shirley150995的个人专页

今日去咗旺角食放題，超級抵，$248加一可以任食兩個鐘，而且款式非常多，有刺身、壽司、手卷、炸物、串燒外，仲有榴槤、乳鴿、鮑魚等，榴蓮仲係任食🤤叫咗勁多榴蓮類産品，榴蓮千層好正，上面有一大球榴蓮肉🥰最開心係有勁多款式嘅甜品同雪糕，啱曬我呢啲甜食主義者🤣雖然呢度有唔同款式嘅甜品，但最吸引我嘅都係雪糕🍦有Häagen-Dazs、Movenpick、雀巢、韓國品牌雪條等等，估唔到呢度Häagen-Dazs竟然有開心果味，超吸引🤤…查看更多

之前成日見個fd好鐘意買FreshFresh Bakery話好好食，見佢咁推薦，今次經過見到就買黎做晚餐試下😋 第一次行眼花瞭亂，真係好多産品，樣樣都想食，最後都忍咗手淨係揀咗4️⃣樣🤭藍莓麻糬波波包好足料，第一次有見啲餡多過包😂麻薯布丁好滑，煙煙韌韌嘅口感好好咬☺開心果鬆鬆酥係季節限定産品，最鐘意豆腐芝士蛋糕，豆腐味好香濃，餅底又唔會太硬🥰 終於明白點解個fd咁鐘意食啦，真係好食得黎又抵，以後我應該都會成日買😂😂…查看更多

今日喺土瓜灣睇完裝修材料，行到有啲攰，見到「有間茶記響附近」個招牌幾搶眼，就入去醫肚。茶記裝修簡潔，卡位夠闊落，冷氣又夠涼，坐低即刻舒服晒。伙記大叔好熱情，見我睇餐牌睇咗一陣，主動過嚟介紹招牌菜。必試嘅鮮菠蘿拔絲咕嚕肉真係有驚喜！咕嚕肉炸得金黃酥脆，外層掛滿酸甜汁，拔絲效果做到啱啱好，拉絲得嚟又唔痴牙。新鮮菠蘿清甜多汁，中和返油膩感。雲吞雞煲份量十足，湯底清甜冇味精，雞肉嫩滑，雲吞皮薄餡靚，咬落仲有蝦米香。最正係紅燒頂鴿，皮脆肉嫩，醃得入味，連骨頭都索晒味，食完仲想encore！飲品叫咗杯凍檸水，檸檬夠新鮮。埋單四百蚊有找，以而家物價來講算合理。呢間街坊茶記雖然唔係咩高級餐廳，但勝在食物有鑊氣，服務有人情味，下次嚟土瓜灣一定會再幫襯！特別推介俾鍾意食地道小菜嘅朋友，記得要試吓佢哋嘅招牌鴿同咕嚕肉！…查看更多

之前去揾朋友玩嗰陣見到間cafe想試，不過當時太多人排隊，今次終於食到啦☺BBQ汁焗肉丸上面鋪咗成大塊芝士，啲BBQ汁夠多，唔使驚肉丸太乾👍青醬帶子Risotto用咗青醬冇忌廉汁咁膩，飯軟硬適中，帶子都好大粒，清甜彈牙😋紅酒慢煮牛面頰配薯肉份量比起係其他地方食嘅更大，啲肉勁嫩，入口即化，食到有紅酒味但係唔會太重，啱曬我呢啲唔鐘意酒嘅人😂薯蓉好滑，好鐘意呢種口感，另外仲有配埋燉菜👍麻糬窩夫揀咗配栗子蓉，最初見到半份仲嫌少，問點解冇全份，結果原來係用糯米整嘅，好煙韌，半份個份量真係啱啱好🥰薑味都唔會太重，仲有雪糕同啫喱解膩😄呢度啲嘢食整得好靚，特别係甜品，真係好啱打卡😉…查看更多

返工好攰突然好想食少少甜嘅嘢，經過又一城見到Arte by Padaria就買咗兩件曲奇🤤抹茶白朱古力開心果曲奇個組合好新奇，但係齊曬我鐘意食嘅嘢👍白朱古力淨係得上面嗰層，唔會太甜搶咗抹茶嘅味，抹茶夠濃，食落好香☺抹茶紅豆麻糬曲奇真係好鐘意食抹茶味嘅嘢，加埋一大嚿煙韌嘅麻糬好满足🥰麻糬份量唔少，差唔多咬每啖曲奇都會有，鐘意食麻糬嘅一定要試😋其實見到仲有好多味都想試，仲有慕絲撻同夾心球都好吸引，不過一下食唔到咁多，下次再試過…查看更多

男朋友鐘意食生蠔，特登揾咗間可以任食嘅餐廳慶祝周年紀念🥰 叫咗個二人任食套餐，生蠔同飲品任加☺沙律同主菜都好大份，完全覺得唔止一人分量，三式焗蠔係芝士，蕃茄肉醬同蒜蓉牛油，啲蠔幾大隻，最鐘意都係傳統少少嘅蒜蓉口味😋最正嘅係大富蠔雞尾酒拼盤，包括法國紅酒辣根茄醬、日本燒酌墨西哥黃辣椒醬同澳洲白酒牛油果檸檬莎莎醬味，大隻得黎又鮮美，仲可以任叫👍不過每人每次淨係可以叫3️⃣隻，想食得多就要不停落單啦😂 依家餐廳做緊半價優惠，$998兩個人就可以任食生蠔真係好抵，如果係星期五六黎仲有live band，仲可以點歌😉…查看更多

同男朋友去將軍澳海旁拍拖，發覺好多餐廳，揀咗間地中海菜試下🥰炸鷹嘴豆餅第一次食鷹嘴豆，就咁食味道好淡，點咗個汁就好好食，不過小辣🌶蝦肉TacoTaco即係墨西哥夾餅，好大份好足料，唔食蝦仲可以揀雞肉或者羊肉🐏羊肉塔吉鍋配古斯米塔吉鍋其實係尖盖鍋燴肉，羊肉好嫩好多，性價比好好👍而古斯米有啲似小米，配埋一齊幾好食😋其實睇住海景食真係好chill，下次應該要lunch time過黎，夜晚稍微太暗😂…查看更多

同屋企人睇完戲懶得再返屋企煮飯，就近揾間餐廳食就算，行過見到有幢大廈好多人排隊，上網揾咗下，原來上面有間燒烤堂🍗見評價唔錯決定上去試下😚餐牌有勁多選擇，花多眼亂，好多嘢都想試但係又驚眼闊肚窄，落單都用咗唔少時間🙈嘢食上得好快，調味又冇太重，唔會過鹹，好啱我口味😋大力推薦雞皮墨魚滑同豚肉系列，豚肉牛油果🥑/露筍/荔枝卷真係超好食，雞皮墨魚滑外脆内嫩🥰除咗旺角，另外仲有5️⃣間分店分佈港九，下次想食都好方便👍…查看更多

年廿九去行維園年宵，行完就近揾咗間餐廳食飯🍽餐牌好得意，啲嘢食名好盏鬼☠行咗幾個鐘好餓，最後叫咗個小食，兩個主菜，兩杯飲品同甜品🤤手撕雞揀咗黑松露口味，都幾足料，松露味好香☺黑松露野菌Pizza真係好鐘意黑松露，明明小食已經有都忍唔住要叫個pizza😂上面鋪咗雜菌同火箭菜，pizza係薄脆底，好好食👍大蝦海鮮意大利飯茄汁夠濃又唔會過酸，海鮮份量好足，大蝦夠曬彈牙🦷今日咩心情❤甜品名好得意，睇名唔知係咩，要落單嗰陣問咗先知係豆腐芝士蛋糕🧀食落好滑好濃豆腐味，上面仲有少少芝麻粉，好夾😚話梅柚子梳打柚子蜜落得好多，個味好突岀，但係都飲到話梅味，不過我唔鐘意飲太甜嘅，下次都係叫少柚子蜜🙈山渣果肉玫瑰花茶飲到少少山渣嘅酸味，玫瑰花好香🌹總結: 啲嘢食幾好食，裝修有種復古feel，好啱去打卡…查看更多

過年又係時候換下嘢，同媽媽去德國寶睇厨具嗰陣，見到入面竟然有間Cafe，行到攰就試下個下午茶😂 呢個「新春熊貓 茶韻套餐」有7️⃣款精緻嘅茶點，以得意可愛的熊貓襯托，仲有養生桂圓紅棗茶，飲落好清甜☺ Cafe入面仲有表演，一邊食嘢一邊聽歌真係好悠閑，下次如果仲要買嘢，早少少岀黎試埋啲主食先😌…查看更多

近排返工太辛苦，要食餐好嘅補嘗下，決定食個$680/12道料理Omakase。今次似乎主打海膽，有好幾道都有海膽，但係新鮮唔腥好啱口味👍 前菜青瓜少辣，蕃茄落咗鹽調味，仲有樣唔記得咩名，食落似發菜嘅嘢😂 生蠔配海膽三文魚籽生蠔好滑，新鮮冇腥味，但係沙律菜係底吸曬啲酸汁好酸😣 刺身有拖羅，海膽同帶子，全部都好鮮😋 炙燒鰻魚最中餅配池魚壽司，柿餅，正常發揮。 海膽三文魚子蛋雖然上菜岀緊煙但温度啱入口，味道淡，冇落多調味去整👏 南非鮑魚配瀬尿蝦鮑魚唔韌，食到有海水味。 天婦羅有南瓜同紫蘇葉包帶子，帶子超大粒，咬開嗰陣有汁流岀黎💧 鵝肝多士平時怕腥好少食鵝肝，不過揀咗食Omakase都試下。熱食冇想象中咁腥，再加上士多啤梨稍微解咗少少油膩，幾好食，多士都好脆🍞 燒龍蝦起咗嚿肉仲大過我手掌，又彈牙，好抵食🦞 櫻花蝦飯，文甲魚湯個飯係釜飯，仲有少少菇係入面，食落好香🍚湯淡得黎又飲到清甜嘅味🍲 甜品香蕉卷蛋同黃豆粉厥餅，冇乜特别🙈…查看更多

約咗朋友食飯，好耐冇食過韓燒，上網揾咗下，見到旺角嘅韓燒大叔唔錯，食完仲可以行街😌呢間餐廳係韓燒自助餐，俾QR code自助落單，前菜小食🥬飲品🥤同甜品就自取😋餐廳主打6️⃣款唔同部位嘅安格斯美牛同澳牛，一坐低即刻每樣嘢都落一份先，試曬唔同嘅肉🐮落完單就去咗蔬菜區，有大量自選蔬菜同韓國小菜🥬🥬搭埋燒肉一齊食冇咁油膩，咁先食得多😂😂肉類之中最鐘意五花腩同豬頸肉，用生菜包住食真係好满足😋仲有餐廳自家製嘅泡菜唔算太辣，啱曬想食泡菜食唔到辣嘅我😂午市4️⃣人同行仲送韓國醬油食品，今次送咗醬油蝦好正👍…查看更多

上次見到朋友社交平台有畫碟甜品，特登問咗餐廳地址去試😌見到個海鮮拼盤餐好正，叫咗個二人餐試下☺黑松露牛肝菌蘑菇湯蒜蓉包好脆，不過蒜蓉味唔係太濃😗湯黎到嗰下就已經聞到好香松露味，比較濃稠，匀起會有少少拉絲🧀蘭王蛋素煙肉凱撒沙律個組合好新穎，好食但唔算特别🙈德國腸拼盤配薯蓉有紐倫堡肉腸，意式蔥油腸同墨西哥辣肉腸，三款都好食，最鐘意辣肉腸😋海鮮拼盤海鮮種類同份量都好多，好似食自助餐咁，雖然望落上面好多蒜蓉，但係因為大份，撈返匀唔會過鹹👍招牌甜品拼盤落單嗰陣會問要唔要寫字，唔係好諗到寫咩，就求其叫寫咗Happy Halloween就算😂揀咗兩款甜品嘅拼盤，焦糖無花果伯爵茶奶盖芝士蛋糕🧁睇個名咁長就知會試到好多味道，但係又真係會食得岀嗰隻味而同其他冇沖突，夾得幾好👍榛子朱古力脆脆嘅黑朱古力慕絲好香滑，不過食食下就覺得好甜🍫甜品可以寫碟同點蠟烛好啱慶祝生日，遲啲朋友1️⃣月生日可以帶佢黎😏…查看更多

隔咗三個月再黎，已經由人手落單變咗掃QR code自助啦，比起以前仲方便咗👍紫薯鮮奶飲落嗰下好香紫薯味，但係唔算太濃，唔知係唔係叫咗少甜嘅原因抹茶鮮奶加珍珠抹茶鮮奶冇特别轉甜度，但係唔算太甜，好啱我口味，口痕加咗珍珠，珍珠有咬口，但係因為自帶甜味，連埋抹茶一齊飲嗰陣有少少破壞咗個味，有啲後悔，下次淨飲抹茶鮮奶就算😢明太子煙三文魚意粉忌廉稍微多咗啲，少少盖過咗明太子嘅味，但係相對黎講冇平時食嘅明太子意粉咁辣另外有配三文魚籽，食到膩嗰陣食幾粒可以中和返，雖然呢個配搭嘅原意未必係咁😂😂德國脆豬手上次同母親大人講咗好食之後，佢成日心思思想黎食，今個月佢農曆生日，满足佢嘅願望。果然係有質素保證，都係咁好食，佢最鐘意嘅係冇豬騷味，皮又脆。有風乾爐風乾24小時抹茶紅豆卷蛋紅豆饀唔會太甜，切開見到啲cream黐得好實，但係入口好綿滑開心果巴斯克芝士味好濃，食咗抹茶紅豆卷蛋再食會覺得好甜…查看更多

收工去旺角食飯，随便揾咗間泰國菜，餐廳做緊promote，满$200就可以$1加小食，結果叫咗成$400😂泰式海蜇個酸辣汁似平時點豬頸肉嗰種，海蜇爽口👍泰式生蝦蝦新鮮彈牙，個醬同平時九龍城食嘅唔同，入面應該有香草，食落唔太辣，食完仲有少少甘香味留係口度☺馬拉盏通菜🥬通菜好爽口，覺得冇平時咁辣，但係男朋友話辣咗😂泰式燒豬頸肉🐷個邊燒得好脆好香口，有少少香茅味，燒得好乾身，唔會太油膩❤泰式乾炒河唔係平時食嗰種，係一大片河粉，有啲似陳村粉咁有韌性大頭蝦冬蔭功🍲酸籽做底煲嘅，加咗椰奶同花奶，冇咁辣，酸味突岀啲，隻蝦勁大隻，有成隻手掌咁長🦐另外食辣嘢就一定叫嘢飲，龍眼冰幾清甜，話係餐廳用圓肉煲嘅，珍多冰就普通冇特别😗感覺同九龍城嗰邊啲泰國菜差唔多，有返咁上下水準，但相對就腳同平少少😌…查看更多