chuchu0114的个人专页

韓國留學時期最中意就係食Outdark🐔，好一段時間無返鄉下就黎香港嘅Outdark解鄉愁。黎到發現喺門口有得免費任影復古黑白相，之前喺韓國的店鋪都見過類似嘅影相機，等位嘅時候可以消磨下時間。再者，香港店嘅裝修幾乎係完全還原韓國店，連店員都係韓國oppa，真係特別有返咗鄉下嘅感覺🥹雙拼炸雞🐔選擇困難人士必點嘅雙拼炸雞，姐係韓國嘅半半炸雞，我哋揀咗醬油味及香蒜蜜糖味，仲另外加配了一串소떡소떡 (脆皮腸&年糕)。同韓國店一樣，除了炸雞仲有好多嘅配料，薯條、薯角同埋薯格，再加上炸雞嘅份量又多，非常大份。炸雞即叫即炸，外層夠脆內裡就夠晒juicy，唔會乾爭爭，幾時都覺得韓國炸雞世一，略顯有少許美中不足嘅就係兩款味道都係甜鹹嘅組合，但食落都唔會覺得太漏，因為另外有醃蘿蔔中和返。平時喺香港嘅韓式餐廳好少見到嘅脆皮腸&年糕串，係韓國常見嘅街頭小食，甜辣甜辣再加上腸仔同年糕都有烤過，外脆內韌，口感非常特別，推薦一試~辣炒豬肉 豬肉薄片再加上芽菜、洋蔥等唔同嘅配料，用韓式辣醬炒成嘅韓國家庭嘅家常菜之一，非常惹味，會忍唔住一啖接一啖，爐邊仲有泡菜、芝士粟米、脆皮腸同紫菜拌飯，可以配搭埋一齊食，同一款菜式有不同的食法。我哋仲另外叫生菜包，體驗正宗的韓國食法。海鮮蔥煎餅呢個有驚喜，平時好多煎餅都好厚粉漿又無乜配料，呢度嘅海鮮蔥煎餅一食就知唔同！薄薄嘅煎餅一食就食到滿滿嘅蔥同海鮮，而且煎到好香脆，配上醬油味道更加出色。飲品方面，我哋分別叫咗熱情果梳打、芒果梳打、Mojito梳打同埋西柚梳打。頭三款仲有爽口嘅蘆薈粒，口感豐富又清新，食炸雞緊係要叫返杯~埋單發現原來Outdark喺香港十週年，6月30日前只要黎食就有得抽獎，大獎係來回韓國商務艙機票，抽中就fatfat可以返鄉下😍😍！其他獎品都幾豐富，如果黎食記得要抽獎啊！🤭食到勁飽勁滿足，但埋單都唔洗$250一個人！…查看更多

泰式小食薈萃 (2人份量) $188選擇困難症必點，一次過試4款小食，我哋揀咗香茅雞翼、泰式蝦多士、炭燒豬頸肉同酸辣無骨鳳爪。最推蝦多士同埋炭燒豬頸肉，前者落咗原隻蝦一齊去炸，蝦仲要係爽嘅，又香口，有驚喜！相比之下，炭燒豬頸肉係冷盤，雖然一開始以為係熱食，但冷食突出咗炭燒香👍泰式椰子鮮雞湯🐔 $268趁親食泰國菜都會叫冬陰功，今次試下新嘢~ 同冬陰功用到嘅香料差唔多，所以味道好濃郁，同中式椰子雞湯完全不同。炭燒沙嗲手工雞串 $98雞肉好嫩，特製沙嗲醬微辣且味道濃郁。酒香火焰骨 $228上菜時會淋上酒再點火，真係名符其實嘅「酒香火焰骨」，打卡一流😍 不但啖啖肉而且肉質軟諗，食完一啖又一啖。泰胡椒和牛炒糯米河 $228本身擔心會好似乾炒牛河，但見到糯米河咁特別就叫黎試下🤪 比起港式河粉，糯米河更厚身更闊，食落更加煙韌，炒得好有鑊氣又夠味，值得一試。黑糖椰子雪糕 $68椰子味超濃郁，再加上黑糖醬、桃膠、啫喱、龍眼肉同埋椰子肉，口感豐富。Painting $78由橙、蔓越莓、桃、Lemonade、櫻花同蝶豆花茶調成，老實講唔會飲到咁多隻味，但整體好freshLychee Rose $58不會過甜，好清新~總結黎講，味道對得住價位，仲要環境非常舒服，高級嘅享受~ 有興趣嘅話記得book位，我哋平日夜晚去都好full~…查看更多

早排見到IG有推薦呢間嘅串燒，以低至$10串作噱頭，我同朋友梗係唔執輸黎試下佢！本身諗住試多啲唔同嘅串燒，每樣叫一串再同朋友share，點知原來$10-20區每串係需要2串起架~🥲鹽燒西班牙五花腩 $10/串好鹹好鹹好鹹！！！！🤨蜜糖燒菠蘿 $10/串🍍同朋友一致認為是晚最出色，菠蘿夠juicy又夠甜👍味噌松阪豬 $15/串一上菜嚇親，勁細塊肉咩事，同埋完全唔覺得有味噌味，食完都唔知自己食咗啲咩🙂鹽燒雞腿肉🍗 $20/串呢個冇乜記憶點，唔係好記得係好唔好食😂鹽燒鮮雞腎 $20/串咁樣$20一串我真係懷疑雙眼，勁細粒攝牙拿都唔夠！日式淮山(配世一蛋黃醬) $48第一次食炸淮山，外脆內軟，單食其實冇乜味，主要靠蛋黃醬調味~免治雞肉棒 (配日本蛋) $28上菜已經既攪個蛋，但佢凝固咗係咩玩法…… 呢個蛋真係唔得！🙃🙃鹽燒牛舌芯 $28個人認為都夠爽，但朋友嘅評價一般，不過牛舌芯黎講相對有少許薄🍆蒜蓉菜圃燒茄子 (微辣) $38不過不失~仲叫咗一杯Highball同冷泡白桃味烏龍茶，冇乜特別唔另外comment~整體黎講性價比非常非常低，串燒又細串又唔係特別平，$10串只係一個噱頭，份量已經反映所有，每人平均$250仲要食唔飽🙂🙂 唔推薦 ~🥶…查看更多

難得同母親大人撐檯腳，緊係揀返最就腳嘅地方，同埋滿足阿媽對泰國菜嘅渴望，所以我哋選咗泰Cool。其實之前都有試過佢哋嘅Lunch，但Dinner就係第一次來，都幾期待！☺️無骨鳳爪沙律阿媽嘅至愛，一上菜已經話咁大份嘅，份量真係相當可觀。鳳爪酸微微又辣辣地，夠開胃😋馬拉盞炒通菜通菜保持住爽脆嘅口感，而且炒得好有鑊氣，味道鹹香惹味，我哋最後忍唔住叫咗碗白飯一齊食，搭配米飯食真係一流！青咖喱雞🐔青咖喱雞味道濃郁，青咖喱嘅香味撲鼻而來。平時食咖喱雞最怕雞肉煮到太硬，但呢度嘅雞肉又大舊又嫩滑，完全冇失去肉質的原汁原味，當然少不了用黎撈飯食🍚蒜蓉包叫任何咖喱加$30就有蒜蓉包，香脆嘅外皮加上滿滿嘅蒜蓉，食落去真係好過癮，配埋青咖喱，索晒啲咖喱勁正火山排骨今次第一次試火山排骨，份量比我想像中多，有成六大舊排骨，每一舊都啖啖肉，肉質煮得非常軟腍鬆化，輕鬆就可以分拆肉同骨。整體黎講，晚餐都冇令我失望，下次可以再encore試其他菜式🤤…查看更多

朋友生日月決定帶佢食好西，二訪呢間阿根廷扒房~！☺️☺️Hanger 🥩今次叫呢個Hanger封門柳，揀咗medium，一上菜就見到非常吸引，外層烤到焦脆，而入面肉質勁粉紅。Even係用鐵板上，但肉質依然係好嫩好多汁~ 同之前一樣都有六款醬汁可以點，有honey mustard、BBQ醬、洋蔥忌廉同香草橄欖油等，可以一次過試到唔同口味，不過我個人都係覺得就咁食都非常不錯！Beef Steak Tartare前菜叫咗個牛肉他他，牛肉鮮嫩仲有另外加入香蔥，配埋魚子醬同醬汁， 再同烤到香脆嘅多士一齊食，令到口感更加豐富😚Chicken Alfredo🐔意粉煮到岩岩好，重點係仲要好掛汁同creamy，但又唔會話特別漏， 我同朋友2個人KO一盤完全冇問題，雞肉係用咗雞胸肉，最怕就係會乾爭爭同硬梆梆，但完全唔會，而且雞肉仲有另外落香草醃，所以食落係鹹香的~Gunner飲品方面，揀咗充滿薑味嘅Gunner，有Ginger ale, Ginger beer同bitters調製嘅mocktail，味道可以再濃啲會更加好~…查看更多

不嬲都中意周圍試下唔同國家嘅菜，周不時試下新嘢，生活冇咁悶😂Bookmark咗好耐嘅Bedu，今次趁要出城就約咗FD黎試下中東菜🤤安排咗bar枱位比我哋，位置都幾闊落，環境亦相當唔錯~ 雖然係週末嘅lunch時間，但好快就幾乎坐爆，所以大家記得book位~其實未黎之前已經睇好咗要食佢嘅Brunch set，even係weekend都有提供👍 Hummas Bel Laham & Pitta Bread 羊肉煙燻鷹嘴豆泥 & 中東扁包中東扁包真係熱辣辣新鮮出爐，店員教落可以直接點鷹嘴豆泥食，亦可以包黎食🤤 羊肉味道幾濃但唔會羶，鷹嘴豆泥夠軟綿，再加上松子仁同埋香草夠晒香，配埋中東扁包一齊食真係好正！其實本身望落好似會好漏咁但一啲都唔會🤪Fattoush Salad真係怕漏都唔緊要，有salad可以中和返😆 除咗平時常見嘅生菜、番茄、青瓜等等，最特別係有石榴粒，增加咗不少口感，而且特別清新~Scallop Ceviche 酸檸汁醃帶子檸汁醃帶子都係第一次試，帶子肉厚而且夠鮮，加埋青瓜同埋香草醬，口感豐富仲好開胃🫣Falafel 鷹嘴豆炸餅鷹嘴豆餅炸到好香脆，而且都幾紮實，配上醃芒果芝麻醬同松子仁香草醬，中和咗炸餅油膩嘅感覺~ 食到黎呢度發現，香草醬應該係中東菜嘅精髓，幾乎每一道菜都會有佢嘅出現，但意外地佢同每一道菜都好夾，個人幾中意👍 其實食到黎呢度已經覺得有少少飽，每一道前菜都滿滿嘅份量，性價比黎講真係好高Slow Cooked Lamb黎到主菜嘅部分，朋友選擇咗慢煮羊肉配香料石榴蒔蘿飯。薑黃飯唔會太乾或者太濕口感好好，薑黃適中，而且石榴粒大大提升咗成個飯嘅清爽，慢煮羊肉則非常軟淋，而且應該因為切走咗啲脂肪，所以羊肉雖然濃但唔會羶，如果怕羊羶都絕對可以入口。Chicken Lari雞腿肉煮到岩岩好所以肉質相對都幾嫩滑，唔會乾同硬，而且雞腿肉應該有提前醃過，所以好入味，再加埋蘿蔔鷹嘴豆蓉同不可缺少嘅中東辣椒香草醬，令到成個香味another level咁Chef Ali's Favourite Sorbet甜品部分揀咗sorbet，芒果味sorbet再配上多款生果，夠fresh唔會太甜~身為愛酒之人嘅朋友叫咗一杯House wine，酒嘅單寧同酸度較低，入口容易，果香味濃厚，帶有雲呢拿香味。朋友覺得幾適合女士或者少飲酒嘅人，佢仲諗住自己買返屋企飲😂總括黎講性價比真係好高，如果之後轉menu會再試🤤…查看更多

之前餐廳開咗冇耐我已經bookmark咗，因為見到佢係全香港第一間台式酸菜魚聽落好特別，仲要係一個人都可以食嘅酸菜魚好難得。雖然可以一個人食，但想可以試多幾款唔同嘅野所以就約咗朋友一齊黎try try佢~ 餐廳正中央有自助區，有洛神花同埋陳皮可以沖茶飲~總長酸菜魚招牌梗係唔會錯過，我哋叫咗for 1-2人嘅size，份量比我想像中多，除咗酸菜之外，仲有酸蘿蔔，提升咗成個湯底酸味嘅層次，酸酸辣辣係經典嘅酸菜魚味道~ 烏鱧魚片好大塊，而且夠嫩滑同埋唔會有腥味。海派蝦湯魚蝦湯魚真係第一次見，湯底一啖就飲得出濃濃嘅蝦頭同蝦膏味，除咗蝦之外，仲加埋各種唔同嘅海鮮，有青口、蜆、魷魚、帆立貝同不可缺少嘅魚，令到成個湯底更加濃郁。唔食得辣嘅朋友可以試下呢款口味~高雄甜不辣話明係台灣過江龍，佢仲有唔同嘅台灣小食，甜不辣$28嘅價錢但呢個份量好抵食！浪子鹹酥雞唔會好厚粉，而且雞肉嫩滑，做到外脆內滑。蜂蜜檸檬水 & 冬瓜檸檬茶食酸菜魚梗係要叫杯飲品，酸酸甜甜又夠大杯！紅豆仙草有幾款甜品可款，我哋揀咗地道台灣味嘅紅豆仙草，不會太甜而且清涼解暑。…查看更多

環境舒適，適合同朋友一邊飲幾杯一邊傾偈。炸三文魚皮第一次食都幾有驚喜，雖然係相對價錢比較低嘅食材，但炸出黎香脆可口，用黎送酒就fit😆法國N1斯朗生蠔🦪肉質滑嫩脆口同夠鮮甜，口感較淡相對會比較適合唔中意太濃味嘅人大名壽司定食🍱師傅特選兩貫有𩶘魚同燒真鯛，另外六貫有大拖羅，油甘魚，日本帆立貝，特大赤海老，汁燒海鰻，蔥本吞拿魚蓉。最值得一提嘅係，朋友一食就表示呢度嘅壽司飯非常唔錯，原來係用咗琥珀赤醋，酸度恰當味道唔會太搶。大拖羅油脂甘香，入口即溶同埋冇腥味；𩶘魚同燒真鯛煙韌有咬口；帆立貝甘甜；汁燒海鰻肉質嫩彈質感帶有油香。壽司定食會跟一份沙津 ，唐揚炸雞同埋三文魚頭湯。值得一提嘅係呢度連跟餐嘅湯都好用心，唔係平時常見嘅麵豉湯而係三文魚頭湯，一小碗湯但比足料，採用新鮮三文魚，三文魚味非常濃，仲要有豐富膠質，最值得讚賞嘅係煲到骨都淋，但肉質依然幼滑、緊實！姬路刺身定食中拖羅，真鯛，三文魚，油甘魚同埋特大赤海老，一上菜見到咁厚切已經心心眼。拖羅應該算係呢度嘅主打，不論係壽司定刺身定食嘅拖羅都非常出色，一擺落口都知係真材實料。中拖羅油香頗重，入口即溶而且魚味濃郁。真鯛肉質彈性十足，仲有另外提供柚子醋，白肉點酸汁更能夠帶出魚味。三文魚同油甘魚幾肥美，油甘魚尤其出色，不但油香重而且魚味係濃到喺口中停留咗一陣子；赤海老就好鮮甜同埋肉質夠彈~ 刺身定食會跟蕎麥麵（亦可以揀烏冬或飯）、沙津、茶碗蒸同埋三文魚頭湯😚 難得見到咁足料嘅茶碗蒸，有冬菇、蜆、粉絲、鳴門卷、蟹柳.. 好滑而且入口就食到海鮮味👍另外叫咗兩款我嘅摯愛🍣，火炙左口魚裙邊同埋海膽墨魚，前者肥大肉厚，好有口感，而且油脂豐富；後者海膽軟綿質感，入口鮮甜帶鹹香，而墨魚厚切，非常爽脆~久美之浦帶有哈密瓜果香味同埋微微嘅乳酸味，餘韻甘長而且帶有少許酸澀。溫熱飲用，味道層次更會提升，整體味道更出。…查看更多

水門雙拼炸雞飯選擇困難症人士最好就係揀雙拼，我每次必叫~ 今次特別加$10轉雞脾肉，皮薄冇乜肥膏，而雞肉就夠嫩滑，炸雞同樣做到外脆內嫩，點埋特製醬汁就更好食~ 性價比高之選！最值得一提嘅係水門雞飯仲會跟一碗雞骨湯，胡椒味偏重，係幾岩我個人嘅口味泰式炒通菜有蒜蓉、紅蔥頭同埋紅椒一齊炒，特別惹味！平時都係食水門雞飯多，估唔到呢啲小菜都唔錯秘汁泰式生蝦是日驚喜係呢個生蝦，夠晒大隻，食落啖啖肉仲要好爽口，再加埋個特調醬汁十分加分~菊花茶菊花茶冇得揀甜度，但甜度岩岩好，夏天飲夠fresh…查看更多

人見人愛酸菜魚（寬粉）我哋兩個人所以叫咗個regular size，辣度我哋就揀咗小辣，我見佢另外仲有個土豪版for 3-4個人，但呢個份量係足夠兩個人食有餘，魚肉同寬粉嘅份量都好多，而且魚肉鮮嫩，寬粉又有口感同索咗啲酸辣湯汁特別好食，如果再多啲酸菜就更加好。經典香辣鍋好耐冇食過麻辣香鍋，見應該係呢度嘅招牌菜，我哋都唔執輸~ 最少要自選5款配料，我哋叫咗肥牛、蓮藕片、土豆、金針菇同埋娃娃菜，一樣都係叫咗小辣，一上菜就見到好足料好大兜，啲配料索曬啲麻辣汁，食落好惹味！川式口水雞川菜經典中嘅經典緊係要try try佢，雞肉夠嫩仲要啖啖肉，配埋辣椒油同各種香料，食到停唔到口。檸檬蘇打 & 熱情果蘇打食辣野緊係要叫返杯野飲，夠fresh同解辣，唔會特別甜不錯！…查看更多

Banyan有多款signature烤餅可揀，我哋就叫咗Banyan，有多款配料份量十足，有紫椰菜、茄子、蕃茄、鷹嘴豆泥同埋黃豆餅，烤餅皮香脆煙靭有口感麥味重，配上呢個amba sauce帶有少許薑黃汁食落有啲辛辣嘅感覺，同埋有啲似咖喱味，成個配搭幾不錯！Cold Hiyashi Kelp Ramen我哋仲發現咗呢個special menu海帶冷拉麵，夏天食好清爽，最值得一提嘅係個豆腐，豆味香濃 煎釀豆腐質地軟硬適中，撈完唔會散，而個海帶冷拉麵幾特別，食落係爽口的，唔知呢個menu係咪期間限定黎，幾值得一試！薑黃鮮奶咖啡我哋揀咗燕麥奶，十分足料薑黃味重，飲到個底仲有薑黃，完全係健康之選~Mekong有西瓜、菠蘿同埋薄荷打成嘅果汁，一飲落就知係用咗好新鮮嘅材料鮮榨，雖然有返咁上下價位，但用料絕對冇吝嗇，開頭西瓜味重，中調帶有菠蘿清甜嘅感覺，同時加埋新鮮薄荷更能帶出夏日清爽感覺！…查看更多

之前每次經過都見到大排長龍，一路冇機會試下，今日行過難得地唔算特別多人，咁梗係把握機會試下佢啦~一坐低就見到呢度主打無味精，見到佢咁有信心show出黎瞬間信任度大增我同朋友一人叫咗一個主食share黎食，首先因為我唔係特別中意食牛筋，所以特別叫咗牛腱牛肋條麵，牛肉煮到好入味同鬆軟，同埋最重要嘅湯底我哋揀咗川味紅曉，味道岩岩好恰到好處，果然無味精係唔同啲另外就係麻辣乾拌麵，有辣度可選，我哋揀咗中辣但感覺可以再辣啲，不過我同朋友都特別食得辣唔可以拎我哋黎做standard呢個紅燒手打牛筋丸湯，湯底同我哋牛肉麵嘅湯底一樣，牛筋丸都幾有驚喜，好彈同埋幾有牛味~滷甜不辣最怕食果啲好似食緊麵粉嘅甜不辣，但呢度嘅食落好彈麻辣鴨血豆腐除咗麻辣汁之外，佢仲有另外喺上面加咗芫荽，令到成個口感豐富咗唔少冬瓜茶 & 檸檬冬瓜茶冬瓜茶最怕其實就係好甜，我哋一杯正常一杯少甜，正常其實都已經岩岩好，又解渴又清爽…查看更多

見二人餐好似幾抵食，包餐湯、前菜、main、甜品同嘢飲，有兩個價錢嘅set可以揀，我哋就叫咗$498嘅set🤪甘筍忌廉湯餐湯其實就冇點期待，但飲落口感綿滑，味道濃郁，比預期更好飲喎天婦羅魷魚鬚作為前菜黎講都幾大份，外層酥脆，內裏爽口，唔會炸到啲魷魚鬚過韌，加埋嗰醬一齊食仲惹味，食到停唔到口北海道帶子松露野菌扁意粉一上菜就聞到黑松露香，食落都有幾驚喜，好creamy而且啲意粉非常掛汁，食落啖啖都好濃味！而帶子唔係特別大粒，但食落都幾鮮甜美國安格斯肉眼牛扒🥩叫咗medium，外層煎到焦香，而內裡肉嫩同埋仲係粉紅色，平時好多時叫牛扒都會overcooked，呢個就岩岩好真係做到五成熟👍 佢另外仲有配焗薯同沙津，性價比幾高~日式芝士蛋糕芝士味唔係特別濃，正常發揮冰果茶茶味比想像中濃，但有啲太甜，可以嘅話最好叫少甜~…查看更多

行過比餐廳嘅外圍吸引咗💖原來係以黑膠唱片為主題嘅餐廳，再加埋整體木系嘅裝修，非常有情調✨黑松露薯條份量非常之多，同一上菜已經聞到濃濃嘅黑松露香，薯條炸到好香脆，點埋嗰滿滿Parmesan芝士碎嘅黑松露醬，十萬個邪惡但食到停唔到口🤤燒美國黑安格斯肉眼扒一上菜嚇親勁大塊😂 肉質嫩滑，雖然係肉眼但食落牛味比想像中濃，配埋法式伯那西醬濃濃嘅奶油香👍 配菜仲有日本南瓜、薑黃花椰菜同法邊豆，我同朋友平時其實都唔食南瓜，但可能因為採用日本南瓜比想像中甜！慢煮牛尾蕃茄貓耳朵粉去親西餐廳見到有貓耳朵粉都必定會嗌，牛尾用慢煮嘅形式，所以好軟淋，而貓耳粉煮到岩岩好，再加埋濃稠嘅蕃茄醬汁，我同朋友都覺得係是日最佳！Santé by 壞特?te以歌名命名嘅cocktail，非常之特別同符合餐廳嘅主題，用咗kettle one vodka同埋玫瑰花白茶做base，一開始唔係好飲到茶香，再飲就會慢慢感受到茶香，味道好有層次冰釀氣泡玫瑰花白茶🌹未飲都已經聞到玫瑰花香，飲落都係滿滿嘅茶香，岩晒好似我甚少飲酒嘅女仔…查看更多

屋企冇飯開，於是黎試下呢間茶記，雖然住喺附近但一路都冇試過，成日食黎食去都係果幾間，今次要試下啲新野🤣黑椒汁美國安格斯講真呢個價錢其實都唔expect有好出色嘅牛可以食到，但呢度嘅牛比問我想像中嫩😳 同埋呢度嘅份量都幾多下，牛又大塊薯條又勁多👍🏻 而朋友表示覺得佢個黑椒汁幾令人驚喜幾好食，同平時普通茶記嘅黑椒汁唔同，不過我自己覺得如果再辣啲就更加好~蒜蓉汁雞扒滑蛋包飯蛋包飯一樣份量好出色，大大塊雞扒而且飯又多，好彩朋友係大胃王，如果唔係可能會食唔晒😂😂同埋佢係真係滑蛋黎，唔係平時果啲炒到勁老嘅蛋🫢👍🏻我同朋友仲分別追加咗薯條同埋蒜香雞翼，後者真係好誇張，一咬佢仲標緊煙！飲品就正常發揮~…查看更多