cwssum的个人专页

想試咗好耐嘅拉麵小店作為港島人 呢間拉麵店真係唔易揾呀 都幾偏去到屯門轉輕鐵之後都要行多10分鐘唔識路 睇極Google中間都有條鴻溝就係屯門公路😂但係好彩趕得切做佢最尾一台客係9點之前到 10點收未到9點佢就last order啦但之後一直都keep住好多人想幫襯 間舖頭唔算大但坐滿晒人所以都排咗一陣隊佢哋有四款湯底嘅拉麵🍜/沾麵 魚介/黑油/辛肉味噌/海老 魚介沾麵就食得多 蝦湯少見啲🦐就最吸引我 所以同朋友都叫咗目測最多人叫嘅湯底海老 海老豚骨沾麵$88勁香~蝦油味~呀而且食到一半又唔會覺得好鹹好油膩個麵係冇得揀軟硬度但煮得唔淋好爽口 掛到湯 叉燒厚薄適中冇肥膏 蛋係偏流心既 不過美中不足既係冷氣同埋風扇比較勁 所以個湯好快已經凍咗希望可以改善下側邊原來有支果醋 但係食晒先發現 入邊有啲水果似係自家製 照燒口味雞件$25(原味/黑胡椒)原本睇到出面張圖 想叫黑胡椒但已經賣晒 原味都好食 食落唔怕油膩似係焗過呢度有多款日本飲品，桃汁啊蘋果汁可樂之類信州蘋果汁$20呢度嘅牆身係好可愛❣️係好有童真嘅粉筆畫 門口幾有日式小店風格而且佢個請人post寫員工有日語進修津貼 唔知係咪日本人開咖呢…查看更多

叫咗個招牌芋圓仙草同自選五款配料牛奶冰個芋泥嚟睇落得一球 食落去發現其實切左一半 珍珠又細粒 芋圓普通 更加係完全冇奶味 啲冰硬過舊石 用即棄餐具更加係整唔開布甸係普通嘅雞蛋布甸味 分別係$45同埋55 張枱又細 去對面食個飯仲抵…查看更多

一入到黎見到好多人都係食火鍋 但因為上網見到人介紹啲水餃好家庭式 有南瓜等健康食物 同埋啲點心造型好靚 但係去到嘅時候原來水餃冇咩選擇 因為我同朋友都鍾意食黑松露所以就叫咗個黑松露雜菌水餃但我哋都覺得冇咩黑松露味 個湯就幾好飲本身期望呢個女王叉燒會好啲 腌製得幾惹味 但可惜識落太多筋同肥肉 而且份量好少成餐最好味反而係個流沙包 其他點心都係普普通通 勝坐呢度環境靚 適合傾計而且兩個人都可以坐大枱 但食物就真係冇咩過人之處唔明點解咁多人讚…查看更多

叫咗個自家製蕎麥面配沖繩炸豬扒 下午時間但鋪頭都幾多人 前菜有粟米胡麻醬沙律 豬扒非常巨型 炸得啱啱好 不過就有小小肥膏蕎麥面好食 不過見好多人都係食緊熱嘅湯烏冬同蕎麥面 下次再試吓…查看更多

lunch有幾個餐揀 但係唔可以加錢轉特色咖啡 是日餐湯係甘筍湯 朋友唔鍾意而且都係要加錢 所以最後都係散比目魚配青豆 煎得還可以但係魚肉比較散海鮮意粉 份量好少幾啖食晒玫瑰同伯爵茶咖啡不錯 有淡淡的香味左邊係綠茶tiramisu 右邊係earl grey蛋糕 伯爵茶嘅藍色cream真係好靚 打卡一流 襯晒間鋪嘅顏色 唔係食用色素係用碟豆花做既 中間蛋糕亦都鬆軟 但中間嗰層伯爵茶cream個人覺得可以再濃啲 我同朋友都覺得綠茶嘅反而比較好食 可能因為面頭嘅綠茶粉都夠濃兩個人每人都食咗$255 而且環境都比較嘈 所以就未必會再嚟啦…查看更多

依間餐廳改咗名同改咗餐牌 試吓新包叫左最正常嘅蘑菇芝士牛肉漢堡 蘑菇同芝士好夾牛肉多汁香口 另一個辣雞嘅漢堡調味啱啱好 雞亦都唔會太乾 有番茄同沙律醬中和返好開胃咁餐可以沙律/薯條或者飲品 有驚喜嘅係沙律係有紫薯同埋胡麻醬 唔使成日都係普通沙律醬咁悶雖然係下午時間但鋪頭都好忙 漢堡即叫即整而且大份 粗薯條即炸夠熱…查看更多

外面的雞煲多數以麻辣為主 依度有芝士嘅就吸引左我過嚟一試啦店員吩咐我哋唔好郁佢 由啲芝士溶化 芝士份量非常多 望見都心動芝士味道非常入味 而且加湯都可以揀返芝士味道嘅湯 雞肉一樣嫩滑 之後其實都唔太需要用到調味料！但係響鈴就冇想像中好食 我同朋友都覺得口感怪怪地 而且手打肉丸食落都同出面急凍嘅唔太大分別 冇乜咬口 下次可以選麵吸盡芝士汁比較好 因為芝士味真係非常濃好似有個芝士河咁 竹蔗茅根不錯多料睇得出係新鮮煲地點方便 下次會再嚟試吓麻辣味…查看更多

兩個人去食每人最低消費要$150 原本只係諗住要一個細嘅燉雞同埋一個小食嘅我哋就要夾硬再嗌多啲嘢食完覺得佢個味道比較似香港既醬油 比較鹹 同埋薯仔都係得一件 同埋薯粉係闊身既但就唔太入味:(雖然鋪頭都好有氣氛而且係黃店 仲會一齊喊口號 但價錢上就覺得唔太值 個人覺得旺角另一間韓國燉雞鳳雛味道比較接近韓國另外叫咗個泡菜牛肉拌飯同椒鹽魷魚酥 不過不失 但係兩個女仔太多野實在食唔晒最後要打包 而且唔收現金同埋要拎錢落樓下俾實在唔太方便…查看更多

一入去已經見到有兩枱韓國人 店員有外國人韓國人同埋香港人 環境不錯唔太嘈叫咗一個大嘅肉食主義 貪佢又有牛又有雞 又有車厘茄中和返 但牛肉較少 同西蘭花焗左都唔乾 泡菜蛋黃醬幾特別 唔鍾意食泡菜嘅男朋友都覺得開胃轉咗做芝心批邊 更加滋味有一層甜甜地嘅粉 唔會太漏 入面亦都唔乾但之前食過番薯批邊嘅 都係依個比較有特色 下次應該都會揀返番薯或者試吓綠茶嘅…查看更多

本身去到鋪頭係下午茶時間 但店員主動同我地講而家午市改咗可以去到6:30 鋪頭亦有提供搓手液牛肉淋身 但湯有啲淡口冇咩紅燒嘅味道 雞扒飯都係一般較乾身最好味反而係飲品 芋頭鮮奶夠香芋頭味又有咬口珍珠奶茶都整到同出面飲品店一樣 …查看更多

門口見到有個肉躁飯好吸引就入左尼 點知原來晚市先有既 跟著就叫左個泡菜豬頸肉漢堡包同薯條 跟一杯野飲 但原來勁細杯個包同薯條都係勁硬唔係脆！個包中間啲料都ok 但得個兩塊肉 啲薯條暖都稱唔上 一睇就知唔新鮮 茄汁都要問先俾 依個價錢咁完全唔值！…查看更多

今日經過買外賣返去食叫左生菜魚肉同喳咋叫完見到個檔口''不''緊野個阿叔隔離有隻老鼠驚;S生菜魚肉$19.比起平時貴好多:( 個湯底奶白色;但D魚肉好難食;冇味;咬落去都唔知食緊D咩另外喳咋$15..幾好味.幾香芋頭好小下次考慮下幫唔幫襯:(衛生好差!!!…查看更多