為食豬小倩的个人专页

今日朝早去左動漫節，之後係灣仔5點半打電話去荃灣五月花到book台，打算去食啦，有個女仔聽，我就同佢講我話我book兩位6點半，佢話好呀，貴姓留電話咁樣，之後，我問佢幾錢?佢話139，9點前book台有9折，因為我知道既係平時唔會有9折，我就問多佢一次，9點前book台有9折呀???佢話係呀!!(仲要夾d嫌我煩既聲音)咁人地都嫌我煩仲乜鬼仲要問呢，我就收線啦!!!我同我男朋友飛奔由灣仔去荃灣，到左樓下，我地同前面有個女人同一部lift入，佢in先，個receptionist就話過左6點半，跟住我就同個女人就話，我個鐘未到喎，我男朋友果時都好好氣，諗住入去食149未149囉，都無辦法o架啦，因為係自己遲左麻!!但係之後我再問佢係唔係9折，佢話無，我就火都黎麻!!!O曬咀，個女人就見左個男經理黎，呢個咁既男人一d都唔識得點同客人溝通，講既只不過係一大堆廢話，之後有另外一個女經理出黎，呢個個樣係串d，但係佢起碼識得點對付d客，最後，我無食到，女經理比左張20蚊既野比我地...無用啦...我唔會再去....…查看更多

本人是第一次吃打冷野食，係我心目中以為打冷只有凍食，原來唔係。今日我同男朋友同阿媽去左呢到食野，先先黎左個花生，好鬼"趣"!!!我地叫左一個"老"水拼盤及西蘭花炒魷魚，一碗飯，兩罐可樂。"老"水拼盤好大碟，D雞"神"好"林"，其他野都好入味!!!西蘭花炒魷魚既魷魚亦都係好"林"，西蘭花就好甜...但係就硬左少少。埋單128，抵!!!但由於我阿媽係食左野先黎，所以平均數唔可以計佢!!…查看更多

呢個大眾燒味，係葵芳係老字號，我細細個已經開始食佢啦!!!呢到最出名既係叉燒，軟硬度適中，我平時唔會落佢果d汁既，因為留有佢既蜜汁味感覺仲一流，至於燒肉，都係一流!!…查看更多

通常去福好我都係去打邊爐，但今次就同d親戚去左食晚飯，呢個既晚飯，好抵食，好大碟。可能因為我地叫既野都唔係話d咩貴野，所以做工就唔會話有咩難道掛???不過呢到既服務態度就真係劣劣劣劣呀!!!!!!但係由於係屋企附近...所以都唔會話唔去既!!!…查看更多

在樓下已經聞到韓食家既燒肉味道，不得不上去一試.....自己燒下燒下，感覺都不錯...味道也很好!!!材料也很新解!!!但如果咁既價錢，咁少既份量，我又會考慮一下先....服務態度亦都不錯!!如果三五知己想吹水，呢到都係一個唔錯既選擇!!!…查看更多

行過有人夾左我入去呢間野到食，本身係去小雨天，但無位，咁未事但入呢間野到食，唉...早知等下小雨天啦!!入到去環境麻麻地，但好彩有電視睇，叫左個湯飯，肥淋淋，好似有層油係面咁，好難食，d料又唔新鮮，仲話d餃子出名，又細隻，粉又厚....但算點我一定唔會再去呢間野到食。仲有果到d侍應，嘩...唔知係邊到出黎o架，d粉幾尺厚，好影響食慾呀!!!!…查看更多

食過小雨天好多次，想寫寫佢既食評。我好多年前開始食呢個小雨天，好好味，由其係佢辣辣地..可能我鐘意食辣野啦!!!我通常叫既中辣，飲埋d湯，香噴噴....好味道呀!!!!最抵係7點鐘都仲係下午茶，有野飲送!!!豬骨湯麵既豬骨味好濃，但d豬骨我嫌佢唔係太夠"林"，如果再"林"d會好d。…查看更多

七點鐘到一去到就有位，可能果時未係食飯時間啦，坐低就開始點野食，由於我同我男朋友每樣野都想試少少既關係，呢到真係好，因為你可以自己寫有幾多人，之後要幾多野食，就好似剌身為例，我可以叫一片試下，我叫一片佢真係黎一片，好得意!!d食物好新鮮，熱既真係熱啦啦咁...正!!!我想提提個沙律，通常係出面食唔會真係凍冰冰o架麻，呢到係凍冰冰o架!!!令到你為口大開!!不得不提既係d侍應，佢地個個都係四萬咁口o架，d service真係好好!!!!但係時間只得個半鐘就少d，但係佢會提你last order既。仲有一樣唔係咁好既就係佢d炸物，我覺得唔夠"趣"，但係佢又唔係林既。我會再去!!仲有一樣野係個toilet都算乾淨，但唔好諗到佢好大好舒服果d，女人街大得去邊呢...…查看更多

一流的炸魷魚鬚，但必須要"銬"住新鮮出爐才正。因為此時就會熱辣辣，趣"扑扑"，味道有岩岩好!!!我最鐘意係佢大大包，一包就夠一餐...哈哈...(其實只不過係因為炸物，好"流"既關係姐)…查看更多

本人是在附近返工的，每次行過此店也會驅使我入去。原因是此店的酸辣味實在太太太太香啦!!!!今天，是此店農曆年後第一個工作天，我初五已經返工，一向我也知道此店不會太早開市，今年也不例外，在初七時，我的心已急不及待去看看開市沒??怎料原來要初九才開市。又要多等兩天!!今天，我終於可以去食啦!!!平時12:30都開始多人，但今日人特別多，不知道是否因為第一天開市呢??我足足等了半個鐘!!!我是外帶的，回公司後，一開...嘩....很久不見的中辣，看噴噴...!!正!!!但由於始終都是酸辣，我用了半個鐘才吃完這碗麵，剛剛又要開始我下晝的工作了!!我最喜歡就是那種辣味在胃裏，整個下晝也在燃燒!!!正!!荃灣的以前也常吃，但我覺得現在大不如前!!看回食評，我下次看來一定要試試腩肉呀!!…查看更多

好多時都會去呢到食晚飯，因為覺得佢鑊氣夠，味道又唔差!!!煲仔飯係一個極之唔錯既選擇，不過有好多人ORDER，所以要快手D，ORDER左煲仔飯先至諗其他野食，如果唔係其他野食曬，煲仔飯都未到!!!…查看更多

行過葵芳區附近，無咩食甜品既地方，有日男朋友帶我去黎孖記，去了第一次，就令到我成日都去呢間黎孖記食甜品。黎孖記有不同既甜品，那邊人流不算太多，但此店味道ok，而且款式也不算少，價錢也公道!!相比於新都會的滿記，我情願在黎孖記吃了!!至少黎孖記的人不會不停的追你吃完味而趕你走，有時可能只是想坐多一兩個字，黎孖記就可以讓你舒舒服服的坐多一會!!!…查看更多

我都唔明點解銅鑼灣會有d咁難食既鋪頭。貴又唔算太貴，因為係銅鑼灣，但如果唔好味而收呢個價錢我就覺得一d都唔值，仲想鬧有無攪錯。我同我男朋友一入到去無人招乎都算，自己搵位坐，但係坐係到差唔多十分鐘都人行過黎比menu我，有無攪錯呀?算...咁未問個waiter啦，個waiter係一個好無記性既人，果時已經唔多人，但係佢都可以唔記得呢樣唔記得果樣既!!睇完食咩就叫啦!!一個忌廉湯，一個羅宋湯。白湯"傑撻撻""一patpat"又唔熱。紅湯又酸又唔熱，難飲之作，未試過係街飲個湯可以咁難飲既!!之後，我男朋友個焗飯黎左，上面既"送"都ok，因為應該可能係現成買返黎之後就咁淋個汁上去，所以味道無咩，但係個飯就.......唉，米應該都幾靚，但係應該落多左d水，做焗飯之後又唔夠汁，難為我男朋友。差唔多就咁食白飯咁，好彩佢有炒底。我男朋友黎左個餐佢先同我講我個餐買曬，可唔可以早d呀?算算算，我再係menu到搵，但係我心已經好擔心d野難食，諗住搵d唔駛佢地點整既野就安全d啦!!最後叫了一個扒，豬扒+雞扒。豬扒好似一個木咁硬掘掘，雞扒只係唔係好滑(我心已經好開心啦!!)個汁就千祈唔好諗，唔知點解酸既，難食!!!最後叫野飲，凍朱古力及凍杏仁茶。凍朱古力無咩點ok啦，杏仁茶就淡而無味，好似飲緊水咁，唉，我同男朋友都是是但但食左就算啦!!走人，以後未攪我，一定唔會再試!!!!!p.s:我聽到好多野食都無既，之後仲叫左一對蠔，無，我聽到廚房同個waiter講，有幾個餐都係無。我又聽到對面台客order豬扒+雞扒，但係黎錯左豬扒+牛扒。個類似負責人既人無出聲，但拎住個餐企係前面，佢絕對無打算拎返個餐入廚房換。之後係客話算就放低個餐，咁既服務點得o架?…查看更多