TEN82的个人专页

Sunset Pier 位於中環三號碼頭嘅露天泰式酒吧餐廳。餐廳設計開揚，坐喺戶外藤椅或高椅，可以邊食正宗泰菜邊望住維港靚景，當日仲有好多外籍人士坐係度飲啤酒，超有渡假feel。餐廳主廚同部分食材由泰國直送，味道超地道。🔸️泰式什錦大盤  $138什錦大盤好豐富，有魚餅、蝦餅、春卷同斑蘭葉雞。魚餅彈牙，蝦餅香脆多汁，春卷皮薄脆香，餡料飽滿，斑蘭葉雞肉質嫩滑，帶有淡淡斑蘭香氣，配上兩款餐廳自家調制醬汁，配搭豐富又開胃。🔸️泰式自家手工制沙嗲串燒  $1454個人點左12串，豬牛雞各4串。串燒燒得剛剛好，配上濃厚帶花生醬料，好食。🔸️日落晚霞香茅炸雞  $89炸雞炸得金黃香脆，淡淡香茅味，肉質保持鮮嫩，令人回味無窮。🔸️泰式即烤澳洲安格斯肉眼  $145肉質鮮嫩多汁，燒得微焦帶香，牛肉味道濃郁。🔸️泰式脆爆豬手配自家泰式醬  $208豬手外皮香脆，豬手軟腍入味，醬汁酸甜微辣超開胃。🔸️香炒肉片泰式肥粉 $105肉片嫩滑，肥粉吸足辣醬香，炒得香氣撲鼻，惹味十足。🔸️Hoegaarden  🔸️Stella…查看更多

估唔到荃灣有咁正嘅串燒店。餐廳幾大，七點幾去到已經坐無虛席，食到九點幾依然人流不絕。食串燒點可以無啤酒，先黎兩杯 🔸️Sapporo，有買一送一優惠，只需 $48 超抵飲～ 🔸️鹽漬A4宮崎和牛 $58和牛入口即化，牛脂香濃厚用鹽做簡單調味，已經好好食。🔸️鹽燒豚肉豆苗卷 $28豚肉軟嫩，卷住爽脆嘅豆苗，味道好清新。🔸️和牛棒 (配松露一口飯) $58推介～ 呢個和牛棒必點～ 和牛勁多汁，牛味濃郁，蛋汁再配黑松露，白飯令口腔充斥住黑松露香同蛋香，好有驚喜。 🔸️焦糖青蘋果鵝肝多士 $108見都幾多客人有點鵝肝多士，所以試下。鵝肝香滑，蘋果帶微甜微酸，配多士食層次豐富。 🔸️蒜香牛油酒煮蜆 $68蜆肉鮮甜彈牙，有牛油芳香，但略嫌湯底偏咸。 🔸️汁燒免治雞肉軟骨棒 $36雞軟骨彈牙，加上蛋黃蘸汁，濃郁而不膩。 🔸️牛油果豚肉卷 $28豚肉燒得香口，又食到牛油果 creamy 滑溜。 🔸️麻辣墨魚鬚 $22墨魚鬚爽彈，麻辣味道都幾勁，令人一食上癮。🔸️黑糖燒菠蘿 $20🔸️糖不甩燒湯圓 $22菠蘿加上黑糖燒，酸甜多汁，令餐飯好解膩。…查看更多

將軍澳開左間新泰國菜，星期五晚約班朋友試試。先點啲前菜小食配啤酒🔸️沙嗲串燒(4串) $78雞、豬各兩串。燒得香嫩，沙嗲醬有濃郁花生香，惹味十足。🔸️鳳爪沙律 $88鳳爪彈牙，味道酸甜微辣，十分醒胃。🔸️原隻燒鮮魷魚 $138魷魚肉質彈牙，鮮味突出。配上自家制醬汁，味道都唔錯。🔸️椰子雞湯 $108湯底香濃帶點微辣，椰香味突出，雞肉都幾嫩滑。🔸️泰式肉碎生菜包 $88生菜爽脆，但略嫌有點難包。香料層次豐富，肉碎微辣惹味。🔸️泰式燒牛柳 $138牛柳燒得剛好，粉嫰粉嫰，香氣撲鼻，配上泰式醬汁酸辣開胃。🔸️火山骨 $168十分吸精嘅巨型火山骨，朋友至愛。餐廳好貼心，提供手套，方便進食。排骨肉嫩，醬汁香辣刺激。🔸️椰菜苗 $88椰菜苗炒得爽口，帶有淡淡蒜香味。🔸️飛雞炒河 $88雞肉嫩，河粉炒得乾身不油膩。飲品方面都幾多選擇，除左啤酒，仲有雞尾酒。🔸️泰式莫希托 $68🔸️蝶舞可樂撻 $68🔸️夏日三重彩 $68🔸️凍泰式咖啡 $30🔸️單霞 $30🔸️象啤 $30啤酒清爽易入口，帶微微麥香，食泰國菜飲最爽飯後點杯凍泰式咖啡，咖啡極濃，甜度適中。飯後甜品當然唔少得，叫左幾款一齊試。🔸️芒果糯米飯 $68芒果幾甜，糯米軟糯，椰汁香濃，甜而不膩。🔸️椰汁雪糕 $58雪糕好幼滑，椰香濃郁。🔸️芒果蜜吐司 $68芒果幾甜，吐司外脆內軟。…查看更多

之前朋友推介過呢間 Odelice!，話啲野食唔錯。今晚經過海之戀 Odelice!，望入去環境雅緻舒適，入去試試。 餐廳裝修帶點優雅法式情調，氣氛輕鬆又有格調，真係超適合慢慢享受美食。叫左個晚市2人套餐 $558🔸️是日餐湯南瓜湯帶微微南瓜自然甜味，入口濃香細滑。🔸️餐包餐廳加左少少鹽係牛油上面，餐包常溫無烘但鬆軟，配上鹹鹹地嘅牛油，味道層次豐富。 🔸️法國Charolais生牛肉他他頭盤揀左法國Charolais生牛肉他他，牛肉質地鮮嫩細滑，混合香草味道鮮美帶點芥末微辣 。配上脆卜卜嘅多士一齊食，刺激味蕾。 🔸️香煎三文魚主菜揀左香煎三文魚，三文魚煎得唔錯，魚皮帶點香脆，肉質鮮嫩，多汁。蘆筍鮮嫰，配上法或酸模汁，味道清新開胃。 🔸️英國黑毛豬肩胛肉 +$45另一款主菜揀左英國黑毛豬肩胛肉，旁邊配上法式獵人汁，可按自己口味加入。豬肉肉質軟嫩，香濃多汁。個人認為唔駛蘸醬汁，已經好好食，更能食出黑毛豬味道。配菜仲有粟米芯、薯蓉。薯蓉好好食，綿密柔滑，一啖接一啖。  飲品方面，原來平日星期一至五 15:00至19:00 Happy Hour 有買一送一優惠，抵～ 下次要早啲黎。 🔸️Sparkling Peach Sunrise $65蘇打水加入蜜桃果蓉、士多啤梨果蓉、同檸檬汁，清新提神，蘇打水氣泡輕盈，爽。🔸️Melon Silk  $75椰子水加入哈密瓜同豆腐，淡淡哈密瓜香，豆腐增加口感，再加入白朱古力糖漿、唔錯。 🔸️法式泡芙最後甜品有法式泡芙，雲呢拿雪糕配上黑朱古力醬。泡芙酥脆輕盈，雲呢拿雪糕順滑香甜，黑朱古力醬帶微苦甘，完美結尾。 …查看更多

今晚同班朋友係衝住牛舌黎食燒肉。上網見到驚安燒肉商店好抵食，牛吞芯只係8蚊，8蚊，8蚊～ 大癲～ 我無打錯，你無睇錯～ 餐廳地方好大，除左梳化位置，多人的話仲可以包房。🔸️蟹肉蘋果沙律 $68沙律材料豐富，除左沙律菜，仲有甘筍絲、洋蔥絲、車厘茄、蘋果片，仲有蟹肉。蟹肉鮮甜，蘋果爽脆，味道清新開胃。 🔸️牛舌芯 $8勁大碟嘅牛舌芯，只係8蚊，8蚊，8蚊～ 真係超抵食。牛舌芯口感彈牙，鹽味適中，牛香濃郁。 🔸️極黑和牛牛小排 $126🔸️和牛三角腩 $178🔸️澳洲和牛友三角 $118🔸️韓風護心肉 $98和牛牛小排油花豐富，入口即化，肉味極香。 和牛三角腩肉質細嫩，脂香四溢，燒烤後特別多汁，好好食。 和牛友三角肉味濃厚，口感比較扎實，嚼勁十足。 韓風護心肉醬汁帶微甜，肉質軟嫩。 🔸️和牛壽喜燒 $98侍應會係客人面前即場用火槍燒，之後沾上黑松露蛋汁，牛肉入口滑嫩，再配上一小碗飯，絕配。 🔸️A4和牛牛板腱 $198A4和牛牛板腱好大塊，油脂均勻。侍應會幫客人燒再剪細細件。燒左一陣已香氣撲鼻，肉質細膩。 🔸️柚子漬雞肉山 $48雞肉份量都幾多，食落淡淡柚子香，甜甜地好開胃。 🔸️炸入味雞軟骨 $58🔸️炸九肚魚 $48🔸️牛油蜜糖日本蕃薯條 $48炸物熱辣辣，外皮酥脆，越食越上癮。 蕃薯條蜜糖甜香，薯香濃厚。 🔸️Sapporo生啤 $48買一送一好抵飲呀～ 同班friend食燒肉，一定要啤一啤。生啤清爽順口，泡沫細膩。 🔸️抹茶紅豆雪糕 $18…查看更多

抹茶控嘅我，今日揀咗呢間紅葉茶屋試下。餐廳地方唔算好大，以木色日本裝修為主。餐廳將最入位置分間開，內有三張枱係榻榻米座位，好有日本風。紅葉茶屋二人前  $488前菜有紅葉四點盛、龍蝦沙律四點盛有：刺身、芥末八爪魚、枝豆、炸蝦刺身竟然有3款咁多，三文魚、吞拿魚、帶子。刺身新鮮，細細件但都幾厚，可以俾我過下口癮。芥末八爪魚芥末味都幾重，好鐘意。龍蝦沙律都係前菜，但份量都幾多。龍蝦粒混入沙律醬，再配上新鮮沙律菜、洋蔥、紅黃椒，清新開胃。三文魚他他芝士脆片 +$20芝士脆片細細件，一口一件。脆片好脆口，芝士味濃，配上三文魚籽嘅咸鮮，好夾。紅葉松葉蟹味噌拌麵 鍾意食蟹嘅朋友，可以試下呢款主菜。拌麵連蟹蓋上枱，賣相好吸精。旁邊另上兩小碗，一碗蟹膏，一碗蟹肉。將蟹膏同蟹肉混合拌麵，蟹膏蟹肉令拌麵提鮮，碟邊灑上辣粉，可以按照個人口味，自行混入麵條內。牛肉壽喜燒套餐配有日本米白飯同麵豉湯，鍋裏有牛肉、豆腐、冬菇同雜菜。牛肉嫰，壽喜燒甜度調得剛好。冰忌廉抹茶拿鐵好好飲～ 抹茶拿鐵味道超濃郁，滿足曬抹茶控嘅我。抹茶甜品有五款選擇，好可惜侍應話當日軟雪糕機壞左，唯有下次再試新地甜品。鎌倉紅葉茶屋抹茶提拉米蘇 +$10Tiramisu用個盒仔裝住，面層鋪上抹茶粉。 入口散發啖啖抹茶味，忌廉好滑，蛋糕柔軟綿密。抹茶雲石紋芝士蛋糕  +$10芝士蛋糕抹茶味唔太濃，但芝士味重，都好食。…查看更多

星期六難得老公收早，可以一齊 lunch，今次搵到呢間位於 Life@KCC 嘅 Little Prince 意粉小店覓食。餐廳地方唔算大，裝修以簡約木系為主。但意粉選擇極多，餐牌上有14款可供選擇，而且係即叫即整。煙三文魚、煙肉、忌廉白汁意粉    $65煙三文魚份量都幾多，意粉內有煙三文魚、煙肉，意粉面仲將煙三文魚砌成一朵花，擺盤靚望落都開胃啲。意粉彈牙，忌廉白汁做得出色，好creamy。黑松露雜菌忌廉汁意粉    $65黑松露好香，味道唔太濃，所以無遮蓋雜菌味道。雜菌炒得幾香，唔同菇有唔同口感。忌廉做到好掛汁，令每條意粉都掛到忌廉汁。焦糖鮮奶咖啡  +$14榛子鮮奶咖啡  +$14咖啡跟餐落單好抵，就咁嗌杯凍飲要 $35/杯，套餐只需 +$14。 咖啡同奶比例剛好，焦糖咖啡亦唔會太甜。…查看更多

今日先發現原來香港可以係船上面食自助餐。因為有朋友會黎香港，所以上網搵下有咩景點，點知發現呢個洋紫荊維港遊「幻彩詠香江」海上自助晚餐。呢個維港遊極吸引，除左可以係船上面食自助餐，有 Live Band 睇，遊維港，仲可以上船上甲板欣賞夜景同 20:00 嘅幻彩詠香江。登船位置係北角碼頭，19:20 可以上船，所以最好早10分鐘到達登記，登記同時亦會安排好用餐座位。上到船就見到舞台前有個大舞池，感覺環境好有年代感，好有香港特式。入座後，隨即可以出去攞食物。自助區位置唔大，但估唔到樣樣都有。頭盤沙律、冰鎮海鮮、煙三文魚、壽司、熱葷、中西湯、甜品、咖啡茶、汽水、啤酒任飲，仲有童年回憶嘅杯裝牛奶公司雪糕。冰鎮海鮮有青口、凍蝦、小龍蝦、黃金螺。凍蝦新鮮彈牙，黃金螺勁大隻，肉厚彈牙。煙三文魚、凍肉腸味道唔錯，凍燒牛肉有點乾。先食左一輪海鮮同頭盤，已差唔多20:00 有「幻彩詠香江」睇，於是上左甲板欣賞。甲板係可以隨時上去，因為用餐時間可以去到 22:00，所以可以慢慢食。如果食得飽，可以隨時上去吹吹風，影相睇夜景。湯有兩款：金湯竹笙素翅羹、粟米雞茸忌廉湯 西湯比中湯好飲，好 creamy。熱葷方面，款式都有十多款選擇。燴牛尾、泰式辣汁煮青口、時蔬同墨魚餅味道都唔錯。甜品芝士蛋糕，麵包布甸都好食。今晚氣氛好好，因為有外籍人仕生日，一大朋友共20人係船上面同佢慶祝生日。Live Band 歌手唱歌，一大班人係舞池共舞，引起其他人都無咁拘謹，一齊出去舞池跳舞，場面十分熱鬧。「幻彩詠香江」海上自助晚餐成人＆小童  三，四月都做緊 7折優惠成人折後 $378/位小童(2-10歲) 折後 $259/位有樂悠咭仲抵，買1送1折後 $270/位四位(或以上) 送鮑魚花膠*所有價目另收原價加一服務費日期: 2025年3月1日至4月30日時間: 19:20 - 22:00航行時間: 19:30 - 21:30…查看更多

今日朋友帶咗我哋嚟東港城食泰國菜，餐廳都幾大，位於商場轉角位置，以木色系為主。八點入座，已經差唔多坐滿九成。泰式四拼盤   $148拼盤有蝦餅、魚餅、春卷、雞翼。拼盤新鮮炸出，春卷炸得香口。蝦餅口感彈牙，配埋泰式甜酸醬，味道唔錯。魚餅加入香茅，每啖都充滿香茅味道。串燒拼盤(6串) $98拼盤有雞、牛、豬，每款有2串。串燒燒得剛剛好，食落仲有肉汁。肉質本身已醃得幾入味，亦可配上提供嘅沙嗲醬一齊食。咖喱麵包軟殼蟹 $88麵包內裝滿咖喱同軟殼蟹，賣相相當吸引。軟殼蟹炸得酥脆。咖喱好香，味道唔太辣。麵包鬆軟，吸汁一流，每口麵包都充滿咖喱。泰式肉碎生菜包 $88生菜新鮮，泰式肉碎加入蒜同指天椒，炒得幾香辣惹味，辣得幾過癮。飛天炒通菜 $78幼身通菜，食落唔算太辣。泰式船湯河 $78船河足料，有牛肉片、牛丸、蘿蔔、炸豬皮。湯底帶微甜。牛肉比較有咬口，炸豬皮放上面，食落仲好好香脆。芒果糯米飯 $68食泰國菜，必點芒果糯米飯。芒果超甜，仲配熱辣辣嘅黑糯米同白糯米，糯米軟糯有咬口，滿足。另外，餐廳仲會送上桂花糕作為甜品，味道都唔錯，唔太甜。…查看更多

放假約朋友聚舊，係筲箕灣搵左間新開嘅居酒屋，一邊食串燒，一邊飲啤酒吹水，爽～ 居酒屋位於天后廟隔離嘅巷仔，餐廳環境舒適，牆身有好多黑板，寫上當日推介同是日精選。入到黎見到牆身廣告啤酒買一送一。正～ 串燒種類都幾多款式，價錢親民，食物質素亦相當唔錯。雞軟骨/2串 雞軟骨食落爽脆，好食嘅雞軟骨只要落少少檸檬汁已經好好食，配啤酒一流。紫蘇蘇梅醬雞/串 雞肉肉質非常嫩滑，燒完肉質仲好juicy～ 配上蘇梅醬，食落酸酸甜甜，好開胃。芒果雞肉卷/串 雞肉同樣燒得嫰滑juicy，芒果味唔算突出。露筍牛肉卷/串  牛肉燒得焦香，露筍好爽脆。豚肉茄子卷 豚肉卷住茄子燒，估唔到咁好食。一咬茄子汁湧出，配上豚肉食，唔錯。牛油清酒煮沙白 沙白無沙，隻隻都好厚肉飽滿，肉質鮮甜。安格斯封門柳 最後點左個安格斯封門柳，燒得剛剛好，肉質嫰滑，牛味濃郁，配上芥末，又係佐酒一流。Suntory  (White) 啤酒買一送一，真係好抵飲。…查看更多

朋友好鍾意食酸菜魚，今晚揀左魚你相聚試下。七點到達，門口已經開始要等位，但等得唔算耐，約5-6分鐘就入得。餐廳地方唔算好大，有少量卡位。大盤酸菜魚  $268呢度有四款魚可以選擇：鯛魚片、鱸魚片、生魚片、龍利柳。而湯底就有三款選擇：老壇酸菜湯、藤花椒酸菜湯、檸檬酸菜湯。我哋今晚就試鯛魚片檸檬酸菜魚。大盤酸菜魚估唔到真係咁大盤，超出我地預期。套餐仲包2個主食，主食可揀薯粉/白飯/米綫。入面除左有酸菜魚、馬鈴薯、萵筍、豆腐、豆腐皮、大豆芽、娃娃菜、金針菇、海帶仲有闊薯粉，好足料。朋友唔太食得辣，檸檬酸湯辣度剛剛好，仲有淡淡檸檬酸味，清新開胃。鯛魚片口感爽脆鮮甜，檸檬湯底無蓋過魚嘅味道。大大片薯仔片，娃娃菜好吸湯，其他配料份量亦多。花膠濃湯雞煲 $75套餐同樣包一款主食，花膠雞湯底濃厚，有少少黏口。花膠就唔多，有兩塊。但雞肉份量足夠，仲有娃娃菜做配料。以一人餐黎講，都抵食。熱柚子蜜 +$7凍檸檬茶 +$5…查看更多

臨近過年真係好忙，大大小小家務同執屋，無飯主婦又有籍口唔煮飯喇～ 今晚想食燒肉，於是黎到九龍灣濟州燒肉食堂。入座後，侍應即送上前菜，前菜有：小蕃茄、海帶、芽菜、泡菜同醃蘿蔔。而爐邊蛋同粟米芝士，就係無限添食。品味濟州響宴   $498套餐有豬肉、雞肉、牛肉仲有湯，真係啱晒樣樣都想試嘅人。花捲五花肉侍應先將一塊細鐵板放係圓形鐵板上，細鐵板係用黎專門燒花捲五花肉。一大片薄薄嘅五花肉，稍為煎下已經好甘香，食落肉嫰唔油膩。韓式豬肋骨豬肋骨用韓式醬汁醃過，味道偏甜。豬肋骨燒出黎油香十足。燒到外層焦香，食落卜卜脆，好香口。安格斯牛外群肉之前食過呢度嘅安格斯牛外裙肉，好好食。因為見套餐有呢款，即刻揀左呢個餐。外裙肉係牛肋骨下嘅腹部肌肉，食落有咬口而且牛肉味濃郁。蘋果梨汁雞肉雞肉用左梨汁醃制，醃得入味。雞肉味道甜甜地，肉質嫰滑，食得出有梨嘅香甜。壺漬大牛肋骨將牛肋骨放入裝滿秘制醬汁嘅陶土壺內醃製，帶出牛肋骨嘅甜味，有入口即溶感覺。薯仔排骨湯 每次去韓國旅行，薯仔排骨湯係必點菜色。排骨大大件，煮到超腍，入口輕輕一咬已經分開，湯底濃郁。冬天飲番碗，即刻暖晒。花蛤刀削麵  $110花蛤刀削麵好足料，花蛤份量算多，食落鮮甜無沙。除左花蛤仲有青口。刀削麵口感爽彈，湯底有花蛤鮮甜味。泡菜豬肉湯刀削麵  $106刀削麵口感爽彈，泡菜唔算辣，豬肉份量唔多，但醃得入味，配埋蛋絲紫菜，滿足。生菜籃 $38梅子青檸梳打 $32柑橘鮮橙 $42食燒肉飲番杯凍梳打，爽。…查看更多

今年聖誕節唔係香港過聖誕，於是提早同老公食聖誕大餐。今晚揀咗位於銅鑼灣一期嘅韓雅林，因為想食醬油蟹，朋友介紹呢間餐廳嘅醬油蟹味道唔錯，所以黎試試。電梯門一開，餐廳門口已經擺放咗聖誕樹，好有聖誕氣氛。餐廳都幾大，同樣充滿聖誕佈置 ，而且座位寬闊。今晚六點已入座，餐廳未算多人，所以侍應安排靠窗卡位俾我地，用餐環境好好，坐得好舒服。餐牌選擇種類頗多，餐廳仲有韓國侍應，進餐期間，亦有兩枱韓國客人用膳，感覺好似去左韓國傳統餐廳。落單後，侍應送上7款前菜。前菜有2款泡菜、茄子、薯仔、菠菜、大豆芽、豆腐。醬油蟹＆牛油飯  $280侍應將蟹蓋裏面嘅蟹膏，放入牛油飯內攪拌。蟹膏鮮味濃郁，牛油飯內有生蛋黃同紫菜碎，令每粒飯充滿蛋香同口感滑溜，加入紫菜碎，絕配，食一碗真係唔多夠喉。餐廳好細心將醬油蟹分成兩份，亦有手套提供。醬油蟹爆多膏，鮮橙色肥美蟹膏，令食欲大增。蟹肉鮮甜，醬油唔會太鹹，食落仲有提鮮嘅作用。朋友無介紹錯，味道真係好正宗，好貼近當地食到嘅味道。烤五花肉  $180餐廳有侍應會幫手燒烤，可以一邊食住前菜，一邊等食～厚切五花肉，成個烤爐咁長，侍應燒好後，會將五花肉剪成一片片。五花肉油脂分佈平均，食落口腔有豬油香，略嫌煎得唔夠香口。烤雞肉  $140雞肉醃得好入味，味道帶微甜，燒得剛剛好，嫰滑有肉汁。牛排骨湯  $158牛排骨湯份量好足，湯偏淡，裏面好多件牛，肉質煮得唔會太老，食落啖啖肉。最後，侍應仲送上雪糕糯米滋做飯後甜品，滿足。…查看更多

觀塘工廈出名多好野食，今日同朋友黎呢區搵食，比我地搵到呢間好食嘅日式餐廳。餐廳位成運工業大廈， 好近地鐵站，幾容易搵。餐廳唔算好大，裝修簡約，牆上壁畫係日本富士山，好有日本風情。是日餐湯南瓜忌廉湯，南瓜湯香甜濃郁，湯上面放左脆煙肉粒，好香口。千層吉列豚芝士流心漢堡包配薯條呢個千層吉列豬扒係餐廳招牌菜，見到有幾枱客人都有點。上枱已好吸精，漢堡夾住嘅吉列豬勁厚身。一切開聽到清脆聲，裏面由有多層豚肉，咬落非常鬆脆且有肉汁，真係外酥內嫩。內裏芝士半溶狀態，再配上他他醬、新鮮蕃茄同菜，實在有驚喜。日式照燒雞排咖哩湯烏冬咖哩湯汁比較杰身濃郁，令到湯汁做到掛烏冬效果 ，食落口腔充滿陣陣咖哩香氣。咖哩味道帶點微辣，辣度剛好。雞扒用上日式照燒汁，肉質嫰滑。Yuruyurukuuki  餐牌上介紹係一杯飲得嘅TIRAMISU，期待～杯上面放左一塊手指餅，咖啡上鋪上薄薄一層可可粉，配上濃厚鮮奶同香濃咖啡，入口口感醇滑，飯後一杯又可當甜品食，唔錯。Unbloodymary無酒精嘅 Bloody Mary，有紅蘿蔔、橙、蘋果、提子同梳打水，味道清新。…查看更多

韓國過江龍炸雞店 Puradak Chicken 黎左香港，鍾意食炸雞嘅朋友話要去試試。餐廳半開放型式，空間感十足。半半炸雞 (無骨)  $238呢度炸雞有成11款口味咁多，望落款款口味都想試。因為半半炸雞可以揀2款口味，仲有無骨/有骨可選擇。瘋狂蒜香炸雞、秘製黑炸雞炸雞烹調方法特別，係採用先焗後炸嘅方式炮製，先焗將雞嘅油份逼出，再炸至金黃酥脆。炸雞外皮香脆，咬落肉質鮮嫩，內裏仲保存到雞嘅肉汁。 蒜香炸雞鋪滿香蒜，蒜香味幾出色。秘製黑炸雞醬汁帶點甜味，肉質同樣鮮嫰，韓式烤牛肉飯  $88烤牛肉飯用石鍋盛載，上枱時熱辣沸騰。烤牛肉飯仲有好多配料，有紫菜、翠玉瓜、雞蛋、甘筍絲、洋蔥、芽菜、香菇、菠菜。配上微辣辣醬，食落更加滋味。牛肉紫菜飯卷  $68飯卷有8件，飯捲配料有牛肉、醃蘿蔔、青瓜、牛蒡、甘筍、雞蛋絲，十分足料，食落層次豐富。青蘋果梳打  $28梨汁  +$7炸雞配冰凍青蘋果梳打，感覺清爽。…查看更多