FrankieBob的个人专页

今日同朋友周圍行到好攰，決定一於要刷餐勁嘅！見到呢間台式火鍋放題評價唔錯，就入左去試下今次試嘅係B餐任食火鍋極上牛翼板 (每位$268)湯底揀左招牌台灣麻辣湯同埋香濃椰子雞湯，兩個湯都超入味！特別係椰子雞湯，真係有超濃椰子味，擺入湯底滾嘅每一舊肉都入曬味，絕對值得挑戰！肉類方面，當然唔少得瘋狂order極上牛翼板，紐西蘭頂級肉眼草飼牛同埋，好濃牛味之餘，肉質都好嫩滑最驚喜係連帶好多台灣小食+甜品都係任叫任食！鹽酥雞，台灣小香腸，蜜糖窩夫配雪糕都係我最愛。另外都有好多款台式飲品任飲，珍珠奶茶，水果茶同埋冬瓜茶等等都拍得住出面台式飲品店質素，絕對唔hea!座位對出仲有火鍋配料可以任攞，今次真係食到夠曬本啦！…查看更多

性價比超高半自助餐今日同朋友喺太古附近行街，佢介紹左一間高質西餐，入到去發現加平日加$28就可以食到半自助餐，真心超抵！雖然我地一行只有兩個人，但經理都安排左好舒服嘅卡位俾我地坐未上主菜之前已經忍唔住出去攞semi buffet嘅食物，冇諗過加$28竟然會有咁多選擇！有好多款唔同嘅沙律，我就專攻蟹柳沙律，加埋無限任食嘅煙鴨胸，無得頂！炸物方面有炸雞，薯條同埋春卷，仲有我至愛洋蔥湯，其實未食主菜已經多野食到飽飽地講返主菜先: 帶子鮮蝦忌廉汁闊條麵 $188要讚下帶子同蝦都好食得出鮮味，超fresh! 尤其係個帶子，彈彈下嘅口感唔係好多餐廳煮到。整體份量都好夠，食完會係岩岩好夠飽嗰種感覺。調味亦都適中，個汁好事得黎唔會搶左海鮮鮮味扒紐西蘭西冷配香蒜燒汁 $178西冷黎講真係算煎得好好食，有濃厚肉味之餘，煮到5成熟嘅肉質係岩岩好地煙韌份量比想像中更多，好似手掌咁大塊，真係大滿足! 野菜尤其係個菇都好有牛油香味，絕對係超乎我期望飲品方面加錢轉左凍荔枝梳打同埋白桃梳打，清甜之餘夠開胃，岩曬依家咁熱天氣解渴！最後好彩記得食返幾件cake先埋單…查看更多

一向係呢間高質樓上西餐廳嘅常客，今次路過見到轉左新餐牌，一於試下佢嘅新二人餐!Set for 2 $738老海灣粟米周打湯湯依舊好creamy，粒粒粟米好有咬口又好fresh!香蒜牛油煮蜆今次既蜆又再大隻左，性價比極高香蒜牛油汁好正 突出左蜆既鮮味 強烈建議每食一粒蜆就淋一淋個汁上去草飼澳洲肉眼牛扒（10安士）肉汁好飽滿，肉味都好濃郁 烤菇彈牙有口感!煎三文魚配酸辣龍舌蘭忌廉汁今次有得試新嘢 三文魚肉質滑嫩有鮮味 絕對唔係出面食到既一般質素酸辣龍舌蘭忌廉汁同三文魚亦出奇地好夾 本身無試過呢個醬汁 酸酸地又唔太辣 容易入口 好開胃甜品有朱古力蛋糕同埋芝士蛋糕，份量啱啱好，食完就唔怕滯啦…查看更多

今次再次黎到銅鑼灣呢間高質樓上西餐廳，水準越黎越高！Set for 2 $688新英倫粟米周打湯個湯濃得黎好creamy, 味道開胃香蒜牛油煮蜆蜆既size絕對係驚喜，食落好有質感同鮮味。擺盤好有心思，如果可以既話會想encore!!草飼澳洲肉眼牛扒今次叫左5成熟，食落有豐富肉味而且唔會韌。份量兩個人啱啱好，照燒汁亦都好夾，正!鵝肝松露意大利粉松露同野菌既味非常突出，意粉整體硬度同濕度都適中甜品有千層蛋糕同埋芝士蛋糕，我地兩個人可以每樣都試到，質素拍得住出面甜品店…查看更多

今日同朋友慶祝生日，見到呢間火鍋放題竟然係無限時任食，仲要係台灣藥膳火鍋咁特別，就叫左個$388無限時食到飽套餐湯底有15款任揀，雖然我本身怕辣，但見到台灣麻辣牛肉涮涮鍋湯底好吸引，就叫做個小辣試下。個辣度係啱啱好，麻到條利痺痺地，但唔會辣到食唔到落去，聞落去好香。值得一起既係店員係會攞足料雞湯一直幫我地加湯，確保湯底唔會越食越淡。講翻肉類任食，呢個餐包左美國Prime Grade極上牛頸脊，質素真係無得彈，每塊都算厚身，食落好有口感。最重要係好有牛肉味，加埋麻辣湯底真係至高享受！西班牙黑毛豬都係出乎意料地高質，同埋無論加幾多次單，肉類質素都係keep住咁高質，認真有誠意火鍋配料同丸類方面，真係超多選擇，如果我有兩個胃可以試晒全部就好啦！當中印象最深刻係黑松露豬肉餃，無想像過黑松露味可以咁濃，豬肉都好入味。最驚喜係竟然有海鮮任食! 本人超級鍾意食帆立貝，食得出係好新鮮同彈牙，真心估唔到放題都可以食到咁高質既海鮮餐廳都提供左好多唔同既台式飲品，質素拍得住出面台式飲品店，仲要每杯都係咁大杯，咁多嘢飲我就唔洗驚食唔到太辣既火鍋啦最尾以每人一杯movenpick 雪糕作結，抵到爛!!…查看更多

今日同朋友行過銅鑼灣，見到有間好多正評嘅西班牙菜，就忍唔住入去試左佢地嘅lunch set ($168 +10%)lunch set包餐湯或者沙律，我地就揀左蕃茄湯，好入味又足料食西班牙菜點少得tapas, 呢碟炸西班牙青椒仔有驚喜，唔會太辣，淡淡鹽香味配青椒嘅fresh, 有少少想encore!自家製燒汁肉丸都好值得推介，肉質好稔滑，配上肉醬真係一流!主菜揀左香草鯛魚配墨西哥辣椒汁，個汁好開胃，配菜都值得一讚，每款調味都啱啱好，既有鮮味亦唔會太鹹之後就輪到我最想試嘅西班牙海鮮燴飯!! 呢度嘅paella 比我之前食過嘅更加好食，唔單止海鮮好入味，蝦肉超爽脆，燴飯本身都煮得適度濕軟，唔會好似出面有啲餐廳煮得太淋, 滿分!最後就以兩個甜品作結，特別想介紹雜果沙律配蜜糖乳酪泡沫，蜜瓜同哈密瓜加埋嗰種鮮甜加上yoghurt嘅酸，好耐未食過咁refreshing嘅甜品!!…查看更多

幾個月前去過呢間越南fusion菜，覺得好好食，一直都想搵時間回頭再食多次，今日終於有時間去，今次都係令我回味無窮！招牌金邊粉$88個湯好濃滑，忍唔住飲左幾啖先開始食個麵今次食終於記得擠少少青檸汁落金邊粉，連帶咁好飲嘅湯，濃郁又refreshing!! 如果唔係呢排要減肥 一早encore左一碗啦NVN南越法式麵包$78雖然我本身唔係咁鍾意食法包 但見到有網友推薦就試下叫 今次叫呢個法包真係俾到驚喜我包入面有扎肉 甜蘿蔔同埋酸青瓜 感覺好清新上菜時候見到有用紙包住個包 等我地食嘅時候唔會跌曬餡料出黎 呢方面都好貼心！五香豬腩伴鍋巴$60好食嘅嘢梗係要再encore 今次再次叫左呢個鍋巴腩肉香腍軟熟 搭配酸菜同酸醬 mix埋一齊依然咁夾！！脆米紙薄餅 $54米紙爽脆 食落索索聲 勁過癮另外臘腸粒都好入味 好食過好多出面食到既臘腸 值得一讚最後叫左一杯cocktail: tears of mermaid ($58) 同埋 柑桔檸檬綠茶 $23cocktail 水準比得上高級酒吧 真心推薦！…查看更多

做嘢咁辛苦 夜晚梗係要食好少少慰勞吓自己今次去左銅鑼灣一間幾高質又有氣氛嘅西餐廳 食完絕對係100分滿足！Set for 2 $668新英倫周打蜆湯個湯非常creamy 蜆有鮮味 蒜蓉包亦都好香脆 點少少湯一齊食就啱曬啦香蒜牛油煮蜆同樣都係蜆 但今次滲左牛油味 又係另一種享受份量足料到好誇張 雖然話係二人餐 但呢度起嗎都有30隻蜆 食完真係有啲飽草飼澳洲肉眼牛扒肉好香稔又juicy 值得一提係個菇焗得好入味餐廳亦都好貼心咁提供左即磨海鹽 鍾意重口味少少嘅朋友就可以悉隨尊便鵝肝松露意大利粉個人鍾意食linguine 鵝肝表皮烤得香脆 咬落夠曬鵝肝油香味 入口即溶 正！全個set用芝士蛋糕作結 refreshing之餘唔會太滯呢間西餐廳咁正 同朋友黎慶祝一流！…查看更多

今日想推介俾大家既係一間喺佐敦附近幾有feel嘅西餐廳 位置好闊落 枱間距離充足 輪候區亦都有好舒服既梳化俾客人坐喺度等 好貼心🤣炭燒美國安格斯西冷🥩$358又係叫左最愛既五成熟 肉質鮮嫩有彈性 有淡淡炭燒焦香 加上薯菜烤得好好食，帶少少鹹味但唔會over 咁厚咁大塊肉食完飽曬！芝士菠菜龍蝦蟹肉意粉卷$298🫔之前聽朋友介紹話呢個意粉卷係呢間餐廳招牌菜 食完即刻明曬賣相已經好正 香濃茄蓉仲帶出左龍蝦同蟹肉既新鮮 蟹鉗炸到有少少似天婦羅咁 外皮好香脆 簡直係多重味覺享受😄上述兩個都係dinner set 嘅主菜set另外仲有蘿蔔忌廉湯配餐包，一杯飲品同藍莓芝士蛋糕，都好有質素🤤…查看更多

嚟到太子 見到有間日本料理都幾多人排 價錢又抵食 緊係唔執輸入去試下炸生蠔表皮超脆 而且唔會太多粉或者台乾 蠔味濃郁 夠曬過癮！胡麻醬豆腐沙律豆腐好嫩滑 配搭refreshing嘅沙律菜 係開胃好選擇三文魚頭湯呢個湯係出乎意料地足料 湯本身鮮甜已經好正 除左魚頭之外仲有大大塊輕微炸過嘅三文魚肉 金菇同粉絲都有 飲完已經飽飽地呢度主打係壽司 緊係要叫翻幾款啦帶子吞拿魚蓉壽司好高質 新鮮清甜 個人認為係必叫黑松露香味同吞拿魚嘅微腥味估唔到會咁夾 食完一陣餘香味仲係度炙燒和牛壽司都好重牛嘅脂香唔少得超厚三文魚刺身 魚香回味無窮每款都無令人失望！最後叫左個大蝦天婦羅 4隻都咁大 同樣炸得出色 同區真係唔知仲有無咁高質又抵食嘅日式料理 會再回頭幫襯！…查看更多

食咁多西式野難免會覺得寡，係時候要轉下口味啦！今日去左旺角食越南fusion菜，估唔到會咁有驚喜，真心值得回頭！南越湯招牌金邊粉 $88湯底濃厚得黎唔會太鹹，仲可以食勻牛嘅唔同部位，例如牛面頰，牛腱，牛筋，牛丸等等，唔同口感一次過試曬，簡直係多重享受！金邊粉入曬湯底味，口感棉滑，好食過出面其他金邊粉唔少烤蔞葉春雞配青蘋果條 $88之前食過咁多隻春雞，呢隻都可以話係最少骨嘅一隻，啱曬我呢d懶人未食已經聞到好濃香烤味，咬落去雞肉嘅鮮味同微焦嘅脆皮mix埋一齊，一絕！食完一舊雞就食翻一舊用蝦頭油炸嘅青蘋果條，夠曬refreshing南越蟹肉醬配脆球餅 $68天氣咁熱，梗係叫翻個清涼嘅小食黎嘆下軟嘅蟹肉搭配咁得意圓碌祿嘅爽脆球餅，好開胃五香豬腩伴鍋巴 $60豬腩肉肥瘦得宜，搭配同脆球餅一樣咁爽脆嘅鍋巴，層次感滿分南越蛋咖啡 $28店員一黎就好貼心咁提我唔好搞勻黎飲，要直接飲先有原汁原味，又真係有料到！柑桔檸檬綠茶 （凍）$23最後梗係黎一杯酸酸甜甜嘅飲品做結尾啦裝住綠茶嘅樽，令我諗起70年代，好懷舊…查看更多

🍣黑木亭居酒屋🍠喺香港好食嘅居酒屋唔多 呢間黑木亭可以話係我最近食過最高質 梗係要推介俾大家啦😋芒果芝士龍蝦 $288真係無得彈 鮮甜芒果配搭大大舊爽口新鮮龍蝦肉 完全唔同出面普通雪咗好耐嘅龍蝦 加埋表面嗰層火炙芝士 食落有幾重口感 簡直係味覺享受🤤三點刺身盛 $181三文魚 油甘魚 同劍魚腩塊塊都夠曬厚身 入口感覺好軟滑 魚腥味唔會太重 肉質新鮮之餘味道仲有回香 正!🤤芝芒將軍卷 $148呢碟啱晒最鍾意芒果嘅我 鹹甜配搭新鮮得嚟又幾match 😌串燒: 蜜糖雞翼$32 茄子$18 沖繩黑糖燒菠蘿$38 原條黑豚露筍卷 $38厚切豬頸肉串$38 黑豚荔枝卷 $38每一串都燒得好脆口 尤其係雞翼 有驚喜調味啱啱好 唔會太淡或者太鹹 簡直好似去咗日本居酒屋咁 蜜桃烏龍熊茶 $58 洛神檸冰 $58一見到咁得意嘅熊仔 緊係要即刻影番張相啦今日咁鬼熱 飲咗一淡又凍又甜 即刻透心涼 😆整體嚟講真係好值得推薦嘅居酒屋 食物真心高質😋…查看更多

旺角幾時都咁多人咁熱鬧，weekday都唔例外。今日同朋友喺旺角行到攰左，又俾我地搵到一間喺朗豪坊隔離嘅樓上cafe食個lunch，估唔到有驚喜。🤪檸檬海鹽烤春雞，西班牙腸配薯菜$93不得不讚系春雞皮烤得好正，脆得黎有焦香，加上淡淡嘅檸檬汁，簡直係完美配搭。春雞肉質鮮嫩有彈性，食完即刻愛上左。🤤澳洲有骨肉眼紅酒汁配薯菜$108今次叫左我自己最鍾意嘅5成熟，果然無令我失望。份量唔洗講，夠曬足料，而且肉味濃到吞左舊肉落肚都仲感覺到肉味喺口入面迴盪緊，juicy到爆。嫩滑程度令我差d以為自己食緊和牛添。😋喺鬧市搵到咁悠閒又好食嘅cafe，真係值得回頭食多幾次。…查看更多

聽聞尖沙咀有一間可以自己煎既漢堡扒，咁好玩，今次覺得真係幾好食一大球新鮮漢堡扒牛肉喺熱石板上面 煎出嚟既漢堡扒可以做到外熟而入面少少生，好有質感。而且加埋燶邊蛋一齊食就更加係享受啦。…查看更多

行開尖沙嘴，知道最近新開左一間炸魚薯條外賣小店，緊係唔執輸試下啦！炸魚薯條薯條（大）$78本身都聽聞呢間fish and chips 嘅炸魚好厚，但估唔到真實係超厚身又大塊，比出面食到嘅實在厚好多。外脆內軟就唔洗講，魚肉夠曬juicy同軟滑，配埋他他醬簡直係一絕香草大蝦意粉 $78意粉都絕對唔失禮，蝦肉爽脆又新鮮，配搭好refreshing 嘅香草醬，差d忍唔住要encore洋蔥湯$32 雜菌忌廉湯$35兩個湯都好足料，雜菌湯超濃郁，啖啖都係蘑菇肉，洋蔥湯都有好多洋蔥絲，食曬落肚堅係飽:)香港真係唔多高質fish and chips，呢間堅值得推介！…查看更多