E1177的个人专页

假日到西貢行吓，食咗個下午茶，點知食到一肚氣！一日去坐低，本身坐4人位，有其他人黎就叫我哋轉2人位，咁而家生意難做我哋都明嘅，店員態度都好，所以都接受。但之後有其他枱4人位走咗，無問我哋轉唔轉返過去或者俾張櫈仔我朋友擺嘢，佢攬住個背囊食嘢真係唔係咁方便，都算啦諗住茶餐廳無咩服務都無辦法。到點嘢食，嗌個下午茶，原來唔包嘢飲！冷熱都要加8蚊！叫咗瑞士汁雞翼配薯角同公司三文治，雞翼無咩味，個汁普通可入口，薯角口感極差！公司三文治嬲得滯無影相，但用料都好一般，配料都少。都最後俾錢，比原本自己計嘅貴咗，個店員指指上次一個牌仔，原來星期六日假期要加一！餐牌都無寫，而且一啲服務都無都好意思加一！Blacklist, 唔會再食，希望大家都唔好中伏..…查看更多

朋友收到張傳單呢度開咗間新嘅店食馬拉嘢，就約咗放工一齊過黎試下😋入到去嘅環境唔算大，但坐位好闊落，牆上仲掛咗啲好靚嘅畫，氣氛幾舒適，啱晒我哋，可以好好傾計。我哋叫咗個招牌怡保芽菜雞飯同娘惹參巴炸雞撈摻摻，本身想叫牛腩，但店員極推薦娘惹參巴炸雞嘅辣醬，就忍唔住叫咗試下🙈招牌怡保芽菜雞飯第一次聽呢一樣菜，但配合幾清新，口感多，薑茸好細，好味😋娘惹參巴炸雞撈摻摻本身都鍾意食摻摻，但撈嘅摻摻真係第一次食，油麵彈牙，米粉乾爽，炸雞唔會似出面啲好多炸粉，但最好味都係個辣醬，加分👍🏻最後仲有個隱藏餐單🤩 味道好好，食埋後已經好飽喇🙈下次再黎試下牛腩🙌🏻…查看更多