yung115的個人專頁

滿屋大埔係一間主打日式放題嘅餐廳，食物選擇夠晒多，刺身、壽司、串燒、炸物、甜品樣樣齊 🍣🍤🍰。刺身新鮮，三文魚、油甘魚都切得厚身，入口滑溜唔腥 🐟；壽司款式多，有啲創意壽司都幾有驚喜 。串燒方面，牛舌、雞翼燒得香口，唔會乾柴，配埋啤酒一流 🍢🍺。仲有榴槤亦都不能錯過！甜品區仲有朱古力噴泉 🍫、多款雪糕 🍦、唔同類型甜品 🍮，啱晒唔同人口味。環境方面，啱朋友聚餐 👯‍♂️或者家庭食飯 👨‍👩‍👧‍👦。服務員態度唔錯 👍，而且上菜速度都唔錯，唔會等到傻 ⏱️！…查看更多

去左澳門既葡景軒食野，其中兩款野食，都幾好食！章魚沙拉好清新，章魚切得啱啱好，唔會太厚太韌，口感彈牙但唔難咬。配菜有亦好開胃，酸酸地好正，食完成個胃都醒晒，係嗰種你會想再叫多一份嘅沙拉。炙烤馬介休就比較有層次感，外皮微焦，帶少少煙燻味，入面魚肉鹹香但唔會死鹹，仲保留咗魚本身嘅鮮味。整體味道唔複雜，但好有質感，係嗰種簡單但做得好嘅菜。如果你鍾意葡式野食，呢兩款真係值得一試，葡景軒值得去試！下次去澳門必試…查看更多

今日去左達摩堂食，佢既裝修好有心思。我地今次試左壽喜燒二人前，佢既份量啱啱好，牛肉盛盒肉質鮮嫩🥩，落入甜甜壽喜燒汁入面，香味即刻爆出😋。醬漬螢光魷魚🦑同辣味帶子裙邊都幾好食，明太子雞翼好惹味，稻庭烏冬滑溜🍜，吸晒壽喜燒汁精華，食埋真係岩岩好！飲品方面🥤，荔枝梳打清新解膩，淡雪の莓甜而不膩，啱晒打卡📸好好味。甜品就一定要講下佢個朱古力鏡面蛋糕，上枱前真係儀式感滿滿✨！而且佢個畫花好靚，影相一流📷，味道都唔輸蝕，朱古力香濃但唔會太甜，啱晒鍾意高質甜品嘅人👍。餐廳裝修走日系達摩風🇯🇵，打卡牆仲有達摩神台同許願紙條，感覺好有儀式感。抽達摩小禮品🎁都幾有趣，成個體驗唔止食🍽️，仲有得玩🎉。午市優惠都幾抵💰，成班朋友黎食套餐買四送一就最啱，仲有單點壽喜燒/朴葉燒套餐都有79折📉，整體黎講，達摩堂係一間有心有趣又好食嘅日式餐廳，值得一試！…查看更多

同屋企人去澳門玩，見新馬路，有一間餐廳新開叫葡頌苑，佢主打葡國菜，見環境舒服，裝修有少少歐陸風，坐低就有種慢活感，所以就去試吓！今次試咗佢哋嘅酥皮蘑菇濃湯，酥皮焗得夠脆，湯底香濃但唔會太膩，啱晒秋冬飲。馬介休球外脆內軟，鹹香味夠，唔會太重口，配埋個醬幾好食。葡國雞係招牌之一，雞肉嫩滑，葡汁唔會太稠，帶少少椰香，配飯一流。整體出菜速度唔慢，服務員都幾有禮貌，唔會催你走。適合同屋企人或者朋友嘅聚會，感覺幾舒服！…查看更多

去澳門旅行，朋友極力推薦波爾圖葡撻，話係葡萄牙主廚親手整，用料唔馬虎。去到見到真係有排隊，心諗應該唔錯，就買嚟試下。撻皮真係超酥脆，咬落去有「咔嚓」聲，牛油香好濃但唔會膩，啱晒我呢啲唔鍾意太重口味嘅人。蛋餡用夢王蛋，滑得嚟又夠蛋香，甜度啱啱好，唔會死甜，食完都唔覺滯。藍莓千層蛋撻有啲果香， 藍莓醬不會太酸，配埋蛋餡幾夾，層次感都幾好。波特酒嗰款就有啲驚喜，酒香淡淡地滲出嚟，唔會搶味，反而令成個蛋撻有啲成熟感，幾有風味。總括嚟講，波爾圖葡撻真係有心機做，味道有特色又唔浮誇，值得一試，尤其係鍾意蛋撻但又想試啲新口味嘅人。…查看更多

🎓 阿仔畢業，👨‍👩‍👦爸爸媽媽表示好想同佢去食自助餐，今次去到六國食佢🦞龍蝦、鮑魚、花膠為主題既華麗盛宴自助晚餐！佢有3場表演環節都幾有睇頭：🕕 6:45 🐔有富貴雞，會邀請其他人一齊扑開佢，氣氛一流🍽️同時間仲有堂弄鮑魚鴨掌，師傅即場處理同講解，真係睇得又食得；🔥 到7:15時火焰雪山（單數日子限定）就真係打卡位，勁正！🦞 佢既龍蝦供應量十足，唔驚會拎唔到，又唔洗搶🤣 鮑魚亦都好食，花膠滑溜唔膩口，三款主打都夠晒吸引。🦆 片皮鵝皮脆肉嫩，🧀🍄芝士蘑菇焗蟹蓋香氣十足，🦪炸生蠔外脆內鮮，樣樣都好食！🍣 其他野食都選擇唔少，刺身呢啲一定有，仲有各式各樣既熱盤，🍜麵、🍰甜品、🧇窩夫、🍨雪糕樣樣都有，仲可以加錢飲埋佢個🥤野飲任飲，真係食完呢餐抱住個肚走！可以睇到阿仔成餐試左好多類型既野食！完全好岩佢食！…查看更多

位於銅鑼灣既高知城日式居酒屋，朋友介紹好抵食，所以咁岩今日去銅鑼灣整啲野，順手入去試下！🍽️入到鋪頭，店舖充滿日系裝修，感覺好舒服 。首先揀左醬油漬蘭王葱拖羅蓉丼，濃郁但唔膩，拖羅蓉入口即化，食完只想再嚟多碗 😋。🍜 牛肉烏冬浸喺高知鰹魚醬油湯入面，湯底鮮得嚟唔重口，牛肉嫰滑，烏冬煙韌，超滿足 💯。套餐仲配埋沙律🥗、煙薰卵🥚同味噌湯🍲，煙燻蛋充滿煙燻嘅味道，好香！另加午市有優惠，可以加生蠔🦪都只係 $10，性價比勁高 💸！📅 值得一提既佢依家星期一至六，午市「買四送一」真係抵爆 🎉，一於約齊朋友去試下 👯！…查看更多

君蘭冰室位於朗豪坊地鐵站直達，真係落雨都唔使擔心！而且佢食物選擇夠晒豐富，想坐得舒服，可以揀番冰室既食物，是日快餐、下午茶、晚餐等等。我今次試左佢既爆芝西多士，真係非常之邪惡，芝士控不能錯過！芝士爆多勁吸睛，又好食，而且打卡一流 📸！坐po埋個龍鳳可樂，解膩岩晒！經濟實惠兩餸飯，佢哋每日都新鮮煮十款餸菜，岩哂唔同口味既大家，兩餸飯平靚正，真係仲唔使煩今晚食乜 🍱。我就買埋兩餸飯同三餸飯返屋企食，咁就慳返唔使煮，超方便！仲有唔可以買埋麵包食，我就買埋第二日當早餐！呢一間君蘭冰室真係好方便，完全可以一站式解決一日三餐🤣🤣，超正！…查看更多

今日同Geffrin MegaBox玩完，緊係附近搵下野食，見到有間親子餐廳叫熊小館，咁就一於去試下！🍽️👨‍👧‍👦首先揀左個小熊堡套餐，安格斯漢堡配上特製醬汁，再加埋炸薯，一上枱個漢堡造型夠得意，Geffrin 好開心，已經急不及待想快啲食了！🍔🍟另外我地叫左鐵板肉眼扒，個鐵板上枱時熱辣辣🔥，黑椒汁幾惹味，生熟程度煎得都不錯，有驚喜！🥩✨而意大利鮮蕃茄肉丸意粉蕃茄醬偏清新，肉丸扎實唔鬆散，味道幾好！🍝🍅Geffrin 食飽時，又可以去餐廳既玩具corner玩下🧸，真係唔怕悶！🎈我見有包房舒服，坐得又鬆動，講嘢唔怕嘈住隔離枱，氣氛夠自在，真係有小型聚會一流！🥳🎊…查看更多

同屋企人去左荃灣燒烤堂食串燒燒烤，選擇有好多！🔥🍢首先係雞類串燒方面，三黃雞腿肉鹽燒得香口🐓，肉嫩多汁；赤雞頸肉帶少少咬口，咬落好香；麻辣雞心夠惹味🌶️；雞氣管煙韌又有汁，免治雞軟骨棒加上月見蛋更滑口🥚；雞皮鹽燒後脆脆地，唔會太油膩；雞腎都洗得乾淨，爽口無腥。牛同海鮮類，牛舌厚切唔韌🐮，咬落多汁有肉味🤤；和牛棒配松露飯相當滋味🍚，一口一啖幸福感💖；蟹肉芝士最中餅外脆內軟🦀🧀，芝士味香濃。飯包類同飲品，鰻魚炒飯香氣十足；檸蜜牛油包甜而唔膩🍋🧈，香草蒜蓉包鬆化有層次🌿🧄；飲品方面，乳酸系列清爽解膩🍓🍍🥤。整體感覺，燒烤堂串燒火喉控制得好🔥，品質有保證👍！…查看更多

小店環境座位舒適，坐下來不覺得擠迫。餐點的擺盤比一般茶記用心，為食物增添了幾分精緻感，適合打卡。菜單涵蓋了茶餐廳的經典選擇，從常餐到大排檔小炒應有盡有，更貼心地為長者提供八折優惠，體現了社區茶餐廳的人情味。一坐低即刻奉上三碗例湯，係霸王花煲紅蘿蔔$63的全日常餐真的很豐富，豬柳漢堡配薯餅份量實在，+$8便能選擇辛辣麵，配上火腿煎蛋和一杯港式奶茶，絕對能滿足一餐所需。$55的套餐則有沙嗲牛肉米粉、火腿煎蛋和牛油厚多士，物有所值。店內的招牌魔鬼西多士（$52）值得一試，外皮香脆內裡鬆軟，甜度適中不膩口。凍脆脆華田的擺盤也很討喜，是打卡的好選擇。服務方面，雖然店員忙碌，但態度友善有禮，上菜速度也很及時。作為街坊茶記，它提供的不僅是餐點，更是一種熟悉的日常 comfort food 體驗，在繁忙的都市生活中帶來一絲溫暖與親切。…查看更多

去將軍澳朋友屋企之前食吓嘢，所以去咗泰Grill試下佢地既holiday lunch menu手打青咖喱雞肉米線套餐，米線滑溜，配上濃郁嘅青咖喱，雞肉嫩口入味，食落好滿足，口感好豐富，好食！海南雞飯套餐，雞肉滑嫩，飯夠香，配上秘製醬汁味道更突出。🥢🍛牛魔王船麵湯底夠濃，有幾款牛，牛肉嫩滑，好有地道泰式風味。套餐仲可以揀冬陰功或青木瓜沙律，冬陰功酸辣醒胃，青木瓜沙律爽口解膩，兩款都好適合配餐。🍲🥗套餐可以加配食物，我地試左春卷，佢炸得香脆，炸蝦餅彈牙，椰汁糕則軟滑香甜，特別適合做飯後甜品。飲品方面，珍多冰夠清涼，甜而不膩；凍檸水則簡單爽口，食完辣嘢飲一啖特別舒服。🍹🍋泰Grill 食物好食，性價比高，值得一試！…查看更多

爸爸媽媽好鐘意打邊爐，今次去左九龍城瀛鍋食，真係岩晒帶住小朋友去！成家人一齊食飯更加開心！瀛鍋設有一大個play area，入面有好多個細廚房，啱哂小朋友玩，爸爸媽媽食火鍋都可以放心，等小朋友盡情投入遊戲世界，整個用餐過程輕鬆愉快。👨‍👩‍👧‍👦🍴野食方面，小食我地叫左椒鹽三文魚骨腩，佢炸得香脆！而三文魚刺身非常新鮮肥美！湯底方面，我地揀左鮮味卜卜蜆鍋蜆肉新鮮飽滿，湯底鮮甜且濃郁，加埋霜降肥牛肉，油脂分佈均勻，煮完嫩滑有肉味，真係非常滿足！🦐🥩其他推介包括美國桶蠔，味道鮮甜；手打四寶丸彈牙十足，鮮蝦水餃皇每啖都係蝦嘅鮮香；稻庭烏冬煙韌有嚼勁，吸滿湯底精華，非常滋味。整體嚟講，瀛鍋個play area真係好正！帶住小朋友一齊去絕對一流！而且佢亦都有獨立房間，所以如果誰有個寧靜獨立空間聚會，亦都可以選擇！…查看更多

屋企人話好想食炒辣蟹，朋友介紹咗去喜記避風塘炒辣蟹食，今次試咗招牌避風塘炒辣蟹同椒鹽瀨尿蝦招牌避風塘炒辣蟹係必試之一，蟹肉鮮嫩，外層炸得香脆，辣椒同蒜香味道濃郁，配合得好好。香脆嘅蒜粒食落去更加提升咗整道菜嘅香味，配埋飯真係一流！🦀🌶️椒鹽瀨尿蝦都好好，蝦肉彈牙，外皮炸得金黃香脆，椒鹽味道適中，食落去完全無油膩感。呢道菜啱哂鍾意食蝦嘅朋友，份量足夠，一邊食一邊同朋友傾下計，氣氛好輕鬆。🦐✨環境方面，餐廳地方寬敞，坐得舒服，服務亦都幾貼心。呢度絕對係朋友聚會或者家庭晚飯嘅好地方！👍😊…查看更多

好耐無食過omakase 喇！終於同朋友夾到時間可以拋夫棄子去食🤭🤭朋友揀左尖沙咀既花晨月夕食，不過因為我地太遲book 位，所以坐唔到吧台，只能坐遠少少睇住師傅整野食既房食！我揀左Omakase Sun 呢個餐⭐️先付：廣島蠔入口飽滿鮮甜，配埋醃製萵筍，一啖食落去，有酸香同鮮味交織嘅層次感。合桃小女子魚亦係不錯，配備醃製柑桔，佢鹹香之中帶少少堅果嘅脆口，作為整個omakase 既前菜，真係配合得好好！🦪🥗⭐️刺身三款：包括真鯛、鰹魚同三文魚子海膽杯！佢每款魚生都非常新鮮！其中特別驚喜係三文魚子海膽杯，入口即化，帶有濃郁海味，一啲都唔腥！⭐️御料理：鮑魚煮大根，佢嘅鮑魚香滑，搭配春菜更加提升口感層次。🐟🐚⭐️壽司九貫：包括青魚、地金目鯛、深海池魚、帆立貝、鮫碟魚魚邊、地夾、梳子魚、拖羅，每一款都鮮味突出。非常新鮮！最後一件係海膽加啖雪鹽同噴上食用金箔，層次豐富又奢華。⭐️吸物：七味蜆湯濃郁鮮味⭐️甜品：2款時令生果，作為一餐飯最後清味蕾，真係最好不過！總結，花晨月夕嘅出品高質又精緻，無論係味道定擺盤都做得好細膩，非常適合慶祝場合或者與老公共享美食嘅地方！👍😊…查看更多