修同之前差不多，感覺好似大咗。我們一向由廚師發板，就食當日最靚的食材。一如既往，食物新鮮，味道一流，員工有禮，不過係會食你2個小時😆如果趕時間就唔好選擇佢啦！😆雖然每樣海鮮份量唔係好多，但食到最尾都真係好飽🤣最重要一樣要讚的係，今次依間店食完唔會成身油煙味！讚讚讚！…查看更多

有日無意中係到睇到原來一田入面開咗間天仁，但見到d comment 都話好難飲。所以我隔咗幾個月先敢試吓。我算早到，無排長龍，張單都係10個number內。我就咁叫杯正常珍珠奶茶，沒有叫少甜少冰。發現佢無乜冰，無乜味，無乜甜味又無乜茶味，啲珍珠好唔煙韌好軟身究竟點解可以做到咁🤔🤔🤔我以為每間都應該係同一條standard formula，味道應該差無幾，無諗到原來可以咁大分別，都係幫襯返千色店個間算了😅…查看更多

平日下午來到買外賣，$93/2碗 3餸麵。睇個外賣碗麵知好細份。一個正常男士食完都唔會飽.....不過最令我要寫依個食評係因為，有生以來第一次食到一間車仔麵叫雞翼尖會得3隻咁多！雞翼尖應該唔係咩錢，出面食好多間至少都5隻，比3支雞翼尖咪顯得佢比2支雞翼係非常之咁大方。另外湯底同D餸都唔夠味，顏色係夠的，不過我要再加豉油同魚露先有味。唯一係叫咗個油麵個麵係ok的。總括比較貴，唔夠味，份量少，不會再幫襯…查看更多

今天大約中午十二時去到，人不算好多，點了外賣，牛肉，豬肉，叉燒，蝦腸。一碗粥同一碗芝麻糊。最後到家發現佢係漏比芝麻糊腸粉 全部好厚身，唔薄唔滑，無乜味道，唔知石蘑有乜分別，都算.....最重要的係個豉油唔好味！！！唔覺得料多，好多口都覺得好似食齋腸咁但個豉油完全提升唔到個味！叉燒腸 叉燒碎濕濕咁蝦腸只吃蝦好重胡椒粉味豬肉腸拆散晒都唔多覺D豬肉牛肉腸本人沒試不作評語菜乾豬骨粥不過不失我都支持單親媽媽做生意，不過真係唔覺得好食，請我都唔會再食....街坊可能食人情味掛....附上拆散都唔多覺豬肉的豬肉腸相片厚厚厚…查看更多

Weekday 晚上來到，不算滿座，環境OK，只有7成滿左右。侍應生不多，所以比較忙碌，目無表情，面無笑容，不算有禮，也不至於無禮.......嗯.....有改變空間.....至於食物，唔差，份量OK，亦沒有下面評語所講比較咸，可能我無叫中他們所指的菜。要讚的係豆沙鍋餅好好吃，不油膩。鴨就麻麻地…查看更多

睇到食評講到幾好食咁，特登約朋友嚟試吓Book咗7點，行入去完全無人理你。韓國人男侍應幫人撈緊飯。個女侍應企係個bar頭都無野做但唔出來。最後話淨返一張細枱。仲係夾住係兩張枱之間。個距離近到一個點，枱又細叫多少少野都唔夠放，係咪成條街都有依個問題？其實D野食又唔係平，叫左3樣野，兩個人都要$600。:(薯仔唔記得乜乜湯 差差差 無味無道 得個咸味芝士泡菜飯幾好食 不過撈完原來份量都唔多 不過唔膩炸雞我朋友話無以前咁脆 我覺得可接受…查看更多

喜歡吃卷物的我 特登約朋友來試試。位於SOGO旁邊，幾方便，不過樓下等lift需要D時間Weekday晚上客滿了，幸好有訂枱。環境不錯，有兩位侍應，態度唔差。枱與枱之間距離寬敞。最怕近到隔離枱都好似識咁人地講咩都聽到。講返食物 叫左兩款刺身，新鮮、份量都可以甜蝦唔記得影相泡菜雞翼雞翼乾左D 同就咁放兩條泡菜係隔離可以不試銀雪魚係好好食，不過份量不多都唔係平牛油果炸蝦卷 好多款式另外叫左個鰻魚唔記得乜乜卷 都好食不過唔記得影相炸雞軟骨 👌🏼沙律 好味道值得嘗試冷麵 可以一試…查看更多

朋友介紹話依間火鍋好食，係OpenRice 見到亦不少好評。熱愛火鍋的我就約埋朋友來試試。預約時間為兩個時段，7:00 或9:00。可能星期五較滿座，我要兩星期前預訂。店舖唔算大，我們被安排坐正門口的枱，大門一直有員工出出入入，會有風直吹到臉上枱唔算細，佢亦會加一個層架放火鍋料，枱與枱之間距離唔算遠，坐到卡位就最好。上菜速度一般，服務算有禮，火鍋湯底濃郁，推介鬼馬油炸鬼。只是部分食物份量有點少，例如黑豚只有八片，一人份量$88，四人一共$16XX。本人覺得略貴。…查看更多

係Facebook page 睇到好似好好食咁，我細佬大人叫我去買比佢食。好啦！我就去。舖頭細細都唔算太難搵嘅，門口有張企枱可以企係到食。我相信小店即叫即做。所以需時等候！我買了兩款包 蒜香椒鹽味和蜜糖味雞翼。包裝上有寫建議5分鐘內吃！外賣有紙袋裝好！其實食得出小店係用心製作，雞翼好有咬口，去左骨好多肉，麵包又唔會乾，不過我們覺得其實雞翼同麵包係未能融合在一起。不過總結味道係不錯，都可以一試。$35 大洋值唔值就見仁見智，有朋友想食我都可以再食嘅:)…查看更多

復活節假期周圍食店都非常忙碌，來到高埔村周圍都泊滿車。此店新開不久，見環境不錯，門口更寫著歡迎小毛孩。雖然今天沒帶毛孩，只帶了小👶🏻，不過的確加分！:)剛到達時室內沒位，他們安排我們坐室外，卻因為有👶🏻見室內有位要求調進去，員工沒有感麻煩，還說外面會熱親👶🏻，非常貼心很快店內已坐滿客人了。食物方面我覺得很不錯！店員還送西瓜汁給小朋友飲！雖然太忙碌有一點混亂，但員工非常有禮，渡過了愉快午餐！…查看更多

睇OpenRice 見到佢個芝士辣湯底好吸引我，所以專程去試下間店都唔算太大但唔算太迫，2位waitress 3個廚房，食物都出得幾快。拉麵，可能太大期望，唔覺得算好好味，但唔係差，我唔記得叫少辣，來到都有d食唔到，叫佢地另外比碗豬骨湯都好樂意。我覺得屬於比較接近港式的拉麵。叉燒都OK，個炸蝦要比，又熱又炸到鬆脆！另外叫左燒蠔燒扇貝司華力腸雞軟骨都好熱辣辣很不錯最後都只係兩百多元，幾抵仲要讚食完個身無臭味…查看更多